Evesos 3
3
Pa̱u̱lo̱ ci uwahek ol cik iróng een Ya̱u̱d zoz ci Ta̱mu̱ta̱dde̱no̱
1Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.
2Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱. 3I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t. 4Ming ikebtu waraga cu, a̱gga̱yyu̱ wo̱ye̱ keng ci zoz wa een de̱de̱ bali a̱lu̱gu̱ny Ta̱mu̱ta̱dde̱n ke̱. I̱ye̱le̱ya̱ zin enne annit zoz necu ka̱gga̱ zo̱ze̱ ci Ki̱ri̱sto̱. 5Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne. 6Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.
7Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu. 8Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k,#3:8 Ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k: Ozoz Pa̱u̱lo̱ ne̱ko̱ eci bali enne edez ol wak a̱tu̱ Ye̱su̱ Ki̱ri̱sto̱. Ikeb buk ci To̱ni̱a̱u̱ 8:1-3. anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱. 9Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱. 10Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga. 11U̱tu̱gu̱ Ta̱mu̱ta̱dde̱n zoz necu niko gi̱i̱ye̱ ci i̱no̱n enne do̱ zinina. Uule zin enne ku̱tu̱gu̱ zoz bali i̱no̱n enne ke̱ eci Manyitinna Ye̱su̱ Ki̱ri̱sto̱ u̱tu̱gu̱ kaal ne̱ke̱ do̱o̱k. 12Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma. 13Abarik i̱yo̱ko̱ kilalekkung ka̱nne̱kku̱ng ne ma akannu culum, eci anna kapirna zo̱ze̱ cunno̱ng. Eci zo̱ze̱ necu, o̱ngo̱o̱li̱nnu̱ng atin ol i̱ge̱ta̱.
Alawek bo̱do̱k Pa̱u̱lo̱ olli Ephesus Ta̱mu̱ta̱dde̱n
14Eci zin zo̱ze̱ necu, kakanek anna u̱zu̱ngtti̱ lo̱o̱c kala Baba. 15Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne. 16Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne. 17Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne. 18Kala Ta̱mu̱ta̱dde̱n kar niga ki ol ciginnek do̱o̱k anyait doiz ci a̱gga̱yyu̱ ju̱rru̱m rezinet ci Ki̱ri̱sto̱ wa a̱ddi̱ki̱re̱ adala lo̱o̱c veelek. 19Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.
20Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c. 21Ki̱di̱ngdi̱nga̱ni̱t Ta̱mu̱ta̱dde̱n naga ol wak ka̱tu̱we̱ ko̱ udut, ki̱di̱ngdi̱nga̱ni̱t bo̱do̱k Ki̱ri̱sto̱ Ye̱su̱ bu̱u̱llo̱k ki bu̱u̱llo̱k. Nonno nenen.
Currently Selected:
Evesos 3: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Evesos 3
3
Pa̱u̱lo̱ ci uwahek ol cik iróng een Ya̱u̱d zoz ci Ta̱mu̱ta̱dde̱no̱
1Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.
2Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱. 3I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t. 4Ming ikebtu waraga cu, a̱gga̱yyu̱ wo̱ye̱ keng ci zoz wa een de̱de̱ bali a̱lu̱gu̱ny Ta̱mu̱ta̱dde̱n ke̱. I̱ye̱le̱ya̱ zin enne annit zoz necu ka̱gga̱ zo̱ze̱ ci Ki̱ri̱sto̱. 5Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne. 6Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.
7Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu. 8Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k,#3:8 Ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k: Ozoz Pa̱u̱lo̱ ne̱ko̱ eci bali enne edez ol wak a̱tu̱ Ye̱su̱ Ki̱ri̱sto̱. Ikeb buk ci To̱ni̱a̱u̱ 8:1-3. anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱. 9Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱. 10Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga. 11U̱tu̱gu̱ Ta̱mu̱ta̱dde̱n zoz necu niko gi̱i̱ye̱ ci i̱no̱n enne do̱ zinina. Uule zin enne ku̱tu̱gu̱ zoz bali i̱no̱n enne ke̱ eci Manyitinna Ye̱su̱ Ki̱ri̱sto̱ u̱tu̱gu̱ kaal ne̱ke̱ do̱o̱k. 12Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma. 13Abarik i̱yo̱ko̱ kilalekkung ka̱nne̱kku̱ng ne ma akannu culum, eci anna kapirna zo̱ze̱ cunno̱ng. Eci zo̱ze̱ necu, o̱ngo̱o̱li̱nnu̱ng atin ol i̱ge̱ta̱.
Alawek bo̱do̱k Pa̱u̱lo̱ olli Ephesus Ta̱mu̱ta̱dde̱n
14Eci zin zo̱ze̱ necu, kakanek anna u̱zu̱ngtti̱ lo̱o̱c kala Baba. 15Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne. 16Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne. 17Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne. 18Kala Ta̱mu̱ta̱dde̱n kar niga ki ol ciginnek do̱o̱k anyait doiz ci a̱gga̱yyu̱ ju̱rru̱m rezinet ci Ki̱ri̱sto̱ wa a̱ddi̱ki̱re̱ adala lo̱o̱c veelek. 19Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.
20Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c. 21Ki̱di̱ngdi̱nga̱ni̱t Ta̱mu̱ta̱dde̱n naga ol wak ka̱tu̱we̱ ko̱ udut, ki̱di̱ngdi̱nga̱ni̱t bo̱do̱k Ki̱ri̱sto̱ Ye̱su̱ bu̱u̱llo̱k ki bu̱u̱llo̱k. Nonno nenen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.