Ta je huliwa 26
26
1HABA Ageripa ame ha kö Paulo, ka habe, Hamâm he ka haiö u. Haba Paulo ame lau but hnyamen me ka hâiâ e bi, ka habe,
2Than Ageripa lö, inya oge me ûnykûme a iny hnahic, anyin a oge me he ka haiwisö nya bi hnyi bong ang hnyi hnyimâkâm, ge ta je ûnyi hia ame bi fuci nya hnyin at Juda: 3anyin ae khanö u wia ta je hwakecin hia me ta je iwatretra anyin at Juda: anyin a wale inya oge me sumatö u he ka ling nya me ca hwenhöcö. 4E khana at Juda hia hwakecik kʼ iny tiga wanakat, waleji ame hwân dö hnyi ik hnyei me Jerusalema; 5ke khanʼ ödra inya ûnyi hnyi can a ne wedra he ka ohnatho, a e ûcû hwakecik hnyi ta je homhnyok ae nua hnyi ke keihen anyitin hmi, wale at Faresaio. 6Ke walang ang inya oge me tot mʼ adre me he ka hnei nya ge hna gejon a ha bânâ Khong ka lakamöta; 7wale ame ûnykûme anyita je tribu a twelv he ka o ka hnyin, kʼ adre me bi athnyabainy hwege hnyi lit me lany. Than lö, haba at Juda adre me bi fuci nya can gejon eling! 8Ieû gabun öbun e ûnykûme, ka habe, ca hnân bi kap a gʼ ame he Khong ka omelö hmetu thö tavat adre me mokcu? 9E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta. 10Waleji oge me ânyâ hnyi Jerusalema: ke se hia tavat ae kap oge me ip hnyi je uma ceat, ke oge me kap musi ûnyi ge je taben tavat bihut, ke adre me he ka hlingʼ ödrin, me oge me ogʼ ödra. 11Ke iny osehia oveci ödra hnyi ta je sunago, me ûjongi ödra he ka fuc bi gan; ke e gan hmâ anyik hmonyin ködra, me oge me okongu ödra ke ne o but ka hnyi ke je taun kanyua bi. 12Ke than lö, inya oge me tiga he Damaseko ai oge me hom musi me man ûnyi ge je taben tavat bihut, 13ke hnyi jebigo inya oge me wâ eû hnyi gethen melam ûnyi hnyi drany ae hadrö-ngöc hon seûno, ame umumelam igigili nya me hnyat ödrin e tha he mönya. 14Ke ohmun e ta hia ju eû hnyi kânâ, me inya oge me long hofuc ame ha könya, me ha hnyi hwen Heberu, ka habe, Saulo, Saulo lö, ieû gam u me okongu nya? u me ka oveci u me hûke je homakan ö. 15Me oge me ha, ka habe, Than lö, u ia? Haba Than ame ha, ka habe, Inya Iesu waleji u me labö okongo. 16Ke höhöi thö, me tot ge li cam: anyin a walang can me inye manen dut köu, mʼ adre me he ka wiö u hnân athnyaba me at ohnatho ta je ûnyi u je wâ, me ta je ûnyi oge me he ka manen hnyin köu; 17me hûgûnö u unyin tavat, me Aten ta je hnyei, wale oge me kunö u ka hnyin walang ang, 18me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya. 19Anyin a wale than Ageripa lö, oge me ca oûnyibâûâ hna omanenâ ûnyi hnyi drany: 20ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra. 21Wale can me me kot nya at Juda hnyin uma kap, me heleû deny he ka hlingö nya. 22Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o; 23ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.
24Ke e ame ka tiga hâiâ e bi helâe, haba Feso ame ha hwegiâ, ka habe, Paulo, u je monu but, hnen ûne ae gan hna omonu u. 25Ke haingö Paulo, ka habe, Than Feso lö, iny ca monu; ke inya oge me ba hofuc ae hnathu me metâ. 26Anyin ame wâhmakhmetoâ hnen than ta je ûnyi eang, me oge me ca hlohlo he ka fuc hnyi hnyimakan: anyin ae khanö nya wia ae ca iyong bi kâu ke ûnyi eang; anyin adre me ca ânyâ ûnyi eang hnyi dok ae iyong. 27Than Ageripa lö, hawa, u me kap je perofeta? e khanö nya a u me kap. 28Haba Ageripa ame ha kö Paulo, ka habe, U me beohmehmelö nya he ka bi Kerisiano ge ong hofuc ae ûhnyûkong. 29Me haingö Paulo, ka habe, Inya oge me khöû ka Khong, me me ca hake u thibi, ke ödra hia minya adre me ling nya hnyi bong ang, ame ne ûnyi ge hofuc ae ûhnyûkong ame ne gan, a gʼ adre he bi ka helâ mönya, ke ca ha bi hna co nya eang. 30Ke ame todrö than, me gavena, me Berenike me tavat adre me tha laba mödrin: 31ke ödrin e ûsâkâûö but mödra, me ûhnenamö, ka kabe, A ca mâdrâ at ang ke ûnyi ae ûcû me mok me ca. 32Haba Ageripa ame ha kö Feso, ka habe, a ne ca hongot at ang kö Kaisara, me ame ne khanʼ ödra he ka thang ut e.
Currently Selected:
Ta je huliwa 26: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 26
26
1HABA Ageripa ame ha kö Paulo, ka habe, Hamâm he ka haiö u. Haba Paulo ame lau but hnyamen me ka hâiâ e bi, ka habe,
2Than Ageripa lö, inya oge me ûnykûme a iny hnahic, anyin a oge me he ka haiwisö nya bi hnyi bong ang hnyi hnyimâkâm, ge ta je ûnyi hia ame bi fuci nya hnyin at Juda: 3anyin ae khanö u wia ta je hwakecin hia me ta je iwatretra anyin at Juda: anyin a wale inya oge me sumatö u he ka ling nya me ca hwenhöcö. 4E khana at Juda hia hwakecik kʼ iny tiga wanakat, waleji ame hwân dö hnyi ik hnyei me Jerusalema; 5ke khanʼ ödra inya ûnyi hnyi can a ne wedra he ka ohnatho, a e ûcû hwakecik hnyi ta je homhnyok ae nua hnyi ke keihen anyitin hmi, wale at Faresaio. 6Ke walang ang inya oge me tot mʼ adre me he ka hnei nya ge hna gejon a ha bânâ Khong ka lakamöta; 7wale ame ûnykûme anyita je tribu a twelv he ka o ka hnyin, kʼ adre me bi athnyabainy hwege hnyi lit me lany. Than lö, haba at Juda adre me bi fuci nya can gejon eling! 8Ieû gabun öbun e ûnykûme, ka habe, ca hnân bi kap a gʼ ame he Khong ka omelö hmetu thö tavat adre me mokcu? 9E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta. 10Waleji oge me ânyâ hnyi Jerusalema: ke se hia tavat ae kap oge me ip hnyi je uma ceat, ke oge me kap musi ûnyi ge je taben tavat bihut, ke adre me he ka hlingʼ ödrin, me oge me ogʼ ödra. 11Ke iny osehia oveci ödra hnyi ta je sunago, me ûjongi ödra he ka fuc bi gan; ke e gan hmâ anyik hmonyin ködra, me oge me okongu ödra ke ne o but ka hnyi ke je taun kanyua bi. 12Ke than lö, inya oge me tiga he Damaseko ai oge me hom musi me man ûnyi ge je taben tavat bihut, 13ke hnyi jebigo inya oge me wâ eû hnyi gethen melam ûnyi hnyi drany ae hadrö-ngöc hon seûno, ame umumelam igigili nya me hnyat ödrin e tha he mönya. 14Ke ohmun e ta hia ju eû hnyi kânâ, me inya oge me long hofuc ame ha könya, me ha hnyi hwen Heberu, ka habe, Saulo, Saulo lö, ieû gam u me okongu nya? u me ka oveci u me hûke je homakan ö. 15Me oge me ha, ka habe, Than lö, u ia? Haba Than ame ha, ka habe, Inya Iesu waleji u me labö okongo. 16Ke höhöi thö, me tot ge li cam: anyin a walang can me inye manen dut köu, mʼ adre me he ka wiö u hnân athnyaba me at ohnatho ta je ûnyi u je wâ, me ta je ûnyi oge me he ka manen hnyin köu; 17me hûgûnö u unyin tavat, me Aten ta je hnyei, wale oge me kunö u ka hnyin walang ang, 18me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya. 19Anyin a wale than Ageripa lö, oge me ca oûnyibâûâ hna omanenâ ûnyi hnyi drany: 20ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra. 21Wale can me me kot nya at Juda hnyin uma kap, me heleû deny he ka hlingö nya. 22Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o; 23ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.
24Ke e ame ka tiga hâiâ e bi helâe, haba Feso ame ha hwegiâ, ka habe, Paulo, u je monu but, hnen ûne ae gan hna omonu u. 25Ke haingö Paulo, ka habe, Than Feso lö, iny ca monu; ke inya oge me ba hofuc ae hnathu me metâ. 26Anyin ame wâhmakhmetoâ hnen than ta je ûnyi eang, me oge me ca hlohlo he ka fuc hnyi hnyimakan: anyin ae khanö nya wia ae ca iyong bi kâu ke ûnyi eang; anyin adre me ca ânyâ ûnyi eang hnyi dok ae iyong. 27Than Ageripa lö, hawa, u me kap je perofeta? e khanö nya a u me kap. 28Haba Ageripa ame ha kö Paulo, ka habe, U me beohmehmelö nya he ka bi Kerisiano ge ong hofuc ae ûhnyûkong. 29Me haingö Paulo, ka habe, Inya oge me khöû ka Khong, me me ca hake u thibi, ke ödra hia minya adre me ling nya hnyi bong ang, ame ne ûnyi ge hofuc ae ûhnyûkong ame ne gan, a gʼ adre he bi ka helâ mönya, ke ca ha bi hna co nya eang. 30Ke ame todrö than, me gavena, me Berenike me tavat adre me tha laba mödrin: 31ke ödrin e ûsâkâûö but mödra, me ûhnenamö, ka kabe, A ca mâdrâ at ang ke ûnyi ae ûcû me mok me ca. 32Haba Ageripa ame ha kö Feso, ka habe, a ne ca hongot at ang kö Kaisara, me ame ne khanʼ ödra he ka thang ut e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society