Buk wa To̱ni̱a̱u̱ 10
10
Awa Korneliosi Peturu
1Anyak bali e̱e̱t ci een ddi̱ki̱ryo̱i̱t ci aciiru#10:1 Ddi̱ki̱ryo̱i̱ti̱ ci aciiru: Een enne ddi̱ki̱ryo̱i̱t ci a̱gga̱m aciir o̱bo̱n co̱de̱. een zara Kornelio balik akannek ol aciir ne̱ke̱ kizeto zara Italiya,#10:1 Italiya: Een Italiya zar u̱gge̱ cik olli Romi. kar enne kabak o̱rge̱ ci een Kesarea. 2Een Korneliosi ki ollinne do̱o̱k ol cik o̱ngo̱o̱le̱ Ta̱mu̱ta̱dde̱n, eela enne ol cik apirna kar gon kala Ta̱mu̱ta̱dde̱n odohize. 3Imma bali i̱i̱te̱n imma ngati okko ki yo̱mo̱n, een i̱i̱ i̱i̱yo̱, anyak da̱ Kornelio o̱no̱zzo̱k, icin enne anjilo ci Ta̱mu̱ta̱dde̱no̱, ci a̱kku̱nna̱k nonno kar kize ne, “Kornelio!”
4Egelem zin Kornelio nonno bba̱ri̱to̱na̱. Kar zin ki̱jji̱no̱, “Nya, ddi̱ki̱ryo̱i̱t?”
O̱bo̱de̱k zin anjilo nonno, a̱nne̱k ne, “Uzucca lawinet cunne ki muci wak eelanne i̱nna̱ ol wak amati ko̱ Ta̱mu̱ta̱dde̱n. 5I̱yo̱ko̱ zin, i̱tto̱n ol u̱gge̱ koot rok Joppa kanyakta e̱e̱t ci een zara Si̱mo̱ne̱ wa bo̱do̱k een zara uggak Peturu. 6Aavtte enne ki Si̱mo̱ne̱ wagon ododo kwaa, abak ojonun ki nyatapar ci a̱ddi̱ki̱re̱ ko̱.”
7Baling okko a̱mi̱re̱ anjilo ci ozozek nonno ko̱, utu Korneliosi du̱cca̱k ciginnek e̱e̱ggi̱n rama ki aciiroc cinne co̱de̱ zinino. 8Oobek nogo kaal do̱o̱k kar zin ki̱tto̱n koot Joppakte.
O̱no̱zzo̱k cik Peturu
9Bali i̱i̱te̱n ci reng, ngati ize yo̱mo̱n, ojongozit nege Joppa, uk Peturu ottod loruhun ta̱dde̱n#10:9 Loruhun ta̱dde̱n: Imma bali i̱i̱nya̱ ne̱ke̱ adiman ol ce̱e̱zi̱ cigge̱k cik anyak loruhun ci ogon ki le̱be̱le̱ ta̱dde̱na̱ kar gon nege koot ta̱dde̱na̱ loruhuna kar ku̱tu̱gu̱zzo̱ kaal cigge̱k. kar kalawo. 10Adak nonno magiz orong zin gi̱i̱ ci kar enne kadak, imma baling ngen ol adiman da̱i̱ne̱t ke̱, a̱gga̱mtta̱ nonno ungnyaha kar kanyak o̱no̱zzo̱k. 11Imma ngati adungne, acin ta̱mu̱-keng o̱no̱zo̱we̱ ming o̱o̱ye̱, kar gi̱i̱ ci ogon ki ru̱u̱m ci anyak ngeeto we̱c, aluccak lo̱o̱c.
12Anyak ru̱u̱m neci elegje do̱o̱k cik anyak zo̱o̱ we̱c, ki wak a̱vu̱vu̱t kengtinne lo̱o̱ta̱ ki iballi wak ta̱mu̱-kengo. 13Izik Peturu muluk ci a̱nne̱k nonno ne, “Peturu, tinga je̱e̱na̱, ru̱k elegje ne̱ko̱ kar dau.”
14O̱bo̱de̱k Peturu nonno a̱nne̱k ne, “De̱de̱ Manyi, iróng een niko, ngen anna kadak gi̱i̱ ci ngoronyi#10:14 Gi̱i̱ ci ngoronyi: A̱du̱wa̱k lo̱ti̱nno̱wa̱ cik Musesi olli Ya̱u̱do̱, azi ne, anyak elegje u̱gge̱ cik iróng een da̱i̱ne̱t, eci nege e̱e̱ggi̱n ngoronye. IkebLeviticus 11:1-32. iróng olli Ya̱u̱do̱ adai.”
15Ozozek mului bo̱do̱k nonno dee, a̱nne̱k ne, “Ma azi da̱i̱ne̱t u̱gge̱ cik adiman Ta̱mu̱ta̱dde̱n ki̱zi̱ze̱c ko̱ ne, e̱e̱ggi̱n ngoronye.”
16Obodonik zoz necu lak i̱i̱yo̱, kar zin ataman niko i̱mi̱ro̱i̱ Ta̱mu̱ta̱dde̱n ru̱u̱m neci uwe ta̱mu̱-kenga.
17Ma baling ngen Peturu a̱ma̱li̱le̱ oo, orong enne ka̱gga̱ keng ci o̱no̱zzo̱k ne̱ke̱, urubta zin ol balik i̱tto̱na̱ Korneliosi ke̱ ce̱e̱z ci Si̱mo̱ne̱ kar zin kibilet arana. 18I̱jji̱nto̱ zin azi ne, “Abak Si̱mo̱ne̱ wa een zara uggak Peturu ko̱ ngatu?”
19Baling ngen Peturu i̱no̱n zoz ci obod ki o̱no̱zzo̱k, izek Vongizi ci A̱li̱le̱ nonno ne, “Si̱mo̱ne̱, orongnyi ol cik een i̱i̱yo̱ i̱nne̱ta̱. 20I̱yo̱ko̱, tinga je̱e̱na̱ luce bit ngatinne̱ng. Ma agigani we̱t ki nogo, annit ci ki̱tto̱nna̱ nogo.”
21Uluce Peturu kar kizek ol ne̱ke̱ ne, “Annit ci orongnyu niga ko̱. Nyaa ming a̱vvu̱nnu̱ niga ko̱?”
22O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.” 23Aanyik zin Peturu e̱re̱nno̱k ciginnek ka̱ta̱gu̱zzo̱ kaal.
Peturu ce̱e̱ze̱ ci Korneliosi
Bali nge̱rre̱ti̱n ci reng, itingazzo Peturu ki nogo, i̱nya̱ma̱ni̱t gotonoggeti uggak cik a̱tu̱we̱ nogo Joppakte. 24Imma i̱i̱te̱n ci reng, a̱ra̱yya̱ Kesarea. Ere bali Korneliosi nogo, kar enne kutuwa boor cinne ki gonoggi. 25Baling okko Peturu i̱i̱zo̱ ce̱e̱zto̱, u̱ru̱me̱k Korneliosi nonno gool kar zin kakatek u̱zu̱ngtti̱ lo̱o̱c kar ki̱di̱ngdi̱nga̱n nonno. 26A̱gga̱m zin Peturu nonno azzin, kar kizek ne “Tinga je̱e̱na̱, ke̱e̱ni̱ anna e̱e̱t ci diiri!”
27Baling ngen nege ozozo, i̱tto̱ Peturu ce̱e̱zto̱ aruba koole ci a̱ppwe̱ oroot. 28Kar kizek nogo ne: “A̱gga̱yyu̱ niga ju̱rru̱m keere ci olli Ya̱u̱do̱ iróng abunna ming karume icima ki̱vo̱n i̱do̱nge̱ni̱t ki i̱yo̱ko̱ anna ko̱. Abarik zin Ta̱mu̱ta̱dde̱n i̱ye̱le̱ya̱ o̱no̱zo̱we̱, ma awu e̱e̱t imma azi ne ngoronya. 29I̱yo̱ko̱ zin, kelema anna kar ki̱ki̱ya̱, eci iróng bu̱k ka̱bu̱ri̱ zoz cunne, korongi zin i̱yo̱ko̱ ka̱gga̱ zoz ci awuya i̱nna̱ annita?”
30O̱bo̱de̱k zin Korneliosi nonno: “I̱i̱nya̱ balik een we̱c ovvo ke̱, kala bali anna Ta̱mu̱ta̱dde̱n ce̱e̱ze̱ cinanni koor cu, i̱i̱ i̱i̱yo̱ yo̱mo̱na̱. Ataman ne̱ko̱ ibil e̱e̱ti̱ imma ci ataltali ru̱u̱ma̱ni̱ ngu̱me̱ cinanni 31kar kize ne, ‘Kornelio, izik Ta̱mu̱ta̱dde̱n lawinet cunne ki muci wak eelanne i̱nna̱ ol wak amati ko̱. 32I̱yo̱ko̱, i̱tto̱n ol u̱gge̱ koot rok Joppa ngati e̱e̱t ci een zara Si̱mo̱ne̱ wa awu ol bo̱do̱k kize Peturu. Aave enne ce̱e̱ze̱ ci Si̱mo̱ne̱ wagon ododo kwaa ko̱, abak nyatapare ci a̱ddi̱ki̱re̱ ti̱ti̱ma̱.’ 33Kar zin anna ki̱tto̱nna̱ ol ne̱ko̱ ataman, abunna oroot eci i̱nna̱ i̱ki̱ya̱. I̱yo̱ko̱ zin kaavtiya naga ngatu ngu̱me̱ ci Ta̱mu̱ta̱dde̱no̱ do̱o̱k korongnya kizikta kaal do̱o̱k cik a̱du̱wa̱ki̱ Manyi abunna ming a̱du̱wa̱kke̱t agita.”
34Akate zin Peturu ozoza: “De̱de̱, kacinni, iróng Ta̱mu̱ta̱dde̱n ahal ol 35abarik elemna ol wak o̱ngo̱o̱le̱ nonno kar ku̱tu̱gu̱zzo̱ kaal cik abunna lo̱o̱co̱we̱ do̱o̱k. 36A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k. 37A̱gga̱yyu̱ niga bo̱do̱k kaal balik i̱i̱na̱k olli Ju̱de̱ya̱ do̱o̱k ke̱, akane lo̱o̱ce̱ ci Ga̱li̱li̱ baling uwahek Joni ol zoz ci ba̱ti̱ti̱mo̱. 38Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k,#10:38 Lo̱rye̱ni̱t: Een zara ciginnek Sitan. Een enne alaan ci anjilonyau wak bali abure Ta̱mu̱ta̱dde̱no̱ ta̱mu̱-kenga, kar Ta̱mu̱ta̱dde̱n kottowak nogo lo̱o̱c. I̱vi̱ta̱ zin anjilonya ne̱ko̱ izeto kuulo lo̱o̱ta̱ ngatu. IkebO̱no̱zzo̱k 12:7-12. eci Ta̱mu̱ta̱dde̱n aave ngatinne.
39“Ke̱e̱ggi̱nna̱ naga bbacak cik kaal do̱o̱k cik ogon enne lo̱o̱ce̱ ci Ya̱u̱do̱ ki Jerusalema. A̱ru̱k nege nonno ka̱da̱k keete ci een ta̱la̱ke̱c, 40imma Ta̱mu̱ta̱dde̱n itingawe nonno daiza i̱nya̱we̱ cik een i̱i̱yo̱ kurug kar ol kicinnet. 41Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱. 42A̱du̱wa̱kke̱t agit Ta̱mu̱ta̱dde̱n kar kuwakteya ol ju̱rru̱m zoz ci een Ye̱su̱ Alaan ci etted zoz ci ol cik a̱da̱i̱to̱ ki ol wak ngen aruge. 43Ozoz ba̱li̱ye̱ a̱ri̱tto̱wa̱ do̱o̱k zoz ci obod ki Ye̱su̱, ming a̱tu̱ e̱e̱ti̱ imma nonno, alalnek Ta̱mu̱ta̱dde̱n e̱e̱t neci mu̱nye̱n zare ciginnek.”
44Baling ngen Peturu ozoz zoz necu, i̱ki̱ya̱k Vongizi ci A̱li̱le̱ ol balik aziye zoz ci Ta̱mu̱ta̱dde̱no̱ ke̱ do̱o̱k. 45U̱ku̱lte̱k ol balik a̱tu̱we̱ een Ya̱u̱d etted wucic vi̱ca̱vi̱ca̱ orkora ki Peturu ke̱ je̱e̱n, eci Vongizi ci A̱li̱le̱ i̱ki̱ya̱k ol cik iróng een Ya̱u̱d bu̱k. 46Aziye nege nogo ozoz u̱tu̱ge̱tti̱ne̱ cik aavtte do̱ do̱ kar kinnatit Ta̱mu̱ta̱dde̱n.
Kar zin Peturu kize ne, 47“I̱llo̱i̱ wo̱ye̱ e̱e̱t imma ci alam ol ciko ngati a̱gga̱me̱ ba̱ti̱ti̱mo̱ maame. I̱ki̱ya̱k Vongizi ci A̱li̱le̱ nogo ki i̱yo̱ko̱ ming kanyak naga ko̱.” 48U̱du̱wa̱k zin enne nogo kar ka̱gga̱mi̱t ba̱ti̱ti̱mo̱ zare cik Ye̱su̱ Ki̱ri̱sto̱. I̱jji̱nne̱t zin nege Peturu kar abunna ming aave i̱i̱nya̱ u̱gge̱ do̱yo̱i̱t ki nogo.
Currently Selected:
Buk wa To̱ni̱a̱u̱ 10: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 10
10
Awa Korneliosi Peturu
1Anyak bali e̱e̱t ci een ddi̱ki̱ryo̱i̱t ci aciiru#10:1 Ddi̱ki̱ryo̱i̱ti̱ ci aciiru: Een enne ddi̱ki̱ryo̱i̱t ci a̱gga̱m aciir o̱bo̱n co̱de̱. een zara Kornelio balik akannek ol aciir ne̱ke̱ kizeto zara Italiya,#10:1 Italiya: Een Italiya zar u̱gge̱ cik olli Romi. kar enne kabak o̱rge̱ ci een Kesarea. 2Een Korneliosi ki ollinne do̱o̱k ol cik o̱ngo̱o̱le̱ Ta̱mu̱ta̱dde̱n, eela enne ol cik apirna kar gon kala Ta̱mu̱ta̱dde̱n odohize. 3Imma bali i̱i̱te̱n imma ngati okko ki yo̱mo̱n, een i̱i̱ i̱i̱yo̱, anyak da̱ Kornelio o̱no̱zzo̱k, icin enne anjilo ci Ta̱mu̱ta̱dde̱no̱, ci a̱kku̱nna̱k nonno kar kize ne, “Kornelio!”
4Egelem zin Kornelio nonno bba̱ri̱to̱na̱. Kar zin ki̱jji̱no̱, “Nya, ddi̱ki̱ryo̱i̱t?”
O̱bo̱de̱k zin anjilo nonno, a̱nne̱k ne, “Uzucca lawinet cunne ki muci wak eelanne i̱nna̱ ol wak amati ko̱ Ta̱mu̱ta̱dde̱n. 5I̱yo̱ko̱ zin, i̱tto̱n ol u̱gge̱ koot rok Joppa kanyakta e̱e̱t ci een zara Si̱mo̱ne̱ wa bo̱do̱k een zara uggak Peturu. 6Aavtte enne ki Si̱mo̱ne̱ wagon ododo kwaa, abak ojonun ki nyatapar ci a̱ddi̱ki̱re̱ ko̱.”
7Baling okko a̱mi̱re̱ anjilo ci ozozek nonno ko̱, utu Korneliosi du̱cca̱k ciginnek e̱e̱ggi̱n rama ki aciiroc cinne co̱de̱ zinino. 8Oobek nogo kaal do̱o̱k kar zin ki̱tto̱n koot Joppakte.
O̱no̱zzo̱k cik Peturu
9Bali i̱i̱te̱n ci reng, ngati ize yo̱mo̱n, ojongozit nege Joppa, uk Peturu ottod loruhun ta̱dde̱n#10:9 Loruhun ta̱dde̱n: Imma bali i̱i̱nya̱ ne̱ke̱ adiman ol ce̱e̱zi̱ cigge̱k cik anyak loruhun ci ogon ki le̱be̱le̱ ta̱dde̱na̱ kar gon nege koot ta̱dde̱na̱ loruhuna kar ku̱tu̱gu̱zzo̱ kaal cigge̱k. kar kalawo. 10Adak nonno magiz orong zin gi̱i̱ ci kar enne kadak, imma baling ngen ol adiman da̱i̱ne̱t ke̱, a̱gga̱mtta̱ nonno ungnyaha kar kanyak o̱no̱zzo̱k. 11Imma ngati adungne, acin ta̱mu̱-keng o̱no̱zo̱we̱ ming o̱o̱ye̱, kar gi̱i̱ ci ogon ki ru̱u̱m ci anyak ngeeto we̱c, aluccak lo̱o̱c.
12Anyak ru̱u̱m neci elegje do̱o̱k cik anyak zo̱o̱ we̱c, ki wak a̱vu̱vu̱t kengtinne lo̱o̱ta̱ ki iballi wak ta̱mu̱-kengo. 13Izik Peturu muluk ci a̱nne̱k nonno ne, “Peturu, tinga je̱e̱na̱, ru̱k elegje ne̱ko̱ kar dau.”
14O̱bo̱de̱k Peturu nonno a̱nne̱k ne, “De̱de̱ Manyi, iróng een niko, ngen anna kadak gi̱i̱ ci ngoronyi#10:14 Gi̱i̱ ci ngoronyi: A̱du̱wa̱k lo̱ti̱nno̱wa̱ cik Musesi olli Ya̱u̱do̱, azi ne, anyak elegje u̱gge̱ cik iróng een da̱i̱ne̱t, eci nege e̱e̱ggi̱n ngoronye. IkebLeviticus 11:1-32. iróng olli Ya̱u̱do̱ adai.”
15Ozozek mului bo̱do̱k nonno dee, a̱nne̱k ne, “Ma azi da̱i̱ne̱t u̱gge̱ cik adiman Ta̱mu̱ta̱dde̱n ki̱zi̱ze̱c ko̱ ne, e̱e̱ggi̱n ngoronye.”
16Obodonik zoz necu lak i̱i̱yo̱, kar zin ataman niko i̱mi̱ro̱i̱ Ta̱mu̱ta̱dde̱n ru̱u̱m neci uwe ta̱mu̱-kenga.
17Ma baling ngen Peturu a̱ma̱li̱le̱ oo, orong enne ka̱gga̱ keng ci o̱no̱zzo̱k ne̱ke̱, urubta zin ol balik i̱tto̱na̱ Korneliosi ke̱ ce̱e̱z ci Si̱mo̱ne̱ kar zin kibilet arana. 18I̱jji̱nto̱ zin azi ne, “Abak Si̱mo̱ne̱ wa een zara uggak Peturu ko̱ ngatu?”
19Baling ngen Peturu i̱no̱n zoz ci obod ki o̱no̱zzo̱k, izek Vongizi ci A̱li̱le̱ nonno ne, “Si̱mo̱ne̱, orongnyi ol cik een i̱i̱yo̱ i̱nne̱ta̱. 20I̱yo̱ko̱, tinga je̱e̱na̱ luce bit ngatinne̱ng. Ma agigani we̱t ki nogo, annit ci ki̱tto̱nna̱ nogo.”
21Uluce Peturu kar kizek ol ne̱ke̱ ne, “Annit ci orongnyu niga ko̱. Nyaa ming a̱vvu̱nnu̱ niga ko̱?”
22O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.” 23Aanyik zin Peturu e̱re̱nno̱k ciginnek ka̱ta̱gu̱zzo̱ kaal.
Peturu ce̱e̱ze̱ ci Korneliosi
Bali nge̱rre̱ti̱n ci reng, itingazzo Peturu ki nogo, i̱nya̱ma̱ni̱t gotonoggeti uggak cik a̱tu̱we̱ nogo Joppakte. 24Imma i̱i̱te̱n ci reng, a̱ra̱yya̱ Kesarea. Ere bali Korneliosi nogo, kar enne kutuwa boor cinne ki gonoggi. 25Baling okko Peturu i̱i̱zo̱ ce̱e̱zto̱, u̱ru̱me̱k Korneliosi nonno gool kar zin kakatek u̱zu̱ngtti̱ lo̱o̱c kar ki̱di̱ngdi̱nga̱n nonno. 26A̱gga̱m zin Peturu nonno azzin, kar kizek ne “Tinga je̱e̱na̱, ke̱e̱ni̱ anna e̱e̱t ci diiri!”
27Baling ngen nege ozozo, i̱tto̱ Peturu ce̱e̱zto̱ aruba koole ci a̱ppwe̱ oroot. 28Kar kizek nogo ne: “A̱gga̱yyu̱ niga ju̱rru̱m keere ci olli Ya̱u̱do̱ iróng abunna ming karume icima ki̱vo̱n i̱do̱nge̱ni̱t ki i̱yo̱ko̱ anna ko̱. Abarik zin Ta̱mu̱ta̱dde̱n i̱ye̱le̱ya̱ o̱no̱zo̱we̱, ma awu e̱e̱t imma azi ne ngoronya. 29I̱yo̱ko̱ zin, kelema anna kar ki̱ki̱ya̱, eci iróng bu̱k ka̱bu̱ri̱ zoz cunne, korongi zin i̱yo̱ko̱ ka̱gga̱ zoz ci awuya i̱nna̱ annita?”
30O̱bo̱de̱k zin Korneliosi nonno: “I̱i̱nya̱ balik een we̱c ovvo ke̱, kala bali anna Ta̱mu̱ta̱dde̱n ce̱e̱ze̱ cinanni koor cu, i̱i̱ i̱i̱yo̱ yo̱mo̱na̱. Ataman ne̱ko̱ ibil e̱e̱ti̱ imma ci ataltali ru̱u̱ma̱ni̱ ngu̱me̱ cinanni 31kar kize ne, ‘Kornelio, izik Ta̱mu̱ta̱dde̱n lawinet cunne ki muci wak eelanne i̱nna̱ ol wak amati ko̱. 32I̱yo̱ko̱, i̱tto̱n ol u̱gge̱ koot rok Joppa ngati e̱e̱t ci een zara Si̱mo̱ne̱ wa awu ol bo̱do̱k kize Peturu. Aave enne ce̱e̱ze̱ ci Si̱mo̱ne̱ wagon ododo kwaa ko̱, abak nyatapare ci a̱ddi̱ki̱re̱ ti̱ti̱ma̱.’ 33Kar zin anna ki̱tto̱nna̱ ol ne̱ko̱ ataman, abunna oroot eci i̱nna̱ i̱ki̱ya̱. I̱yo̱ko̱ zin kaavtiya naga ngatu ngu̱me̱ ci Ta̱mu̱ta̱dde̱no̱ do̱o̱k korongnya kizikta kaal do̱o̱k cik a̱du̱wa̱ki̱ Manyi abunna ming a̱du̱wa̱kke̱t agita.”
34Akate zin Peturu ozoza: “De̱de̱, kacinni, iróng Ta̱mu̱ta̱dde̱n ahal ol 35abarik elemna ol wak o̱ngo̱o̱le̱ nonno kar ku̱tu̱gu̱zzo̱ kaal cik abunna lo̱o̱co̱we̱ do̱o̱k. 36A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k. 37A̱gga̱yyu̱ niga bo̱do̱k kaal balik i̱i̱na̱k olli Ju̱de̱ya̱ do̱o̱k ke̱, akane lo̱o̱ce̱ ci Ga̱li̱li̱ baling uwahek Joni ol zoz ci ba̱ti̱ti̱mo̱. 38Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k,#10:38 Lo̱rye̱ni̱t: Een zara ciginnek Sitan. Een enne alaan ci anjilonyau wak bali abure Ta̱mu̱ta̱dde̱no̱ ta̱mu̱-kenga, kar Ta̱mu̱ta̱dde̱n kottowak nogo lo̱o̱c. I̱vi̱ta̱ zin anjilonya ne̱ko̱ izeto kuulo lo̱o̱ta̱ ngatu. IkebO̱no̱zzo̱k 12:7-12. eci Ta̱mu̱ta̱dde̱n aave ngatinne.
39“Ke̱e̱ggi̱nna̱ naga bbacak cik kaal do̱o̱k cik ogon enne lo̱o̱ce̱ ci Ya̱u̱do̱ ki Jerusalema. A̱ru̱k nege nonno ka̱da̱k keete ci een ta̱la̱ke̱c, 40imma Ta̱mu̱ta̱dde̱n itingawe nonno daiza i̱nya̱we̱ cik een i̱i̱yo̱ kurug kar ol kicinnet. 41Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱. 42A̱du̱wa̱kke̱t agit Ta̱mu̱ta̱dde̱n kar kuwakteya ol ju̱rru̱m zoz ci een Ye̱su̱ Alaan ci etted zoz ci ol cik a̱da̱i̱to̱ ki ol wak ngen aruge. 43Ozoz ba̱li̱ye̱ a̱ri̱tto̱wa̱ do̱o̱k zoz ci obod ki Ye̱su̱, ming a̱tu̱ e̱e̱ti̱ imma nonno, alalnek Ta̱mu̱ta̱dde̱n e̱e̱t neci mu̱nye̱n zare ciginnek.”
44Baling ngen Peturu ozoz zoz necu, i̱ki̱ya̱k Vongizi ci A̱li̱le̱ ol balik aziye zoz ci Ta̱mu̱ta̱dde̱no̱ ke̱ do̱o̱k. 45U̱ku̱lte̱k ol balik a̱tu̱we̱ een Ya̱u̱d etted wucic vi̱ca̱vi̱ca̱ orkora ki Peturu ke̱ je̱e̱n, eci Vongizi ci A̱li̱le̱ i̱ki̱ya̱k ol cik iróng een Ya̱u̱d bu̱k. 46Aziye nege nogo ozoz u̱tu̱ge̱tti̱ne̱ cik aavtte do̱ do̱ kar kinnatit Ta̱mu̱ta̱dde̱n.
Kar zin Peturu kize ne, 47“I̱llo̱i̱ wo̱ye̱ e̱e̱t imma ci alam ol ciko ngati a̱gga̱me̱ ba̱ti̱ti̱mo̱ maame. I̱ki̱ya̱k Vongizi ci A̱li̱le̱ nogo ki i̱yo̱ko̱ ming kanyak naga ko̱.” 48U̱du̱wa̱k zin enne nogo kar ka̱gga̱mi̱t ba̱ti̱ti̱mo̱ zare cik Ye̱su̱ Ki̱ri̱sto̱. I̱jji̱nne̱t zin nege Peturu kar abunna ming aave i̱i̱nya̱ u̱gge̱ do̱yo̱i̱t ki nogo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.