Buk wa To̱ni̱a̱u̱ 16
16
I̱li̱ngli̱nge̱t Ti̱mo̱te̱yo̱ ki Pa̱u̱lo̱ ki Silas nga̱to̱de̱
1Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k. 2Atali ol wak a̱tu̱we̱ aavtte o̱ro̱gjo̱we̱ cik Lystra ki Iconium Ti̱mo̱te̱yo̱ oroot. 3Orong zin Pa̱u̱lo̱ Ti̱mo̱te̱yo̱ korkorrit ki nogo kar zin ketted nonno vi̱ca̱vi̱ca̱#16:3 Etted Pa̱u̱lo̱ vi̱ca̱vi̱ca̱ ci Ti̱mo̱te̱yo̱: Ogon Pa̱u̱lo̱ zoz necu eci bali e̱e̱ti̱ Ti̱mo̱te̱yo̱ een Ya̱u̱do̱c imma baatinne een Gi̱ri̱k. Iróng olli Gi̱ri̱yo̱ etted vi̱ca̱vi̱ca̱ ci dooli cik macik. Ming een e̱e̱ti̱ yaatinne Ya̱u̱d, elemna Ya̱u̱di̱ nonno kize Ya̱u̱d. Nonno zin ci anyik Pa̱u̱lo̱ Ti̱mo̱te̱yo̱ ketted vi̱ca̱vi̱ca̱ kar Ya̱u̱di̱ kelemtta nonno. zo̱ze̱ wa a̱du̱wa̱ keer ci Ya̱u̱do̱, eci ol do̱o̱k a̱gga̱ een baatinne e̱e̱t ci een Gi̱ri̱k. 4Baling eronit nege o̱ro̱gjo̱we̱, oobtek ol waraga bali i̱tto̱na̱ to̱ni̱a̱ha̱ ki lo̱ddi̱ki̱re̱#16:4 Waraga bali i̱tto̱na̱ to̱ni̱a̱ha̱ ki lo̱ddi̱ki̱re̱: Ikeb waraga cu buwe ci To̱ni̱a̱u̱ 15:23-29. Jerusalema ke̱, abunna ming azunne. 5Ovvo zin ol cik a̱tu̱we̱ okkomi kak tu̱we̱nta̱, kar ol kotorte ke̱le̱ci̱a̱nya̱i̱ odohize kizeto meele.
O̱no̱zzo̱k cik Pa̱u̱lo̱ o̱rge̱ ci een Troas
6Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia. 7Baling a̱ra̱yya̱ nege lokore ci lo̱o̱c ci een Mysia, orong nege ki̱tto̱zzo̱ lo̱o̱c ci Bithynia, ma̱i̱je̱ bo̱do̱k Vongizi ci Ye̱su̱ iróng anyike nogo koot. 8Etteddit zin nege ozoroc lo̱o̱c ci Mysia kar ku̱lu̱ce̱ koot o̱rge̱ ci een Troas. 9Imma bali ba̱a̱l, acin Pa̱u̱lo̱ o̱no̱zo̱we̱ e̱e̱t ci lo̱o̱c ci een zara Macedonia, ilalek nonno, a̱nne̱k ne, “I̱jja̱k Macedonia kar eelaweta.” 10Baling icin enne o̱no̱zzo̱k ne̱ke̱, kodoltawa naga#16:10 Naga: Ozoz Lu̱ka̱ zoz necu eci enne i̱yo̱ko̱ akate eroni ki Pa̱u̱lo̱ ki ol u̱gge̱, zee kuṯurei bui icu. Lu̱ka̱ ci eher buk ci To̱ni̱a̱u̱. lak co̱de̱ korongnya ko̱o̱tta̱ lo̱o̱ce̱ ci Macedonia. Ka̱gga̱yya̱ niko ming awuyet Ta̱mu̱ta̱dde̱n agit kar kuwakteya kaviyak cik abunna nogo.
Elema ngaa ci een Lydia zoz ci Ye̱su̱
11Kotodda naga i̱bo̱ Troakte kozoroya ko̱o̱tta̱ lo̱o̱ce̱ ci aburuk maama een Samothrace, kar i̱i̱te̱n ci reng ka̱ra̱yya̱ orog ci Neapolis. 12Imma nginati ko̱o̱tta̱ o̱rge̱ ci een zara Philippi, ngin bali aavtte ol cik een Roma orog ci a̱ddi̱ki̱re̱ aave lo̱o̱ce̱ ci Macedonia. Ka̱vvu̱ta̱ nginati i̱i̱nya̱ u̱gge̱.
13Imma I̱i̱te̱ne̱ wa Yu̱bze̱nto̱, ko̱o̱tta̱ naga ti̱ti̱me̱ ci moru, korongnya nginti lawinto. Ka̱vvu̱tta̱ lo̱o̱ta̱ kozozikka ngaai wak alute nginati ke̱. 14Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱. 15Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.
E̱ce̱bi̱t ol Pa̱u̱lo̱ ki Silas
16Bali i̱i̱te̱n imma goola ngati kovvoya ngin wa lawinto, kurumtowa ki du̱ca̱i̱t ci nga̱a̱ye̱ anyak kuuloc ci anyike nonno ku̱du̱wa̱ zoz ci okko atin reena i̱i̱na̱. Amuda enne li̱ngli̱ngo̱ne̱ necu o̱ro̱bi̱ya̱ cik meelek aanyik ma̱ci̱gi̱. 17Unu do̱le̱c necu Pa̱u̱lo̱ ki agita, egereny je̱e̱na̱, azi ne, “E̱e̱ggi̱n ol ciko du̱cca̱k cik Ta̱mu̱ta̱dde̱n wa Ommog Veelek, a̱du̱wa̱kku̱ng gool ci ti̱ri̱ze̱nto̱.” 18Ozoz enne niko i̱i̱nya̱ cik meelek. U̱u̱c zinin ci Pa̱u̱lo̱ kar kutuhuwe kizek kuuloc ne, “Zare cik Ye̱su̱ Ki̱ri̱sto̱, ka̱du̱wa̱ki̱, iyowa ngati do̱le̱c cu!” Iyowa kuuloci neci ataman niko.
19Baling iróng ma̱ci̱gi̱ du̱ca̱i̱t ci nga̱a̱ye̱ ko̱ ngen aruba o̱ro̱bi̱ya̱, a̱gga̱mi̱t Pa̱u̱lo̱ ki Silas kar ko̱o̱tte̱ ngati lo̱ddi̱ki̱re̱ baala. 20Anyakttak nogo ol wak a̱ddi̱ki̱re̱ etted lo̱ki̱ko̱, kar izektek ne, “E̱e̱ggi̱n ol ciko Ya̱u̱d, aanycik nege orog cinna kanyak nyi̱li̱. 21Anyahakket keerani cik gerzek kizeto cigga̱c olli Romi, abunna ming kelemi icima ka̱li̱ngli̱nge̱.”
22Ulutai koole do̱o̱k kar kodomit Pa̱u̱lo̱ ki Silas, kar zin ol wak a̱ddi̱ki̱re̱ etted lo̱ki̱ko̱ ko̱ ku̱du̱kta̱k koole kaarta ru̱u̱ma̱ni̱ cigge̱k, kar ku̱ru̱we̱t keene. 23Baling u̱ru̱we̱t nege Pa̱u̱lo̱ ki Silas oroot, okolttek zin nogo lagam. Kar zin ku̱du̱kta̱k ddi̱ki̱ryo̱i̱t ci lagamo kebek nogo ju̱rru̱m. 24Baling a̱gga̱ma̱ enne zoz neci, u̱ju̱ke̱k zin enne nogo lagam kar keceb zo̱o̱ cigge̱k oroot.
25Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko. 26Ataman niko, i̱ki̱ya̱ ki̱ri̱ki̱ri̱ otomowe lolanya cik lagamo. O̱o̱ye̱ tatugeta cik lagamo do̱o̱k, artai baru balik e̱ce̱bi̱ne̱ nege ke̱ do̱o̱k. 27Ming okko ddi̱ki̱ryo̱i̱ti̱ ci ebek ol lagama ingazi orong kicin ol, amuda tatuget ming o̱o̱ye̱. I̱no̱n azi ne i̱vi̱re̱t ol wak e̱ce̱bje̱ ecito ko̱ do̱o̱k, idima zin nya̱tu̱ba̱t cinne orong kakat ele. 28Ma̱i̱je̱ da̱ Pa̱u̱lo̱ acin niko, kar zin kegerenyek nonno, a̱nne̱k ne, “Ma a̱ru̱i̱ ele cunne! Kaavtiya naga do̱o̱k ngatu.”
29I̱jji̱n zin ddi̱ki̱ryo̱i̱ti̱ urez ci atukule lagam, a̱yi̱k enne ngati a̱bba̱ri̱te̱ kar zin ku̱yu̱we̱ kakatek u̱zu̱ngti̱nne̱ ngati Pa̱u̱lo̱ ki Silas. 30Kar zin enne kanyahak nogo re̱e̱nu̱n, kar ki̱jji̱n kize ne, “Ddi̱ki̱ryyo̱k, ku̱tu̱gu̱ ucca anna nya kar kumuda ti̱ri̱ze̱ne̱t?”
31O̱bo̱dde̱k nege, a̱nne̱k ne, “Nyak tu̱we̱ne̱t ngati Manyi Ye̱su̱, kar i̱nna̱ ki ol wak ce̱e̱z cunne urubta ti̱ri̱ze̱ne̱t.” 32Uwaktek zin nege nonno zoz ci Manyi ki ol wak abak ce̱e̱ze̱ cinne do̱o̱k. 33Imma ba̱a̱li̱n neci ele, utuny ddi̱ki̱ryo̱i̱ti̱ ngoddocet cigge̱k, kar nege ka̱gga̱mte̱k nonno ba̱ti̱ti̱mo̱ ki ol ciginnek do̱o̱k. 34Anyahak zin ddi̱ki̱ryo̱i̱ti̱ neci nogo ce̱e̱z cinne kar kaanyik da̱i̱ne̱t. Atalo oroot, eci enne ki ol ciginnek do̱o̱k u̱tu̱we̱t Ta̱mu̱ta̱dde̱n.
35Imma nge̱rre̱ti̱n ci reng, i̱tto̱nta̱ lo̱ddi̱ki̱re̱ wak etted lo̱ki̱ko̱ ko̱ aciir u̱gge̱ ki̱vi̱ta̱ ku̱du̱kta̱k ddi̱ki̱ryo̱i̱t ci lagamo, izektek ne, “Ooga ol wak e̱ce̱bje̱ ko̱.” 36U̱du̱wa̱k ddi̱ki̱ryo̱i̱ti̱ Pa̱u̱lo̱, a̱nne̱k ne, “Oogttaung olli lo̱ki̱ko̱, i̱yo̱ko̱ oot labak.”
37Ma̱i̱je̱ Pa̱u̱lo̱ izek nonno ne: “I̱bi̱cce̱t ol agita zu̱wa̱ ci ngen kettedit lo̱ki̱ko̱ cinna, ming nu̱nu̱n ke̱e̱ggi̱nna̱ naga olli Romi,#16:37 Ke̱e̱ggi̱nna̱ naga olli Romi: Imma i̱i̱te̱ne̱ bali Ye̱su̱ ke̱, abal alaani wa a̱ddi̱ki̱re̱ Romi ol cik meelek lo̱o̱co̱we̱ do̱ do̱. Abarik zin ol cikidik Romi ko̱ riile oroot. Ebek alaani wa a̱ddi̱ki̱re̱ nogo oroot. Zoz zin ci bali azi Pa̱u̱lo̱ ne, ke̱e̱ggi̱nna̱ naga olli Romi. kar ku̱ju̱kte̱t lagam. Orong i̱yo̱ko̱ nege koogtaita agit lo̱mu̱k? Iróng een niko! Anyik nogo e̱le̱tti̱ne̱ ki̱vi̱ta̱ ki̱nya̱ma̱nte̱ta̱.”
38Oot aciiri ne̱ke̱ u̱du̱kta̱k lo̱ddi̱ki̱re̱ cik lo̱ki̱ko̱, u̱ku̱lte̱k nege je̱e̱n ming ovvo a̱gga̱ e̱e̱ggi̱n Pa̱u̱lo̱ ki Silas ol cik Romi. 39Kar zin ki̱vi̱ta̱ kilaltek Pa̱u̱lo̱ ki Silas kalalek nogo. I̱nya̱ma̱ni̱t zin nogo lagama koot kutungttek orog lo̱o̱c. 40Baling ovvo Pa̱u̱lo̱ ki Silas iyowa lagama, oot ce̱e̱ze̱ ci Lydia, ngin wa ovvo nege arumo ki ol wak a̱tu̱we̱, kar zin nege ki̱ti̱lo̱zo̱ nogo. Kar zin koot niko.
Currently Selected:
Buk wa To̱ni̱a̱u̱ 16: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 16
16
I̱li̱ngli̱nge̱t Ti̱mo̱te̱yo̱ ki Pa̱u̱lo̱ ki Silas nga̱to̱de̱
1Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k. 2Atali ol wak a̱tu̱we̱ aavtte o̱ro̱gjo̱we̱ cik Lystra ki Iconium Ti̱mo̱te̱yo̱ oroot. 3Orong zin Pa̱u̱lo̱ Ti̱mo̱te̱yo̱ korkorrit ki nogo kar zin ketted nonno vi̱ca̱vi̱ca̱#16:3 Etted Pa̱u̱lo̱ vi̱ca̱vi̱ca̱ ci Ti̱mo̱te̱yo̱: Ogon Pa̱u̱lo̱ zoz necu eci bali e̱e̱ti̱ Ti̱mo̱te̱yo̱ een Ya̱u̱do̱c imma baatinne een Gi̱ri̱k. Iróng olli Gi̱ri̱yo̱ etted vi̱ca̱vi̱ca̱ ci dooli cik macik. Ming een e̱e̱ti̱ yaatinne Ya̱u̱d, elemna Ya̱u̱di̱ nonno kize Ya̱u̱d. Nonno zin ci anyik Pa̱u̱lo̱ Ti̱mo̱te̱yo̱ ketted vi̱ca̱vi̱ca̱ kar Ya̱u̱di̱ kelemtta nonno. zo̱ze̱ wa a̱du̱wa̱ keer ci Ya̱u̱do̱, eci ol do̱o̱k a̱gga̱ een baatinne e̱e̱t ci een Gi̱ri̱k. 4Baling eronit nege o̱ro̱gjo̱we̱, oobtek ol waraga bali i̱tto̱na̱ to̱ni̱a̱ha̱ ki lo̱ddi̱ki̱re̱#16:4 Waraga bali i̱tto̱na̱ to̱ni̱a̱ha̱ ki lo̱ddi̱ki̱re̱: Ikeb waraga cu buwe ci To̱ni̱a̱u̱ 15:23-29. Jerusalema ke̱, abunna ming azunne. 5Ovvo zin ol cik a̱tu̱we̱ okkomi kak tu̱we̱nta̱, kar ol kotorte ke̱le̱ci̱a̱nya̱i̱ odohize kizeto meele.
O̱no̱zzo̱k cik Pa̱u̱lo̱ o̱rge̱ ci een Troas
6Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia. 7Baling a̱ra̱yya̱ nege lokore ci lo̱o̱c ci een Mysia, orong nege ki̱tto̱zzo̱ lo̱o̱c ci Bithynia, ma̱i̱je̱ bo̱do̱k Vongizi ci Ye̱su̱ iróng anyike nogo koot. 8Etteddit zin nege ozoroc lo̱o̱c ci Mysia kar ku̱lu̱ce̱ koot o̱rge̱ ci een Troas. 9Imma bali ba̱a̱l, acin Pa̱u̱lo̱ o̱no̱zo̱we̱ e̱e̱t ci lo̱o̱c ci een zara Macedonia, ilalek nonno, a̱nne̱k ne, “I̱jja̱k Macedonia kar eelaweta.” 10Baling icin enne o̱no̱zzo̱k ne̱ke̱, kodoltawa naga#16:10 Naga: Ozoz Lu̱ka̱ zoz necu eci enne i̱yo̱ko̱ akate eroni ki Pa̱u̱lo̱ ki ol u̱gge̱, zee kuṯurei bui icu. Lu̱ka̱ ci eher buk ci To̱ni̱a̱u̱. lak co̱de̱ korongnya ko̱o̱tta̱ lo̱o̱ce̱ ci Macedonia. Ka̱gga̱yya̱ niko ming awuyet Ta̱mu̱ta̱dde̱n agit kar kuwakteya kaviyak cik abunna nogo.
Elema ngaa ci een Lydia zoz ci Ye̱su̱
11Kotodda naga i̱bo̱ Troakte kozoroya ko̱o̱tta̱ lo̱o̱ce̱ ci aburuk maama een Samothrace, kar i̱i̱te̱n ci reng ka̱ra̱yya̱ orog ci Neapolis. 12Imma nginati ko̱o̱tta̱ o̱rge̱ ci een zara Philippi, ngin bali aavtte ol cik een Roma orog ci a̱ddi̱ki̱re̱ aave lo̱o̱ce̱ ci Macedonia. Ka̱vvu̱ta̱ nginati i̱i̱nya̱ u̱gge̱.
13Imma I̱i̱te̱ne̱ wa Yu̱bze̱nto̱, ko̱o̱tta̱ naga ti̱ti̱me̱ ci moru, korongnya nginti lawinto. Ka̱vvu̱tta̱ lo̱o̱ta̱ kozozikka ngaai wak alute nginati ke̱. 14Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱. 15Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.
E̱ce̱bi̱t ol Pa̱u̱lo̱ ki Silas
16Bali i̱i̱te̱n imma goola ngati kovvoya ngin wa lawinto, kurumtowa ki du̱ca̱i̱t ci nga̱a̱ye̱ anyak kuuloc ci anyike nonno ku̱du̱wa̱ zoz ci okko atin reena i̱i̱na̱. Amuda enne li̱ngli̱ngo̱ne̱ necu o̱ro̱bi̱ya̱ cik meelek aanyik ma̱ci̱gi̱. 17Unu do̱le̱c necu Pa̱u̱lo̱ ki agita, egereny je̱e̱na̱, azi ne, “E̱e̱ggi̱n ol ciko du̱cca̱k cik Ta̱mu̱ta̱dde̱n wa Ommog Veelek, a̱du̱wa̱kku̱ng gool ci ti̱ri̱ze̱nto̱.” 18Ozoz enne niko i̱i̱nya̱ cik meelek. U̱u̱c zinin ci Pa̱u̱lo̱ kar kutuhuwe kizek kuuloc ne, “Zare cik Ye̱su̱ Ki̱ri̱sto̱, ka̱du̱wa̱ki̱, iyowa ngati do̱le̱c cu!” Iyowa kuuloci neci ataman niko.
19Baling iróng ma̱ci̱gi̱ du̱ca̱i̱t ci nga̱a̱ye̱ ko̱ ngen aruba o̱ro̱bi̱ya̱, a̱gga̱mi̱t Pa̱u̱lo̱ ki Silas kar ko̱o̱tte̱ ngati lo̱ddi̱ki̱re̱ baala. 20Anyakttak nogo ol wak a̱ddi̱ki̱re̱ etted lo̱ki̱ko̱, kar izektek ne, “E̱e̱ggi̱n ol ciko Ya̱u̱d, aanycik nege orog cinna kanyak nyi̱li̱. 21Anyahakket keerani cik gerzek kizeto cigga̱c olli Romi, abunna ming kelemi icima ka̱li̱ngli̱nge̱.”
22Ulutai koole do̱o̱k kar kodomit Pa̱u̱lo̱ ki Silas, kar zin ol wak a̱ddi̱ki̱re̱ etted lo̱ki̱ko̱ ko̱ ku̱du̱kta̱k koole kaarta ru̱u̱ma̱ni̱ cigge̱k, kar ku̱ru̱we̱t keene. 23Baling u̱ru̱we̱t nege Pa̱u̱lo̱ ki Silas oroot, okolttek zin nogo lagam. Kar zin ku̱du̱kta̱k ddi̱ki̱ryo̱i̱t ci lagamo kebek nogo ju̱rru̱m. 24Baling a̱gga̱ma̱ enne zoz neci, u̱ju̱ke̱k zin enne nogo lagam kar keceb zo̱o̱ cigge̱k oroot.
25Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko. 26Ataman niko, i̱ki̱ya̱ ki̱ri̱ki̱ri̱ otomowe lolanya cik lagamo. O̱o̱ye̱ tatugeta cik lagamo do̱o̱k, artai baru balik e̱ce̱bi̱ne̱ nege ke̱ do̱o̱k. 27Ming okko ddi̱ki̱ryo̱i̱ti̱ ci ebek ol lagama ingazi orong kicin ol, amuda tatuget ming o̱o̱ye̱. I̱no̱n azi ne i̱vi̱re̱t ol wak e̱ce̱bje̱ ecito ko̱ do̱o̱k, idima zin nya̱tu̱ba̱t cinne orong kakat ele. 28Ma̱i̱je̱ da̱ Pa̱u̱lo̱ acin niko, kar zin kegerenyek nonno, a̱nne̱k ne, “Ma a̱ru̱i̱ ele cunne! Kaavtiya naga do̱o̱k ngatu.”
29I̱jji̱n zin ddi̱ki̱ryo̱i̱ti̱ urez ci atukule lagam, a̱yi̱k enne ngati a̱bba̱ri̱te̱ kar zin ku̱yu̱we̱ kakatek u̱zu̱ngti̱nne̱ ngati Pa̱u̱lo̱ ki Silas. 30Kar zin enne kanyahak nogo re̱e̱nu̱n, kar ki̱jji̱n kize ne, “Ddi̱ki̱ryyo̱k, ku̱tu̱gu̱ ucca anna nya kar kumuda ti̱ri̱ze̱ne̱t?”
31O̱bo̱dde̱k nege, a̱nne̱k ne, “Nyak tu̱we̱ne̱t ngati Manyi Ye̱su̱, kar i̱nna̱ ki ol wak ce̱e̱z cunne urubta ti̱ri̱ze̱ne̱t.” 32Uwaktek zin nege nonno zoz ci Manyi ki ol wak abak ce̱e̱ze̱ cinne do̱o̱k. 33Imma ba̱a̱li̱n neci ele, utuny ddi̱ki̱ryo̱i̱ti̱ ngoddocet cigge̱k, kar nege ka̱gga̱mte̱k nonno ba̱ti̱ti̱mo̱ ki ol ciginnek do̱o̱k. 34Anyahak zin ddi̱ki̱ryo̱i̱ti̱ neci nogo ce̱e̱z cinne kar kaanyik da̱i̱ne̱t. Atalo oroot, eci enne ki ol ciginnek do̱o̱k u̱tu̱we̱t Ta̱mu̱ta̱dde̱n.
35Imma nge̱rre̱ti̱n ci reng, i̱tto̱nta̱ lo̱ddi̱ki̱re̱ wak etted lo̱ki̱ko̱ ko̱ aciir u̱gge̱ ki̱vi̱ta̱ ku̱du̱kta̱k ddi̱ki̱ryo̱i̱t ci lagamo, izektek ne, “Ooga ol wak e̱ce̱bje̱ ko̱.” 36U̱du̱wa̱k ddi̱ki̱ryo̱i̱ti̱ Pa̱u̱lo̱, a̱nne̱k ne, “Oogttaung olli lo̱ki̱ko̱, i̱yo̱ko̱ oot labak.”
37Ma̱i̱je̱ Pa̱u̱lo̱ izek nonno ne: “I̱bi̱cce̱t ol agita zu̱wa̱ ci ngen kettedit lo̱ki̱ko̱ cinna, ming nu̱nu̱n ke̱e̱ggi̱nna̱ naga olli Romi,#16:37 Ke̱e̱ggi̱nna̱ naga olli Romi: Imma i̱i̱te̱ne̱ bali Ye̱su̱ ke̱, abal alaani wa a̱ddi̱ki̱re̱ Romi ol cik meelek lo̱o̱co̱we̱ do̱ do̱. Abarik zin ol cikidik Romi ko̱ riile oroot. Ebek alaani wa a̱ddi̱ki̱re̱ nogo oroot. Zoz zin ci bali azi Pa̱u̱lo̱ ne, ke̱e̱ggi̱nna̱ naga olli Romi. kar ku̱ju̱kte̱t lagam. Orong i̱yo̱ko̱ nege koogtaita agit lo̱mu̱k? Iróng een niko! Anyik nogo e̱le̱tti̱ne̱ ki̱vi̱ta̱ ki̱nya̱ma̱nte̱ta̱.”
38Oot aciiri ne̱ke̱ u̱du̱kta̱k lo̱ddi̱ki̱re̱ cik lo̱ki̱ko̱, u̱ku̱lte̱k nege je̱e̱n ming ovvo a̱gga̱ e̱e̱ggi̱n Pa̱u̱lo̱ ki Silas ol cik Romi. 39Kar zin ki̱vi̱ta̱ kilaltek Pa̱u̱lo̱ ki Silas kalalek nogo. I̱nya̱ma̱ni̱t zin nogo lagama koot kutungttek orog lo̱o̱c. 40Baling ovvo Pa̱u̱lo̱ ki Silas iyowa lagama, oot ce̱e̱ze̱ ci Lydia, ngin wa ovvo nege arumo ki ol wak a̱tu̱we̱, kar zin nege ki̱ti̱lo̱zo̱ nogo. Kar zin koot niko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.