Ga̱la̱ti̱a̱ 1
1
Zawinet ci Pa̱u̱lo̱
1Keheri anna Pa̱u̱lo̱ waraga cu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n cinne, ke̱e̱ni̱ to̱ni̱a̱t#1:1 To̱ni̱a̱k: E̱e̱ggi̱n ol ne̱ko̱ cik i̱tto̱n Ye̱su̱ doize cinne kar koot ke̱de̱me̱zi̱t ol zoz cinne kar bo̱do̱k kanyik nogo doiz ci otowe nege kuulo cik lo̱rye̱nta̱k kar kangaruc ol mo̱ri̱zo̱we̱ bu̱k. ci kuwahek ol zoz ci Ye̱su̱. Iróng ahalana e̱e̱ti̱ ci diiri, icima zu̱we̱ cik ahalanan. I̱tto̱na̱na̱ annit Ye̱su̱ Ki̱ri̱sto̱#1:1 Ye̱su̱ Ki̱ri̱sto̱: Azi keng cik zar cik een Ye̱su̱ ko̱ ne i̱ti̱ri̱zze̱t Ta̱mu̱ta̱dde̱n agita. Utuge ci Gi̱ri̱yo̱ azi keng ci zar cik een Ki̱ri̱sto̱ ko̱ ne, wa o̱de̱ atahala Ta̱mu̱ta̱dde̱n kize Alaan. Utuge ci I̱bu̱ru̱ azi keng ci zar cik een Ki̱ri̱sto̱ ko̱ ne Missaya. ele ki Ta̱mu̱ta̱dde̱n wa een Be̱e̱ti̱nna̱ bali ingane Ye̱su̱ daiza ke̱.
2Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱#1:2 Ke̱le̱ci̱a̱: Een ke̱le̱ci̱a̱ ol cik a̱tu̱ Ye̱su̱ Ki̱ri̱sto̱ kar ku̱lu̱te̱ nga̱to̱de̱ ngati alawe Manyi. cik lo̱o̱c ci een Ga̱la̱ti̱a̱.
3Anyik Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng eezet ki gano. 4A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱. 5Ki̱di̱ngdi̱nga̱ni̱t zar cik Ta̱mu̱ta̱dde̱no̱ udut, amin.
Zoz ci obod ki ke̱le̱ci̱a̱nya̱ cik Ga̱la̱ti̱a̱
6Ka̱ku̱le̱i̱ je̱e̱n zo̱ze̱ cunno̱ng eci utuburtu zoz ci Ta̱mu̱ta̱dde̱no̱ ataman, nonno ci a̱a̱nyu̱ng baiz ci abakku eezete ci Ki̱ri̱sto̱. Kanyaktaung ba̱li̱ye̱ kaviyak cik Ye̱su̱ abunna, abarik a̱tu̱yyu̱ kaviyak cik aavtte do̱ adarnannu kaviyak cik abunna Manyoni. 7Iróng kaviyaha ne̱ko̱ een de̱de̱. Abarik anyak ol cik u̱la̱llu̱ng i̱ba̱ti̱ne̱ orong abunna ming uhuyu kaviyak cik abunna#1:7 Kaviyak cik abunna: Een necu zoz ci obod ki Ye̱su̱ Ki̱ri̱sto̱ wa bali utunya mu̱nye̱n cigga̱c ngati a̱da̱kne̱ enne ta̱la̱ke̱ca̱ kar kaanyyet ruget ci abak udut. obod ki Ki̱ri̱sto̱ ko̱. 8Ming anyak e̱e̱t ci uwahekkung kaviyak cik abunna ongorko ki cik kuwahekkung naga ko̱, icima ol u̱gge̱ icima anjilo ci a̱kku̱ ta̱mu̱-kenga, i̱i̱na̱k atin to̱ri̱ne̱t ci Ta̱mu̱ta̱dde̱no̱ nonno eci enne uwahek ol kaviyak cik aavtte do̱. 9Ku̱du̱wa̱ anna ba̱li̱ye̱, i̱yo̱ko̱ kobodonik bo̱do̱k ka̱du̱wa̱ zoz cu: Ming uwak e̱e̱ti̱ kaviyak cik aavtte do̱ kaviyahe cik abunna balik iziktu niga ke̱, anyik e̱e̱t neci kotore.
10Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.
Een Pa̱u̱lo̱ to̱ni̱a̱t ci Ye̱su̱
11Gotonogga ki ngonogga tu̱we̱nta̱, korongi ku̱du̱wa̱u̱ng zoz cu, iróng kaviyaha cik abunna kuwahekkung ko̱ een zoz ci akane ol cik diirik, a̱vvu̱ kaviyaha ne̱ko̱ ngati Ye̱su̱ Ki̱ri̱sto̱. 12Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.
13A̱gga̱yyu̱ ri̱t niga ba̱li̱ye̱ baiz cinanni kabahe#1:13 Ba̱li̱ye̱ baiz cinanni kabahe: Ikeb zoz necu buwe ci To̱ni̱a̱u̱ 7:57-8:3; 9:1-6. kize e̱e̱t ci kazunne keer ci Ya̱u̱do̱. Ki̱gi̱da̱ ba̱li̱ye̱ oroot ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱, korongi kegerzan nogo. 14Ka̱gga̱ keer ci Ya̱u̱do̱ oroot kommog bu̱u̱l cigannik veelek. Kirezi keer ci ji̱ji̱ti̱ga̱nni̱k oroot.
15Ma̱i̱je̱ baling ngen anna ki̱ti̱rra̱i̱ ke̱, atahala Ta̱mu̱ta̱dde̱n la̱du̱n, een enne bunnatait kar kodola zo̱ze̱ ci ahalanan, 16kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu. 17Imma bo̱do̱k ngatu ngen anna kuk rok Jerusalem icima kozozik to̱ni̱a̱k balik o̱o̱tti̱nu̱ ke̱. Abarik kuwa rok lo̱o̱c ci een Arabiya e̱co̱de̱ niko, kar bo̱do̱k kobodak orog ci een Damascus.
18Ma baling kedeca e̱rki̱nya̱ i̱i̱yo̱, keerona kuwa rok Jerusalem kokko kacinni Peturu,#1:18 Peturu: Anyak enne zar u̱gge̱ cik een Cephas. IkebJon 1:42. kar zin ka̱vvu̱tta̱ ki nonno i̱i̱nya̱ omoto ki tu̱r. 19Ngen zin kurumtowa ki to̱ni̱a̱k do̱o̱k, ka̱vvu̱tta̱ ki Je̱mi̱s#1:19 Je̱mi̱s: Een enne bu̱k gotoni Ye̱su̱ kar kize ddi̱ki̱ryo̱i̱t ci ol wak a̱tu̱ Ye̱su̱ Jerusalema. Eher enne waraga ci Je̱mi̱si̱. IkebBuk wa To̱ni̱a̱u̱ 12:17; 15:12-21; 18-19; Ga̱la̱ti̱a̱ 1:9. Anyak bo̱do̱k Je̱mi̱s imma ci bali een gotoni Jon kar kize to̱ni̱a̱t ci Ye̱su̱, wa bali a̱ru̱k He̱ro̱di̱ ka̱da̱k. IkebBuk wa To̱ni̱a̱u̱ 12:2. do̱ niko wa een gotoni Manyitinna Ye̱su̱. 20Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.
21Ma bali vu̱rrta̱, kuwa lo̱o̱co̱we̱ cik een Syria ki Cilicia. 22I̱llo̱i̱ rok e̱e̱t co̱de̱ olle ne̱k ala Ta̱mu̱ta̱dde̱n ke̱le̱ci̱a̱nya̱i̱ cik Ju̱de̱ya̱ ko̱ ci a̱tu̱ Ye̱su̱ Ki̱ri̱sto̱. 23Abarik nege a̱gga̱ zoz ci azi ne, “Abarik e̱e̱ti̱ bali gon a̱gi̱dde̱t ke̱le̱ci̱a̱nya̱i̱ ke̱ ci uwahek ol kaviyak cik abunna ki tu̱we̱ne̱t bali a̱gi̱d enne ke̱.” 24Innatit zin nege Ta̱mu̱ta̱dde̱n zo̱ze̱ cinanni.
Currently Selected:
Ga̱la̱ti̱a̱ 1: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Ga̱la̱ti̱a̱ 1
1
Zawinet ci Pa̱u̱lo̱
1Keheri anna Pa̱u̱lo̱ waraga cu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n cinne, ke̱e̱ni̱ to̱ni̱a̱t#1:1 To̱ni̱a̱k: E̱e̱ggi̱n ol ne̱ko̱ cik i̱tto̱n Ye̱su̱ doize cinne kar koot ke̱de̱me̱zi̱t ol zoz cinne kar bo̱do̱k kanyik nogo doiz ci otowe nege kuulo cik lo̱rye̱nta̱k kar kangaruc ol mo̱ri̱zo̱we̱ bu̱k. ci kuwahek ol zoz ci Ye̱su̱. Iróng ahalana e̱e̱ti̱ ci diiri, icima zu̱we̱ cik ahalanan. I̱tto̱na̱na̱ annit Ye̱su̱ Ki̱ri̱sto̱#1:1 Ye̱su̱ Ki̱ri̱sto̱: Azi keng cik zar cik een Ye̱su̱ ko̱ ne i̱ti̱ri̱zze̱t Ta̱mu̱ta̱dde̱n agita. Utuge ci Gi̱ri̱yo̱ azi keng ci zar cik een Ki̱ri̱sto̱ ko̱ ne, wa o̱de̱ atahala Ta̱mu̱ta̱dde̱n kize Alaan. Utuge ci I̱bu̱ru̱ azi keng ci zar cik een Ki̱ri̱sto̱ ko̱ ne Missaya. ele ki Ta̱mu̱ta̱dde̱n wa een Be̱e̱ti̱nna̱ bali ingane Ye̱su̱ daiza ke̱.
2Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱#1:2 Ke̱le̱ci̱a̱: Een ke̱le̱ci̱a̱ ol cik a̱tu̱ Ye̱su̱ Ki̱ri̱sto̱ kar ku̱lu̱te̱ nga̱to̱de̱ ngati alawe Manyi. cik lo̱o̱c ci een Ga̱la̱ti̱a̱.
3Anyik Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng eezet ki gano. 4A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱. 5Ki̱di̱ngdi̱nga̱ni̱t zar cik Ta̱mu̱ta̱dde̱no̱ udut, amin.
Zoz ci obod ki ke̱le̱ci̱a̱nya̱ cik Ga̱la̱ti̱a̱
6Ka̱ku̱le̱i̱ je̱e̱n zo̱ze̱ cunno̱ng eci utuburtu zoz ci Ta̱mu̱ta̱dde̱no̱ ataman, nonno ci a̱a̱nyu̱ng baiz ci abakku eezete ci Ki̱ri̱sto̱. Kanyaktaung ba̱li̱ye̱ kaviyak cik Ye̱su̱ abunna, abarik a̱tu̱yyu̱ kaviyak cik aavtte do̱ adarnannu kaviyak cik abunna Manyoni. 7Iróng kaviyaha ne̱ko̱ een de̱de̱. Abarik anyak ol cik u̱la̱llu̱ng i̱ba̱ti̱ne̱ orong abunna ming uhuyu kaviyak cik abunna#1:7 Kaviyak cik abunna: Een necu zoz ci obod ki Ye̱su̱ Ki̱ri̱sto̱ wa bali utunya mu̱nye̱n cigga̱c ngati a̱da̱kne̱ enne ta̱la̱ke̱ca̱ kar kaanyyet ruget ci abak udut. obod ki Ki̱ri̱sto̱ ko̱. 8Ming anyak e̱e̱t ci uwahekkung kaviyak cik abunna ongorko ki cik kuwahekkung naga ko̱, icima ol u̱gge̱ icima anjilo ci a̱kku̱ ta̱mu̱-kenga, i̱i̱na̱k atin to̱ri̱ne̱t ci Ta̱mu̱ta̱dde̱no̱ nonno eci enne uwahek ol kaviyak cik aavtte do̱. 9Ku̱du̱wa̱ anna ba̱li̱ye̱, i̱yo̱ko̱ kobodonik bo̱do̱k ka̱du̱wa̱ zoz cu: Ming uwak e̱e̱ti̱ kaviyak cik aavtte do̱ kaviyahe cik abunna balik iziktu niga ke̱, anyik e̱e̱t neci kotore.
10Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.
Een Pa̱u̱lo̱ to̱ni̱a̱t ci Ye̱su̱
11Gotonogga ki ngonogga tu̱we̱nta̱, korongi ku̱du̱wa̱u̱ng zoz cu, iróng kaviyaha cik abunna kuwahekkung ko̱ een zoz ci akane ol cik diirik, a̱vvu̱ kaviyaha ne̱ko̱ ngati Ye̱su̱ Ki̱ri̱sto̱. 12Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.
13A̱gga̱yyu̱ ri̱t niga ba̱li̱ye̱ baiz cinanni kabahe#1:13 Ba̱li̱ye̱ baiz cinanni kabahe: Ikeb zoz necu buwe ci To̱ni̱a̱u̱ 7:57-8:3; 9:1-6. kize e̱e̱t ci kazunne keer ci Ya̱u̱do̱. Ki̱gi̱da̱ ba̱li̱ye̱ oroot ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱, korongi kegerzan nogo. 14Ka̱gga̱ keer ci Ya̱u̱do̱ oroot kommog bu̱u̱l cigannik veelek. Kirezi keer ci ji̱ji̱ti̱ga̱nni̱k oroot.
15Ma̱i̱je̱ baling ngen anna ki̱ti̱rra̱i̱ ke̱, atahala Ta̱mu̱ta̱dde̱n la̱du̱n, een enne bunnatait kar kodola zo̱ze̱ ci ahalanan, 16kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu. 17Imma bo̱do̱k ngatu ngen anna kuk rok Jerusalem icima kozozik to̱ni̱a̱k balik o̱o̱tti̱nu̱ ke̱. Abarik kuwa rok lo̱o̱c ci een Arabiya e̱co̱de̱ niko, kar bo̱do̱k kobodak orog ci een Damascus.
18Ma baling kedeca e̱rki̱nya̱ i̱i̱yo̱, keerona kuwa rok Jerusalem kokko kacinni Peturu,#1:18 Peturu: Anyak enne zar u̱gge̱ cik een Cephas. IkebJon 1:42. kar zin ka̱vvu̱tta̱ ki nonno i̱i̱nya̱ omoto ki tu̱r. 19Ngen zin kurumtowa ki to̱ni̱a̱k do̱o̱k, ka̱vvu̱tta̱ ki Je̱mi̱s#1:19 Je̱mi̱s: Een enne bu̱k gotoni Ye̱su̱ kar kize ddi̱ki̱ryo̱i̱t ci ol wak a̱tu̱ Ye̱su̱ Jerusalema. Eher enne waraga ci Je̱mi̱si̱. IkebBuk wa To̱ni̱a̱u̱ 12:17; 15:12-21; 18-19; Ga̱la̱ti̱a̱ 1:9. Anyak bo̱do̱k Je̱mi̱s imma ci bali een gotoni Jon kar kize to̱ni̱a̱t ci Ye̱su̱, wa bali a̱ru̱k He̱ro̱di̱ ka̱da̱k. IkebBuk wa To̱ni̱a̱u̱ 12:2. do̱ niko wa een gotoni Manyitinna Ye̱su̱. 20Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.
21Ma bali vu̱rrta̱, kuwa lo̱o̱co̱we̱ cik een Syria ki Cilicia. 22I̱llo̱i̱ rok e̱e̱t co̱de̱ olle ne̱k ala Ta̱mu̱ta̱dde̱n ke̱le̱ci̱a̱nya̱i̱ cik Ju̱de̱ya̱ ko̱ ci a̱tu̱ Ye̱su̱ Ki̱ri̱sto̱. 23Abarik nege a̱gga̱ zoz ci azi ne, “Abarik e̱e̱ti̱ bali gon a̱gi̱dde̱t ke̱le̱ci̱a̱nya̱i̱ ke̱ ci uwahek ol kaviyak cik abunna ki tu̱we̱ne̱t bali a̱gi̱d enne ke̱.” 24Innatit zin nege Ta̱mu̱ta̱dde̱n zo̱ze̱ cinanni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.