Rutha 4
4
1KE haba Boaza ame he ka hnyi homagöule me laba ju eling: ke wâ bi, ame he at a hanen anyidrin lap, wale at a ha ga Boaza; me e ame ha kâu, ka habe, E, ketha lö! aiö u, laba ju eang. Me a ame saû thö me laba ju. 2Me e ame hom je hnyat a ten ûnyi hnyi wahingatiny taun, me ha, ka habe, Laba ju eang, me ödrin e laba. 3Me e ame ha ka at a ti hanen anyidrin lap, ka habe, Haba Naomi wale momo a o hmetu ûheny hnyi hnyei Moaba, ame ûco utkânâ wale iny liamekeiny mötin jia Elimelek: 4ke oge me ûnykûme he ka omanenâ kâu, me ha, ka habe, Hamâm he ka ûco e hnyi hnyimakan je hnyat ödrin e laba eang, me hnyi hnyimakan wahingatiny labanök. Ke u me ne he ka ûco, awe, ûco thö: ke u je ne ca he ka ûco, me ha thö kônya, me me khanö nya thö: anyin ae ba hmetu ke at ame he ka ûco, ke u thibi; ke inya thibi ûtangköu mou. Me haingen, Oge me he ka ûco. 5Haba Boaza ame ha ka habe, Hnyi bong u me he ka ûco hnyin ûnyi ga Naomi u me he ka ûco minya ûnyi ga Rutha at Moaba, âiân at a mokcu, he ka oâ ien at a mok hon iny bi. 6Ke haingen at a ti hanen lap, ka habe, E ca khanö nya he ka ûco hobi kônya bi, wâ e nye kong ut ik: u me he ka ûco hûdrök, anyin ae ca khanö nya he ka ûco e. 7Ke walang bongon hnyi Isaraela ehac ge bi hwaban me ûcû, me me ohmâ ta je ûnyi hia thithö; a gʼ ame he at ka uny jut tangen hnyeûcan me ham ka at ame laba hakeken kâu: ke wale hnân ohnatho hnyi Isaraela. 8Anyin a wale haingen at a ti hanen anyidrin lap kö Boaza, ka habe, Ûco thö hobi köu bi. Me e ame uny jut tangen hnyeûcan. 9Ke Boaza ame ha ka je hingat me tavat hia thithö, ka habe, Öbun e ohnathoâ hnyi bong ang a oge ûco ta je ûnyi hia anyi Elimelek, me ta je ûnyi hia anyi Kiliona me Malona ûnyi ga Naomi. 10Ke khaca oge ûcû Rutha at Moaba äiö Malona, me öiök, me inya oâ ien at a mok hon iny, me me ca hia ien at a mokcu unyin je liamekeiny më, me ûnyi hnyi homagouleny anyin taun: öbun e tavat ohnatho hnyi bong ang. 11Me ame ha tavat hia thithö hnyi homagöule me je hingat, ka habe, Ohmun tavat ohnatho. Hamö Iehova he ka wia momo ame he ka o ka hnyi umâm uma me me helâ me Rakela me Lea, li at ödre otilâ lap anyi Isaraela: ke e so u me tren ûnyi ae ûcû hnyi Eferatha, me lung hnyi Beth-eleema: 12ke e so ânyâm lap he ka helâ me lap anyi Farez, wale a hnokoâ Tamara ga Juda, ûnyi ge mâtrân ame he Iehova ka ham köu ûnyi ge momo ang. 13Me Boaza ame hum Rutha, ke âiân dö e, me e ame didro kâu, ke e ame erkin dut, ge musi anyi Iehova, me e ame hnokoâ da. 14Ke haba omomo ödrin e ha kö Naomi, ka habe, Ole kö Iehova, wale at ame ca hnö u he ka ba at ae hakekeny köu hnyi ânyâm lap hnyi bong ang, ke so e me lung bi ien hnyi Isaraela. 15Ke e ame he ka otubweli u, me hat u hnyi somaca a u, anyin ame hnokoâ nokon ge ûngom at ame betenge gam, ke beönua anyin ibetengiö köu hon lakom je baga a seven. 16Me Naomi ame hom wanakat, me kât e ka hnyi ûlainy; ke e ame hat e. 17Ke haba omomo ödrin e hwenyi ien, ke haingödrin, A hia but hnokoâ da öbi Naomi; ke ödrin e hwenyi ien me Obed: haba e kamö Jese, kamö Davita.
18Ke walang je dö anyi Farez: haba Farez ame hnöku Hezerona; 19ke Hezerona ame hnöku Bâm, ke Bâm ame hnöku Aminadaba; 20ke Aminadaba ame knöku Nasona, ke Nasona ame hnöku Salemona; 21ke Salemona ame hnöku Boaza, ke Boaza ame hnöku Obed; 22ke Obed ame hnöku Jese, ke Jese ame hnöku Davita.
Currently Selected:
Rutha 4: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society