2 Ko̱ri̱nto̱ 2
2
1I̱yo̱ko̱ zin, kodola anna zo̱ze̱ cu: Iróng atin anna keronakkung kar i̱vi̱ta̱ utuburet nong. 2Ming ka̱a̱nyu̱ng anna eliya utuburet nong, i̱llo̱i̱ e̱e̱t imma ci aanya katalo, i̱ge̱t do̱ niko cik ka̱a̱nyu̱ng anna utuburet nong ko̱, i̱ge̱t do̱ niko cik aanyang katalo. 3Zoz zin ci ketehera waraga ba̱li̱ye̱ ko̱, abunna ming kokko anna ka̱kku̱ni̱, gerza ming iróng ol ne̱ke̱ aanya ka̱vvu̱ labak, aburnekka nong. Korongi zin anna abunna ming atalninnu niga kar anna bu̱k katalo. Karikku̱ng anna i̱ge̱t zinin do̱o̱k, abunna ming kozol talninet cinanni ko̱ ki i̱ge̱t nga̱to̱de̱. 4Baling keherakkung waraga ba̱li̱ye̱ ke̱ ngati acirit zinin oroot, ki ti̱la̱lo̱ eberene, iróng korongi kar omozte. Keheri abunna ming a̱gga̱yyu̱ kirezzung anna i̱ge̱t oroot.
Lalek e̱e̱t ci ogoniki gi̱i̱ ci gerze
5Ming u̱tu̱gu̱ e̱e̱ti̱ gi̱i̱ ci gerze kicirit i̱nne̱t zinin, iróng enne anyike zinin cinanni do̱ kicirit, acirit i̱ge̱t do̱o̱k zi̱nze̱tti̱. Iróng anna korongi kodong zoz necu oroot. 6Eleno enne ki de̱zi̱ne̱t#2:6 Eleno enne ki de̱zi̱ne̱t: Ozoz Pa̱u̱lo̱ zoz ci e̱e̱t bali owo ki ngaa ci baatinne. Ikeb1 Ko̱ri̱nto̱ 5:1-5. ci edeze nonno ol cik meelek ko̱. 7Abarik lalek nonno, kar keela e̱e̱t neci abaci ke̱, abunna iróng oo cinne a̱ku̱li̱. 8Kilalekkung zin anna i̱ge̱ta̱, abunna ming i̱ye̱le̱kku̱ baiz ci irezzu niga nonno. 9Keherakkung anna waraga necu korongi kuruba de̱de̱ ming o̱ngo̱o̱li̱nna̱ng. 10Ming alalneke i̱nna̱ e̱e̱t ba̱ci̱nno̱k, kalalnek anna nonno bu̱k de̱de̱, ming anyak gi̱i̱ imma ci orong kalalek anna nonno kaale ne̱k u̱tu̱gu̱ enne ke̱, kalaleya ngati Ki̱ri̱sto̱ zo̱ze̱ cunne. 11Kar zin Sitani#2:11 Sitan: Awu ol nonno azi ne, lo̱rye̱ni̱t wa een alaan ci anjilonyau wak bali abure Ta̱mu̱ta̱dde̱n ta̱mu̱-kenga, kar Ta̱mu̱ta̱dde̱n kottowak nogo lo̱o̱c. I̱vi̱ta̱ zin anjilonya ne̱ko̱ izeto kuulo lo̱o̱ta̱ ngatu. IkebO̱no̱zzo̱k 12:7-9. iróng amuda gool ci a̱lu̱te̱tta̱, eci ka̱gga̱ ju̱rru̱m go̱o̱llo̱k cik orong lo̱rye̱nti̱ kar kegerzan ol.
Aanyyet Ye̱su̱ Ki̱ri̱sto̱ li̱ngli̱ngo̱n
12Baling kuwa o̱rge̱ ci een Troas kar kuwahek ol kaviyak cik abunna#2:12 Kaviyak cik abunna: Een necu zoz ci obod ki Ye̱su̱ Ki̱ri̱sto̱ wa bali utunya mu̱nye̱n cigga̱c ngati a̱da̱kne̱ enne ta̱la̱ke̱ca̱ kar kaanyyet ruget ci abak udut. Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek, 13ngen annit odoi zinin eci ngen kuruba Ti̱to̱ gotona tu̱we̱nta̱ nginatu. Baling ka̱a̱vu̱ do̱yo̱i̱t, kizzawa ol wak a̱tu̱we̱, kar keronnak lo̱o̱c ci Macedonia.
14Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala. 15Eci kogon naga ki amanteci ci ongooli laala, anyahakket Ki̱ri̱sto̱ Ta̱mu̱ta̱dde̱n, okko ngolizi neci rok ol wak ovvo elemi zoz ci Ta̱mu̱ta̱dde̱no̱ ki ol wak ovvo daiza. 16Ogon de̱mzi̱ne̱t ci Ye̱su̱ ngati ol u̱gge̱ ki amanteci ci rugeto, ci anyahak nogo ruget; okko ngati ol u̱gge̱ een boror ci ongooli ṯa̱ṯi̱, anyaha daiz. I̱llo̱i̱ e̱e̱t imma ci anyak komiz do̱ kar ku̱tu̱gu̱we̱k Ta̱mu̱ta̱dde̱n li̱ngli̱ngo̱n cinne. 17Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.
Currently Selected:
2 Ko̱ri̱nto̱ 2: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Ko̱ri̱nto̱ 2
2
1I̱yo̱ko̱ zin, kodola anna zo̱ze̱ cu: Iróng atin anna keronakkung kar i̱vi̱ta̱ utuburet nong. 2Ming ka̱a̱nyu̱ng anna eliya utuburet nong, i̱llo̱i̱ e̱e̱t imma ci aanya katalo, i̱ge̱t do̱ niko cik ka̱a̱nyu̱ng anna utuburet nong ko̱, i̱ge̱t do̱ niko cik aanyang katalo. 3Zoz zin ci ketehera waraga ba̱li̱ye̱ ko̱, abunna ming kokko anna ka̱kku̱ni̱, gerza ming iróng ol ne̱ke̱ aanya ka̱vvu̱ labak, aburnekka nong. Korongi zin anna abunna ming atalninnu niga kar anna bu̱k katalo. Karikku̱ng anna i̱ge̱t zinin do̱o̱k, abunna ming kozol talninet cinanni ko̱ ki i̱ge̱t nga̱to̱de̱. 4Baling keherakkung waraga ba̱li̱ye̱ ke̱ ngati acirit zinin oroot, ki ti̱la̱lo̱ eberene, iróng korongi kar omozte. Keheri abunna ming a̱gga̱yyu̱ kirezzung anna i̱ge̱t oroot.
Lalek e̱e̱t ci ogoniki gi̱i̱ ci gerze
5Ming u̱tu̱gu̱ e̱e̱ti̱ gi̱i̱ ci gerze kicirit i̱nne̱t zinin, iróng enne anyike zinin cinanni do̱ kicirit, acirit i̱ge̱t do̱o̱k zi̱nze̱tti̱. Iróng anna korongi kodong zoz necu oroot. 6Eleno enne ki de̱zi̱ne̱t#2:6 Eleno enne ki de̱zi̱ne̱t: Ozoz Pa̱u̱lo̱ zoz ci e̱e̱t bali owo ki ngaa ci baatinne. Ikeb1 Ko̱ri̱nto̱ 5:1-5. ci edeze nonno ol cik meelek ko̱. 7Abarik lalek nonno, kar keela e̱e̱t neci abaci ke̱, abunna iróng oo cinne a̱ku̱li̱. 8Kilalekkung zin anna i̱ge̱ta̱, abunna ming i̱ye̱le̱kku̱ baiz ci irezzu niga nonno. 9Keherakkung anna waraga necu korongi kuruba de̱de̱ ming o̱ngo̱o̱li̱nna̱ng. 10Ming alalneke i̱nna̱ e̱e̱t ba̱ci̱nno̱k, kalalnek anna nonno bu̱k de̱de̱, ming anyak gi̱i̱ imma ci orong kalalek anna nonno kaale ne̱k u̱tu̱gu̱ enne ke̱, kalaleya ngati Ki̱ri̱sto̱ zo̱ze̱ cunne. 11Kar zin Sitani#2:11 Sitan: Awu ol nonno azi ne, lo̱rye̱ni̱t wa een alaan ci anjilonyau wak bali abure Ta̱mu̱ta̱dde̱n ta̱mu̱-kenga, kar Ta̱mu̱ta̱dde̱n kottowak nogo lo̱o̱c. I̱vi̱ta̱ zin anjilonya ne̱ko̱ izeto kuulo lo̱o̱ta̱ ngatu. IkebO̱no̱zzo̱k 12:7-9. iróng amuda gool ci a̱lu̱te̱tta̱, eci ka̱gga̱ ju̱rru̱m go̱o̱llo̱k cik orong lo̱rye̱nti̱ kar kegerzan ol.
Aanyyet Ye̱su̱ Ki̱ri̱sto̱ li̱ngli̱ngo̱n
12Baling kuwa o̱rge̱ ci een Troas kar kuwahek ol kaviyak cik abunna#2:12 Kaviyak cik abunna: Een necu zoz ci obod ki Ye̱su̱ Ki̱ri̱sto̱ wa bali utunya mu̱nye̱n cigga̱c ngati a̱da̱kne̱ enne ta̱la̱ke̱ca̱ kar kaanyyet ruget ci abak udut. Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek, 13ngen annit odoi zinin eci ngen kuruba Ti̱to̱ gotona tu̱we̱nta̱ nginatu. Baling ka̱a̱vu̱ do̱yo̱i̱t, kizzawa ol wak a̱tu̱we̱, kar keronnak lo̱o̱c ci Macedonia.
14Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala. 15Eci kogon naga ki amanteci ci ongooli laala, anyahakket Ki̱ri̱sto̱ Ta̱mu̱ta̱dde̱n, okko ngolizi neci rok ol wak ovvo elemi zoz ci Ta̱mu̱ta̱dde̱no̱ ki ol wak ovvo daiza. 16Ogon de̱mzi̱ne̱t ci Ye̱su̱ ngati ol u̱gge̱ ki amanteci ci rugeto, ci anyahak nogo ruget; okko ngati ol u̱gge̱ een boror ci ongooli ṯa̱ṯi̱, anyaha daiz. I̱llo̱i̱ e̱e̱t imma ci anyak komiz do̱ kar ku̱tu̱gu̱we̱k Ta̱mu̱ta̱dde̱n li̱ngli̱ngo̱n cinne. 17Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.