REVELESEN 3
3
A leo lakwa na kwarelua lo gwatuivanua Satis
1Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Satis, ko viti lakwara lo kwarelua hi kwara, ‘I nau nomo hagobibi na tanungwe kaibitu noi God mana vitu kaibitu, vae a leogu lakwakamu hokinia hika.
“ ‘Nu kikilai na havakinau hi tulu mo toko vai. Nu kikilai kwara a tangaloi rau viti na roromiu kwara tulu ahi, vae tulu mate. #a Rev 1.4; 4.5; 5.6; b Rev 1.16,20; 2.1; d Rev 2.2; 3.8,15 2!Tulu rada! Tulu kilukilu kwara tulu ne huira taliku kwara a ahiana hi mo eno lumiu radu nga vae ne mai mate halaradu, huri nu taga kwara a kinau hi tulu mo toko vai he karea te radu nga lo nako na nogu God. 3Tulu domidomi lo huhuiana hinea tulu rongoa ba. Tulu rongohuria, tulu bohi tina nomiu hatiana rusa. Vae diko tulu nehe rada tea, na vanamai vaki maikamu hoki na tangaloi babalua mo vanamai, vae tulu nehe kikilai na taroki tea kwara vae na mulemai. #a Rev 2.5,16,22; 3.19; b Mat 24.43-44; Luk 12.39-40; 1 Tes 5.2,4; 2 Pita 3.10; Rev 16.15 4Vae i kamu te kairua takwa-hi Satis, tulu mo kwiribibikamu tina hatiki, vae hokinia a lugwamiu rau ngwasara radu nga. Vae tulu ne lugwaki na lugwa lotu, tulu ne lakalakao maiau, huri tulu taritarisa kwara tulu ne vai hokinia hi. #Sut 23
5“ ‘Aira hinea rau gui na hatiki rana lugwaki na lugwa lotu hokinia hi, vae nanahe lai letiuki na hinaga te tina buku na ahiana. Vake nari viti matangwasarakinira kwara aira a nogu tangaloi lo nako i Tamagu mana nona kaihora lolo taetae. #a Rev 3.18; 4.4; 6.11; 7.9,13; 19.14; b Eks 32.32,33; Sam 69.28; Rev 17.8; 20.15; d Eks 32.32,33; Sam 69.28; Dan 12.1; Vil 4.3; Rev 13.8; 17.8; 20.12,15; 21.27; e Mat 10.32; Luk 12.8
6“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
A leo lakwa na kwarelua lo gwatuivanua Vilatelvia
7Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Vilatelvia, ko viti ‘I nau nu kokona, nu kareaki. Nu hagovi na ki hinea a noi Devit, vae na takahi na matakihala, hete tangaloi kwara ne hogoi lavia, vunu diko na hogoia, hete tangaloi kwara ne takahi lavia. Vae a leogu lakwakamu hokinia hika. #Aes 22.22; Job 12.14
8“ ‘Nu kikilai na havakinau hi tulu mo toko vai. Nu kikilai kwara a nomiu huirana u kelekele, vae tulu huri na nogu huhuiana. Tulu he herevuniki na hinagu tea kwara tulu ne viti i kamu hete nogu tangaloi. Vae huri hi nu takahi na matakihala ba lo nakomiu, vae hete tangaloi kwara ne hogoia. #a Rev 2.2; 3.1,15; b 1 Kor 16.9
9“ ‘Tulu rongo. A tangaloi hinea aira lo bulubulu noi Setano*, aira a tangaloi kurakura. Rau tuku viti kwara aira a gwaloana noi Isrel*, vae hetea, rau kura. Vae na vaira rana vanamai koro na nakomiu rana hihiolo kwara rana vai mavakikamu. Doluakinira ranari kikilai kwara i nau nu lagwa maikamu. #a 2 Kor 11.14,15; Rev 2.9; b Aes 45.14; 49.23; 60.14; d Aes 43.4 10Tulu mo kwiribibi na leogu, a domimiu mo bua, vae huri hi i nau vake nari kwiribibikamu tulu ne ahi tina taro na rongoana hati hinea rana vanamai tilo varamana doluaki, rana vai rongohi na tangaloi savia lo varamana. #Luk 21.19; 2 Tim 2.12; Hib 10.36 11Nehe tuai tea na mulemai. A kinau tulu lavira ba tulu kwiribibira ne karea, kwara a tangaloi nehe balu na nomiu kaivoli tea hinea tulu mo lavia huri tulu mo gui na hatiki. #Rev 2.16; 22.7,12,20
12“ ‘Aia hinea vae ne gui na hatiki, nari vaia ne hoki na beru na Ingwa Kokona nona nogu God. Vae ranahe vuraki lavia te taliku tina ingwa hi. Vunu nari uli na hina na nogu God luna, mana hina na gwatuivanua lakua na nogu God, aia hi a vanua Serusalem karagwa hinea neri vanamai tina taetae tina nogu God. Vunu vake nari uli na hinagu a hina karagwa luna. #a Rev 14.1; 22.4; b Esik 48.35; d Rev 21.2; e Aes 62.2; 65.15
13“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
A leo lakwa na kwarelua lo gwatuivanua Laotisia
14Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Laotisia, ko viti lakwara lo kwarelua hi kwara, ‘I nau nomo toko viti “Ne mule luna”, lo tulikileo noi God, i nau a hagoleo bakotoki hinea nu kwiribibi na leogu, vake i nau a gwataki na kinau doluaki hinea i God mo taura. Vae a leogu lakwakamu hokinia hika. #a Rev 1.5; 19.11; b Prov 8.22; Sione 1.3; Kol 1.15
15“ ‘Nu kikilai na havakinau hi tulu mo toko vai. Nu kikilai kwara tulu he kangwkangwa tea, tulu he ngwangwavi te vake. Nu lengaikamu haburu kwara tulu ne vai te luna kairuaki, kwara diko tulu ne kangwkangwa tulu ne kangwkangwa kareaki, diko tulu ne ngwangwavi tulu ne ngwangwavi kareaki. Hokinia hi ne karea. #Rev 2.2; 3.1,8 16Vae huri tulu ngwavingwavi vuroki vohoki, tulu he kangwkangwa tea kareaki, vake tulu he ngwangwavi tea kareaki, vae na tirakikamu hokinia nu luakikamu tina kwakwagu. 17I kamu tulu tuku viti kwara, “I nau a tangaloi hugwe nu rongo karea, a kinau doluaki a nogu eia hokinia hini nu lengaia.” Vae tulu he kikilai tea kwara tulu rongo hati haburu, a tangaloi rau hakavikamu huri tulu kakaravika, a vulavulamiu tikei, vake i kamu a matadodo. #Hos 12.8 18Kareaki na viti lakwakamu kwara tulu ne voli a kol tiau, a kol hi rau huraia lo kabu ba vae u ngwasara vohoki, huri vae tulu ne kwareki tangaloi hugwe. Vunu vake tulu ne voli a lugwa lotu, tulu ne lugwaki, ne kakavu koro na tarabehimiu hi mo eno vuroki tulu mo toko maemae maia. Vunu vake tulu ne voli te meresin na mata kwara tulu ne tau lo matamiu, tulu ne tagataga lai. #a Rev 3.5; 4.4; 6.11; 7.9,13; 19.14; b Rev 16.15 19Aira hinea nu lagwa haburu maira, nu tuku kwaha madi luga, nu tuku vai kadira. Vae huri hi tulu ne bohi kareaki tina nomiu hatiana doluaki. #a Prov 3.12; 1 Kor 11.32; Hib 12.6; b Rev 2.5,16,22; 3.3 20Tulu taga. Nu tu lo matakihala nomo toko diridiri. Vae diko te tangaloi katukwale u rongo na leogu ne takahi katama, nari soro vaki lolo ingwana, na kanikani maia, vunu aia ne kanikani maiau. #Sione 14.23
21“ ‘Aira hinea rau gui na hatiki nari tabera rana hugu maiau lo hagehagelegu, hokinia hi i nau nomo gui na hatiki, vunu nomo hugu mai Tamagu lo hagehagelena.
22“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
Currently Selected:
REVELESEN 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
REVELESEN 3
3
A leo lakwa na kwarelua lo gwatuivanua Satis
1Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Satis, ko viti lakwara lo kwarelua hi kwara, ‘I nau nomo hagobibi na tanungwe kaibitu noi God mana vitu kaibitu, vae a leogu lakwakamu hokinia hika.
“ ‘Nu kikilai na havakinau hi tulu mo toko vai. Nu kikilai kwara a tangaloi rau viti na roromiu kwara tulu ahi, vae tulu mate. #a Rev 1.4; 4.5; 5.6; b Rev 1.16,20; 2.1; d Rev 2.2; 3.8,15 2!Tulu rada! Tulu kilukilu kwara tulu ne huira taliku kwara a ahiana hi mo eno lumiu radu nga vae ne mai mate halaradu, huri nu taga kwara a kinau hi tulu mo toko vai he karea te radu nga lo nako na nogu God. 3Tulu domidomi lo huhuiana hinea tulu rongoa ba. Tulu rongohuria, tulu bohi tina nomiu hatiana rusa. Vae diko tulu nehe rada tea, na vanamai vaki maikamu hoki na tangaloi babalua mo vanamai, vae tulu nehe kikilai na taroki tea kwara vae na mulemai. #a Rev 2.5,16,22; 3.19; b Mat 24.43-44; Luk 12.39-40; 1 Tes 5.2,4; 2 Pita 3.10; Rev 16.15 4Vae i kamu te kairua takwa-hi Satis, tulu mo kwiribibikamu tina hatiki, vae hokinia a lugwamiu rau ngwasara radu nga. Vae tulu ne lugwaki na lugwa lotu, tulu ne lakalakao maiau, huri tulu taritarisa kwara tulu ne vai hokinia hi. #Sut 23
5“ ‘Aira hinea rau gui na hatiki rana lugwaki na lugwa lotu hokinia hi, vae nanahe lai letiuki na hinaga te tina buku na ahiana. Vake nari viti matangwasarakinira kwara aira a nogu tangaloi lo nako i Tamagu mana nona kaihora lolo taetae. #a Rev 3.18; 4.4; 6.11; 7.9,13; 19.14; b Eks 32.32,33; Sam 69.28; Rev 17.8; 20.15; d Eks 32.32,33; Sam 69.28; Dan 12.1; Vil 4.3; Rev 13.8; 17.8; 20.12,15; 21.27; e Mat 10.32; Luk 12.8
6“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
A leo lakwa na kwarelua lo gwatuivanua Vilatelvia
7Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Vilatelvia, ko viti ‘I nau nu kokona, nu kareaki. Nu hagovi na ki hinea a noi Devit, vae na takahi na matakihala, hete tangaloi kwara ne hogoi lavia, vunu diko na hogoia, hete tangaloi kwara ne takahi lavia. Vae a leogu lakwakamu hokinia hika. #Aes 22.22; Job 12.14
8“ ‘Nu kikilai na havakinau hi tulu mo toko vai. Nu kikilai kwara a nomiu huirana u kelekele, vae tulu huri na nogu huhuiana. Tulu he herevuniki na hinagu tea kwara tulu ne viti i kamu hete nogu tangaloi. Vae huri hi nu takahi na matakihala ba lo nakomiu, vae hete tangaloi kwara ne hogoia. #a Rev 2.2; 3.1,15; b 1 Kor 16.9
9“ ‘Tulu rongo. A tangaloi hinea aira lo bulubulu noi Setano*, aira a tangaloi kurakura. Rau tuku viti kwara aira a gwaloana noi Isrel*, vae hetea, rau kura. Vae na vaira rana vanamai koro na nakomiu rana hihiolo kwara rana vai mavakikamu. Doluakinira ranari kikilai kwara i nau nu lagwa maikamu. #a 2 Kor 11.14,15; Rev 2.9; b Aes 45.14; 49.23; 60.14; d Aes 43.4 10Tulu mo kwiribibi na leogu, a domimiu mo bua, vae huri hi i nau vake nari kwiribibikamu tulu ne ahi tina taro na rongoana hati hinea rana vanamai tilo varamana doluaki, rana vai rongohi na tangaloi savia lo varamana. #Luk 21.19; 2 Tim 2.12; Hib 10.36 11Nehe tuai tea na mulemai. A kinau tulu lavira ba tulu kwiribibira ne karea, kwara a tangaloi nehe balu na nomiu kaivoli tea hinea tulu mo lavia huri tulu mo gui na hatiki. #Rev 2.16; 22.7,12,20
12“ ‘Aia hinea vae ne gui na hatiki, nari vaia ne hoki na beru na Ingwa Kokona nona nogu God. Vae ranahe vuraki lavia te taliku tina ingwa hi. Vunu nari uli na hina na nogu God luna, mana hina na gwatuivanua lakua na nogu God, aia hi a vanua Serusalem karagwa hinea neri vanamai tina taetae tina nogu God. Vunu vake nari uli na hinagu a hina karagwa luna. #a Rev 14.1; 22.4; b Esik 48.35; d Rev 21.2; e Aes 62.2; 65.15
13“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
A leo lakwa na kwarelua lo gwatuivanua Laotisia
14Vunu mo kwaha maiau mo viti kwara, “Ko uli na leogu hika lakwa na kaihora tina taetae nona kwarelua* lo gwatuivanua Laotisia, ko viti lakwara lo kwarelua hi kwara, ‘I nau nomo toko viti “Ne mule luna”, lo tulikileo noi God, i nau a hagoleo bakotoki hinea nu kwiribibi na leogu, vake i nau a gwataki na kinau doluaki hinea i God mo taura. Vae a leogu lakwakamu hokinia hika. #a Rev 1.5; 19.11; b Prov 8.22; Sione 1.3; Kol 1.15
15“ ‘Nu kikilai na havakinau hi tulu mo toko vai. Nu kikilai kwara tulu he kangwkangwa tea, tulu he ngwangwavi te vake. Nu lengaikamu haburu kwara tulu ne vai te luna kairuaki, kwara diko tulu ne kangwkangwa tulu ne kangwkangwa kareaki, diko tulu ne ngwangwavi tulu ne ngwangwavi kareaki. Hokinia hi ne karea. #Rev 2.2; 3.1,8 16Vae huri tulu ngwavingwavi vuroki vohoki, tulu he kangwkangwa tea kareaki, vake tulu he ngwangwavi tea kareaki, vae na tirakikamu hokinia nu luakikamu tina kwakwagu. 17I kamu tulu tuku viti kwara, “I nau a tangaloi hugwe nu rongo karea, a kinau doluaki a nogu eia hokinia hini nu lengaia.” Vae tulu he kikilai tea kwara tulu rongo hati haburu, a tangaloi rau hakavikamu huri tulu kakaravika, a vulavulamiu tikei, vake i kamu a matadodo. #Hos 12.8 18Kareaki na viti lakwakamu kwara tulu ne voli a kol tiau, a kol hi rau huraia lo kabu ba vae u ngwasara vohoki, huri vae tulu ne kwareki tangaloi hugwe. Vunu vake tulu ne voli a lugwa lotu, tulu ne lugwaki, ne kakavu koro na tarabehimiu hi mo eno vuroki tulu mo toko maemae maia. Vunu vake tulu ne voli te meresin na mata kwara tulu ne tau lo matamiu, tulu ne tagataga lai. #a Rev 3.5; 4.4; 6.11; 7.9,13; 19.14; b Rev 16.15 19Aira hinea nu lagwa haburu maira, nu tuku kwaha madi luga, nu tuku vai kadira. Vae huri hi tulu ne bohi kareaki tina nomiu hatiana doluaki. #a Prov 3.12; 1 Kor 11.32; Hib 12.6; b Rev 2.5,16,22; 3.3 20Tulu taga. Nu tu lo matakihala nomo toko diridiri. Vae diko te tangaloi katukwale u rongo na leogu ne takahi katama, nari soro vaki lolo ingwana, na kanikani maia, vunu aia ne kanikani maiau. #Sione 14.23
21“ ‘Aira hinea rau gui na hatiki nari tabera rana hugu maiau lo hagehagelegu, hokinia hi i nau nomo gui na hatiki, vunu nomo hugu mai Tamagu lo hagehagelena.
22“ ‘A gweromiu eia. Tulu rongohuri na kinau hi a Tanungwe u viti lakwa na kwarelua doluaki.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.