SEMIS 3
3
Tana hugwe koro na meada
1Rabela. He karea tea kwara u rusa tikamu rana kwareki a tangaloi huhui lo kwarelua*. Tulu kikilai kwara lo taro hinea i God ne taga kwaheki na doridori na tangaloi, ne vaia ne madi lakwakami a tangaloi huhui siletia hi ne vai lakwa na tangaloi ratuaki. 2I kita vunu tigwaravu tau vai vakasile. Vae a tangaloi hinea he vakasile te lo leona aia a tangaloi bakoto kareaki. A tangaloi hokinia hi u vai lai kwara ne kwiribibia sibona tina bohiana savia hinea rahe taritarisa tea. 3Tau tau a kaivalage lo kwakwa na osi kwara tana vaia ne rongohurikita, vae tana vai lai kwara tana vaia ne vano takwanahavaki tau lengaia. 4Vake tulu domidomi lo aga lakua hinea mo kwalao lolo langi lalakua, vae a vohelai kelekele vohoki mo toko bohikinia, mo huri na hala hi takwanahavaki hinea a hugwe na aga hi u lengaia kwara ne vano eia. 5Vae a meada aia kwehi nga. U kelekele haburu aia vae u tuku viti na kinau rau lalakua vohoki.
Vake tulu domidomi lo vanua lakua hinea u goru haburu, vae ne marakaba kina mavidi na kabu kelekele vohoki. 6Vae a meada aia hoki na kabu. A mea hi a duvi na tarabehida, vae aia hoki na varamana hinea u kukwere kina hatiki. A leo hinea a meada u viti u magaraki na mamaurianada savia. A meada u lavi na kabu tina kabu na kakadiki, mo toko vai na kabu hi mo kao lo mamaurianada doluaki. #Mat 12.36-37; 15.11,18,19
7A tangaloi rau vai lai kwara rana vakangwau vatavataha na boboroa, a boboroa ovi, a manu, a ngwata, mana ika. 8Vae a tangaloi tikei hinea kwara ne vai lai ne vakangwau na meana ne hatu kwahakwaha hati. A leo hinea u vanamai tina meada u hati haburu, tahe tu koro lavia tea. Aia hoki na kinau hati hinea u vai mate tangaloi. #Sam 140.3; Rom 3.13 9Tau hariki na Hugwe i God i Tamada kina meada, vunu vake kina mea hi tau tiutangaroa hati kina tangaloi, vae i God u kihi na tangaloi vano hi aira a nununa. #Jen 1.26,27; 1 Kor 11.7 10A leo na harikiana mana tiutangaroa hati rau vanamai tina kwakwa katukwale hi.
Rabela. Hi he taritarisa tea vohoki. 11A mataikwai tikei hinea kwara vae a kwai mana karata raru ne vanamai harago luna. 12?Tulu domi kwara tulu ne tova a moli tina vimago? ?A baenavu ne kwai kina mago? !Hetea vohoki! Vake tulu nehe hagwe lavi na kwai tea lolo karata.
A domidomi sea hinea u vanamai ti God
13Diko te tangaloi eia maikamu hinea rau domidomi sea, diko rau kikikila, u taritarisa kwara rana vosangia tivarea lo bohibohianaga. A doridoriga ne bakoto, rana loliloli evina, vake a domidomiga ne eia. 14Vae diko tulu varibuka, a kinau kadikadikamu, vae u vaikamu tulu mo rongo hati kina tangaloi, vunu vake tulu lengaia kwara tulu ne aulu sileti na tangaloi ratuaki, vae tulu ne hatu kwaha domidomikamu huri na nomiu kikikila. Diko tulu vai kwehi, tulu kura tulu tavuniki na vitikareaki. 15A doridori hi hete domidomi sea hinea u vanamai tina taetae, aia a domidomi sea na varamana hinea a nona tangaloi vohoki, u vanamai ti Setano*. #Sem 1.5,17 16Diko a tangaloi rau varibuka, a kinau rau kadikadira, rau lengai kwara rana aulu sileti na tangaloi ratuaki, vunu a kinau rahe taritarisa tea lo mamaurianaga savia, vae rau vai na hatiki vatahae. 17Vae a doridori na tangaloi hinea u lavi na domidomi sea tina taetae u dolua. Tomuaki a mamaurianana u ngwasara vohoki. Vunu vake aia a tangaloi magemu, u vai tabetabe, u bulubulu karea mana tangaloi, a hahakavina eia. A nona domidomi sea a kwaiki eia. A tangaloi hi u taga kwaheki na doridori na tangaloi lo hala hinea u bakoto, vake he viti te ki ringona vohoki. 18Lolona a tangaloi hinea rau boloki huri na magemuana rau loliloli lo hala na magemuana, aia hokinia rau rivu biu hinea a kwaiki a tokaana karea. #a Aes 32.17; Hib 12.11; b Mat 5.9
Currently Selected:
SEMIS 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
SEMIS 3
3
Tana hugwe koro na meada
1Rabela. He karea tea kwara u rusa tikamu rana kwareki a tangaloi huhui lo kwarelua*. Tulu kikilai kwara lo taro hinea i God ne taga kwaheki na doridori na tangaloi, ne vaia ne madi lakwakami a tangaloi huhui siletia hi ne vai lakwa na tangaloi ratuaki. 2I kita vunu tigwaravu tau vai vakasile. Vae a tangaloi hinea he vakasile te lo leona aia a tangaloi bakoto kareaki. A tangaloi hokinia hi u vai lai kwara ne kwiribibia sibona tina bohiana savia hinea rahe taritarisa tea. 3Tau tau a kaivalage lo kwakwa na osi kwara tana vaia ne rongohurikita, vae tana vai lai kwara tana vaia ne vano takwanahavaki tau lengaia. 4Vake tulu domidomi lo aga lakua hinea mo kwalao lolo langi lalakua, vae a vohelai kelekele vohoki mo toko bohikinia, mo huri na hala hi takwanahavaki hinea a hugwe na aga hi u lengaia kwara ne vano eia. 5Vae a meada aia kwehi nga. U kelekele haburu aia vae u tuku viti na kinau rau lalakua vohoki.
Vake tulu domidomi lo vanua lakua hinea u goru haburu, vae ne marakaba kina mavidi na kabu kelekele vohoki. 6Vae a meada aia hoki na kabu. A mea hi a duvi na tarabehida, vae aia hoki na varamana hinea u kukwere kina hatiki. A leo hinea a meada u viti u magaraki na mamaurianada savia. A meada u lavi na kabu tina kabu na kakadiki, mo toko vai na kabu hi mo kao lo mamaurianada doluaki. #Mat 12.36-37; 15.11,18,19
7A tangaloi rau vai lai kwara rana vakangwau vatavataha na boboroa, a boboroa ovi, a manu, a ngwata, mana ika. 8Vae a tangaloi tikei hinea kwara ne vai lai ne vakangwau na meana ne hatu kwahakwaha hati. A leo hinea u vanamai tina meada u hati haburu, tahe tu koro lavia tea. Aia hoki na kinau hati hinea u vai mate tangaloi. #Sam 140.3; Rom 3.13 9Tau hariki na Hugwe i God i Tamada kina meada, vunu vake kina mea hi tau tiutangaroa hati kina tangaloi, vae i God u kihi na tangaloi vano hi aira a nununa. #Jen 1.26,27; 1 Kor 11.7 10A leo na harikiana mana tiutangaroa hati rau vanamai tina kwakwa katukwale hi.
Rabela. Hi he taritarisa tea vohoki. 11A mataikwai tikei hinea kwara vae a kwai mana karata raru ne vanamai harago luna. 12?Tulu domi kwara tulu ne tova a moli tina vimago? ?A baenavu ne kwai kina mago? !Hetea vohoki! Vake tulu nehe hagwe lavi na kwai tea lolo karata.
A domidomi sea hinea u vanamai ti God
13Diko te tangaloi eia maikamu hinea rau domidomi sea, diko rau kikikila, u taritarisa kwara rana vosangia tivarea lo bohibohianaga. A doridoriga ne bakoto, rana loliloli evina, vake a domidomiga ne eia. 14Vae diko tulu varibuka, a kinau kadikadikamu, vae u vaikamu tulu mo rongo hati kina tangaloi, vunu vake tulu lengaia kwara tulu ne aulu sileti na tangaloi ratuaki, vae tulu ne hatu kwaha domidomikamu huri na nomiu kikikila. Diko tulu vai kwehi, tulu kura tulu tavuniki na vitikareaki. 15A doridori hi hete domidomi sea hinea u vanamai tina taetae, aia a domidomi sea na varamana hinea a nona tangaloi vohoki, u vanamai ti Setano*. #Sem 1.5,17 16Diko a tangaloi rau varibuka, a kinau rau kadikadira, rau lengai kwara rana aulu sileti na tangaloi ratuaki, vunu a kinau rahe taritarisa tea lo mamaurianaga savia, vae rau vai na hatiki vatahae. 17Vae a doridori na tangaloi hinea u lavi na domidomi sea tina taetae u dolua. Tomuaki a mamaurianana u ngwasara vohoki. Vunu vake aia a tangaloi magemu, u vai tabetabe, u bulubulu karea mana tangaloi, a hahakavina eia. A nona domidomi sea a kwaiki eia. A tangaloi hi u taga kwaheki na doridori na tangaloi lo hala hinea u bakoto, vake he viti te ki ringona vohoki. 18Lolona a tangaloi hinea rau boloki huri na magemuana rau loliloli lo hala na magemuana, aia hokinia rau rivu biu hinea a kwaiki a tokaana karea. #a Aes 32.17; Hib 12.11; b Mat 5.9
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.