Выгиибэн 29
29
Сыр тэ Высвэнцынэн Рашан
1Ѓа́да, со ту́кэ трэй тэ кэрэ́с пэ лэ́ндэ, соб (кай) ту тэ высвэнцинэс лэн дрэ рашандэ Ма́нгэ: лэ екхэ́с гуруво́рэс (тельцос) гурувэндыр, и дуе́н бакрэ́н би дошэнгиро, 2и пресна марэ́ (маца), и апресноки, пиримешиндлэ елеёса и пресна марикля, помакхнэ елеёса: парнэ́ гивэстыр кэр лэн, 3и чхув лэн дро екх кхудо (корзина), и ян лэн дро кхудо, и кхэтанэ́ гуруво́рэс и дуе́н бакрэ́н. 4Аароно́с и лэ́скирэ чхавэ́н ян кэ загиибэ́н дрэ ша́тра ваш скэдыибэ́н, и обмор лэн пане́са. 5И лэ урибэна́, и Аароно́с ури дро хитоно и дрэ упратуны риза, дро эфо́до и дро наперстнико, и обпхандэ лэс пир эфо́до; 6и чхув лэ́скэ пэ шэро́ кидаро, и прикэр диадэма свэ́нто пэ кидаро; 7и лэ елеё тэ макхэс, и чхув лэс лэ́скэ пэ шэро́, и помакх лэс. 8И ян адя́кэ-паць лэ́скирэ чхавэ́н, и ури лэн дрэ хитоны; 9и обпхандэ лэн кустыкаса, Аароно́с и лэ́скирэ чхавэ́н, и чхув пэ лэ́ндэ пхандлуня (повязки), и явэ́ла лэ́нгэ дыно́ рашаибэн пир стату́то пэ ве́ко; и пхэрдякир Аароно́скирэ и лэ́скирэ-чхавэ́нгирэ васта́. 10И ян гуруво́рэс анги́л ша́тра ваш скэдыибэ́н, и чхувэ́на Ааро́но и лэ́скирэ чхавэ́ пэ́скирэ васта́ пэ гуруворэскиро шэро́; 11и зачхин гуруво́рэс анги́л Растэ-Дэвлэ́стэ анги́л загиибэ́н дрэ ша́тра ваш скэдыибэ́н; 12лэ гуруворэскиро рат, и чхув тырэ́ ангуштэса (пальцоса) пэ алтарёскирэ шынга́ (ро́ги), а саро́ рат вычхув пашы́л алта́рё; 13лэ саро́ чэкэ́н (ту́ко), саво́ учхакирэ́ла букэ (андратунэ́ маса́), и сальнико калэ́ букэса (печонкаса), и дуй букорэ (почки) и ту́ко, саво́ исын пэ лэ́ндэ, и схачкир пэ алта́рё; 14а гуруворэскиро мас и лэ́скири цы́па и лэ́скиро ґнэё (мэста) схачкир пэ яг пал ста́но: дава́ – свэ́нто дыибэ́н (жэ́ртва) пал грэ́хо. 15И лэ екхэ́с бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́; 16и зачхин бакрэ́с, и лэ лэ́скиро рат, и брызгин пэ алта́рё сарэ́ ригэ́ндыр; 17росчингир бакрэ́с пэ паша́, вымор лэ́скирэ букэ (андратунэ́ маса́) и лэ́скирэ ґэра́ и чхув лэн пэ росчхингирдэ лэ́скирэ паша́ и пэ лэ́скиро шэро́; 18и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ. 19Лэ и явирэ бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́; 20и зачхин бакрэ́с, и лэ лэ́скиро рат, и чхув пэ чачо́ (право) Аароноскиро кан пэ яго́ро (краё) и пэ лэ́скирэ-чхавэ́нгиро чачо́ кан пэ яго́ро, и лэ лэ́нгиро правонэ-вастэскиро баро́ ангу́шт (пальцо), и пэ лэ́нгиро правонэ-ґэр΄якиро баро́ ангу́шт; и обрызгин ратэ́са алта́рё сарэ́ ригэ́ндыр; 21и лэ рат, саво́ исын пэ алта́рё, и макхибнытко алеё, и брызгин пэ Аароностэ и пэ лэ́скирэ урибэна́, и пэ лэ́скирэ чхавэ́ндэ, и пэ лэ́скирэ-чхавэ́нгирэ урибэна́ лэ́са – и явэ́на высвэнцындлэ ёнэ, ёв и лэ́скирэ и́ди, и лэ́скирэ чхавэ́ и лэ́нгирэ урибэна́ лэ́нца. 22И лэ бакрэстыр чэкэ́н и курдюко, и чэкэ́н, саво́ учхакирэ́ла букэ (андратунэ́ маса́), и сальнико калэ́ букэстыр, и дуй букорэ и чэкэ́н, саво́ исын пэ лэ́ндэ, чачо́ (право) псико́, 23и лэ екх крэнгло маро́, екх мариклы пэ елеё и екх апресноко кхудэстыр (корзинатыр), саво́ исын анги́л Растэ-Дэвлэ́стэ, 24и чхув саро́ пэ васта́ Аароно́скэ и пэ лэ́скирэ-чхавэ́нгирэ васта́, и ян дава́, тринскири анги́л Ра́скирэ-Дэвлэ́скиро муй; 25и лэ дава́ лэ́нгирэ вастэ́ндыр, и хачкир сарэ́са пэ алта́рё цэлонэ́ схачкирибнаса сыр гудло́ тхув анги́л Растэ-Дэвлэ́стэ: дава́ исын свэ́нто дыибэ́н (жэ́ртва) Ра́скэ-Дэвлэ́скэ. 26И лэ колы́н бакрятыр тэ обсвэнцынэс, саво́ ваш Аароно́скэ, и ян лэс, тринскири анги́л Ра́скирэ-Дэвлэ́скиро муй, – и дава́ явэ́ла тыри́ паш (до́ля); 27и обсвэнцын колы́н, саво́ сыс тринскирдо, и псико́, саво́ сыс ґаздыно́, обсвэнцындлэ бакрэстыр, саво́ исын ваш Аароно́скэ и ваш лэ́скирэ чхавэ́нгэ, 28и явэ́ла дава́ Аароно́скэ и лэ́скирэ чхавэ́нгэ дро ве́чно стату́то (уставо), пал-дова́ со дава́ исын свэ́нто дыибэ́н ґаздыпнаса и дава́ явэ́ла яныбэ́н Израилёскирэ чхавэ́ндыр, саво́ трэй, соб (кай) ёв тэ явэ́л анги́л мирна свэ́нта дыибэна́ лэ́ндэ, дава́ явэ́ла лэ́нгиро свэ́нто дыибэ́н ґаздыпнаса Ра́скэ-Дэвлэ́скэ. 29А обсвэнциндлэ урибэна́, савэ́ исын ваш Аароно́скэ, пириджана коригэды́р (позжэды́р) лэ́стыр кэ лэ́скирэ чхавэ́, соб (кай) дрэ лэ́ндэ тэ макхэс лэн и тэ высвэнцынэс лэн сыр раша́н; 30эфта́ дывэса́ трэй, соб (кай) тэ урьелпэ дрэ лэ́ндэ чхаво́ лэ́скирэ чхавэ́ндыр, саво́ тэрдёла пэ лэ́скиро штэ́то сыр раша́й, саво́ явэ́ла тэ заджа́л дрэ ша́тра скэдыибна́скири тэ дынаринэ́л пэ свэ́нто штэ́то. 31Бакрэ́с, саво́ сыс обсвэнцындло, лэ, и кэра́в лэ́скиро мас пэ свэ́нто штэ́то; 32и мэк тэ схан Ааро́но и лэ́скирэ чхавэ́ саро́ бакрэскиро мас кхудэстыр, пашы́л вудара́ дрэ ша́тра скэдыибна́скири, 33пал-дова́ со далэ́са сыс кэрдо́ жужакирибэн тэ пиридэ́н лэ́нгэ рашаипэн, и тэ высвэнцякирэн лэн; яви́р ману́ш нашты́ тэ хал дава́, пал-дова́ со дава́ исын свэ́нто; 34а ко́ли вари-саво́ мас ячэ́лапэ, со́са свэнцякирэнас и маро́ кэ ра́нко, то схачкир лэс пэ яг, со яця́пэ: нашты́ тэ хас лэс, пал-дова́ со дава́ исын свэ́нто. 35И кэр Аароноса и лэ́скирэ чхавэ́нца дро саро́ адя́кэ, сыр Мэ пхэндём ту́кэ; пал эфта́ дывэса́ высвэнцынэса лэн. 36И гуруво́рэс пал грэ́хо ян кажно дывэ́с ваш лэ́скиро жужакирибэн, и свэ́нто дыибэ́н (жэ́ртва) пал грэ́хо, соб (кай) тэ жужакирэл алта́рё и помакх лэс ваш лэ́скиро обсвэнцыныбэн; 37эфта́ (битринэ́нгиро дэш) дывэса́ жужакир алта́рё, и обсвэнцын лэс, и явэ́ла алта́рё бари свэнтыма: сарэ́, кон чилавэ́ла алта́рё, освэнцынэнапэ.
Яныбэна́ пэ Кажно Дывэ́с
38Ѓа́да, со ту явэ́са тэ янэс пэ алта́рё: дуе́н бакрэ́н екхэ-бэршытконэн кажно дывэ́с саро́ часо; 39екхэ́с бакрэ́с ян злокостыр (ранкостыр), а явирэ бакрэ́с ян бэльвэле́, 40и дэ́што паш эфакири парнэ́ гивэстыр фэдэдыронэ яржэстыр, смешиндло штартонэ пашэ́са гиноса вытасадэ елеёса, а тэ янэс тхадуно свэ́нто дыибэ́н – шта́рто паш гино моля́тыр (виностыр), ваш екхэ бакрэскэ; 41явирэ́с бакрэ́с ян бэльвэле́: яржэскирэ дароса, дасаво-паць сыр ранкоса (злокоса), и дасавэса тхадунэ-свэнтонэ́ дыибнаса ян лэс дрэ гудло́ тхув, дро ягуно свэ́нто дыибэ́н Ра́скэ-Дэвлэ́скэ. 42Дава́ явэ́ла сыр цэ́ло схачкирибэ́н саро́ часо дрэ тумарэ́ стрэ́чы (поколении) анги́л вудара́ дрэ ша́тра ваш скэдыибэ́н анги́л Растэ-Дэвлэ́стэ, кай Мэ ява́ва тэ сыкадёвав тумэ́нгэ, соб (кай) тэ ракира́в ту́са; 43одо́й Мэ ява́ва тэ сыкадёвав Израилёскирэ чхавэ́нгэ, и обсвэнцякирэлапэ дава́ штэ́то Мирэ́ слава́са. 44И Мэ высвэнцякирава ша́тра ваш скэдыибэ́н и алта́рё; и Аароно́с и лэ́скирэ чхавэ́н высвэнцякирава, соб (кай) ёнэ свэнтэс тэ дынаринэ́н Ма́нгэ; 45и Мэ ява́ва тэ джива́в машки́р Израилёскирэ чхавэ́ндэ, Мэ ява́ва лэ́нгэ Дэвлэ́са, 46и уджинэна, со Мэ сом Рай Дэвэ́л, лэ́нгиро Дэвэ́л, Саво́ вылыджия́ лэн Египто́скирэ пхувья́тыр, соб (кай) Ма́нгэ тэ джива́в машки́р лэ́ндэ. Мэ сом Рай Дэвэ́л, лэ́нгиро Дэвэ́л.
Currently Selected:
Выгиибэн 29: ROMBALT
Highlight
Share
Copy
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Выгиибэн 29
29
Сыр тэ Высвэнцынэн Рашан
1Ѓа́да, со ту́кэ трэй тэ кэрэ́с пэ лэ́ндэ, соб (кай) ту тэ высвэнцинэс лэн дрэ рашандэ Ма́нгэ: лэ екхэ́с гуруво́рэс (тельцос) гурувэндыр, и дуе́н бакрэ́н би дошэнгиро, 2и пресна марэ́ (маца), и апресноки, пиримешиндлэ елеёса и пресна марикля, помакхнэ елеёса: парнэ́ гивэстыр кэр лэн, 3и чхув лэн дро екх кхудо (корзина), и ян лэн дро кхудо, и кхэтанэ́ гуруво́рэс и дуе́н бакрэ́н. 4Аароно́с и лэ́скирэ чхавэ́н ян кэ загиибэ́н дрэ ша́тра ваш скэдыибэ́н, и обмор лэн пане́са. 5И лэ урибэна́, и Аароно́с ури дро хитоно и дрэ упратуны риза, дро эфо́до и дро наперстнико, и обпхандэ лэс пир эфо́до; 6и чхув лэ́скэ пэ шэро́ кидаро, и прикэр диадэма свэ́нто пэ кидаро; 7и лэ елеё тэ макхэс, и чхув лэс лэ́скэ пэ шэро́, и помакх лэс. 8И ян адя́кэ-паць лэ́скирэ чхавэ́н, и ури лэн дрэ хитоны; 9и обпхандэ лэн кустыкаса, Аароно́с и лэ́скирэ чхавэ́н, и чхув пэ лэ́ндэ пхандлуня (повязки), и явэ́ла лэ́нгэ дыно́ рашаибэн пир стату́то пэ ве́ко; и пхэрдякир Аароно́скирэ и лэ́скирэ-чхавэ́нгирэ васта́. 10И ян гуруво́рэс анги́л ша́тра ваш скэдыибэ́н, и чхувэ́на Ааро́но и лэ́скирэ чхавэ́ пэ́скирэ васта́ пэ гуруворэскиро шэро́; 11и зачхин гуруво́рэс анги́л Растэ-Дэвлэ́стэ анги́л загиибэ́н дрэ ша́тра ваш скэдыибэ́н; 12лэ гуруворэскиро рат, и чхув тырэ́ ангуштэса (пальцоса) пэ алтарёскирэ шынга́ (ро́ги), а саро́ рат вычхув пашы́л алта́рё; 13лэ саро́ чэкэ́н (ту́ко), саво́ учхакирэ́ла букэ (андратунэ́ маса́), и сальнико калэ́ букэса (печонкаса), и дуй букорэ (почки) и ту́ко, саво́ исын пэ лэ́ндэ, и схачкир пэ алта́рё; 14а гуруворэскиро мас и лэ́скири цы́па и лэ́скиро ґнэё (мэста) схачкир пэ яг пал ста́но: дава́ – свэ́нто дыибэ́н (жэ́ртва) пал грэ́хо. 15И лэ екхэ́с бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́; 16и зачхин бакрэ́с, и лэ лэ́скиро рат, и брызгин пэ алта́рё сарэ́ ригэ́ндыр; 17росчингир бакрэ́с пэ паша́, вымор лэ́скирэ букэ (андратунэ́ маса́) и лэ́скирэ ґэра́ и чхув лэн пэ росчхингирдэ лэ́скирэ паша́ и пэ лэ́скиро шэро́; 18и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ. 19Лэ и явирэ бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́; 20и зачхин бакрэ́с, и лэ лэ́скиро рат, и чхув пэ чачо́ (право) Аароноскиро кан пэ яго́ро (краё) и пэ лэ́скирэ-чхавэ́нгиро чачо́ кан пэ яго́ро, и лэ лэ́нгиро правонэ-вастэскиро баро́ ангу́шт (пальцо), и пэ лэ́нгиро правонэ-ґэр΄якиро баро́ ангу́шт; и обрызгин ратэ́са алта́рё сарэ́ ригэ́ндыр; 21и лэ рат, саво́ исын пэ алта́рё, и макхибнытко алеё, и брызгин пэ Аароностэ и пэ лэ́скирэ урибэна́, и пэ лэ́скирэ чхавэ́ндэ, и пэ лэ́скирэ-чхавэ́нгирэ урибэна́ лэ́са – и явэ́на высвэнцындлэ ёнэ, ёв и лэ́скирэ и́ди, и лэ́скирэ чхавэ́ и лэ́нгирэ урибэна́ лэ́нца. 22И лэ бакрэстыр чэкэ́н и курдюко, и чэкэ́н, саво́ учхакирэ́ла букэ (андратунэ́ маса́), и сальнико калэ́ букэстыр, и дуй букорэ и чэкэ́н, саво́ исын пэ лэ́ндэ, чачо́ (право) псико́, 23и лэ екх крэнгло маро́, екх мариклы пэ елеё и екх апресноко кхудэстыр (корзинатыр), саво́ исын анги́л Растэ-Дэвлэ́стэ, 24и чхув саро́ пэ васта́ Аароно́скэ и пэ лэ́скирэ-чхавэ́нгирэ васта́, и ян дава́, тринскири анги́л Ра́скирэ-Дэвлэ́скиро муй; 25и лэ дава́ лэ́нгирэ вастэ́ндыр, и хачкир сарэ́са пэ алта́рё цэлонэ́ схачкирибнаса сыр гудло́ тхув анги́л Растэ-Дэвлэ́стэ: дава́ исын свэ́нто дыибэ́н (жэ́ртва) Ра́скэ-Дэвлэ́скэ. 26И лэ колы́н бакрятыр тэ обсвэнцынэс, саво́ ваш Аароно́скэ, и ян лэс, тринскири анги́л Ра́скирэ-Дэвлэ́скиро муй, – и дава́ явэ́ла тыри́ паш (до́ля); 27и обсвэнцын колы́н, саво́ сыс тринскирдо, и псико́, саво́ сыс ґаздыно́, обсвэнцындлэ бакрэстыр, саво́ исын ваш Аароно́скэ и ваш лэ́скирэ чхавэ́нгэ, 28и явэ́ла дава́ Аароно́скэ и лэ́скирэ чхавэ́нгэ дро ве́чно стату́то (уставо), пал-дова́ со дава́ исын свэ́нто дыибэ́н ґаздыпнаса и дава́ явэ́ла яныбэ́н Израилёскирэ чхавэ́ндыр, саво́ трэй, соб (кай) ёв тэ явэ́л анги́л мирна свэ́нта дыибэна́ лэ́ндэ, дава́ явэ́ла лэ́нгиро свэ́нто дыибэ́н ґаздыпнаса Ра́скэ-Дэвлэ́скэ. 29А обсвэнциндлэ урибэна́, савэ́ исын ваш Аароно́скэ, пириджана коригэды́р (позжэды́р) лэ́стыр кэ лэ́скирэ чхавэ́, соб (кай) дрэ лэ́ндэ тэ макхэс лэн и тэ высвэнцынэс лэн сыр раша́н; 30эфта́ дывэса́ трэй, соб (кай) тэ урьелпэ дрэ лэ́ндэ чхаво́ лэ́скирэ чхавэ́ндыр, саво́ тэрдёла пэ лэ́скиро штэ́то сыр раша́й, саво́ явэ́ла тэ заджа́л дрэ ша́тра скэдыибна́скири тэ дынаринэ́л пэ свэ́нто штэ́то. 31Бакрэ́с, саво́ сыс обсвэнцындло, лэ, и кэра́в лэ́скиро мас пэ свэ́нто штэ́то; 32и мэк тэ схан Ааро́но и лэ́скирэ чхавэ́ саро́ бакрэскиро мас кхудэстыр, пашы́л вудара́ дрэ ша́тра скэдыибна́скири, 33пал-дова́ со далэ́са сыс кэрдо́ жужакирибэн тэ пиридэ́н лэ́нгэ рашаипэн, и тэ высвэнцякирэн лэн; яви́р ману́ш нашты́ тэ хал дава́, пал-дова́ со дава́ исын свэ́нто; 34а ко́ли вари-саво́ мас ячэ́лапэ, со́са свэнцякирэнас и маро́ кэ ра́нко, то схачкир лэс пэ яг, со яця́пэ: нашты́ тэ хас лэс, пал-дова́ со дава́ исын свэ́нто. 35И кэр Аароноса и лэ́скирэ чхавэ́нца дро саро́ адя́кэ, сыр Мэ пхэндём ту́кэ; пал эфта́ дывэса́ высвэнцынэса лэн. 36И гуруво́рэс пал грэ́хо ян кажно дывэ́с ваш лэ́скиро жужакирибэн, и свэ́нто дыибэ́н (жэ́ртва) пал грэ́хо, соб (кай) тэ жужакирэл алта́рё и помакх лэс ваш лэ́скиро обсвэнцыныбэн; 37эфта́ (битринэ́нгиро дэш) дывэса́ жужакир алта́рё, и обсвэнцын лэс, и явэ́ла алта́рё бари свэнтыма: сарэ́, кон чилавэ́ла алта́рё, освэнцынэнапэ.
Яныбэна́ пэ Кажно Дывэ́с
38Ѓа́да, со ту явэ́са тэ янэс пэ алта́рё: дуе́н бакрэ́н екхэ-бэршытконэн кажно дывэ́с саро́ часо; 39екхэ́с бакрэ́с ян злокостыр (ранкостыр), а явирэ бакрэ́с ян бэльвэле́, 40и дэ́што паш эфакири парнэ́ гивэстыр фэдэдыронэ яржэстыр, смешиндло штартонэ пашэ́са гиноса вытасадэ елеёса, а тэ янэс тхадуно свэ́нто дыибэ́н – шта́рто паш гино моля́тыр (виностыр), ваш екхэ бакрэскэ; 41явирэ́с бакрэ́с ян бэльвэле́: яржэскирэ дароса, дасаво-паць сыр ранкоса (злокоса), и дасавэса тхадунэ-свэнтонэ́ дыибнаса ян лэс дрэ гудло́ тхув, дро ягуно свэ́нто дыибэ́н Ра́скэ-Дэвлэ́скэ. 42Дава́ явэ́ла сыр цэ́ло схачкирибэ́н саро́ часо дрэ тумарэ́ стрэ́чы (поколении) анги́л вудара́ дрэ ша́тра ваш скэдыибэ́н анги́л Растэ-Дэвлэ́стэ, кай Мэ ява́ва тэ сыкадёвав тумэ́нгэ, соб (кай) тэ ракира́в ту́са; 43одо́й Мэ ява́ва тэ сыкадёвав Израилёскирэ чхавэ́нгэ, и обсвэнцякирэлапэ дава́ штэ́то Мирэ́ слава́са. 44И Мэ высвэнцякирава ша́тра ваш скэдыибэ́н и алта́рё; и Аароно́с и лэ́скирэ чхавэ́н высвэнцякирава, соб (кай) ёнэ свэнтэс тэ дынаринэ́н Ма́нгэ; 45и Мэ ява́ва тэ джива́в машки́р Израилёскирэ чхавэ́ндэ, Мэ ява́ва лэ́нгэ Дэвлэ́са, 46и уджинэна, со Мэ сом Рай Дэвэ́л, лэ́нгиро Дэвэ́л, Саво́ вылыджия́ лэн Египто́скирэ пхувья́тыр, соб (кай) Ма́нгэ тэ джива́в машки́р лэ́ндэ. Мэ сом Рай Дэвэ́л, лэ́нгиро Дэвэ́л.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission