Isúso 5
5
Javír Občhinyben ke Gilgalo
1Kiéli saré Amoriejéngire králja, savé dživdé pir daja rig Iordanoskiri ke mórjo (derjáv), i saré Xanaanoskire králja, savé sys pašýl mórjo (derjáv), šundlé, so Raj Devél, Devél vyšut'kirdia paní Iordanoskiro angíl Izrailjoskire čhavénde, paka jone piridžanas: to tedy jaciá bi zorjakiro léngiro iló, i na jaciá butýr dre lénde dúho proti Izrailjoskire čhavénde. 2Dro dová-pac' časo Raj Devél phendiá Isusóske: “Ker péske vostra čhurja i občhin Izrailjoskire čhavén dro javír mólo”. 3I kerdiá péske Isúso vostra čhurja, i občhindia Izrailjoskire čhavén pe štéto, savó sys khardo “občhinybnaskiri bérga”. 4Ĥáda, sóske občhindia Isúso Izrailjoskire čhavén: saré manušá, savé vyginé Jegiptóstyr, muršá, saré, kon sys lačhó ke maribén pomyne pe čhučí phuv pe drom pir vygiiben Jegiptóstyr; 5saré, savé vyginé manušá, sys občhindlé; ne saré manušá, savé bijándyne pe čhučí phuv pe drom, paló davá, syr vyginé Jegiptóstyr, na sys občhindlé. 6Pal-dová so Izrailjoskire čhavé štardešá berš psirdé pir čhučí phuv, paka myné saré manušá, savé sys lačhé ke maribén, savé vyginé Jegiptóstyr, savé na šundlé Raskiri-Devléskiri zan, i savénge Raj Devél sovlahadiá, so jone na dykhéna phuv, saví Raj Devél sovlahasa dyjá lav léngire dadénge, te del lénge phuv, kaj thadéla thud i avgín. 7A zamiést lénde ĥazdyjá léngire čhavén, savén občhindia Isúso, pal-dová so jone sys naobčhindle; pal-dová so len pir drom na občhinenas. 8Kiéli saré manušá sys občhindlé, jačenaspe jone pe péskiro štéto dre stáno, paka vysastjonas. 9I phendiá Raj Devél Isusóske (Johošuaske): “Akaná Me zlyjom tuméndyr ladž Jegiptóskiri. Sóske i kharélape dová štéto: Galgálo, adiáke-pac' ke davá dyvés”. 10I sys terdé Izrailjoskire čhavé stanósa dro Galgálo, i kerdé Patradí pe dešuštarto čhonéskiro dyvés bel'velié pe Jerihonoskire loščyny. 11I pe javír dyvés Patradí lyné te xan, so vybarija pe daja phuv, opriesnoki i šuké ziárki (zjorny) dre dová-pac' dyvés. 12A manna pirijaciá te perél pe javír dyvés paló dová, syr jone lyné te xan, so barjola pe phuv, i na sys butýr manna Izrailjoskire čhavénde, ne jone xané dre dov-pac' berš dová, so barjola pe Xanaanóskiri phuv. 13O Isúso, sys nádur Jerihonostyr, dykhciá upré i dykhéla, i, ĥáda, sys terdó angíl léste manúš, i dre léskiro vast sys vytyrdyny kurtála. Isúso podgíia ke jov i phendiá léske: “Ci amaró tu, ci vergéndyr amarendyr?” 14Jov phendiá: “Nad; me som šeraló pe Ráskire-Devléskire xaladybén (voinstva), akaná javdjom darik”. Isúso pyjá péskire mósa pe phuv, i poklonindiape, i phendiá léske: “So xuláj miro phenéla péskire pisharíske?” 15Šeraló pe Ráskire-Devléskiro xaladybén phendiá Isusóske: “Le tyré ĥeritka tyré ĥerendyr, pal-dová so štéto, pe savó tu san terdó, isyn svénto”. Isúso adiáke i kerdiá.
Currently Selected:
Isúso 5: ROMBALTR
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Isúso 5
5
Javír Občhinyben ke Gilgalo
1Kiéli saré Amoriejéngire králja, savé dživdé pir daja rig Iordanoskiri ke mórjo (derjáv), i saré Xanaanoskire králja, savé sys pašýl mórjo (derjáv), šundlé, so Raj Devél, Devél vyšut'kirdia paní Iordanoskiro angíl Izrailjoskire čhavénde, paka jone piridžanas: to tedy jaciá bi zorjakiro léngiro iló, i na jaciá butýr dre lénde dúho proti Izrailjoskire čhavénde. 2Dro dová-pac' časo Raj Devél phendiá Isusóske: “Ker péske vostra čhurja i občhin Izrailjoskire čhavén dro javír mólo”. 3I kerdiá péske Isúso vostra čhurja, i občhindia Izrailjoskire čhavén pe štéto, savó sys khardo “občhinybnaskiri bérga”. 4Ĥáda, sóske občhindia Isúso Izrailjoskire čhavén: saré manušá, savé vyginé Jegiptóstyr, muršá, saré, kon sys lačhó ke maribén pomyne pe čhučí phuv pe drom pir vygiiben Jegiptóstyr; 5saré, savé vyginé manušá, sys občhindlé; ne saré manušá, savé bijándyne pe čhučí phuv pe drom, paló davá, syr vyginé Jegiptóstyr, na sys občhindlé. 6Pal-dová so Izrailjoskire čhavé štardešá berš psirdé pir čhučí phuv, paka myné saré manušá, savé sys lačhé ke maribén, savé vyginé Jegiptóstyr, savé na šundlé Raskiri-Devléskiri zan, i savénge Raj Devél sovlahadiá, so jone na dykhéna phuv, saví Raj Devél sovlahasa dyjá lav léngire dadénge, te del lénge phuv, kaj thadéla thud i avgín. 7A zamiést lénde ĥazdyjá léngire čhavén, savén občhindia Isúso, pal-dová so jone sys naobčhindle; pal-dová so len pir drom na občhinenas. 8Kiéli saré manušá sys občhindlé, jačenaspe jone pe péskiro štéto dre stáno, paka vysastjonas. 9I phendiá Raj Devél Isusóske (Johošuaske): “Akaná Me zlyjom tuméndyr ladž Jegiptóskiri. Sóske i kharélape dová štéto: Galgálo, adiáke-pac' ke davá dyvés”. 10I sys terdé Izrailjoskire čhavé stanósa dro Galgálo, i kerdé Patradí pe dešuštarto čhonéskiro dyvés bel'velié pe Jerihonoskire loščyny. 11I pe javír dyvés Patradí lyné te xan, so vybarija pe daja phuv, opriesnoki i šuké ziárki (zjorny) dre dová-pac' dyvés. 12A manna pirijaciá te perél pe javír dyvés paló dová, syr jone lyné te xan, so barjola pe phuv, i na sys butýr manna Izrailjoskire čhavénde, ne jone xané dre dov-pac' berš dová, so barjola pe Xanaanóskiri phuv. 13O Isúso, sys nádur Jerihonostyr, dykhciá upré i dykhéla, i, ĥáda, sys terdó angíl léste manúš, i dre léskiro vast sys vytyrdyny kurtála. Isúso podgíia ke jov i phendiá léske: “Ci amaró tu, ci vergéndyr amarendyr?” 14Jov phendiá: “Nad; me som šeraló pe Ráskire-Devléskire xaladybén (voinstva), akaná javdjom darik”. Isúso pyjá péskire mósa pe phuv, i poklonindiape, i phendiá léske: “So xuláj miro phenéla péskire pisharíske?” 15Šeraló pe Ráskire-Devléskiro xaladybén phendiá Isusóske: “Le tyré ĥeritka tyré ĥerendyr, pal-dová so štéto, pe savó tu san terdó, isyn svénto”. Isúso adiáke i kerdiá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission