PAKI TITO 1
1
1Paulo, tea suasua sikai ki Sup̃e, go apostolo sikai ki Yesu Kristo. Pae nasaralomauana ki tea matadoaana maga ki Sup̃e, go naataem̃atakiana ni nalomauana waina e pae namatau‐ki‐Sup̃e‐ana, 2doko naleogoroana ni namauriana waina e du mau du, waina Sup̃e, waina e mari sa sorosoro, e sai a pea ki ragi maga ni tuai mau; 3ma e mari navasaana aneana e doko lina ragi kakana maga doko navitaua, waina kinau a pei tea vavatuana asa pae natip̃akiana ki Sup̃e Tea Maumau‐pauri anigida; 4paki Tito, natugu lomau pae nasaralomauana p̃olosiana: Nasaup̃iaana go natam̃ateana m̃elu Sup̃e Tama go Kristo Yesu Tea Maumau‐pauri anigida.
5Tea waia e pei nalakena a doropusi ko ku doko Krete, naga p̃a lawo ki leana ki tea maga waina eu ko puoli, po lawo ki tea matua maga sara natokoana, ega tapala waina kinau a dip̃a ki sua ko asa; 6te naata e pe ta pei tea vasadip̃aana mau, naanoai ki nagoroi sikai maau, doko peani natuna maga waina eu saralomau, waina eu da doko navasadip̃aana ni namaridarataraana mau kite waina eu da pei p̃auluulu mau. 7Nalakena e one tea leo paratiki one naga ega ta pei tea vasadip̃aana mau, ega tapala tasiga leo paratiki ki Sup̃e; ega ta pei tea to mari namasauana aneana mau, ega ta pei tea maeto m̃araverave mau, ega ta pei tea vasa puka mau, ega ta pei tea vivitip̃a mau, ega ta pei tea masau nataluaana sa mau; 8ma ega vei tea dodomi nam̃enaki maga, tea dodomi tea wia, tea midodoa p̃ia, tea leana, tea tautau, tea tum̃ana soki a: 9doko do dape soki navasaana lomau waina e pae navasapiseikiana, naga ega mari atae pasa paratiki doko navasapiseikiana ni namauriana, po pasa kasua ki tea vasa dugoro maga.
10Nalakena tea vei p̃auluulu laapa eu doko, tea vasa p̃alo maga, go tea p̃op̃o surue maga, p̃arua liu ki nia tea ni natovadaviviana maga, waina e one ara one naga nawokada euga vei tea wogoroana; 11naatam̃oli maga waina eu do dap̃olosiwo ki nasum̃a mamau maga, doko do pasa piseiki da tea maga waina e one ara one naga euga ta pasa piseiki da ara mau, nalakena nataluaana sa. 12Nara sikai kakada, tea vea noa sai adeada sikai, e naga, Naka ni Krete eu pei tea sorosoro sara ragi, nalo mila sa maga, tea tuatua liu mamale maga. 13Nanoasokisokiana wanogoe e pei lomau. Nalakena tea wanogoe p̃a vasa kasua makali ki da naga euga vei tea mauri nalo ni nasaralomauana, 14doko da dogo paratiki navasaana sorosoro maga ki naka ni Yudea mau, go ki natip̃akiana maga ki naatam̃oli maga mau, waina eu maradoa m̃elu dua ki nalomauana. 15Sara naleo eu dautau paki tea tautau: ma paki tea waina eu da dautau go waina eu da saralomau te navatuna e da dautau mau; ma namidodoana go natum̃adaataeana adeada ero loa. 16Eu da noa sai naga eu atae Sup̃e; ma eu do pasa goro e ki nawosiana adeada maga, eu pei tea mamaragokiana, go tea rogopiri, go paki sara nawosiana wia tea tip̃adoaana.
Currently Selected:
PAKI TITO 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
PAKI TITO 1
1
1Paulo, tea suasua sikai ki Sup̃e, go apostolo sikai ki Yesu Kristo. Pae nasaralomauana ki tea matadoaana maga ki Sup̃e, go naataem̃atakiana ni nalomauana waina e pae namatau‐ki‐Sup̃e‐ana, 2doko naleogoroana ni namauriana waina e du mau du, waina Sup̃e, waina e mari sa sorosoro, e sai a pea ki ragi maga ni tuai mau; 3ma e mari navasaana aneana e doko lina ragi kakana maga doko navitaua, waina kinau a pei tea vavatuana asa pae natip̃akiana ki Sup̃e Tea Maumau‐pauri anigida; 4paki Tito, natugu lomau pae nasaralomauana p̃olosiana: Nasaup̃iaana go natam̃ateana m̃elu Sup̃e Tama go Kristo Yesu Tea Maumau‐pauri anigida.
5Tea waia e pei nalakena a doropusi ko ku doko Krete, naga p̃a lawo ki leana ki tea maga waina eu ko puoli, po lawo ki tea matua maga sara natokoana, ega tapala waina kinau a dip̃a ki sua ko asa; 6te naata e pe ta pei tea vasadip̃aana mau, naanoai ki nagoroi sikai maau, doko peani natuna maga waina eu saralomau, waina eu da doko navasadip̃aana ni namaridarataraana mau kite waina eu da pei p̃auluulu mau. 7Nalakena e one tea leo paratiki one naga ega ta pei tea vasadip̃aana mau, ega tapala tasiga leo paratiki ki Sup̃e; ega ta pei tea to mari namasauana aneana mau, ega ta pei tea maeto m̃araverave mau, ega ta pei tea vasa puka mau, ega ta pei tea vivitip̃a mau, ega ta pei tea masau nataluaana sa mau; 8ma ega vei tea dodomi nam̃enaki maga, tea dodomi tea wia, tea midodoa p̃ia, tea leana, tea tautau, tea tum̃ana soki a: 9doko do dape soki navasaana lomau waina e pae navasapiseikiana, naga ega mari atae pasa paratiki doko navasapiseikiana ni namauriana, po pasa kasua ki tea vasa dugoro maga.
10Nalakena tea vei p̃auluulu laapa eu doko, tea vasa p̃alo maga, go tea p̃op̃o surue maga, p̃arua liu ki nia tea ni natovadaviviana maga, waina e one ara one naga nawokada euga vei tea wogoroana; 11naatam̃oli maga waina eu do dap̃olosiwo ki nasum̃a mamau maga, doko do pasa piseiki da tea maga waina e one ara one naga euga ta pasa piseiki da ara mau, nalakena nataluaana sa. 12Nara sikai kakada, tea vea noa sai adeada sikai, e naga, Naka ni Krete eu pei tea sorosoro sara ragi, nalo mila sa maga, tea tuatua liu mamale maga. 13Nanoasokisokiana wanogoe e pei lomau. Nalakena tea wanogoe p̃a vasa kasua makali ki da naga euga vei tea mauri nalo ni nasaralomauana, 14doko da dogo paratiki navasaana sorosoro maga ki naka ni Yudea mau, go ki natip̃akiana maga ki naatam̃oli maga mau, waina eu maradoa m̃elu dua ki nalomauana. 15Sara naleo eu dautau paki tea tautau: ma paki tea waina eu da dautau go waina eu da saralomau te navatuna e da dautau mau; ma namidodoana go natum̃adaataeana adeada ero loa. 16Eu da noa sai naga eu atae Sup̃e; ma eu do pasa goro e ki nawosiana adeada maga, eu pei tea mamaragokiana, go tea rogopiri, go paki sara nawosiana wia tea tip̃adoaana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific