Roma 6
6
1ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû? 2Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin? 3Hawa, e ca khanʼ öbun a haba öta hia tavat adre me bapataisoâ kö Iesu Keriso, me adre me bapataiso ka hnyi anyin mok? 4Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen. 5Anyin a ne tha öta me hnyi ûhoûcû me anyin mok, ate me he bi ka helâe minya hnyi möt hmetu; 6ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo; 7anyin adre me ca hâiâ at a mokcu a e at hulo. 8Ke öta ka tha mok me Keriso, me ate me labageju a gʼ ate me he ka tha möt minya më; 9e khanʼ öta a ga möt hmetu thö Keriso ûnyi hnyi hna mok, kʼ ame ca he hmetu ka mok; kʼ ame ca he hmetu mok ka ton. 10Anyin a haba mekiny, me ame okhaca mok ka hnyi hulo: ke haba anyin möt, me ame möt bi ka Khong. 11Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.
12Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e: 13ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong. 14Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.
15Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe. 16E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa? 17Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin; 18ke adre me hna baûʼ öbun bi ûnyi hnyi hulo, mʼ öbun e bi athnyabainy hwakecin ae wisa. 19Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap. 20Anyin a öbun e tiga lathnyabainy hulo ehac, me adre me hna baûʼ öbun hnyi hwakecin ae wisa. 21Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok. 22Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua. 23Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.
Currently Selected:
Roma 6: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
Roma 6
6
1ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû? 2Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin? 3Hawa, e ca khanʼ öbun a haba öta hia tavat adre me bapataisoâ kö Iesu Keriso, me adre me bapataiso ka hnyi anyin mok? 4Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen. 5Anyin a ne tha öta me hnyi ûhoûcû me anyin mok, ate me he bi ka helâe minya hnyi möt hmetu; 6ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo; 7anyin adre me ca hâiâ at a mokcu a e at hulo. 8Ke öta ka tha mok me Keriso, me ate me labageju a gʼ ate me he ka tha möt minya më; 9e khanʼ öta a ga möt hmetu thö Keriso ûnyi hnyi hna mok, kʼ ame ca he hmetu ka mok; kʼ ame ca he hmetu mok ka ton. 10Anyin a haba mekiny, me ame okhaca mok ka hnyi hulo: ke haba anyin möt, me ame möt bi ka Khong. 11Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.
12Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e: 13ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong. 14Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.
15Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe. 16E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa? 17Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin; 18ke adre me hna baûʼ öbun bi ûnyi hnyi hulo, mʼ öbun e bi athnyabainy hwakecin ae wisa. 19Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap. 20Anyin a öbun e tiga lathnyabainy hulo ehac, me adre me hna baûʼ öbun hnyi hwakecin ae wisa. 21Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok. 22Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua. 23Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society