Ta je Vejec 23
23
1UKA he ka laba ka tha han me than,
Ûnykûme wia ju at e hnyi hnyimâkâm;
2Ke u je ne at hutö,
Me ip ju hele hnyi hnyem.
3Ca wem bi anyin ta je ujeû ae so;
Anyin ame iyawo ta je jeû e.
4Ca osēnyini u bi he ka tren omjeû;
Degec ut a ka hnâm bi hna wâ ûnykûme.
5Hawa, u me he ka wâ hmâ ûnyi ae ba önyen?
Anyin a haba je omjeû, me ame labö bi labenyin,
Helâ me aeto at ame gâ dranyai.
6Ca he hnyi an jeû an at ae hmak li emakan,
Ke ca wem bi anyin je ujeû ae so:
7Anyin ae ûcû e me ûnykûmânen hnyekon:
Haingen köu, ka habe, Han dö ke ic dö;
Kʼ ame ca tha e bi möu hnyekon.
8U me he ka hmita hmetoâ ujeû u je an,
Ke ûnyi baû hwâm ta je hofuc ae kese.
9Ca fuc bi hnyi hnyikonyen at ae monu;
Anyin a e ame he ka hûkötiâ hwâm je hofuc ae metâ.
10Ca oc bi hnyigöulen kâû adrem;
Ke ca hnyi he ka hnyi hnyei iny nakahme:
11Anyin ae hwege singidra;
E ame he ka ivino hobi kodra möu.
12Hna but hnyekom ka ûne,
Ke li hnyikönyâm ka ta je ifucin wâ ûnykûme.
13Ca behânâ bi ka wanakat hna nâ:
Anyin u je ne kot ge osö, e ame ca he ka mok.
14U me he ka kot ge osö,
Me omelo e ge hedis.
15Nokuk lö, a ne metâ but hnyekom
Ame he hnyekuk ka senyin:
16Eke, ame he ka hobâ ûnykûmânök,
E ka ba ta je ûnyi ae wisa hnen li esongodâm.
17Ca hna but hnyekom he ka behnyekon ge tavat ae kong:
Ke outö Iehova ju hnyi je bong hia thibut.
18Anyin e hnathu ame he ka hu obiny;
Ke adre me ca he ka subâ degecâ ânyâm geju.
19Nokuk lö, long ju, ke metâ but,
Ke tuö ju hnyekom eû hnyi gethen.
20Ca tha e me tavat adre me hwen hmiâ waina:
Me tavat utâ uthmeno:
21Anyin ame he ka theduoc at ame hwen hmiâ waina me utâ meno:
Ke ame he at bemokut ka khavâ ûkhaû ae ti khekhe.
22Long ju ka kâmâm at a hnöku u,
Ke ca hûkötö ge hinyâm e ka somaca but.
23Ûco thö hnathu, ke ca ûco degecâ hmetu bi;
Eke, metâ, me ûne, me wâ ûnykûme.
24Ame he ka hobâ gan hmâ kamen at ae wisa:
Ke haba at ame hnokoâ at ae metâ me ame he ka senyin gan.
25Eso ame he kâmâm me hinyâm ka senyin,
Me so ame he momo at a hnöku u ka hobâ.
26Nokuk lö, hö jem hnyekom könya,
Ke wâ thö dek je gethen ge li emakâm.
27Anyin a hmonop ae dit momo hnyi gethen;
Ke op ae hnek momo kanyua.
28Eke, e ame mokut duöng helâ me at venöu,
Me bihanen ka tavat iyawo, unyin tavat.
29Ie at ame hloûhloû? ie at ame vec? ie at ame iwatretra?
Ie at ame fufuc? ie at ame aat baû?
Ie at ae hngihngidra li emakan?
30Walödra tavat adre me bec hnyi waina;
Tavat adre me nâ elâm waina adre ûhaniken.
31Ca he ka wâ hmâ waina e ka ubâhlâ,
E ka ke man bi hnyi utkaia
Ke omi hingâlâ but:
32Haba hnyi obiny, me e ame ûhûlû helâ me on,
Me dâ helâ me vaipa.
33Ame he li emâkâm ka wâ je momo kanyua,
Kʼ ame he bi hnekom ka ha ta je ûnyi ae hwali.
34Eke, u me he ka helâ me at ame mokut hnyi wanben köiö,
Ke helâ me at ame mokut hnyi ban aneunyainy hu.
35U ma he ka ha, ka habe, Adre hia but kuc nya, ke oge me ca vec;
Adre hia but osoi nya ke oge me ca long vecin.
Oge me he ka hmak dö kehö? oge me he hmetu ka elâm e.
Currently Selected:
Ta je Vejec 23: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society