Roma 14
14
1KAP dö at ae sënyin hnyi labageju, ca hnân he ka iwatretra hna loloâ. 2Anyin a ûnykûmenen ke at me so he ka an ta je ûnyi hia: ke haba ke at ae sënyin ame an thibi ta je ûnyi a kû hnyi kânâ. 3Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e. 4Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e. 5Ke haba ûnykûmenen ke at, me beönua ke bong bon ke bong: ke haba ûnykûmenen ke at, me ûcû hia thibut je bong. E so he ka ve thamuâ wia hnyi je hnyekubun. 6Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong. 7Anyin ae ba ke at gata ame ka möt lû kâu, ke ba ke at ame ka mok bi kâu. 8Anyin ate ne möt, ate me möt ka Than: ke ota ka mokcu, ate me mok bi ka Than: anyin a wale ate ne möt, ke ate ne mok, je lakeiny Than bi ota. 9Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt. 10Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong. 11Anyin adre hia but sihnalimen, ke habe,
Haingen Than, ka habe, Kia inya inya, a gʼ adre me he hia ka ciboucâ könya
Kʼ ame he ta je bohmen hia ka ve ogânâ Khong.
12Waleling mate me he hia ka ve ha hwakecita ka Khong.
13Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny. 14E khanö nya ke mou thö hnyi hnyekuk ga Iesu Keriso, ae ba ke ûnyi ame ka kong thiju: ke haba at ame ûnykûme ae kong ke ûnyi, me ka kong bi kâu. 15Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu. 16Wâ eâu, wâ adre nye haikongoâ anyibun so: 17anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap. 18Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at. 19Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ. 20Ca hagutâ huliwa anyin Khong can ta je jeû. E kalaöt ta je ûnyi hia; ke so bi e kong ka at ame han me hnân öhûkötö. 21E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu. 22Haba ânyâm labageju, me so e me ka hu bi gam hnyi hnyimakan Khong. Hnahic hnen at ame ca ka hangâ e bi hnyi ûnyi e ame haisoâ. 23Ke haba at ame han me loloâ, me hulo but e, anyin a e ame ca han hnyi labageju; ka haba ta je ûnyi hia a ca ûnyi bi hnyi labageju, me wale hulo.
Currently Selected:
Roma 14: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
Roma 14
14
1KAP dö at ae sënyin hnyi labageju, ca hnân he ka iwatretra hna loloâ. 2Anyin a ûnykûmenen ke at me so he ka an ta je ûnyi hia: ke haba ke at ae sënyin ame an thibi ta je ûnyi a kû hnyi kânâ. 3Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e. 4Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e. 5Ke haba ûnykûmenen ke at, me beönua ke bong bon ke bong: ke haba ûnykûmenen ke at, me ûcû hia thibut je bong. E so he ka ve thamuâ wia hnyi je hnyekubun. 6Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong. 7Anyin ae ba ke at gata ame ka möt lû kâu, ke ba ke at ame ka mok bi kâu. 8Anyin ate ne möt, ate me möt ka Than: ke ota ka mokcu, ate me mok bi ka Than: anyin a wale ate ne möt, ke ate ne mok, je lakeiny Than bi ota. 9Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt. 10Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong. 11Anyin adre hia but sihnalimen, ke habe,
Haingen Than, ka habe, Kia inya inya, a gʼ adre me he hia ka ciboucâ könya
Kʼ ame he ta je bohmen hia ka ve ogânâ Khong.
12Waleling mate me he hia ka ve ha hwakecita ka Khong.
13Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny. 14E khanö nya ke mou thö hnyi hnyekuk ga Iesu Keriso, ae ba ke ûnyi ame ka kong thiju: ke haba at ame ûnykûme ae kong ke ûnyi, me ka kong bi kâu. 15Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu. 16Wâ eâu, wâ adre nye haikongoâ anyibun so: 17anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap. 18Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at. 19Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ. 20Ca hagutâ huliwa anyin Khong can ta je jeû. E kalaöt ta je ûnyi hia; ke so bi e kong ka at ame han me hnân öhûkötö. 21E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu. 22Haba ânyâm labageju, me so e me ka hu bi gam hnyi hnyimakan Khong. Hnahic hnen at ame ca ka hangâ e bi hnyi ûnyi e ame haisoâ. 23Ke haba at ame han me loloâ, me hulo but e, anyin a e ame ca han hnyi labageju; ka haba ta je ûnyi hia a ca ûnyi bi hnyi labageju, me wale hulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society