Levitiko 3
3
1KE ame ne hudiny ole anyin hut, ame ne he ka hudo ûnyi hyni hnahat meno, ame ne baga, ame ne momo, me hamen he ka hudo at ae ba hnyikongon hnyi hnyimakö Iehova. 2Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut. 3Ke e ame he ka hudo kö Iehova hut a an ge meic ûnyi hnyi je hudiny ole; haba pipikhenya at ame lan tang tiny, me pipikhenyainy tiny hia, 4me li wagien, me pipikhenyainy cicö li jebalainon me ûnyi ae lâû ethö hon akiny, e ame he ka tha hom me li wagien. 5Kʼ ame he laku Arona ka le ûnyi e hon taben bi hut, hon hut hnân le hnyi hna hû meic: wale hut a an hnen meic, ae bo so kö Iehova.
6Ke ame ne ûnyi hnyi hnahat meno anyin hut hnâu hudiny ole, ame ne baga ame ne momo, me e ame he ka hudo at ae ba hnyikongon. 7Ame ne hudo nokon mamoe hnân anyin hut, me e ame he ka hudo e hnyi hnyimakö Iehova: 8ke e ame he ka ip hnyamen hon ban anyin hut me hlingâ e hnyi hnyimakan uma ûkhacaköu, kʼ ame he laku Arona ka dukâiâ dra igigilö hon taben bi hut. 9Ke e ame he ka hudo kö Iehova hut a an ge meic ûnyi hnyi je hudiny ole; ke haba pipikhenyainy, me obiny ae bekhöt ae pipikhenya e ame he ka hom ûnyi hnyi jö tot; ke haba pipikhenya at ame lan tang tiny, me pipikhenya hia hnyi tiny, 10me li wagien, me pipikhenyainy cicö li jebalainon, me ûnyi ae lau ethö hon akiny, e ame he ka tha hom e me li wagien. 11Kʼ ame he at bihut ka le hon taben hut: wale jeûiny hut a an ge meic kö Iehova.
12Kʼ ame ne got anyin hut, e ame he ka hudo hnyi hnyimakö Iehova. 13Ke e ame he ka ip hnyamen hon ban, me hlingâ hnyi hnyimakan uma ûkhacaköu: kʼ ame be laku Arona ka dukâiâ dren igigilö hon taben hut. 14Ke e ame he ka hudo ûnyi hnyin le anyin hut, a hut a an ge meic kö Iehova; ke haba pipikhenya at ame lan tany tiny, me pipikhenyainy hia tang tiny, 15me li wagien me pipikhenyainy, cicö li jebalainon, me ûnyi ae lau ethö hon akiny, e ame he ka tha hom me li wagien. 16Kʼ ame he at bihut ka le ta je ûnyi e hon taben hut: wale jeûiny hut a an ge meic hnân bo so: hobi kö Iehova pipikhenya hia. 17Ame he ka hnanyibu nyiele balua hnyi anyibun ta je dö, hnyi je hnyababun hia, ka habe, ca he öbun ka han pipikhenya me dra.
Currently Selected:
Levitiko 3: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society