Yosua 15
15
Tana diben suku Yehuda napumanah
1Ia to sangtawan tana diben mpake undi lako suku Yehuda naditawan pantan sisangrapu. Ia joo tana ratu sau' cappa' lo'na liu padang pallawangan Zin to sikatonan tana to-Edom. 2Katonan llo'na liu, pamula llo' mai cappa' Tasik Mate, 3tarruh jio mai kadellekan male sau' nnola awa' Buntu Akrabim ratu lako padang pallawangan Zin. Mane' nnola lo'na liu Kades-Barnea, tarruh nnola kota Hezron, male de' kota Adar, namane' mellekko lako kota Karka. 4Jio mai Karka tarruh nnola kota Azmon, tarruh rrundunan salu jio katonanna tana Mesir, nacappa' llan randan Tasik Tangnga. Iamo joo to angge llo'na liu tana naputawa suku Yehuda.
5Ia to randan Tasik Mate iamo katonan tanana suku Yehuda jio kadellekan tarruh re' cappa' Sa'dan Yordan.
Ia to katonan jajanna liu, pamula jio cappa' Sa'dan Yordan 6tarruh de' kota Bet-Hogla, male nnola jajanna liu kota Bet-Araba, tarruh male de' Batu Bohan (ia to Bohan, anakkana Ruben), 7namane' tarruh jio mai Lombok Akhor ratu de' kota Debir, namellekko pole' re' jajanna mai kota Gilgal to sioloan katukaran de' Buntu Adumim llo'na liu joo lombok, namane' tarruh nnola mata wai En-Semes na mata wai En-Rogel, 8namane' tarruh de' nnolai Lombok Hinom llo'na liu Buntu Yebus, to nanii kota Yerusalem, kotana to-Yebus. Jio mai ntuu joo, ia to katonan mangnguju de' botto buntu kalambunanna Lombok Hinom, jajanna liu cappa'na Lombok Refaim, 9mellekko nnola mata wai Me-Neftoah, ratu lako sininna kota siandah Buntu Efron. Jio mai ntuu joo, ia to katonan namellekko mangnguju lako kota Baala, iamo to Kiryat-Yearim, 10namellekko llan kalambunan male de' membuntunna Edom, tarruh re' jajanna liu Buntu Yearim iamo to Buntu Kesalon, male do' kota Bet-Semes, natarruh nnola kota Timna. 11Jio mai kota Timna, nnola re'na Buntu Ekron, namellekko nnola kota Sikron, nnola Buntu Baala, tarruh nnola kota Yabneel, nacappa' llan randan Tasik Tangnga. 12Ia to Tasik Tangnga iamo angge tanana suku Yehuda llan kalambunan. Susimi joo to sininna katonan tana manahna rapunna suku Yehuda.
Kaleb ntalo kota Hebron
(Hakim-hakim 1:11-15)
13Susi to mangka Napangparentan PUANG Allataala lako Yosua, ia to tana naputawa suku Yehuda, sangtawan diben Kaleb anakkana Yefune to-Yehuda. Ia to dibenni, iamo to kota Hebron ba'tu Kiryat-Arba. Ia to disanga Arba iamo tojolona to-Enak.#Hakim-hakim 1:20 14Naula'ii Kaleb llan mai kota Hebron joo tallu anakkana Enak, iamo to Sesai, Ahiman na Talmai. 15Jio mai Hebron male omi Kaleb rrarii to-Debir. Ia to kota Debir disanga Kiryat-Sefer tonna anu'. 16Mangkadami Kaleb nakua, “Inda-inda male rrarii Kiryat-Sefer nataloi, la kupasibalii anakkaku' disanga Akhsa.” 17Malemi Otniel, anakkana Kenas, sile'tona Kaleb, rrarii nataloii to to-Kiryat-Sefer, napasibalimi Kaleb to Akhsa sola Otniel. 18Ia to allo nanii mangparola, naparukui Otniel to Akhsa nameta'da sanglimbo tana lako ambe'na. Mellaomi Akhsa jao mai keledainna, nakutanaii Kaleb kumua, “Apamora?” 19Mebalii Akhsa nakua, “Wa'dingraka ke tabenpa' tana to nanii mata wai, nasaba' ia to tana mangka tabenna' tana makase.” Nabenmi Kaleb to tana nanii mata wai jaja ulu sa'dan sola llo' cappa' sa'dan.
Sininna kota manahna suku Yehuda
20Ia to tana napumanah suku Yehuda pantan sisangrapu susii tee: 21-32Ia to kota llo'na lalo liu sikatonan kampongna to-Edom llo' tana Negeb, den duang pulo kasera kota, na denpa pira-pira kampong jio mengguririkkina. Ia joo kota iamo to kota Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriot-Hezron, ia bang una Hazor, Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba sola sininna kampongna, Baala, Iyim, Ezem, Eltolad, Kesil, Horma, Ziklag, Madmana, Sansana, Lebaot, Silhim, Ain na Rimon.
33-36Na ia to kota jao garonto' buntu sola kampong mengguririkna, den sangpulo appa' kota, iamo to kota Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera na Gederotaim.
37-41Denpa sangpulo annan kota laen sola kampong mengguririkkina jao garonto' buntu. Iamo to kota Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Kabon, Lahmas, Kitlis, Gederot, Bet-Dagon, Naama na Makeda.
42-44Denpa kasera kota laen sola to kampong mengguririkkina jao garonto' buntu. Iamo to kota Libna, Eter, Asan, Yiftah, Asna, Nezib, Kehila, Akhzib na Maresa.
45Na ia to kota siandah randan Tasik Tangnga iamo to kota Ekron sola sininna kota biccu' na kampong mengguririkkina, 46na sininna kota sola kampong jio siandah kota Asdod, pamula jio mai kota Ekron angge llan randan Tasik Tangnga. 47Ia too to kota Asdod na Gaza sola sininna kota biccu' na sininna kampongna ratu sau' salu jio katonanna tana Mesir naangge llan randan Tasik Tangnga.
48-51Na jio membuntunna, den sangpulo mesa kota sola kampong mengguririkkina, iamo to kota Samir, Yatir, Sokho, Dana, Kiryat-Sana ia una kota Debir, Anab, Estemo, Anim, Gosyen, Holon na Gilo.
52-54Denpa kasera kota laen sola kampong mengguririkkina jio membuntunna. Iamo to kota Arab, Duma, Esan, Yanum, Bet-Tapuah, Afeka, Humta, Kiryat-Arba ia una kota Hebron, na Zior.
55-57Denpa sangpulo kota sola kampong mengguririkkina jio membuntunna. Iamo to kota Maon, Karmel, Zif, Yuta, Yizreel, Yokdeam, Zanoah, Kain, Gibea na Timna.
58-59Denpa annan kota sola kampong mengguririkkina jio membuntunna. Iamo to Halhul, Bet-Zur, Gedor, Maarat, Bet-Anot na Eltekon.
60Denpa dua kota sola kampong mengguririkkina jio membuntunna. Iamo to kota Kiryat-Baal ia una to kota Kiryat-Yearim na kota Raba.
61-62Na jio padang makase den annan kota sola kampong mengguririkkina, iamo to kota Bet-Araba, Midin, Sekhakha, Nibsan, Garam na kota En-Gedi.
63Moi kota Yerusalem, napumanah tooi suku Yehuda, apa te'da nakullei nnula'ii to to-Yebus to ntorroii joo kota, sanga mawatangngi. Ratu lako too allo ia to to-Yebus da'tanni torro sola suku Yehuda llan kota Yerusalem.#Hakim-hakim 1:21; 2Samuel 5:6; 1Tawarikh 11:4
Currently Selected:
Yosua 15: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.