Buk wa To̱ni̱a̱u̱ 6
6
Atahaltta nuyaha ol turgerem cik enger da̱i̱ne̱t
1Imma i̱i̱nya̱we̱ ne̱ke̱, bali otorye nuyaha cik e̱e̱ggi̱n Ya̱u̱d ke̱, nuyaha balik ozoz Gi̱ri̱k ke̱ adangto ki nuyak balik ozoz Aramaik, eci ngaai cigge̱k boyek iróng amuda da̱i̱ne̱t wak enger ol gon odohize ko̱. 2Ma zin zo̱ze̱ necu u̱tu̱yya̱ to̱ni̱a̱ha̱ omoto ki rama nuyak do̱o̱k nga̱to̱de̱ kar kizeto ne, “Iróng abunna ming kibbez naga li̱ngli̱ngo̱n ci kuwahek ol zoz ci Ta̱mu̱ta̱dde̱no̱ kar abarik kengerit da̱i̱ne̱t. 3Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu 4abunna naga kanyik e̱le̱tti̱ cigga̱c lawinet ki uwai zoz ci Ta̱mu̱ta̱dde̱no̱.”
5Atalit koole zoz cu do̱o̱k. Atahaltta zin nege Stephen e̱e̱t ci anyak tu̱we̱ne̱t ki Vongiz ci A̱li̱le̱; ki bo̱do̱k ol ciko, Vilip, Porocorus, Nicanor, Timon, Parmenas, ki Nicolas wa bali elema zoz ci Ya̱u̱do̱, a̱kku̱ enne o̱rge̱ ci een Antiyok. 6Anyakttak ol ne̱ko̱ to̱ni̱a̱k, kar nege kalayek nogo Ta̱mu̱ta̱dde̱n ngati atadek azzin.
7Iddera zin zoz ci Ta̱mu̱ta̱dde̱no̱ ol cik meelek. Otorye nuyaha cik elemna zoz ci Ye̱su̱ zee bak ovvo meele giir Jerusalema. Aartik ol cik meelek wawaco tu̱we̱ne̱t cinne̱ng zoz ci Ye̱su̱.
A̱gga̱me̱ Stepheni
8Een da̱ Stepheni e̱e̱t ci anyak deten ki komiz ci Ta̱mu̱ta̱dde̱no̱, u̱tu̱gu̱we̱k enne ol kaal cik aanyik o̱o̱tti̱ cik ollu ka̱ma̱li̱ltte̱ ki bo̱do̱k kaal cik a̱vu̱la̱. 9Adang zin da̱ ol uggak nonno, e̱e̱ggi̱n ol ne̱ke̱ Ya̱u̱d cik o̱ro̱gjo̱k cik Alikzandria ki Cyrene ki lo̱o̱cco̱k cik Cilicia ki Asia, arumo nege Ce̱e̱ze̱ wa Lawinto,#6:9 Ce̱e̱z wa Lawinto: Anyak Ya̱u̱di̱ Ce̱e̱zi̱ cik meelek giir lawintak o̱ro̱gjo̱we̱ cigge̱k. Arumo nege Ce̱e̱ze̱ wa Lawinto I̱i̱te̱ne̱ wa Yu̱bze̱nto̱ kar kalac Ta̱mu̱ta̱dde̱n kar bo̱do̱k kikebit Zoz cinne. ci awu ol kize nginti ol cik iróng e̱e̱ggi̱n du̱cca̱k. A̱ka̱tte̱ ol ne̱ko̱ adangto ki Stephen, 10abarik iróng nege uule ka̱da̱ngi̱t nonno zo̱ze̱ ci genyizo ki Vongiz ci A̱li̱le̱ ozoze enne ko̱.
11Oot zin i̱ta̱bi̱t ol u̱gge̱ kar ki̱vi̱ta̱ kovolongte Stephen kizeto ne, “Kizikta naga Stephen ming odom Muses ki Ta̱mu̱ta̱dde̱n.”
12Izocit zin nege ol ki lo̱ddi̱ki̱re̱ ki de̱me̱zzo̱k wak lo̱ti̱nno̱u̱. A̱gga̱mi̱t Stephen kar ko̱o̱tte̱ olle lo̱ki̱ka̱. 13Anyaktta zin bbacak cik een volongnyok u̱gge̱ ki̱vi̱ta̱ kovolongte Stephen kizeto ne, “Ozoz odohize e̱e̱ti̱ necu kaal cik gerzek akati Ce̱e̱z wa Ta̱mu̱ta̱dde̱no̱ a̱li̱le̱ ki lo̱ti̱nno̱k wak Musesi. 14Kizikta naga nonno ming ozoz i̱i̱te̱n imma a̱li̱b atin Ye̱su̱ wa Nazereti ngin neci kar kutuhu keer bali aanyyet Musesi agit ke̱.”
15Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.
Currently Selected:
Buk wa To̱ni̱a̱u̱ 6: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 6
6
Atahaltta nuyaha ol turgerem cik enger da̱i̱ne̱t
1Imma i̱i̱nya̱we̱ ne̱ke̱, bali otorye nuyaha cik e̱e̱ggi̱n Ya̱u̱d ke̱, nuyaha balik ozoz Gi̱ri̱k ke̱ adangto ki nuyak balik ozoz Aramaik, eci ngaai cigge̱k boyek iróng amuda da̱i̱ne̱t wak enger ol gon odohize ko̱. 2Ma zin zo̱ze̱ necu u̱tu̱yya̱ to̱ni̱a̱ha̱ omoto ki rama nuyak do̱o̱k nga̱to̱de̱ kar kizeto ne, “Iróng abunna ming kibbez naga li̱ngli̱ngo̱n ci kuwahek ol zoz ci Ta̱mu̱ta̱dde̱no̱ kar abarik kengerit da̱i̱ne̱t. 3Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu 4abunna naga kanyik e̱le̱tti̱ cigga̱c lawinet ki uwai zoz ci Ta̱mu̱ta̱dde̱no̱.”
5Atalit koole zoz cu do̱o̱k. Atahaltta zin nege Stephen e̱e̱t ci anyak tu̱we̱ne̱t ki Vongiz ci A̱li̱le̱; ki bo̱do̱k ol ciko, Vilip, Porocorus, Nicanor, Timon, Parmenas, ki Nicolas wa bali elema zoz ci Ya̱u̱do̱, a̱kku̱ enne o̱rge̱ ci een Antiyok. 6Anyakttak ol ne̱ko̱ to̱ni̱a̱k, kar nege kalayek nogo Ta̱mu̱ta̱dde̱n ngati atadek azzin.
7Iddera zin zoz ci Ta̱mu̱ta̱dde̱no̱ ol cik meelek. Otorye nuyaha cik elemna zoz ci Ye̱su̱ zee bak ovvo meele giir Jerusalema. Aartik ol cik meelek wawaco tu̱we̱ne̱t cinne̱ng zoz ci Ye̱su̱.
A̱gga̱me̱ Stepheni
8Een da̱ Stepheni e̱e̱t ci anyak deten ki komiz ci Ta̱mu̱ta̱dde̱no̱, u̱tu̱gu̱we̱k enne ol kaal cik aanyik o̱o̱tti̱ cik ollu ka̱ma̱li̱ltte̱ ki bo̱do̱k kaal cik a̱vu̱la̱. 9Adang zin da̱ ol uggak nonno, e̱e̱ggi̱n ol ne̱ke̱ Ya̱u̱d cik o̱ro̱gjo̱k cik Alikzandria ki Cyrene ki lo̱o̱cco̱k cik Cilicia ki Asia, arumo nege Ce̱e̱ze̱ wa Lawinto,#6:9 Ce̱e̱z wa Lawinto: Anyak Ya̱u̱di̱ Ce̱e̱zi̱ cik meelek giir lawintak o̱ro̱gjo̱we̱ cigge̱k. Arumo nege Ce̱e̱ze̱ wa Lawinto I̱i̱te̱ne̱ wa Yu̱bze̱nto̱ kar kalac Ta̱mu̱ta̱dde̱n kar bo̱do̱k kikebit Zoz cinne. ci awu ol kize nginti ol cik iróng e̱e̱ggi̱n du̱cca̱k. A̱ka̱tte̱ ol ne̱ko̱ adangto ki Stephen, 10abarik iróng nege uule ka̱da̱ngi̱t nonno zo̱ze̱ ci genyizo ki Vongiz ci A̱li̱le̱ ozoze enne ko̱.
11Oot zin i̱ta̱bi̱t ol u̱gge̱ kar ki̱vi̱ta̱ kovolongte Stephen kizeto ne, “Kizikta naga Stephen ming odom Muses ki Ta̱mu̱ta̱dde̱n.”
12Izocit zin nege ol ki lo̱ddi̱ki̱re̱ ki de̱me̱zzo̱k wak lo̱ti̱nno̱u̱. A̱gga̱mi̱t Stephen kar ko̱o̱tte̱ olle lo̱ki̱ka̱. 13Anyaktta zin bbacak cik een volongnyok u̱gge̱ ki̱vi̱ta̱ kovolongte Stephen kizeto ne, “Ozoz odohize e̱e̱ti̱ necu kaal cik gerzek akati Ce̱e̱z wa Ta̱mu̱ta̱dde̱no̱ a̱li̱le̱ ki lo̱ti̱nno̱k wak Musesi. 14Kizikta naga nonno ming ozoz i̱i̱te̱n imma a̱li̱b atin Ye̱su̱ wa Nazereti ngin neci kar kutuhu keer bali aanyyet Musesi agit ke̱.”
15Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.