2 Te̱se̱lo̱ni̱ka̱ 3
3
Alayettu Ta̱mu̱ta̱dde̱n
1Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱. 2Alayettu Ta̱mu̱ta̱dde̱n kaanyyet kizetta reene olle wak gerzek iróng abak baiz ci abunna. Orong zin enne de̱de̱ ol cik meelek a̱tu̱we̱. 3Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱. 4Ka̱gga̱yya̱ niko ming ebekkung Manyi, u̱zu̱tte̱ kaal balik kedemezung ke̱ ju̱rru̱m. 5Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.
Gerza gu̱u̱rze̱t
6Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m. 7Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱. 8Iróng ba̱li̱ye̱ kadaka da̱i̱ne̱t cik e̱e̱t imma ollin. Iróng ba̱li̱ye̱ korongnyya kuluteung kaal do̱o̱k kar a̱gga̱mte̱ttu̱. Ka̱li̱ngli̱ngnya̱ ba̱li̱ye̱ wazin ki ba̱a̱li̱n oroot. 9Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱. 10Ku̱du̱ktta̱u̱ng ri̱t ba̱li̱ye̱ kizeung ne, “Ming aave e̱e̱ti̱ ci a̱tu̱we̱ abure li̱ngli̱ngo̱n to, ujurtak nonno da̱i̱ne̱t.”
11Ka̱du̱wa̱kku̱ng zoz necu ma̱rri̱t ming kazikna azi ne, aavtte ol uggak orgene cunno̱ng ollin iróng a̱li̱ngli̱ng, eceba o̱o̱tti̱ kaale cik ogon ol uggak. 12Ki̱lo̱tta̱ zin naga ol cik ogon niko zare cik Manyi Ye̱su̱ Ki̱ri̱sto̱ abunna ming akannek zo̱o̱ lo̱o̱c kar ki̱li̱ngli̱nge̱t da̱i̱ne̱t cik adak nege. 13Gonogga wak zinino, ma apirnannu zo̱ze̱ ci ogonnu kaal cik abunna.
14U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno. 15Ma zin anyikku ku̱tu̱gu̱zzo̱ ki mo̱ddo̱, abarik i̱ti̱lo̱zzo̱ ki ming i̱lo̱ttu̱ ol u̱gge̱ ko̱.
Lawinet ci Pa̱u̱lo̱ vu̱rrto̱
16I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.
17Keheri zin anna Pa̱u̱lo̱ a̱tte̱ cinanni kiwagon ko̱, ci anyak baayenit waraganyai cigannik do̱o̱k.
18Kala Manyitinna Ye̱su̱ Ki̱ri̱sto̱ ka̱a̱nyu̱ng deten i̱ge̱t do̱o̱k.
Currently Selected:
2 Te̱se̱lo̱ni̱ka̱ 3: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Te̱se̱lo̱ni̱ka̱ 3
3
Alayettu Ta̱mu̱ta̱dde̱n
1Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱. 2Alayettu Ta̱mu̱ta̱dde̱n kaanyyet kizetta reene olle wak gerzek iróng abak baiz ci abunna. Orong zin enne de̱de̱ ol cik meelek a̱tu̱we̱. 3Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱. 4Ka̱gga̱yya̱ niko ming ebekkung Manyi, u̱zu̱tte̱ kaal balik kedemezung ke̱ ju̱rru̱m. 5Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.
Gerza gu̱u̱rze̱t
6Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m. 7Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱. 8Iróng ba̱li̱ye̱ kadaka da̱i̱ne̱t cik e̱e̱t imma ollin. Iróng ba̱li̱ye̱ korongnyya kuluteung kaal do̱o̱k kar a̱gga̱mte̱ttu̱. Ka̱li̱ngli̱ngnya̱ ba̱li̱ye̱ wazin ki ba̱a̱li̱n oroot. 9Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱. 10Ku̱du̱ktta̱u̱ng ri̱t ba̱li̱ye̱ kizeung ne, “Ming aave e̱e̱ti̱ ci a̱tu̱we̱ abure li̱ngli̱ngo̱n to, ujurtak nonno da̱i̱ne̱t.”
11Ka̱du̱wa̱kku̱ng zoz necu ma̱rri̱t ming kazikna azi ne, aavtte ol uggak orgene cunno̱ng ollin iróng a̱li̱ngli̱ng, eceba o̱o̱tti̱ kaale cik ogon ol uggak. 12Ki̱lo̱tta̱ zin naga ol cik ogon niko zare cik Manyi Ye̱su̱ Ki̱ri̱sto̱ abunna ming akannek zo̱o̱ lo̱o̱c kar ki̱li̱ngli̱nge̱t da̱i̱ne̱t cik adak nege. 13Gonogga wak zinino, ma apirnannu zo̱ze̱ ci ogonnu kaal cik abunna.
14U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno. 15Ma zin anyikku ku̱tu̱gu̱zzo̱ ki mo̱ddo̱, abarik i̱ti̱lo̱zzo̱ ki ming i̱lo̱ttu̱ ol u̱gge̱ ko̱.
Lawinet ci Pa̱u̱lo̱ vu̱rrto̱
16I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.
17Keheri zin anna Pa̱u̱lo̱ a̱tte̱ cinanni kiwagon ko̱, ci anyak baayenit waraganyai cigannik do̱o̱k.
18Kala Manyitinna Ye̱su̱ Ki̱ri̱sto̱ ka̱a̱nyu̱ng deten i̱ge̱t do̱o̱k.
© 2018, Wycliffe Bible Translators, Inc. All rights reserved.