Kada Bulawan 18
18
1Ia to tocia' sirau tau, battuananna ngkitan mesa kalena,
nate'gehhi bang to pangngampa'na tau laen.
2Ia to tobattuk te'da namadoang dipapahangngi,
ia manda nakabudai to mpau llanna penawanna.
3Ia to togaja' te'da nadiangga',
na dicapa' sola dicacca.
4Ia to kada tomacca mpaollong buda kamaccan susi wai tasik lempah,
na mangpamacakka' susi wai lolong.
5Te'da namelo to mpangkadan togaja',
na dira'tah tangmaruruh to totangsala.
6Ia to kadanna tobattuk mpaden kasisakkan,
na timunna mpusaba'i naditundun.
7Ia to tobattuk natumang timunna nalanynya',
na kadanna butung poja la mpateii.
8Butung kande marasa lako to tongkabudai mpesa'dingngi tompau sala tau,
nakabudai nnamma'i.
9Ia to tomakuttu njama jamanna,
pada bang sipa'na to tongkabudai makkasolang.
10Ia to Puang Allataala mawatang susi benteng,
iamo nanii male mentilendung to tomakassing dikua nasalama'.
11Apa ia to tosugih nasanga ewananna llendungngi,
susi tembo' matande mawatang llendungngi kota.
12Ia to tomatampo mparatuan kamasolangan kalena,
apa ia to tompamajiong penawanna ditaratte'.
13Ia to tote'dapa nasa'ding rampa'i to kada namebalimo,
iamo panggaukan gaja bango' na mangpakasiri'.
14Madoangngi to tau la malambeh sunga',
na moi maparri' da'tanni masumanga',
apa ia ke te'dami tamasumanga'
te'da toomo apa dirannuan.
15Ia to tomapahang madoang sabuda-budanna kapaissenanna,
na ia to tomacca tuli nnangah kapaissenan.
16Ia to paraseng diben tomakuasa,
iamo dipulalan mangngolo lako kalena.
17Ia to topamula mangkada jio olo tomangra'tah kara-kara,
nasanga to tossa'dingngi kumua iamo tongan,
apa iapi nadikanassa kumua tonganrika,
ke naparessami to mpangkadan ewana.
18Ia to kasisakkan wa'ding diparadan mpake undi,
na moi kasisakkanna tomapangka' wa'ding too napapaja.
19La'bih marawa to ntamai kota mawatang,
na ia to sipemeloan sile'to to dipa'dikki penawanna,
na ia to passipura,
butung peampang babangan kota den bentengna.
20Sininna kada melo to messun jio timu,
nang la dipumaupa' assele'na.
21Ia to apa messun jio timu wa'ding mangpasalama', wa'ding too makkasolang,
ia to tobuda kada la mpebuai assele' kadanna.
22Maupa' to tokebaine,
iamo barakka'na jio mai Puang Allataala.
23Ia to tokaasi-asi mengkamase-mase ke meta'dai,
apa ia to tosugih gaja maka'do mebali.
24Den soba'ta' to mparatuanki' cilaka,
apa den too tola'bih mpakamoja'ki' na sile'tota'.
Currently Selected:
Kada Bulawan 18: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
