APOKALUPESI 8
8
1Go ragi waina e kisipiri sua navulusokiana kelarua natatam̃ateana e doko nakoroatelagi e alagoro pei aura namagovai sikai. 2Go a punusi agelo larua waina eu do lawodu narae ni Sup̃e; go paiga larua eu pei tea vituakiana paki da.
3Go agelo p̃ota sikai e umai po lawodu pisari wede ni naviriana, e dape lasa ni kold sikai ni tea ni nap̃o wia; go tea ni nap̃o wia laapa eu pei tea vituakiana paki nia naga ega vitua ki nia pilake natapasavasaana maga ki tea tautau maga mamau puti wede ni naviriana ni kold waina e doko narae ni malo tasake. 4Go naasua ni tea ni nap̃o wia, pilake natapasavasaana maga ki tea tautau maga, e sake m̃elu dua ki nam̃elearu ni agelo narae ni Sup̃e. 5Go agelo e dape lasa ni tea ni nap̃o wia; go e pakavuro e ki nakapu ni wede ni naviriana, po nadi ki nia paki maramana; go tovae maga eu edakugoro e, go nadaleo maga, go navila maga, go naruru sikai.
6Go agelo larua waina eu dape paiga larua eu dum̃ada mari m̃ata ki da naga euga sui ra.
7Go tea vea e sui paiga, go usa ni vatu go nakapu ero pakilina, ero sarisari pilake nada, go e pei tea nadikiana paki maramana: go namagovai ketolu ni maramana e pei tea tap̃arakiana, go namagovai ketolu ni nakau maga e pei tea tap̃arakiana, go sara nam̃enau malakesa e pei tea tap̃arakiana.
8Go agelo kerua e sui paiga, go tea waina e dapala tava warua sikai waina e do soro ki nakapu e pei tea nadikiana paki natasi: go namagovai ketolu ni natasi e pei tea mariana e pei nada; 9go namagovai ketolu ni tea tawonakiana maga waina eu doko natasi, tea maga waina eu peani namauriana, eu mate; go namagovai ketolu ni shipe maga eu pei tea marisakiana.
10Go agelo ketolu e sui paiga, go m̃asoe warua sikai e dowo m̃elu dua ki nakoroatelagi, e do soro dapala nasulu sikai, go e dowo paki namagovai ketolu ni noai sara maga, go paki namata noai ni noai maga; 11go nagisa ni m̃asoe wanogoe e pei tea sosoana ki Nakokonae: go namagovai ketolu ni noai maga eu pei tea mariana eu pei nakokonae; go naatam̃oli maga tea laapa kakada eu mate ki noai maga, nalakena eu pei tea mariana eu kokona.
12Go agelo kevati e sui paiga, go namagovai ketolu ni elo e pei tea wokatiana, go namagovai ketolu ni atelagi, go namagovai ketolu ni m̃asoe maga; naga namagovai ketolu kakada euga vei tea mariana euga maligo, go naga naaleatia ega ta maramalaga mau ragi ni namagovai ketolu kakana, go naga nap̃ogiana ega tapala nogoe.
13Go a punusi, go a dogo ikila sikai, e do diri m̃aleoputo ni nakoroatelagi, e do noa ki nadaleo warua sikai, e naga, Ai, ai, ai, ki tea maga waina eu doko maramana doko, nalakena nadaleo p̃ota maga ni paiga ki agelo dolu, waina eu ko da sui ra.
Currently Selected:
APOKALUPESI 8: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
APOKALUPESI 8
8
1Go ragi waina e kisipiri sua navulusokiana kelarua natatam̃ateana e doko nakoroatelagi e alagoro pei aura namagovai sikai. 2Go a punusi agelo larua waina eu do lawodu narae ni Sup̃e; go paiga larua eu pei tea vituakiana paki da.
3Go agelo p̃ota sikai e umai po lawodu pisari wede ni naviriana, e dape lasa ni kold sikai ni tea ni nap̃o wia; go tea ni nap̃o wia laapa eu pei tea vituakiana paki nia naga ega vitua ki nia pilake natapasavasaana maga ki tea tautau maga mamau puti wede ni naviriana ni kold waina e doko narae ni malo tasake. 4Go naasua ni tea ni nap̃o wia, pilake natapasavasaana maga ki tea tautau maga, e sake m̃elu dua ki nam̃elearu ni agelo narae ni Sup̃e. 5Go agelo e dape lasa ni tea ni nap̃o wia; go e pakavuro e ki nakapu ni wede ni naviriana, po nadi ki nia paki maramana; go tovae maga eu edakugoro e, go nadaleo maga, go navila maga, go naruru sikai.
6Go agelo larua waina eu dape paiga larua eu dum̃ada mari m̃ata ki da naga euga sui ra.
7Go tea vea e sui paiga, go usa ni vatu go nakapu ero pakilina, ero sarisari pilake nada, go e pei tea nadikiana paki maramana: go namagovai ketolu ni maramana e pei tea tap̃arakiana, go namagovai ketolu ni nakau maga e pei tea tap̃arakiana, go sara nam̃enau malakesa e pei tea tap̃arakiana.
8Go agelo kerua e sui paiga, go tea waina e dapala tava warua sikai waina e do soro ki nakapu e pei tea nadikiana paki natasi: go namagovai ketolu ni natasi e pei tea mariana e pei nada; 9go namagovai ketolu ni tea tawonakiana maga waina eu doko natasi, tea maga waina eu peani namauriana, eu mate; go namagovai ketolu ni shipe maga eu pei tea marisakiana.
10Go agelo ketolu e sui paiga, go m̃asoe warua sikai e dowo m̃elu dua ki nakoroatelagi, e do soro dapala nasulu sikai, go e dowo paki namagovai ketolu ni noai sara maga, go paki namata noai ni noai maga; 11go nagisa ni m̃asoe wanogoe e pei tea sosoana ki Nakokonae: go namagovai ketolu ni noai maga eu pei tea mariana eu pei nakokonae; go naatam̃oli maga tea laapa kakada eu mate ki noai maga, nalakena eu pei tea mariana eu kokona.
12Go agelo kevati e sui paiga, go namagovai ketolu ni elo e pei tea wokatiana, go namagovai ketolu ni atelagi, go namagovai ketolu ni m̃asoe maga; naga namagovai ketolu kakada euga vei tea mariana euga maligo, go naga naaleatia ega ta maramalaga mau ragi ni namagovai ketolu kakana, go naga nap̃ogiana ega tapala nogoe.
13Go a punusi, go a dogo ikila sikai, e do diri m̃aleoputo ni nakoroatelagi, e do noa ki nadaleo warua sikai, e naga, Ai, ai, ai, ki tea maga waina eu doko maramana doko, nalakena nadaleo p̃ota maga ni paiga ki agelo dolu, waina eu ko da sui ra.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific