Roma 11
11
Uruguz Ta̱mu̱ta̱dde̱n olli Ya̱u̱do̱
1Ize zin Pa̱u̱lo̱ ne, ja ki̱jji̱nnu̱ng: Utubur Ta̱mu̱ta̱dde̱n ol ciginnek? Iróng een niko! Ke̱e̱ni̱ anna eliya e̱e̱t ci Israilo, ke̱e̱ni̱ do̱le̱c ci biilet ci Benjamini ci a̱kku̱ olle cik Aburahami. 2Ngen zin Ta̱mu̱ta̱dde̱n kutubur ol ciginnek balik atahala enne ke̱. A̱gga̱yyu̱ niga zoz ci eher a̱ri̱to̱i̱ti̱ ci Waraga ci Ta̱mu̱ta̱dde̱no̱ wa een zara E̱li̱ja̱#11:2 E̱li̱ja̱: Een E̱li̱ja̱ a̱ri̱to̱i̱t ci olli Ya̱u̱do̱ bali okkoye Ta̱mu̱ta̱dde̱n nonno rugetet ta̱mu̱-kenga ke̱. A̱rri̱ta̱i̱ enne ba̱li̱ye̱ e̱rki̱nya̱i̱ cik een obet torkoc (900) baling ngen Ye̱su̱ ki̱ti̱rra̱i̱. Ikeb I Alaat 17-21; 2 Alaat 1-3. ngati a̱jji̱nne̱ Ta̱mu̱ta̱dde̱n zo̱ze̱ ci olli Israilo, a̱nne̱k ne, 3“Manyi, u̱ru̱we̱t olli Ya̱u̱do̱ a̱ri̱tto̱k cik zoz cunne, egerzanit i̱te̱le̱nya̱ cigunnek. Ize annit do̱ niko ci karugi, imma i̱yo̱ko̱, orongit nege ku̱ru̱kta̱ annit bu̱k.”#1 Alaat 19:10-14 4O̱bo̱de̱k ba̱li̱ye̱ Ta̱mu̱ta̱dde̱n E̱li̱ja̱ zoz ci azi ne? “Kanyikzaki ol cik een i̱bbo̱nge̱t turgerem (7,000) kize ja̱mi̱te̱n cik ngen kalac ta̱mu̱ta̱dde̱n ci een Ba̱a̱l#11:4 Ba̱a̱l: Een Ba̱a̱li̱ ta̱mu̱ta̱dde̱n ci iróng een de̱de̱. IkebJudges 6:25-32. adimana e̱e̱ti̱ azzine.”#1 Alaat 19:18 5Ogon i̱yo̱ko̱ bu̱k niko. Anyak ol wak anyigzai ahala Ta̱mu̱ta̱dde̱n manyi deten. 6Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.
7I̱yo̱ko̱ zin i̱ye̱le̱kke̱t zoz necu agit nya? I̱ye̱le̱kke̱t zoz necu zoz ci olli Israilo do̱o̱k, anyak u̱gge̱ ngatinne̱ng cik u̱mu̱dda̱ gi̱i̱ ci aara nogo mu̱nye̱n. Ovvo uggak ngatinne̱ng odoi zi̱nze̱tti̱ ci iróng aziye zoz ci Ta̱mu̱ta̱dde̱no̱, 8ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne,
“Aanyik Ta̱mu̱ta̱dde̱n o̱o̱tti̱ cigge̱k kudunget,
iróng ebere ngen acine,
ovvo iina iróng ngen aziye,
rok i̱yo̱ko̱ niko.”#Deuteronomy 29:4; Isaya 29:10
9Azi zin ba̱li̱ye̱ a̱ri̱to̱i̱ti̱ wa Ta̱mu̱ta̱dde̱no̱ een Da̱vi̱de̱ ne,
“Maya ming amuda nong da̱i̱nte̱ ne̱k adak nege ko̱,
anyik kize gi̱i̱ ci adir nogo baiza.
10Maya ming a̱gi̱da̱nga̱n gi̱i̱ nogo ebere kar iróng nege acin gi̱i̱ imma,
maya ming amuda piryanzet ci akane nege culum udut.”#Caliwon 69:22-23
Amuda atin ol cik iróng een Ya̱u̱d ti̱ri̱ze̱ne̱t ci Ta̱mu̱ta̱dde̱no̱
11I̱yo̱ko̱ zin, ka̱jji̱ne̱ kazi ne: Ming abaccit olli Ya̱u̱do̱ ko̱, iróng atin Ta̱mu̱ta̱dde̱n ngen elemi nogo? Iróng een niko! Aanyik zoz ci olli Ya̱u̱do̱ mu̱nye̱nu̱ ko̱ ol cik iróng een Ya̱u̱d kurubta ti̱ri̱ze̱ne̱t ci Ta̱mu̱ta̱dde̱no̱, anyak atin olli Ya̱u̱do̱ meder zo̱ze̱ necu, orong ti̱ri̱ze̱ne̱t necu kize ci e̱le̱tti̱ cigge̱k do̱. 12Abarik ming ize mu̱nye̱n cik olli Ya̱u̱do̱ cik anyahak olli lo̱o̱tu̱ eezet, okko atin gool ci aanyik nege bo̱i̱c Ta̱mu̱ta̱dde̱n ko̱, een eezet ngati ol wak iróng een Ya̱u̱d. Ommog atin eezet cinne̱ng veelek ming o̱bo̱dda̱k nege Ta̱mu̱ta̱dde̱n.
13Korongi kozozeung i̱ge̱t ol cik iróng e̱e̱ggi̱nnu̱ Ya̱u̱d ko̱, i̱tto̱na̱na̱ Ta̱mu̱ta̱dde̱n kar kize to̱ni̱a̱t ci Ye̱su̱, ka̱li̱ngli̱ngi̱ zoz cinne orgene ci ol cik iróng e̱e̱ggi̱n Ya̱u̱d. Katalne anna oroot li̱ngli̱ngo̱ne̱ necu. 14Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t. 15Ming utuburet olli Ya̱u̱do̱ Ta̱mu̱ta̱dde̱n ko̱, kize gi̱i̱ ci aganiz olli lo̱o̱tu̱ ki Ta̱mu̱ta̱dde̱n, ming elemtta olli Israilo Ta̱mu̱ta̱dde̱n, ogon atin ki ci itinga e̱e̱ti̱ ci a̱da̱ha̱ daiza kurug. 16Ming aanyik ol a̱vu̱ca̱c ci ngen e̱e̱ti̱ imma katar ki̱li̱li̱, a̱li̱le̱ zin merte do̱o̱k; ming a̱li̱le̱ egero cik keetak, a̱li̱le̱ alawo do̱o̱k.
17Ming u̱du̱lte̱ alawo uggak cik keet ci i̱ngi̱ro̱u̱,#11:17 Keet ci i̱ngi̱ro̱u̱: Biye cu, anyak keen cik meelek i̱ngi̱ro̱u̱. Okoli keet ci een i̱ngi̱ro̱c ko̱ o̱ya̱u̱ cik wo̱ye̱ adak ol icima amacca ol maal ci irez olli Ya̱u̱do̱ oroot ngati aahe da̱i̱ne̱t icima atukule urez. ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k, 18ma odongnyu e̱le̱tti̱ zo̱ze̱ ci alawo ne̱ko̱. Ming odongtu e̱le̱tti̱, abunna ming ogonnu zoz cu: Iróng i̱nne̱t ci eela egero, abarik egero cik eelanin. 19Azi atin i̱nna̱ ne, “U̱du̱lta̱i̱ alawo cik ke̱e̱tu̱ cik ogon ki olli Ya̱u̱do̱ kar naga i̱do̱ngi̱ karagizet ngintinne̱ng.” 20Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱. 21Eci Ta̱mu̱ta̱dde̱n utubur olli Ya̱u̱do̱ wak iróng a̱tu̱ zoz ci Ye̱su̱ wa een boor cinne̱ng, aburnnung atin enne i̱ge̱t bu̱k ol wak iróng e̱e̱ggi̱n Ya̱u̱d wak iróng a̱tu̱ Ye̱su̱.
22Ka̱gga̱ zin naga anyak Ta̱mu̱ta̱dde̱n zinin ci alali, kar bo̱do̱k gon kutubur nong. Abure nong oroot ngati olli Ya̱u̱do̱ wak iróng a̱tu̱we̱, okko alalnek ol wak iróng een Ya̱u̱d wak a̱tu̱we̱. Ming iróng niga odolnannu tu̱we̱nta̱, aburnnung atin enne i̱ge̱t bu̱k. 23Baling ovvo olli Ya̱u̱do̱ oboda a̱tu̱ Ye̱su̱ bo̱do̱k, anyak Ta̱mu̱ta̱dde̱n komiz ci anyike nogo kizeto boor cinne. 24Ka̱gga̱ zin naga u̱tu̱gu̱ Ta̱mu̱ta̱dde̱n gi̱i̱ ci abunna, anyahaung enne i̱ge̱t ol wak iróng a̱tu̱we̱ kar izet ol cik a̱tu̱we̱, obowe atin ngati Ta̱mu̱ta̱dde̱no̱ kar kobodai olli Israilo ki̱vi̱ta̱ ku̱tu̱we̱t nonno keete ci i̱ngi̱ro̱u̱.
A̱ti̱ri̱z atin Ta̱mu̱ta̱dde̱n olli Ya̱u̱do̱ do̱o̱k
25Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno. 26Kar zin atin vu̱rrta̱, i̱vi̱ta̱ olli Israilo do̱o̱k urubta ti̱ri̱ze̱ne̱t. Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱, azi ne,
“A̱kku̱ atin e̱e̱ti̱ imma ci okko a̱ti̱ri̱z ol do̱o̱k o̱rge̱ ci een Zion.
Okko atin enne aara ol wak iróng elemi Ta̱mu̱ta̱dde̱n olle wak aavtte ki Ya̱ko̱bo̱.
27Een necu olom cinanni ki nogo,
ming kokko atin kaara nogo mu̱nye̱n.”#Jeremiah 31:33-34
28Imma zo̱ze̱ ci aburne nege kaviyak cik abunna Ta̱mu̱ta̱dde̱no̱ ko̱, amarto zin nege ki Ta̱mu̱ta̱dde̱n. Irez Ta̱mu̱ta̱dde̱n nogo zo̱ze̱ ci ji̱ji̱ti̱gge̱k. 29Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱. 30Anyak i̱i̱te̱n imma ba̱li̱ye̱ ci aburnnu niga ol cik iróng een Ya̱u̱d zoz ci Ta̱mu̱ta̱dde̱no̱, imma i̱yo̱ko̱ urubtau niga deten eci utuburet nege zoz cinne. 31I̱yo̱ko̱ zin, utuburet nege bu̱k zoz ci Ta̱mu̱ta̱dde̱no̱, kar atin nege bu̱k kurubta bunnat ci Ta̱mu̱ta̱dde̱no̱ ki ming i̱ye̱le̱kku̱ng enne i̱ge̱t bunnat cinne ko̱. 32Aanyik Ta̱mu̱ta̱dde̱n ol do̱o̱k ka̱vvu̱to̱ ki i̱yo̱ko̱ ol cik e̱ce̱bje̱ lagama eci nege utuburet iróng ngen azunne zoz cinne. Ogon enne niko kar atin ki̱ti̱ri̱z nogo do̱o̱k bunnate cinne.
Lo̱ng ci ke̱be̱ni̱k Ta̱mu̱ta̱dde̱n
33Eeh, ngene ci wo̱ye̱ atiman genyiz ki jainzet ci Ta̱mu̱ta̱dde̱no̱?
Ngene ci wo̱ye̱ a̱gga̱ zoz ci odola enne,
icima oobiket zoz ci ogon enne?
34Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱ zoz ci azi ne, “I̱llo̱i̱ e̱e̱t co̱de̱ ci a̱gga̱ i̱no̱ni̱ ci Manyi Ta̱mu̱ta̱dde̱no̱.
Icima, i̱llo̱i̱ e̱e̱t imma ci i̱lo̱t nonno.#Isaya 40:13; Isaya 59:20-21
35I̱llo̱i̱ e̱e̱t imma ci aanyik Ta̱mu̱ta̱dde̱n gi̱i̱ imma kize nga̱bo̱lo̱,
kar atin enne la̱du̱n ku̱ru̱k nga̱bo̱lo̱ neci.”#Job 41:11
36Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek.
Abunna zin ka̱di̱ngdi̱nga̱n naga do̱o̱k nonno udut. Nonno nenen.
Currently Selected:
Roma 11: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Roma 11
11
Uruguz Ta̱mu̱ta̱dde̱n olli Ya̱u̱do̱
1Ize zin Pa̱u̱lo̱ ne, ja ki̱jji̱nnu̱ng: Utubur Ta̱mu̱ta̱dde̱n ol ciginnek? Iróng een niko! Ke̱e̱ni̱ anna eliya e̱e̱t ci Israilo, ke̱e̱ni̱ do̱le̱c ci biilet ci Benjamini ci a̱kku̱ olle cik Aburahami. 2Ngen zin Ta̱mu̱ta̱dde̱n kutubur ol ciginnek balik atahala enne ke̱. A̱gga̱yyu̱ niga zoz ci eher a̱ri̱to̱i̱ti̱ ci Waraga ci Ta̱mu̱ta̱dde̱no̱ wa een zara E̱li̱ja̱#11:2 E̱li̱ja̱: Een E̱li̱ja̱ a̱ri̱to̱i̱t ci olli Ya̱u̱do̱ bali okkoye Ta̱mu̱ta̱dde̱n nonno rugetet ta̱mu̱-kenga ke̱. A̱rri̱ta̱i̱ enne ba̱li̱ye̱ e̱rki̱nya̱i̱ cik een obet torkoc (900) baling ngen Ye̱su̱ ki̱ti̱rra̱i̱. Ikeb I Alaat 17-21; 2 Alaat 1-3. ngati a̱jji̱nne̱ Ta̱mu̱ta̱dde̱n zo̱ze̱ ci olli Israilo, a̱nne̱k ne, 3“Manyi, u̱ru̱we̱t olli Ya̱u̱do̱ a̱ri̱tto̱k cik zoz cunne, egerzanit i̱te̱le̱nya̱ cigunnek. Ize annit do̱ niko ci karugi, imma i̱yo̱ko̱, orongit nege ku̱ru̱kta̱ annit bu̱k.”#1 Alaat 19:10-14 4O̱bo̱de̱k ba̱li̱ye̱ Ta̱mu̱ta̱dde̱n E̱li̱ja̱ zoz ci azi ne? “Kanyikzaki ol cik een i̱bbo̱nge̱t turgerem (7,000) kize ja̱mi̱te̱n cik ngen kalac ta̱mu̱ta̱dde̱n ci een Ba̱a̱l#11:4 Ba̱a̱l: Een Ba̱a̱li̱ ta̱mu̱ta̱dde̱n ci iróng een de̱de̱. IkebJudges 6:25-32. adimana e̱e̱ti̱ azzine.”#1 Alaat 19:18 5Ogon i̱yo̱ko̱ bu̱k niko. Anyak ol wak anyigzai ahala Ta̱mu̱ta̱dde̱n manyi deten. 6Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.
7I̱yo̱ko̱ zin i̱ye̱le̱kke̱t zoz necu agit nya? I̱ye̱le̱kke̱t zoz necu zoz ci olli Israilo do̱o̱k, anyak u̱gge̱ ngatinne̱ng cik u̱mu̱dda̱ gi̱i̱ ci aara nogo mu̱nye̱n. Ovvo uggak ngatinne̱ng odoi zi̱nze̱tti̱ ci iróng aziye zoz ci Ta̱mu̱ta̱dde̱no̱, 8ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne,
“Aanyik Ta̱mu̱ta̱dde̱n o̱o̱tti̱ cigge̱k kudunget,
iróng ebere ngen acine,
ovvo iina iróng ngen aziye,
rok i̱yo̱ko̱ niko.”#Deuteronomy 29:4; Isaya 29:10
9Azi zin ba̱li̱ye̱ a̱ri̱to̱i̱ti̱ wa Ta̱mu̱ta̱dde̱no̱ een Da̱vi̱de̱ ne,
“Maya ming amuda nong da̱i̱nte̱ ne̱k adak nege ko̱,
anyik kize gi̱i̱ ci adir nogo baiza.
10Maya ming a̱gi̱da̱nga̱n gi̱i̱ nogo ebere kar iróng nege acin gi̱i̱ imma,
maya ming amuda piryanzet ci akane nege culum udut.”#Caliwon 69:22-23
Amuda atin ol cik iróng een Ya̱u̱d ti̱ri̱ze̱ne̱t ci Ta̱mu̱ta̱dde̱no̱
11I̱yo̱ko̱ zin, ka̱jji̱ne̱ kazi ne: Ming abaccit olli Ya̱u̱do̱ ko̱, iróng atin Ta̱mu̱ta̱dde̱n ngen elemi nogo? Iróng een niko! Aanyik zoz ci olli Ya̱u̱do̱ mu̱nye̱nu̱ ko̱ ol cik iróng een Ya̱u̱d kurubta ti̱ri̱ze̱ne̱t ci Ta̱mu̱ta̱dde̱no̱, anyak atin olli Ya̱u̱do̱ meder zo̱ze̱ necu, orong ti̱ri̱ze̱ne̱t necu kize ci e̱le̱tti̱ cigge̱k do̱. 12Abarik ming ize mu̱nye̱n cik olli Ya̱u̱do̱ cik anyahak olli lo̱o̱tu̱ eezet, okko atin gool ci aanyik nege bo̱i̱c Ta̱mu̱ta̱dde̱n ko̱, een eezet ngati ol wak iróng een Ya̱u̱d. Ommog atin eezet cinne̱ng veelek ming o̱bo̱dda̱k nege Ta̱mu̱ta̱dde̱n.
13Korongi kozozeung i̱ge̱t ol cik iróng e̱e̱ggi̱nnu̱ Ya̱u̱d ko̱, i̱tto̱na̱na̱ Ta̱mu̱ta̱dde̱n kar kize to̱ni̱a̱t ci Ye̱su̱, ka̱li̱ngli̱ngi̱ zoz cinne orgene ci ol cik iróng e̱e̱ggi̱n Ya̱u̱d. Katalne anna oroot li̱ngli̱ngo̱ne̱ necu. 14Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t. 15Ming utuburet olli Ya̱u̱do̱ Ta̱mu̱ta̱dde̱n ko̱, kize gi̱i̱ ci aganiz olli lo̱o̱tu̱ ki Ta̱mu̱ta̱dde̱n, ming elemtta olli Israilo Ta̱mu̱ta̱dde̱n, ogon atin ki ci itinga e̱e̱ti̱ ci a̱da̱ha̱ daiza kurug. 16Ming aanyik ol a̱vu̱ca̱c ci ngen e̱e̱ti̱ imma katar ki̱li̱li̱, a̱li̱le̱ zin merte do̱o̱k; ming a̱li̱le̱ egero cik keetak, a̱li̱le̱ alawo do̱o̱k.
17Ming u̱du̱lte̱ alawo uggak cik keet ci i̱ngi̱ro̱u̱,#11:17 Keet ci i̱ngi̱ro̱u̱: Biye cu, anyak keen cik meelek i̱ngi̱ro̱u̱. Okoli keet ci een i̱ngi̱ro̱c ko̱ o̱ya̱u̱ cik wo̱ye̱ adak ol icima amacca ol maal ci irez olli Ya̱u̱do̱ oroot ngati aahe da̱i̱ne̱t icima atukule urez. ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k, 18ma odongnyu e̱le̱tti̱ zo̱ze̱ ci alawo ne̱ko̱. Ming odongtu e̱le̱tti̱, abunna ming ogonnu zoz cu: Iróng i̱nne̱t ci eela egero, abarik egero cik eelanin. 19Azi atin i̱nna̱ ne, “U̱du̱lta̱i̱ alawo cik ke̱e̱tu̱ cik ogon ki olli Ya̱u̱do̱ kar naga i̱do̱ngi̱ karagizet ngintinne̱ng.” 20Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱. 21Eci Ta̱mu̱ta̱dde̱n utubur olli Ya̱u̱do̱ wak iróng a̱tu̱ zoz ci Ye̱su̱ wa een boor cinne̱ng, aburnnung atin enne i̱ge̱t bu̱k ol wak iróng e̱e̱ggi̱n Ya̱u̱d wak iróng a̱tu̱ Ye̱su̱.
22Ka̱gga̱ zin naga anyak Ta̱mu̱ta̱dde̱n zinin ci alali, kar bo̱do̱k gon kutubur nong. Abure nong oroot ngati olli Ya̱u̱do̱ wak iróng a̱tu̱we̱, okko alalnek ol wak iróng een Ya̱u̱d wak a̱tu̱we̱. Ming iróng niga odolnannu tu̱we̱nta̱, aburnnung atin enne i̱ge̱t bu̱k. 23Baling ovvo olli Ya̱u̱do̱ oboda a̱tu̱ Ye̱su̱ bo̱do̱k, anyak Ta̱mu̱ta̱dde̱n komiz ci anyike nogo kizeto boor cinne. 24Ka̱gga̱ zin naga u̱tu̱gu̱ Ta̱mu̱ta̱dde̱n gi̱i̱ ci abunna, anyahaung enne i̱ge̱t ol wak iróng a̱tu̱we̱ kar izet ol cik a̱tu̱we̱, obowe atin ngati Ta̱mu̱ta̱dde̱no̱ kar kobodai olli Israilo ki̱vi̱ta̱ ku̱tu̱we̱t nonno keete ci i̱ngi̱ro̱u̱.
A̱ti̱ri̱z atin Ta̱mu̱ta̱dde̱n olli Ya̱u̱do̱ do̱o̱k
25Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno. 26Kar zin atin vu̱rrta̱, i̱vi̱ta̱ olli Israilo do̱o̱k urubta ti̱ri̱ze̱ne̱t. Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱, azi ne,
“A̱kku̱ atin e̱e̱ti̱ imma ci okko a̱ti̱ri̱z ol do̱o̱k o̱rge̱ ci een Zion.
Okko atin enne aara ol wak iróng elemi Ta̱mu̱ta̱dde̱n olle wak aavtte ki Ya̱ko̱bo̱.
27Een necu olom cinanni ki nogo,
ming kokko atin kaara nogo mu̱nye̱n.”#Jeremiah 31:33-34
28Imma zo̱ze̱ ci aburne nege kaviyak cik abunna Ta̱mu̱ta̱dde̱no̱ ko̱, amarto zin nege ki Ta̱mu̱ta̱dde̱n. Irez Ta̱mu̱ta̱dde̱n nogo zo̱ze̱ ci ji̱ji̱ti̱gge̱k. 29Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱. 30Anyak i̱i̱te̱n imma ba̱li̱ye̱ ci aburnnu niga ol cik iróng een Ya̱u̱d zoz ci Ta̱mu̱ta̱dde̱no̱, imma i̱yo̱ko̱ urubtau niga deten eci utuburet nege zoz cinne. 31I̱yo̱ko̱ zin, utuburet nege bu̱k zoz ci Ta̱mu̱ta̱dde̱no̱, kar atin nege bu̱k kurubta bunnat ci Ta̱mu̱ta̱dde̱no̱ ki ming i̱ye̱le̱kku̱ng enne i̱ge̱t bunnat cinne ko̱. 32Aanyik Ta̱mu̱ta̱dde̱n ol do̱o̱k ka̱vvu̱to̱ ki i̱yo̱ko̱ ol cik e̱ce̱bje̱ lagama eci nege utuburet iróng ngen azunne zoz cinne. Ogon enne niko kar atin ki̱ti̱ri̱z nogo do̱o̱k bunnate cinne.
Lo̱ng ci ke̱be̱ni̱k Ta̱mu̱ta̱dde̱n
33Eeh, ngene ci wo̱ye̱ atiman genyiz ki jainzet ci Ta̱mu̱ta̱dde̱no̱?
Ngene ci wo̱ye̱ a̱gga̱ zoz ci odola enne,
icima oobiket zoz ci ogon enne?
34Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱ zoz ci azi ne, “I̱llo̱i̱ e̱e̱t co̱de̱ ci a̱gga̱ i̱no̱ni̱ ci Manyi Ta̱mu̱ta̱dde̱no̱.
Icima, i̱llo̱i̱ e̱e̱t imma ci i̱lo̱t nonno.#Isaya 40:13; Isaya 59:20-21
35I̱llo̱i̱ e̱e̱t imma ci aanyik Ta̱mu̱ta̱dde̱n gi̱i̱ imma kize nga̱bo̱lo̱,
kar atin enne la̱du̱n ku̱ru̱k nga̱bo̱lo̱ neci.”#Job 41:11
36Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek.
Abunna zin ka̱di̱ngdi̱nga̱n naga do̱o̱k nonno udut. Nonno nenen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.