VILIVAE 2
2
Tulu bulu katukwale, tulu hivokikamu hoki Kraes
1A nomiu tokaana lui Kraes* u vaikamu tulu mo huira, a nona lagwaana u amohikamu. Tulu bulu katukwale mana Tanungwe Kokona. Tulu vaivai karea maikamu, vake a hahakavimiu eia hurikamu katukwale kehe. 2Karea, huri hi nu kwahabibikamu kwara tulu ne vaiau na lagwalagwa ne havutiau luna hi kwara a domidomimiu ne katukwale, tulu ne lagwalagwa maikamu, vae tulu ne hariki katukwale lo domi katukwale. 3He karea te kwara katukwale tikamu ne vai na kinau tea kwara ne tabe hakekinia sibona diko ne domidomia luna. Vae tulu hivokikamu, i kamu vunu, tulu ne domi huri na tangaloi dolua kwara aira rau karea siletikamu. #a Gal 5.26; b Rom 12.10 4Tulu hatu domi hurikamu kehekeheki lo kinau hinea tulu lengaia sibomiu, vae tulu domi huri a havakinau hinea a tangaloi dolua rau lengaia. #1 Kor 10.24,33 5A domidomimiu ne hoki na domidomi i Jisas Kraes.
6Tuai lo tinatinakakiki
aia hoki i God vohoki.
Vae he madimadi te haburu luna
kwara ne taritarisa mai God. #Sione 1.1,2; 17.5
7Aia sibona
mo tiraki na kinau vano hi
mo mulemai
hoki na tangaloi boloki vohoki.
Mo vora tilo varamana
mo mulemai hoki na tangaloi.
Mo lavi na bohiana nona tangaloi, #a 2 Kor 8.9; b Sione 1.14; Rom 8.3; Hib 2.14,17
8vae mo hivokinia
kwara ne rongohuri God
rovonaki mo mate.
Ramo duletakinia lo kaibetu
vunu mo mate. #Sione 10.17; Hib 5.8; 12.2
9Huri na kinau hi,
i God mo rakatia tina mateana
mo tabe hakekinia
vaki lo tanotano aulu karakara,
mo bete na hina lakwae
hinea u lakua karakara
sileti na hina doluaki. #a Bol 2.33; Hib 1.3; b Eves 1.21; Hib 1.4
10Vae a tangaloi savia lolo taetae,
maira hinea lo varamana,
maira hinea lo tanotano
na tangaloi hinea rau mate,
rana sovi hivo
rana vai mavaki na hina i Jisas. #Aes 45.23; Rom 14.11
11Vae aira vunu rana matangwasaraki
kwara i Jisas Kraes aia a noga Hugwe*,
vae rana tabe hakeki na hina i God a Tamaki.
I kamu hoki na leleha na varamana
12Rabelagu. Lolona hinea i nau maikamu, i kamu tulu rongohuriau tigwaravu, vae u karea karakara kwara tulu ne rongohuriau lo taro hika i nau nu vakahao tikamu. Tulu boloki, tulu seseaka luna kina matakuta mana huiruruana lo nako i God, kwara tulu ne gweregwerei na boloki hinea i God u vai kwara ne vakahikikamu, #Sam 2.11; 1 Pita 4.9 13huri i God u boloki tigwaravu lumiu. Ne vaikamu tulu ne masinge kwara tulu ne rongohuria, vake ne bete na huirana lakwakamu kwara tulu ne vai lai a havakinau hinea mo domiki. #Sione 15.5; 1 Kor 12.6; 15.10; 2 Kor 3.5; 1 Tes 2.13
14Lo hava bolokiana tulu mo vai, tulu hatu vai ruturutu luga, tulu hatu viroro mulekikamu luga. #a 1 Kor 10.10; b 1 Pita 4.9 15-16Hokinia tulu ne ngwasara, a tangaloi ranahe hagwe lavi na hatiki te lumiu. Tulu ne kwareki raranatu i God hinea tulu bakoto vohoki. Vunu tulu ne betebete rongohi na leo na ahiana lakwa na tangaloi na hatiki hinea a gwatuga rau madi, rau tuku vai doridori rahe karea tea lo kinau savia. Vae tulu ne kwaka lolo livukaga hoki na vitu mo vavarama vakahaki na mahaleki. Diko tulu ne vai kwehini, vunu lo Rani noi Kraes, #2.15-16: Lo Rani noi Kraes. Kona taga A RANI NONA HUGWE lo Deksenare lo buku hika takuni. vae na domidomiau maikamu, huri tulu vosangi tivarea kwara i nau nahe kwalao te haro vuroki, diko nahe boloki te haro vuroki. #a Dut 32.5; Mat 10.16; Bol 2.40; b Dan 12.3; Mat 5.14; Eves 5.8; d 1 Kor 1.8; Vil 1.6,10; e 1 Tes 2.19; g Aes 49.4; 65.23; Gal 2.2
17A nomiu hauhuriana aia u kwareki a nomiu hilehile hinea tulu mo toko bete lakwai God, kwara tulu ne lai nomiu mavakiana lakwae. Vae diko na abe, a daigu ne huki, ne bulu mana nomiu hilehile hi, vae nana lagwa ne havutiau tabulutaki maikamu vunuhia. #Rom 15.16; 2 Tim 4.6 18Vae i kamu vake tulu ne lagwa ne havutikamu tabulutaki maiau. #Vil 3.1; 4.4
A leo noi Pol huri Timoti
19Nu domidomi tilo noda Hugwe* i Jisas kwara na vai lai na hora i Timoti vake maikamu te lai nga, kwara nana rongo te roromiu ne rakati na domigu. 20Aia hi katukwale vohoki u bulu maiau lo nogu domidomi, vake u domidomi haburu hurikamu. 21Aira ratuaki rau domi huri na noga bolokiana siboga, hete huri na bolokiana noi Jisas Kraes. #2 Tim 4.10 22I kamu tulu kikilai ba, kwara i Timoti a doridorina u taritarisa huri u boloki haragoki maiau lo bolokiana na Roro Karea, hoki na natu mo boloki mai tamana. 23Hikani nu domidomi kwara na kikilai kihokua hi kwara rana vai a havakinau maiau, vae nari hokakinia vaki maikamu. 24Nu domidomi tilo noda Hugwe kwara i nau sibogu vake, na vai lai na venatu te lai nga vaki maikamu.
A leo noi Pol huri Evavrotaetas
25Nu domi kwara u taritarisa kwara na hora i belada i Evavrotaetas ne muleatu vaki maikamu taliku. U boloki, u vai vuro tavaluki maiau. Aia a nomiu kaihora hinea tulu mo hokakinia kwara ne hago maiau. #Vil 4.18 26U lengaia haburu kwara ne taga vunuhikamu, vae u rongo hati haburu huri tulu mo rongo kwara u lenga. 27U lenga kareaki, kelekele mo eno kwara ne mate. Vae i God u hakavia. He hakavia te kehekeheki, vae u hakaviau vake, vae hi mo tu koro na rongoana hati mana hahakavi lakua hi tiau kwara na hatu rongo hati haburu. 28A domigu u huira kwara na horae vaki maikamu, hokinia kwara tulu ne tagaia ne havutikamu taliku, vae a nogu hahakaviana ne tikei tiau. 29Tulu ne lai tabetabekinia kina lagwalagwa, huri aia u hariki lo noda Hugwe vae aia i belada. Tulu ne domi mavaki na tangaloi aira vunu hokinia hi. #1 Kor 16.16,18; 1 Tim 5.17 30U garagarani kwara ne mate lo bolokiana noi Kraes*, vae he mataku tea kwara ne mate. U huiratakinia kwara ne gweregwerei na bolokiana hini tulu mo taua tilo kabana kwara ne vai, vae mo hago maiau.
Currently Selected:
VILIVAE 2: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
VILIVAE 2
2
Tulu bulu katukwale, tulu hivokikamu hoki Kraes
1A nomiu tokaana lui Kraes* u vaikamu tulu mo huira, a nona lagwaana u amohikamu. Tulu bulu katukwale mana Tanungwe Kokona. Tulu vaivai karea maikamu, vake a hahakavimiu eia hurikamu katukwale kehe. 2Karea, huri hi nu kwahabibikamu kwara tulu ne vaiau na lagwalagwa ne havutiau luna hi kwara a domidomimiu ne katukwale, tulu ne lagwalagwa maikamu, vae tulu ne hariki katukwale lo domi katukwale. 3He karea te kwara katukwale tikamu ne vai na kinau tea kwara ne tabe hakekinia sibona diko ne domidomia luna. Vae tulu hivokikamu, i kamu vunu, tulu ne domi huri na tangaloi dolua kwara aira rau karea siletikamu. #a Gal 5.26; b Rom 12.10 4Tulu hatu domi hurikamu kehekeheki lo kinau hinea tulu lengaia sibomiu, vae tulu domi huri a havakinau hinea a tangaloi dolua rau lengaia. #1 Kor 10.24,33 5A domidomimiu ne hoki na domidomi i Jisas Kraes.
6Tuai lo tinatinakakiki
aia hoki i God vohoki.
Vae he madimadi te haburu luna
kwara ne taritarisa mai God. #Sione 1.1,2; 17.5
7Aia sibona
mo tiraki na kinau vano hi
mo mulemai
hoki na tangaloi boloki vohoki.
Mo vora tilo varamana
mo mulemai hoki na tangaloi.
Mo lavi na bohiana nona tangaloi, #a 2 Kor 8.9; b Sione 1.14; Rom 8.3; Hib 2.14,17
8vae mo hivokinia
kwara ne rongohuri God
rovonaki mo mate.
Ramo duletakinia lo kaibetu
vunu mo mate. #Sione 10.17; Hib 5.8; 12.2
9Huri na kinau hi,
i God mo rakatia tina mateana
mo tabe hakekinia
vaki lo tanotano aulu karakara,
mo bete na hina lakwae
hinea u lakua karakara
sileti na hina doluaki. #a Bol 2.33; Hib 1.3; b Eves 1.21; Hib 1.4
10Vae a tangaloi savia lolo taetae,
maira hinea lo varamana,
maira hinea lo tanotano
na tangaloi hinea rau mate,
rana sovi hivo
rana vai mavaki na hina i Jisas. #Aes 45.23; Rom 14.11
11Vae aira vunu rana matangwasaraki
kwara i Jisas Kraes aia a noga Hugwe*,
vae rana tabe hakeki na hina i God a Tamaki.
I kamu hoki na leleha na varamana
12Rabelagu. Lolona hinea i nau maikamu, i kamu tulu rongohuriau tigwaravu, vae u karea karakara kwara tulu ne rongohuriau lo taro hika i nau nu vakahao tikamu. Tulu boloki, tulu seseaka luna kina matakuta mana huiruruana lo nako i God, kwara tulu ne gweregwerei na boloki hinea i God u vai kwara ne vakahikikamu, #Sam 2.11; 1 Pita 4.9 13huri i God u boloki tigwaravu lumiu. Ne vaikamu tulu ne masinge kwara tulu ne rongohuria, vake ne bete na huirana lakwakamu kwara tulu ne vai lai a havakinau hinea mo domiki. #Sione 15.5; 1 Kor 12.6; 15.10; 2 Kor 3.5; 1 Tes 2.13
14Lo hava bolokiana tulu mo vai, tulu hatu vai ruturutu luga, tulu hatu viroro mulekikamu luga. #a 1 Kor 10.10; b 1 Pita 4.9 15-16Hokinia tulu ne ngwasara, a tangaloi ranahe hagwe lavi na hatiki te lumiu. Tulu ne kwareki raranatu i God hinea tulu bakoto vohoki. Vunu tulu ne betebete rongohi na leo na ahiana lakwa na tangaloi na hatiki hinea a gwatuga rau madi, rau tuku vai doridori rahe karea tea lo kinau savia. Vae tulu ne kwaka lolo livukaga hoki na vitu mo vavarama vakahaki na mahaleki. Diko tulu ne vai kwehini, vunu lo Rani noi Kraes, #2.15-16: Lo Rani noi Kraes. Kona taga A RANI NONA HUGWE lo Deksenare lo buku hika takuni. vae na domidomiau maikamu, huri tulu vosangi tivarea kwara i nau nahe kwalao te haro vuroki, diko nahe boloki te haro vuroki. #a Dut 32.5; Mat 10.16; Bol 2.40; b Dan 12.3; Mat 5.14; Eves 5.8; d 1 Kor 1.8; Vil 1.6,10; e 1 Tes 2.19; g Aes 49.4; 65.23; Gal 2.2
17A nomiu hauhuriana aia u kwareki a nomiu hilehile hinea tulu mo toko bete lakwai God, kwara tulu ne lai nomiu mavakiana lakwae. Vae diko na abe, a daigu ne huki, ne bulu mana nomiu hilehile hi, vae nana lagwa ne havutiau tabulutaki maikamu vunuhia. #Rom 15.16; 2 Tim 4.6 18Vae i kamu vake tulu ne lagwa ne havutikamu tabulutaki maiau. #Vil 3.1; 4.4
A leo noi Pol huri Timoti
19Nu domidomi tilo noda Hugwe* i Jisas kwara na vai lai na hora i Timoti vake maikamu te lai nga, kwara nana rongo te roromiu ne rakati na domigu. 20Aia hi katukwale vohoki u bulu maiau lo nogu domidomi, vake u domidomi haburu hurikamu. 21Aira ratuaki rau domi huri na noga bolokiana siboga, hete huri na bolokiana noi Jisas Kraes. #2 Tim 4.10 22I kamu tulu kikilai ba, kwara i Timoti a doridorina u taritarisa huri u boloki haragoki maiau lo bolokiana na Roro Karea, hoki na natu mo boloki mai tamana. 23Hikani nu domidomi kwara na kikilai kihokua hi kwara rana vai a havakinau maiau, vae nari hokakinia vaki maikamu. 24Nu domidomi tilo noda Hugwe kwara i nau sibogu vake, na vai lai na venatu te lai nga vaki maikamu.
A leo noi Pol huri Evavrotaetas
25Nu domi kwara u taritarisa kwara na hora i belada i Evavrotaetas ne muleatu vaki maikamu taliku. U boloki, u vai vuro tavaluki maiau. Aia a nomiu kaihora hinea tulu mo hokakinia kwara ne hago maiau. #Vil 4.18 26U lengaia haburu kwara ne taga vunuhikamu, vae u rongo hati haburu huri tulu mo rongo kwara u lenga. 27U lenga kareaki, kelekele mo eno kwara ne mate. Vae i God u hakavia. He hakavia te kehekeheki, vae u hakaviau vake, vae hi mo tu koro na rongoana hati mana hahakavi lakua hi tiau kwara na hatu rongo hati haburu. 28A domigu u huira kwara na horae vaki maikamu, hokinia kwara tulu ne tagaia ne havutikamu taliku, vae a nogu hahakaviana ne tikei tiau. 29Tulu ne lai tabetabekinia kina lagwalagwa, huri aia u hariki lo noda Hugwe vae aia i belada. Tulu ne domi mavaki na tangaloi aira vunu hokinia hi. #1 Kor 16.16,18; 1 Tim 5.17 30U garagarani kwara ne mate lo bolokiana noi Kraes*, vae he mataku tea kwara ne mate. U huiratakinia kwara ne gweregwerei na bolokiana hini tulu mo taua tilo kabana kwara ne vai, vae mo hago maiau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.