Исаёс 15
15
Моа́во Явэ́ла Чхучо́ (Пусто)
1Ангилпхэныбэ́н пал Моавостэ. – Адя́кэ! Ратя́киро явэ́ла обчордо и хасякирдо Ар-Моа́во; адя́кэ! Ратя́киро-Кир-Моа́во явэ́ла обчордо и хасякирдо! 2Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода). 3Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва. 4Годлэла Есево́но и Елеала, зан лэ́нгири исын шундлы кэ Иааца#15.4 Дро Юды́тко оригина́ло “Яхаца”, пал лэ́ндэ лынэ́ тэ ровэ́н халадэ́ Моавостыр, ди лэ́скиро ґаздыя́пэ дрэ лэ́стэ. 5Ровэла миро ило́ пало́ Моа́во; праста́на лэ́стыр кэ Сигоро, кэ три́то Эгла, ґаздэ́напэ пэ Лухито роибнаса; даранэс годлэна пир дром Хоронаимоскиро. 6Пал-дова́ со пирияця́ тэ тхадэл Нимримоскиро пани́, вышутинэ фэ́лды, выхачия чар, нанэ зэлэныбэн. 7Пал-дова́ ёнэ исын ячаибэ́н барвалыпнастыр; со зракхнэ́ ёнэ – дова́ пирилыджана палэ рэка (лэнь) Аравиякири. 8Годлэна пир саро́ Моа́во кэ ме́жы, кэ Эглаимо исын лэ́скиро роибэ́н, кэ Беэр-Элимо исын лэ́скиро роибэ́н. 9Пал-дова́ со дро пани́ Димоноскиро тхадэ́ла рат, а Мэ лыджа́ва пэ Дивоно ишчо (инкэ́) нэвипэн-шчэрэн (левэн), пэ одолэ́ндэ, кон настя́ Моавостыр и яця́пэ пэ дая́ пхув.
Currently Selected:
Исаёс 15: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Исаёс 15
15
Моа́во Явэ́ла Чхучо́ (Пусто)
1Ангилпхэныбэ́н пал Моавостэ. – Адя́кэ! Ратя́киро явэ́ла обчордо и хасякирдо Ар-Моа́во; адя́кэ! Ратя́киро-Кир-Моа́во явэ́ла обчордо и хасякирдо! 2Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода). 3Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва. 4Годлэла Есево́но и Елеала, зан лэ́нгири исын шундлы кэ Иааца#15.4 Дро Юды́тко оригина́ло “Яхаца”, пал лэ́ндэ лынэ́ тэ ровэ́н халадэ́ Моавостыр, ди лэ́скиро ґаздыя́пэ дрэ лэ́стэ. 5Ровэла миро ило́ пало́ Моа́во; праста́на лэ́стыр кэ Сигоро, кэ три́то Эгла, ґаздэ́напэ пэ Лухито роибнаса; даранэс годлэна пир дром Хоронаимоскиро. 6Пал-дова́ со пирияця́ тэ тхадэл Нимримоскиро пани́, вышутинэ фэ́лды, выхачия чар, нанэ зэлэныбэн. 7Пал-дова́ ёнэ исын ячаибэ́н барвалыпнастыр; со зракхнэ́ ёнэ – дова́ пирилыджана палэ рэка (лэнь) Аравиякири. 8Годлэна пир саро́ Моа́во кэ ме́жы, кэ Эглаимо исын лэ́скиро роибэ́н, кэ Беэр-Элимо исын лэ́скиро роибэ́н. 9Пал-дова́ со дро пани́ Димоноскиро тхадэ́ла рат, а Мэ лыджа́ва пэ Дивоно ишчо (инкэ́) нэвипэн-шчэрэн (левэн), пэ одолэ́ндэ, кон настя́ Моавостыр и яця́пэ пэ дая́ пхув.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission