Ta je Vejec 22
22
1E SO he ka weny ien ae lung so hon ta je omjeû ae se hia,
Me betenge hnyok hon sileva me gol.
2Tavat tren omjeû me ta je theduoc adre me iouny:
Ame up ödra hia Iehova.
3Haba at wâ wia, me ame wâ monu me ikhölö:
Ke haba tavat ae ba hnyekon me adre me he, ka hu vec bi.
4Haba troban hwakecin ae hnyikânâ, me ot kö Iehova,
Wale omjeû, me hna ogânâ, me möt.
5E bi ta je ûö ae ûdedö me ta je hnewe hnyi gethen deny at ae hwali:
Ke haba at ame ka tuö e bi, me ame he ka ûsâkâûö me je ûnyi e.
6Nâ thö wanakat hnyi deny ae ûcû,
Ke e ka hingat ut, me ame ca he bi ka sâû ûnyi hnyin.
7Ame he at ae tren omjeû ka muso ta je theduoc,
Kʼ ame he at ame më sumâtâ ka bi athnyabainy at ame më ham.
8Haba at ame tā hulo, me ame he ka meno vec:
Kʼ ame he ka hia uciny anyin wathethot.
9Ame he ka hnahic at ae hu li ecmak ae so;
Anyin a e ame he ka han at ae theduoc.
10Obâ but at ûhiö, me ame he ka hia minya û;
Eke, ame he ka ba ivino me hmehma.
11Haba at ame weny hnyok ae alai,
Me ame he ka ihuminy than, can ibetengiö anyin li esongodiny.
12Ame he li emakö Iehova ka tuö at wâ ûnykûme,
Ke e ame he ka hagutâ hofuc hwan at ae iyawo.
13Haingen ūsēnyen, ka habe, Kabeû ge liona:
Ame he ka hlingö nya eû hnyi gethen.
14Hmonop ae dit hnyimen momo kanyua:
Ame he ka kolu kâu at ae ikiki kö Iehova.
15Adre lan hwen monu hnyi hnyekon wanakat;
Ke osöiny hnân nâ ame he ka ûsâkâûöâ e më.
16Haba at ame ovecâ at ae theduoc he ka osehia anyin bi ta je ûnyi,
Ke at ame ham ka at ae tren omjeû me ödru me he ka ba ta ûnyi.
17Tevehlöng ju, ke long ju hofuc hwan at ae metâ,
Me hnyok ju ka hnok hna wâhmakhmeto.
18Anyin a ûnyi ae kese, u ka he ka tuö ta je ûnyi e eû hnyi hnyekom,
Adre ne otethmâ hnyi li esongodâm.
19Oge hia but omanenâ e köu hnyi bong ang,
Me u me labageju kö Iehova.
20Hawa, oge ca sihnalimen köu ehac ta je ûnyi ae so,
Je ûhnenamö me wâhmakhmeto;
21He ka okhanö u hnathuiny je hofuc ae hnathu,
Mʼ u me he ka hom hmetu ka tavat adre me kunö u ta je hofuc ae hnathu?
22Ca söh at ae theduoc, can anyin e ame theduoc,
Ke ca seda at ae vec hnyi homagöule:
23Anyin ame he Iehova ka ivino hobi ködra,
Me hûgûnâ melen tavat adre me sei ödra.
24Ca bi liamewaeny me at ae hmonyin;
Ke ca tha he bi me at ae wathethot:
25Wâ u nye nâ je hwakecin, Me ame nuc u bi.
26U ma ca hanen tavat adre me ûkhöû hnyam,
Me tavat adre me tot hnân hwaban ge hna hok gufa.
27A ne ba gam ûnyi hnân bi hwaban,
Hnân eû ame he ka hom hnâm hna mokut ûnyi eû hmelâm?
28Ca he ka oc je hnyigot kâû adrem,
A konâm je lakibâm.
29U je wâ but at ame ânyâ logotâ anyin huliwa? awe, e ame he ka tot hnyi hnyimakan je than;
E ame ca he bi ka tot hnyi hnyimakan hoûmonu.
Currently Selected:
Ta je Vejec 22: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society