1 TESALONAEKA 2
2
A boloki noi Pol lolo gwatuivanua Tesalonaeka
1Rabela. I kamu sibomiu tulu kikilai kwara a nomai tirotiroki vaki maikamu he vanovano vuroki tea, vae a kwaiki eia. #1 Tes 1.5,9 2Tulu kikilai kwara lo gwatuivanua lakua Vilivae rau vai bulakikikami, rau kwaha bulakikikami ba, vunu keri vanamai vaki maikamu lo gwatuivanua Tesalonaeka. Vae a noda God u rakati na domimai kwara kena viti na Roro Karea, hinea mo vanamai tiua lakwakamu lo nako na tangaloi aira vano hi, hinea rau kwaha vovohi na leo hika. #a Bol 16.19-24; b Bol 17.1-5 3A nomai leo hinea kemo kwarekamu kinia hete kurakura luga, kehe viti tea kina domidomi hinea rahe taritarisa tea, vake kehe vai tea kwara diko kena sinasina na tangaloi. 4I God u kahi haro na domimai ba, vae u tagaikami kwara keu taritarisa kwara kena kwalahaki na Roro Karea hi. Vae huri hi, lolona kemo kwaha, kehe domi tea kwara kena vai na tangaloi rana lagwa maikami. Keu lengaia kwara kena vai kwara i God hinea u kikilai na domimai tigwaravu ne lagwa maikami. #a 1 Tim 1.11; b Gal 1.10; d Jer 11.20 5Tulu kikilai tabetabeki u rovo ba kwara keu vanamai vaki maikamu hete kina leo lulumu, vake kehe viti na Roro Karea te lakwakamu kwara kena vai na hala te kwara kena tavuniki na nomai lengalengaiana hati. I God aia a nomai hagoleo. #a Bol 20.33; 2 Pita 2.3; b 1 Tes 2.10 6Kehe vai te kwara kena vai na tangaloi rana kalukikami. Kehe vai te lakwakamu, vake kehe vai te lakwa na tangaloi dolua. #Sione 5.41,44 7Vunu vake huri i kami a kaihora* kokona noi Kraes*, keu taritarisa kwara kena longi na kinau rusa tikamu, vae hetea. Lolona kemo hugu maikamu keu vai u magemuhakikamu hoki na retahi mo tagahuri raranatuna. 8Kehe rarai te kehekeheki kwara kena viti na Roro Karea lakwakamu hinea u vanamai ti God, vae vake keu rarai kwara kena tiraki na mamaurianamai hurikamu, huri keu lagwa haburu maikamu keu domidomi haburu hurikamu. 9Rabela. Keu domi kwara a lolomiu he bongi tea kwara u rahaki kworohokikami lo nomai bolokiana. Lolona kemo heretuvaki na Roro Karea ti God lakwakamu keu boloki u rani u bongi kwara kenahe tau na hagohago mava te lumiu kwara te katukwale. #Bol 20.34; 1 Kor 4.12
10I kamu a nomai hagoleo vunu i God vake, kwara a bohibohianamai maikamu hinea tulu hauhuri lui Kraes, u ngwasara, u bakoto, vunu a hatiki tikei luna. 11Tulu kikilai tabetabeki kwara keu vaivai karea maikamu vatavatahakikamu u taritarisa hoki na tama u vaivai karea mai raranatuna. 12Keu kwahabibikamu, keu rakati na domimiu, vunu keu seseaka hurikamu kwara tulu ne toka hokinia hi i God u lagwa luna. Aia u kwarekamu kwara tulu ne rongohuria hinea aia kehekeheki a nomiu Hugwe Lakua kwara vae i kamu tulu ne lavi na nona karekarea maia lolo taetae. #a Eves 4.1; Vil 1.27; 2 Tes 1.5; b 1 Pita 5.10
13Hikani huri na kinau katukwale vake, tigwaravu keu lai nomai lagwaana lakwai God hurikamu. Lolona hi kemo kwali na leo noi God vaki maikamu tulu mo rongoa, tulu mo lai tabetabekinia, hete hoki na leo nona tangaloi, vae tulu mo lavia hokinia aia a leo noi God bakotoki. Vae aia kwehi kareaki. Vake i God aia u boloki lumiu hinea tulu hauhuri luna. #2.13: Lo hala kairuaki a domidomi na leo hi lo gweregwere na ves hi aia hokinia hika kwara Vake a leo hi aia u boloki lumiu hinea tulu hauhuri luna. #a 1 Tes 1.2; 2 Tes 2.13; b Gal 1.11-12 14Rabela. I kamu tulu hagwe na rongoana hati u taritarisa hoki na kwarelua* noi God lo vanua Sutia ramo hagwea, aira hinea a tangaloi noi Jisas Kraes. A tangaloi tatamiu rau vai bulakikikamu hokinia hi a gwaloana noi Isrel* ramo vai bulakiki na tangaloi noi Kraes lo vanua Sutia. #Bol 17.5 15Aira hi vohoki ramo kwohi matei na Hugwe* i Jisas, vake aira hi hinea tuai ramo kwohi matei na tangaloi* duruduruki maira, vae hikani rau tuku vai bulakikikami. A tangaloi aira hi rau tuku vai kinau i God he rongo karea te kinira. Vae rau bohibohi he karea tea mana tangaloi savia. #Bol 2.23; 7.52 16Vake rau vai kwara rana tu korokami kwara kena hatu heretuvaki na leo lakwa na tangaloi tavalavarea tina gwaloana noi Isrel kwara i God ne vakahikinira. Vae aia hi a vaivai hati ki rovonaki tiura hi doluaki hinea ramo toko vai tigwaravu. Vae hikani u rovo ba, a lologute noi God u vanamai tiluga. #Jen 15.16; Mat 23.32-33
I Pol u lengaia kwara ne tagaira taliku
17Rabela. Lolona i kami keu hugu vakahao tikamu lo taro gwanugwanu vohoki, vae keu rongo hati huri kehe tagaikamu tea. Io kareaki, keu tikei maikamu lo tarabehi kehekeheki, vae a domimai aira maikamu. Vae keu lengaia haburu kemo seseaka hurikamu kwara tana tagatagaikita taliku ki nakoda. #1 Tes 3.10 18Keu lengaia haburu kwara kena muleatu harokamu. I nau sibogu nu vai kwara na muleatu vakarusa, vae i Setano* u tu korokami. 19Vae tulu taga. Keu tau na domimai u madi luna hika kwara lolona a noda Hugwe* i Jisas ne maravuti ne lagwa maikami. ?Vae keu tau na domimai u madi luna hi huri aha? Hurikamu hi maira ratuaki. Lo rani hi hinea tana tu koro na nakona, tulu ne vaikami ne havutikami. I kamu hi, tulu ne kwareki a nomai kaimalai kwara ne havutikami, vae kena kwaha domidomikami hurikamu. #Vil 2.16; 4.1; 2 Tes 1.4 20I kamu tulu kwareki a angiangihimai, tulu vaikami mo havutikami.
Currently Selected:
1 TESALONAEKA 2: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
1 TESALONAEKA 2
2
A boloki noi Pol lolo gwatuivanua Tesalonaeka
1Rabela. I kamu sibomiu tulu kikilai kwara a nomai tirotiroki vaki maikamu he vanovano vuroki tea, vae a kwaiki eia. #1 Tes 1.5,9 2Tulu kikilai kwara lo gwatuivanua lakua Vilivae rau vai bulakikikami, rau kwaha bulakikikami ba, vunu keri vanamai vaki maikamu lo gwatuivanua Tesalonaeka. Vae a noda God u rakati na domimai kwara kena viti na Roro Karea, hinea mo vanamai tiua lakwakamu lo nako na tangaloi aira vano hi, hinea rau kwaha vovohi na leo hika. #a Bol 16.19-24; b Bol 17.1-5 3A nomai leo hinea kemo kwarekamu kinia hete kurakura luga, kehe viti tea kina domidomi hinea rahe taritarisa tea, vake kehe vai tea kwara diko kena sinasina na tangaloi. 4I God u kahi haro na domimai ba, vae u tagaikami kwara keu taritarisa kwara kena kwalahaki na Roro Karea hi. Vae huri hi, lolona kemo kwaha, kehe domi tea kwara kena vai na tangaloi rana lagwa maikami. Keu lengaia kwara kena vai kwara i God hinea u kikilai na domimai tigwaravu ne lagwa maikami. #a 1 Tim 1.11; b Gal 1.10; d Jer 11.20 5Tulu kikilai tabetabeki u rovo ba kwara keu vanamai vaki maikamu hete kina leo lulumu, vake kehe viti na Roro Karea te lakwakamu kwara kena vai na hala te kwara kena tavuniki na nomai lengalengaiana hati. I God aia a nomai hagoleo. #a Bol 20.33; 2 Pita 2.3; b 1 Tes 2.10 6Kehe vai te kwara kena vai na tangaloi rana kalukikami. Kehe vai te lakwakamu, vake kehe vai te lakwa na tangaloi dolua. #Sione 5.41,44 7Vunu vake huri i kami a kaihora* kokona noi Kraes*, keu taritarisa kwara kena longi na kinau rusa tikamu, vae hetea. Lolona kemo hugu maikamu keu vai u magemuhakikamu hoki na retahi mo tagahuri raranatuna. 8Kehe rarai te kehekeheki kwara kena viti na Roro Karea lakwakamu hinea u vanamai ti God, vae vake keu rarai kwara kena tiraki na mamaurianamai hurikamu, huri keu lagwa haburu maikamu keu domidomi haburu hurikamu. 9Rabela. Keu domi kwara a lolomiu he bongi tea kwara u rahaki kworohokikami lo nomai bolokiana. Lolona kemo heretuvaki na Roro Karea ti God lakwakamu keu boloki u rani u bongi kwara kenahe tau na hagohago mava te lumiu kwara te katukwale. #Bol 20.34; 1 Kor 4.12
10I kamu a nomai hagoleo vunu i God vake, kwara a bohibohianamai maikamu hinea tulu hauhuri lui Kraes, u ngwasara, u bakoto, vunu a hatiki tikei luna. 11Tulu kikilai tabetabeki kwara keu vaivai karea maikamu vatavatahakikamu u taritarisa hoki na tama u vaivai karea mai raranatuna. 12Keu kwahabibikamu, keu rakati na domimiu, vunu keu seseaka hurikamu kwara tulu ne toka hokinia hi i God u lagwa luna. Aia u kwarekamu kwara tulu ne rongohuria hinea aia kehekeheki a nomiu Hugwe Lakua kwara vae i kamu tulu ne lavi na nona karekarea maia lolo taetae. #a Eves 4.1; Vil 1.27; 2 Tes 1.5; b 1 Pita 5.10
13Hikani huri na kinau katukwale vake, tigwaravu keu lai nomai lagwaana lakwai God hurikamu. Lolona hi kemo kwali na leo noi God vaki maikamu tulu mo rongoa, tulu mo lai tabetabekinia, hete hoki na leo nona tangaloi, vae tulu mo lavia hokinia aia a leo noi God bakotoki. Vae aia kwehi kareaki. Vake i God aia u boloki lumiu hinea tulu hauhuri luna. #2.13: Lo hala kairuaki a domidomi na leo hi lo gweregwere na ves hi aia hokinia hika kwara Vake a leo hi aia u boloki lumiu hinea tulu hauhuri luna. #a 1 Tes 1.2; 2 Tes 2.13; b Gal 1.11-12 14Rabela. I kamu tulu hagwe na rongoana hati u taritarisa hoki na kwarelua* noi God lo vanua Sutia ramo hagwea, aira hinea a tangaloi noi Jisas Kraes. A tangaloi tatamiu rau vai bulakikikamu hokinia hi a gwaloana noi Isrel* ramo vai bulakiki na tangaloi noi Kraes lo vanua Sutia. #Bol 17.5 15Aira hi vohoki ramo kwohi matei na Hugwe* i Jisas, vake aira hi hinea tuai ramo kwohi matei na tangaloi* duruduruki maira, vae hikani rau tuku vai bulakikikami. A tangaloi aira hi rau tuku vai kinau i God he rongo karea te kinira. Vae rau bohibohi he karea tea mana tangaloi savia. #Bol 2.23; 7.52 16Vake rau vai kwara rana tu korokami kwara kena hatu heretuvaki na leo lakwa na tangaloi tavalavarea tina gwaloana noi Isrel kwara i God ne vakahikinira. Vae aia hi a vaivai hati ki rovonaki tiura hi doluaki hinea ramo toko vai tigwaravu. Vae hikani u rovo ba, a lologute noi God u vanamai tiluga. #Jen 15.16; Mat 23.32-33
I Pol u lengaia kwara ne tagaira taliku
17Rabela. Lolona i kami keu hugu vakahao tikamu lo taro gwanugwanu vohoki, vae keu rongo hati huri kehe tagaikamu tea. Io kareaki, keu tikei maikamu lo tarabehi kehekeheki, vae a domimai aira maikamu. Vae keu lengaia haburu kemo seseaka hurikamu kwara tana tagatagaikita taliku ki nakoda. #1 Tes 3.10 18Keu lengaia haburu kwara kena muleatu harokamu. I nau sibogu nu vai kwara na muleatu vakarusa, vae i Setano* u tu korokami. 19Vae tulu taga. Keu tau na domimai u madi luna hika kwara lolona a noda Hugwe* i Jisas ne maravuti ne lagwa maikami. ?Vae keu tau na domimai u madi luna hi huri aha? Hurikamu hi maira ratuaki. Lo rani hi hinea tana tu koro na nakona, tulu ne vaikami ne havutikami. I kamu hi, tulu ne kwareki a nomai kaimalai kwara ne havutikami, vae kena kwaha domidomikami hurikamu. #Vil 2.16; 4.1; 2 Tes 1.4 20I kamu tulu kwareki a angiangihimai, tulu vaikami mo havutikami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.