2 Ko̱ri̱nto̱ 4
4
Uwai ci kaviyak cik abunna
1I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol. 2Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze. 3Abarik ki i̱yo̱ko̱ ming a̱du̱wa̱ ol uggak ngatinno̱ng ko̱, anyak ol u̱gge̱ cik iróng aziye de̱mzi̱ne̱t cinna̱ng, ming anyak gi̱i̱ ci a̱lu̱gnye̱ de̱mzi̱nte̱ cinna̱ng, a̱lu̱gnye̱ ngati ol wak ovvo go̱o̱le̱ ci daiz ci okko udut. 4Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k. 5Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne. 6Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.”#Kananet 1:3 Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.
7Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng. 8A̱gi̱dde̱t ol odohize o̱to̱ do̱o̱k, iróng zin Ta̱mu̱ta̱dde̱n aanyik nogo komiz ci alamnyet li̱ngli̱ngo̱nte̱ ci kedemeza ol kaviyak cik Ye̱su̱. A̱ma̱li̱ltte̱ gon agit o̱o̱tti̱, iróng ka̱gga̱yya̱ gi̱i̱ ci wo̱ye̱ kogonna, ma̱i̱je̱ ngatu iróng kungneka zoz ci Ta̱mu̱ta̱dde̱no̱ lo̱o̱c; 9Ming a̱gi̱dde̱t ol nu̱nu̱n, iróng zin Ta̱mu̱ta̱dde̱n aanyik e̱e̱t imma ngatinna ku̱ru̱we̱. I̱i̱te̱n imma a̱ru̱we̱kke̱t ol utube, iróng zin Ta̱mu̱ta̱dde̱n aanyik nogo gool ci a̱ru̱kke̱t kize daiz. 10Ahacet daizi agit e̱le̱tti̱ cigga̱c odohize ki̱ye̱la̱ daiz ci Ye̱su̱, kar rugeti cinne ki̱ye̱la̱i̱ e̱le̱tti̱ne̱ cigga̱c. 11Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱. 12Ming ahacet daizi agit to̱ni̱a̱k cik Ye̱su̱ ko̱ odohize nu̱nu̱n, eci niga elemttau baiz ci Ta̱mu̱ta̱dde̱no̱ aave udut.
13E̱he̱rye̱ Warage ci Ta̱mu̱ta̱dde̱no̱, “Ka̱tu̱ anna Ta̱mu̱ta̱dde̱n; kozoza zin.”#Caliwon 116:10 Ki ming kaavtte zinine co̱de̱ tu̱we̱nta̱ ko̱, ka̱tu̱ naga kar kozozit, 14eci naga ka̱gga̱yya̱ niko Ta̱mu̱ta̱dde̱n ele ci bali ingane Manyi Ye̱su̱ daiza kurug, okko atin enne ingannet daiza ki Ye̱su̱, anyahannet atin enne agit ki i̱ge̱t kar ka̱vvu̱t ki nonno nga̱to̱de̱. 15Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.
Kabait tu̱we̱nta̱
16I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱. 17Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma. 18Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.
Currently Selected:
2 Ko̱ri̱nto̱ 4: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Ko̱ri̱nto̱ 4
4
Uwai ci kaviyak cik abunna
1I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol. 2Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze. 3Abarik ki i̱yo̱ko̱ ming a̱du̱wa̱ ol uggak ngatinno̱ng ko̱, anyak ol u̱gge̱ cik iróng aziye de̱mzi̱ne̱t cinna̱ng, ming anyak gi̱i̱ ci a̱lu̱gnye̱ de̱mzi̱nte̱ cinna̱ng, a̱lu̱gnye̱ ngati ol wak ovvo go̱o̱le̱ ci daiz ci okko udut. 4Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k. 5Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne. 6Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.”#Kananet 1:3 Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.
7Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng. 8A̱gi̱dde̱t ol odohize o̱to̱ do̱o̱k, iróng zin Ta̱mu̱ta̱dde̱n aanyik nogo komiz ci alamnyet li̱ngli̱ngo̱nte̱ ci kedemeza ol kaviyak cik Ye̱su̱. A̱ma̱li̱ltte̱ gon agit o̱o̱tti̱, iróng ka̱gga̱yya̱ gi̱i̱ ci wo̱ye̱ kogonna, ma̱i̱je̱ ngatu iróng kungneka zoz ci Ta̱mu̱ta̱dde̱no̱ lo̱o̱c; 9Ming a̱gi̱dde̱t ol nu̱nu̱n, iróng zin Ta̱mu̱ta̱dde̱n aanyik e̱e̱t imma ngatinna ku̱ru̱we̱. I̱i̱te̱n imma a̱ru̱we̱kke̱t ol utube, iróng zin Ta̱mu̱ta̱dde̱n aanyik nogo gool ci a̱ru̱kke̱t kize daiz. 10Ahacet daizi agit e̱le̱tti̱ cigga̱c odohize ki̱ye̱la̱ daiz ci Ye̱su̱, kar rugeti cinne ki̱ye̱la̱i̱ e̱le̱tti̱ne̱ cigga̱c. 11Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱. 12Ming ahacet daizi agit to̱ni̱a̱k cik Ye̱su̱ ko̱ odohize nu̱nu̱n, eci niga elemttau baiz ci Ta̱mu̱ta̱dde̱no̱ aave udut.
13E̱he̱rye̱ Warage ci Ta̱mu̱ta̱dde̱no̱, “Ka̱tu̱ anna Ta̱mu̱ta̱dde̱n; kozoza zin.”#Caliwon 116:10 Ki ming kaavtte zinine co̱de̱ tu̱we̱nta̱ ko̱, ka̱tu̱ naga kar kozozit, 14eci naga ka̱gga̱yya̱ niko Ta̱mu̱ta̱dde̱n ele ci bali ingane Manyi Ye̱su̱ daiza kurug, okko atin enne ingannet daiza ki Ye̱su̱, anyahannet atin enne agit ki i̱ge̱t kar ka̱vvu̱t ki nonno nga̱to̱de̱. 15Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.
Kabait tu̱we̱nta̱
16I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱. 17Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma. 18Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.