Ga̱la̱ti̱a̱ 3
3
Tu̱we̱ne̱t Ta̱mu̱ta̱dde̱n ci a̱ti̱ri̱ze̱t iróng een lo̱ti̱nno̱k
1Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k. 2I̱yo̱ko̱, ja ki̱jji̱nnu̱ng zoz co̱de̱: A̱gga̱mtta̱u̱ Vongiz ci A̱li̱le̱#3:2 Vongiz ci A̱li̱le̱: Een Vongizi ci A̱li̱le̱ ko̱ Vongiz ci Ta̱mu̱ta̱dde̱no̱. A̱du̱wa̱ Zoz ci Ta̱mu̱ta̱dde̱no̱ azi ne, een Baba Ta̱mu̱ta̱dde̱n, okko Ngerinne Ye̱su̱ een Ta̱mu̱ta̱dde̱n kar bo̱do̱k Vongizi ci A̱li̱le̱ een Ta̱mu̱ta̱dde̱n. E̱e̱ggi̱n Baba, ki Ngerinne ki Vongiz nege do̱o̱k Ta̱mu̱ta̱dde̱n co̱de̱. IkebJon 1:1-18; 8:41-42; Buk wa To̱ni̱a̱u̱ 5:3-4. ngati azunnu lo̱ti̱nno̱k cik Musesi? I̱llo̱i̱, a̱gga̱mtta̱u̱ niga Vongiz ci A̱li̱le̱ tu̱we̱nta̱ kaviyak cik abunna obod ki Ye̱su̱. 3E̱e̱ggi̱nnu̱ tarbale niko nya? Arrak ba̱li̱ye̱ a̱ka̱tta̱u̱ baiz ci abunna amudannu Vongize ci A̱li̱le̱ Ta̱mu̱ta̱dde̱no̱. I̱yo̱ko̱ zin, ma ngen abakku baiz ci akannu niga ci aave do̱, kar u̱tu̱gu̱z kaal cik adimannu o̱o̱tti̱ne̱ cuggo̱k kar izet ol cik abunna ngu̱me̱ ci Ta̱mu̱ta̱dde̱no̱. 4Ipirrtau ba̱li̱ye̱ niga oroot zo̱ze̱ ci a̱tu̱yyu̱ Ye̱su̱, gerza ming amurya pirnanet cunno̱ng.
5I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.
6I̱no̱ni̱t zoz ci Aburahami:#3:6 Aburaham: Awu Ta̱mu̱ta̱dde̱n nonno abunna ming uungnek boor ki lo̱o̱c cinne lo̱o̱c kar kunu Ta̱mu̱ta̱dde̱n rok lo̱o̱c ci een jor. I̱ki̱ya̱ enne ize be̱e̱ti̱ olli Ya̱u̱do̱. Abak enne e̱rki̱nya̱ i̱bbo̱ng co̱de̱ ki obet tu̱rge̱ (1,800) baling ngen Ye̱su̱ ki̱ti̱rra̱i̱ ke̱. IkebKananet 12-26. “Elema enne zoz ci Ta̱mu̱ta̱dde̱no̱, kar enne kanyik nonno kize e̱e̱t ci abunna.”#Kananet 15:6 7Abunna zin ming a̱gga̱yyu̱, een ol wak a̱tu̱we̱ ko̱ dooli cik Aburahami de̱de̱ tu̱we̱nta̱.
8Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”#Kananet 12:3; Kananet 18:18; Kananet 22:18 9Imma zin ngatu, ozol ol wak a̱tu̱ Ye̱su̱ ma̱yu̱we̱ne̱t bali Aburahami ke̱ bu̱k eci enne umuda ma̱yu̱we̱ne̱t neci tu̱we̱nta̱.
10Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”#Deuteronomy 27:26 11Een de̱de̱, iróng e̱e̱ti̱ imma abak baiz ci abunna ngu̱me̱ ci Ta̱mu̱ta̱dde̱no̱ ming azunne enne lo̱ti̱nno̱k do̱, eci e̱he̱rye̱ Warage ci Ta̱mu̱ta̱dde̱no̱ azi ne, “Abak atin e̱e̱ti̱ ci abunna tu̱we̱nta̱.”#Habakkuk 2:4 12Iróng tu̱we̱ne̱t abile lo̱ti̱nno̱we̱ do̱, abarik azi ne, “Ming ogon e̱e̱ti̱ kaal ne̱ko̱, abak atin enne kaale ne̱ko̱.”#Leviticus 18:5
13Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.#3:13 Ta̱la̱ke̱c: Ododek olli Romi ol ta̱la̱ke̱c ci een keet abunna ming edez u̱ce̱zi̱ e̱e̱t idic idic zee ka̱da̱k e̱e̱ti̱.”#Deuteronomy 21:23 14Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.
Kazunne lo̱ti̱nno̱k icima zoz ci u̱du̱wa̱ Manyi
15Gotonogga ki ngonogga tu̱we̱nta̱, ja i̱yo̱ko̱ ku̱du̱wa̱ gi̱i̱ ci i̱ya̱bzo̱ni̱k e̱e̱t ci diiri baiza zo̱ze̱ necu. Imma ming u̱tu̱gu̱zzo̱ ol cik een ram olom cinne̱ng kiwagon ming etted to̱o̱le̱c, iróng atin e̱e̱ti̱ co̱de̱ ngatinne̱ng uhu icima egerzan olom neci. 16U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,”#Kananet 12:7; Kananet 13:15; Kananet 24:7 een zin do̱le̱c neci Ki̱ri̱sto̱. 17Icu ungec ci zoz ci ka̱du̱wa̱ ko̱: Iróng atin olomi ci u̱tu̱gu̱we̱k Ta̱mu̱ta̱dde̱n Aburaham ko̱ uukce ki i̱yo̱ko̱ ming etted ol cik een rama to̱o̱le̱c ko̱, u̱du̱wa̱ enne olom neci, i̱yo̱ko̱ edeca e̱rki̱nya̱ obet we̱c ki moten i̱i̱yo̱ (430). Iróng zin lo̱ti̱nno̱wa̱ cik Musesi uhu olom bali u̱du̱wa̱k Ta̱mu̱ta̱dde̱n Aburaham ke̱. 18I̱yo̱ko̱, ming okko Ta̱mu̱ta̱dde̱n a̱mu̱yu̱k ol baize ci aave udut zo̱ze̱ ci azunne nege lo̱ti̱nno̱k cik Musesi, iróng zin een go̱o̱le̱ bali u̱du̱wa̱ Ta̱mu̱ta̱dde̱n ke̱. Abarik zin Ta̱mu̱ta̱dde̱n a̱mu̱yu̱k baiz ci Aburahami go̱o̱le̱ bali u̱du̱wa̱ enne ke̱.
19Een zin li̱ngli̱ngo̱ni̱ ci lo̱ti̱nno̱u̱ ko̱ ni̱i̱? De̱de̱, anyonikket lo̱ti̱nno̱wa̱ vu̱rrta̱ kize ci i̱ye̱la̱ mu̱nye̱n, eci e̱e̱ti̱ ci diiri i̱ti̱k tu̱. E̱e̱ggi̱n lo̱ti̱nno̱wa̱ ne̱ke̱ cik abak zee kuruba do̱le̱c ci Aburahami#3:19 Do̱le̱c ci Aburahami: Een do̱le̱c necu Ye̱su̱ Ki̱ri̱sto̱. IkebGa̱la̱ti̱a̱ 3:16. bali u̱du̱wa̱ Ta̱mu̱ta̱dde̱n i̱i̱na̱k atin zoz neci nonno ke̱. Ta̱mu̱ta̱dde̱n ci adiman lo̱ti̱nno̱k kar kanyik anjilonya#3:19 Anjilonya: E̱e̱ggi̱n nege vongizzok cik aavtte ki Ta̱mu̱ta̱dde̱n ta̱mu̱-kenga kar bo̱do̱k iróng nege anyak e̱le̱tti̱ cik okkomi. I̱tto̱n gon Ta̱mu̱ta̱dde̱n nogo i̱i̱te̱n imma koot lo̱o̱ta̱ kanyaktak ol zoz cinne. ciginnek ta̱mu̱-kenga kanyaktak lo̱o̱c, okko Musesi een zoc ci a̱gga̱m zoz ci Ta̱mu̱ta̱dde̱no̱ kar ku̱du̱wa̱k ol. 20Kanyak naga Ta̱mu̱ta̱dde̱n co̱de̱, iróng enne eliye cinne orong e̱e̱t ci een zoc.
21Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k. 22Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.
Ke̱e̱ggi̱n naga dooli cik Ta̱mu̱ta̱dde̱no̱ tu̱we̱nta̱
23Baling ngen tu̱we̱ne̱t ki̱ki̱ya̱ ke̱, kaavtte ngati ebekket lo̱ti̱nno̱wa̱ cik Musesi. Ogon ki ci kecebje naga lagama zee, ki̱ki̱ya̱ gool ci tu̱we̱nto̱ ki̱ye̱la̱i̱ ngati Ye̱su̱ Ki̱ri̱sto̱.
24Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱. 25I̱yo̱ko̱ zin, i̱ki̱ya̱ gool ci tu̱we̱nto̱ ngati Ye̱su̱, iróng lo̱ti̱nno̱wa̱ wak Musesi ngen ebekketa.
26Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱. 27Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor. 28Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱. 29Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.
Currently Selected:
Ga̱la̱ti̱a̱ 3: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Ga̱la̱ti̱a̱ 3
3
Tu̱we̱ne̱t Ta̱mu̱ta̱dde̱n ci a̱ti̱ri̱ze̱t iróng een lo̱ti̱nno̱k
1Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k. 2I̱yo̱ko̱, ja ki̱jji̱nnu̱ng zoz co̱de̱: A̱gga̱mtta̱u̱ Vongiz ci A̱li̱le̱#3:2 Vongiz ci A̱li̱le̱: Een Vongizi ci A̱li̱le̱ ko̱ Vongiz ci Ta̱mu̱ta̱dde̱no̱. A̱du̱wa̱ Zoz ci Ta̱mu̱ta̱dde̱no̱ azi ne, een Baba Ta̱mu̱ta̱dde̱n, okko Ngerinne Ye̱su̱ een Ta̱mu̱ta̱dde̱n kar bo̱do̱k Vongizi ci A̱li̱le̱ een Ta̱mu̱ta̱dde̱n. E̱e̱ggi̱n Baba, ki Ngerinne ki Vongiz nege do̱o̱k Ta̱mu̱ta̱dde̱n co̱de̱. IkebJon 1:1-18; 8:41-42; Buk wa To̱ni̱a̱u̱ 5:3-4. ngati azunnu lo̱ti̱nno̱k cik Musesi? I̱llo̱i̱, a̱gga̱mtta̱u̱ niga Vongiz ci A̱li̱le̱ tu̱we̱nta̱ kaviyak cik abunna obod ki Ye̱su̱. 3E̱e̱ggi̱nnu̱ tarbale niko nya? Arrak ba̱li̱ye̱ a̱ka̱tta̱u̱ baiz ci abunna amudannu Vongize ci A̱li̱le̱ Ta̱mu̱ta̱dde̱no̱. I̱yo̱ko̱ zin, ma ngen abakku baiz ci akannu niga ci aave do̱, kar u̱tu̱gu̱z kaal cik adimannu o̱o̱tti̱ne̱ cuggo̱k kar izet ol cik abunna ngu̱me̱ ci Ta̱mu̱ta̱dde̱no̱. 4Ipirrtau ba̱li̱ye̱ niga oroot zo̱ze̱ ci a̱tu̱yyu̱ Ye̱su̱, gerza ming amurya pirnanet cunno̱ng.
5I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.
6I̱no̱ni̱t zoz ci Aburahami:#3:6 Aburaham: Awu Ta̱mu̱ta̱dde̱n nonno abunna ming uungnek boor ki lo̱o̱c cinne lo̱o̱c kar kunu Ta̱mu̱ta̱dde̱n rok lo̱o̱c ci een jor. I̱ki̱ya̱ enne ize be̱e̱ti̱ olli Ya̱u̱do̱. Abak enne e̱rki̱nya̱ i̱bbo̱ng co̱de̱ ki obet tu̱rge̱ (1,800) baling ngen Ye̱su̱ ki̱ti̱rra̱i̱ ke̱. IkebKananet 12-26. “Elema enne zoz ci Ta̱mu̱ta̱dde̱no̱, kar enne kanyik nonno kize e̱e̱t ci abunna.”#Kananet 15:6 7Abunna zin ming a̱gga̱yyu̱, een ol wak a̱tu̱we̱ ko̱ dooli cik Aburahami de̱de̱ tu̱we̱nta̱.
8Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”#Kananet 12:3; Kananet 18:18; Kananet 22:18 9Imma zin ngatu, ozol ol wak a̱tu̱ Ye̱su̱ ma̱yu̱we̱ne̱t bali Aburahami ke̱ bu̱k eci enne umuda ma̱yu̱we̱ne̱t neci tu̱we̱nta̱.
10Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”#Deuteronomy 27:26 11Een de̱de̱, iróng e̱e̱ti̱ imma abak baiz ci abunna ngu̱me̱ ci Ta̱mu̱ta̱dde̱no̱ ming azunne enne lo̱ti̱nno̱k do̱, eci e̱he̱rye̱ Warage ci Ta̱mu̱ta̱dde̱no̱ azi ne, “Abak atin e̱e̱ti̱ ci abunna tu̱we̱nta̱.”#Habakkuk 2:4 12Iróng tu̱we̱ne̱t abile lo̱ti̱nno̱we̱ do̱, abarik azi ne, “Ming ogon e̱e̱ti̱ kaal ne̱ko̱, abak atin enne kaale ne̱ko̱.”#Leviticus 18:5
13Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.#3:13 Ta̱la̱ke̱c: Ododek olli Romi ol ta̱la̱ke̱c ci een keet abunna ming edez u̱ce̱zi̱ e̱e̱t idic idic zee ka̱da̱k e̱e̱ti̱.”#Deuteronomy 21:23 14Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.
Kazunne lo̱ti̱nno̱k icima zoz ci u̱du̱wa̱ Manyi
15Gotonogga ki ngonogga tu̱we̱nta̱, ja i̱yo̱ko̱ ku̱du̱wa̱ gi̱i̱ ci i̱ya̱bzo̱ni̱k e̱e̱t ci diiri baiza zo̱ze̱ necu. Imma ming u̱tu̱gu̱zzo̱ ol cik een ram olom cinne̱ng kiwagon ming etted to̱o̱le̱c, iróng atin e̱e̱ti̱ co̱de̱ ngatinne̱ng uhu icima egerzan olom neci. 16U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,”#Kananet 12:7; Kananet 13:15; Kananet 24:7 een zin do̱le̱c neci Ki̱ri̱sto̱. 17Icu ungec ci zoz ci ka̱du̱wa̱ ko̱: Iróng atin olomi ci u̱tu̱gu̱we̱k Ta̱mu̱ta̱dde̱n Aburaham ko̱ uukce ki i̱yo̱ko̱ ming etted ol cik een rama to̱o̱le̱c ko̱, u̱du̱wa̱ enne olom neci, i̱yo̱ko̱ edeca e̱rki̱nya̱ obet we̱c ki moten i̱i̱yo̱ (430). Iróng zin lo̱ti̱nno̱wa̱ cik Musesi uhu olom bali u̱du̱wa̱k Ta̱mu̱ta̱dde̱n Aburaham ke̱. 18I̱yo̱ko̱, ming okko Ta̱mu̱ta̱dde̱n a̱mu̱yu̱k ol baize ci aave udut zo̱ze̱ ci azunne nege lo̱ti̱nno̱k cik Musesi, iróng zin een go̱o̱le̱ bali u̱du̱wa̱ Ta̱mu̱ta̱dde̱n ke̱. Abarik zin Ta̱mu̱ta̱dde̱n a̱mu̱yu̱k baiz ci Aburahami go̱o̱le̱ bali u̱du̱wa̱ enne ke̱.
19Een zin li̱ngli̱ngo̱ni̱ ci lo̱ti̱nno̱u̱ ko̱ ni̱i̱? De̱de̱, anyonikket lo̱ti̱nno̱wa̱ vu̱rrta̱ kize ci i̱ye̱la̱ mu̱nye̱n, eci e̱e̱ti̱ ci diiri i̱ti̱k tu̱. E̱e̱ggi̱n lo̱ti̱nno̱wa̱ ne̱ke̱ cik abak zee kuruba do̱le̱c ci Aburahami#3:19 Do̱le̱c ci Aburahami: Een do̱le̱c necu Ye̱su̱ Ki̱ri̱sto̱. IkebGa̱la̱ti̱a̱ 3:16. bali u̱du̱wa̱ Ta̱mu̱ta̱dde̱n i̱i̱na̱k atin zoz neci nonno ke̱. Ta̱mu̱ta̱dde̱n ci adiman lo̱ti̱nno̱k kar kanyik anjilonya#3:19 Anjilonya: E̱e̱ggi̱n nege vongizzok cik aavtte ki Ta̱mu̱ta̱dde̱n ta̱mu̱-kenga kar bo̱do̱k iróng nege anyak e̱le̱tti̱ cik okkomi. I̱tto̱n gon Ta̱mu̱ta̱dde̱n nogo i̱i̱te̱n imma koot lo̱o̱ta̱ kanyaktak ol zoz cinne. ciginnek ta̱mu̱-kenga kanyaktak lo̱o̱c, okko Musesi een zoc ci a̱gga̱m zoz ci Ta̱mu̱ta̱dde̱no̱ kar ku̱du̱wa̱k ol. 20Kanyak naga Ta̱mu̱ta̱dde̱n co̱de̱, iróng enne eliye cinne orong e̱e̱t ci een zoc.
21Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k. 22Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.
Ke̱e̱ggi̱n naga dooli cik Ta̱mu̱ta̱dde̱no̱ tu̱we̱nta̱
23Baling ngen tu̱we̱ne̱t ki̱ki̱ya̱ ke̱, kaavtte ngati ebekket lo̱ti̱nno̱wa̱ cik Musesi. Ogon ki ci kecebje naga lagama zee, ki̱ki̱ya̱ gool ci tu̱we̱nto̱ ki̱ye̱la̱i̱ ngati Ye̱su̱ Ki̱ri̱sto̱.
24Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱. 25I̱yo̱ko̱ zin, i̱ki̱ya̱ gool ci tu̱we̱nto̱ ngati Ye̱su̱, iróng lo̱ti̱nno̱wa̱ wak Musesi ngen ebekketa.
26Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱. 27Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor. 28Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱. 29Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.