APOKALUPESI 6
6
1Go a punusi ragi waina Arnio e kisipiri navulusokiana larua sikai kakada, go a dogo nalo mauri pati sikai kakada e noa dapala ki nadaleo ni tovae, e naga, P̃a umai. 2Go a punusi, go kuga leo, horse tare sikai go tea waina e sakesaake asa e dape naasu sikai; go vauvau sikai e pei tea vituakiana paki nia; go e dave umai e do mari matua, go naga ega mari matua.
3Go ragi waina e kisipiri sua navulusokiana kerua, a dogo nalo mauri kerua e naga, P̃a umai. 4Go horse p̃ota sikai e dave umai, horse miala sikai: go e pei tea vituakiana paki tea waina e sakesaake asa naga ega tape lua natam̃ateana m̃elu dua ki maramana, go naga euga tum̃ada mari punue ra: go lova warua sikai e pei tea vituakiana paki nia.
5Go ragi waina e kisipiri sua navulusokiana ketolu, a dogo nalo mauri ketolu e naga, P̃a umai. Go a punusi, go kuga leo, horse loa sikai; go tea waina e sakesaake asa e dape tea rowogi sikai e doko nam̃elearuna. 6Go a dogo tea waina e dapala nadaleo sikai e doko m̃aleoputo ni nalo mauri pati e naga, Totowo sikai ni whiit raki denario sikai, go totowo dolu ni barle raki denario sikai; go naroro go waine p̃a ta mari sa ki da mau.
7Go ragi waina e kisipiri sua navulusokiana kevati, a dogo nadaleo ni nalo mauri kevati e naga, P̃a umai. 8Go a punusi, go kuga leo, horse kolop̃o sikai: go tea waina e sakesaake asa, nagisana Namateana; go Hades e do dausi sikoti a. Go naveinawotaana e pei tea vituakiana paki da dap̃au namagovai kevati ni maramana, naga eroga mari punue ki lova, go ki navitoloana, go ki namateana, go pae nalo mila maga ni maramana.
9Go ragi waina e kisipiri sua navulusokiana kelima, a punusi etano ki wede ni naviriana naata ni tea maga waina eu pei tea maripunueana nalakena navasaana ki Sup̃e go nalakena nanoasokisokiana waina eu peani a: 10go eu pioso ki nadaleo warua sikai, eu naga, Pa pa paki seve ragi, Talakeagami O, tea tapu go tea vei lomau, p̃a wo da pasa p̃otae po siko nadagami mau paki tea maga waina eu doko maramana? 11Go sugoro tare sikai e pei tea vituakiana paki da sarasara ra; go e pei tea noaana paki da, naga euga ko maromaro ragi kiki, pa pa tea maga waina eu mamau pei tea suasua go taida maga, waina euga wo pei tea maripunueana dapala nara, euga ko pei tea vakavuroana.
12Go a punusi ragi waina e kisipiri sua navulusokiana kelatesa, go naruru warua sikai e pakilina; go elo e pei tea mariana e loa dapala nakulukulu ni sak ni nam̃au, go atelagi mamau e pei tea mariana e dapala nada; 13go m̃asoe maga ni nakoroatelagi eu dowo paki maramana, dapala napuliva sikai e nadi ki nawana vusa maga, ragi waina e pei tea varivariakiana ki nalagi atu sikai. 14Go nakoroatelagi e pamawota pano dapala tusi sikai ragi waina e pei tea lulukiana; go sara tava go sara naure eu pei tea risuakiana m̃elu dua ki naliada maga. 15Go nawota maga ni maramana, go naatam̃oli warua maga, go kaptin ni manu maga, go tea vei sogolapa maga, go tea kasua maga, go sara naviti go sara naatam̃oli waina eu dum̃ada doko, eu dum̃ada dasuru ki da sili valea maga go vatu laketoko maga ni tava maga; 16go eu do noa ki tava maga go ki vatu laketoko maga, eu naga, Kuga rowo paki gami, po dasuru ki gami pa dua ki narae ni tea waina e dasake doko malo tasake, go pa dua ki namaetoana ki Arnio: 17nalakena naaleatia warua ni namaetoana adeada e po umai, go sei e mari atae lawodu?
Currently Selected:
APOKALUPESI 6: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
APOKALUPESI 6
6
1Go a punusi ragi waina Arnio e kisipiri navulusokiana larua sikai kakada, go a dogo nalo mauri pati sikai kakada e noa dapala ki nadaleo ni tovae, e naga, P̃a umai. 2Go a punusi, go kuga leo, horse tare sikai go tea waina e sakesaake asa e dape naasu sikai; go vauvau sikai e pei tea vituakiana paki nia; go e dave umai e do mari matua, go naga ega mari matua.
3Go ragi waina e kisipiri sua navulusokiana kerua, a dogo nalo mauri kerua e naga, P̃a umai. 4Go horse p̃ota sikai e dave umai, horse miala sikai: go e pei tea vituakiana paki tea waina e sakesaake asa naga ega tape lua natam̃ateana m̃elu dua ki maramana, go naga euga tum̃ada mari punue ra: go lova warua sikai e pei tea vituakiana paki nia.
5Go ragi waina e kisipiri sua navulusokiana ketolu, a dogo nalo mauri ketolu e naga, P̃a umai. Go a punusi, go kuga leo, horse loa sikai; go tea waina e sakesaake asa e dape tea rowogi sikai e doko nam̃elearuna. 6Go a dogo tea waina e dapala nadaleo sikai e doko m̃aleoputo ni nalo mauri pati e naga, Totowo sikai ni whiit raki denario sikai, go totowo dolu ni barle raki denario sikai; go naroro go waine p̃a ta mari sa ki da mau.
7Go ragi waina e kisipiri sua navulusokiana kevati, a dogo nadaleo ni nalo mauri kevati e naga, P̃a umai. 8Go a punusi, go kuga leo, horse kolop̃o sikai: go tea waina e sakesaake asa, nagisana Namateana; go Hades e do dausi sikoti a. Go naveinawotaana e pei tea vituakiana paki da dap̃au namagovai kevati ni maramana, naga eroga mari punue ki lova, go ki navitoloana, go ki namateana, go pae nalo mila maga ni maramana.
9Go ragi waina e kisipiri sua navulusokiana kelima, a punusi etano ki wede ni naviriana naata ni tea maga waina eu pei tea maripunueana nalakena navasaana ki Sup̃e go nalakena nanoasokisokiana waina eu peani a: 10go eu pioso ki nadaleo warua sikai, eu naga, Pa pa paki seve ragi, Talakeagami O, tea tapu go tea vei lomau, p̃a wo da pasa p̃otae po siko nadagami mau paki tea maga waina eu doko maramana? 11Go sugoro tare sikai e pei tea vituakiana paki da sarasara ra; go e pei tea noaana paki da, naga euga ko maromaro ragi kiki, pa pa tea maga waina eu mamau pei tea suasua go taida maga, waina euga wo pei tea maripunueana dapala nara, euga ko pei tea vakavuroana.
12Go a punusi ragi waina e kisipiri sua navulusokiana kelatesa, go naruru warua sikai e pakilina; go elo e pei tea mariana e loa dapala nakulukulu ni sak ni nam̃au, go atelagi mamau e pei tea mariana e dapala nada; 13go m̃asoe maga ni nakoroatelagi eu dowo paki maramana, dapala napuliva sikai e nadi ki nawana vusa maga, ragi waina e pei tea varivariakiana ki nalagi atu sikai. 14Go nakoroatelagi e pamawota pano dapala tusi sikai ragi waina e pei tea lulukiana; go sara tava go sara naure eu pei tea risuakiana m̃elu dua ki naliada maga. 15Go nawota maga ni maramana, go naatam̃oli warua maga, go kaptin ni manu maga, go tea vei sogolapa maga, go tea kasua maga, go sara naviti go sara naatam̃oli waina eu dum̃ada doko, eu dum̃ada dasuru ki da sili valea maga go vatu laketoko maga ni tava maga; 16go eu do noa ki tava maga go ki vatu laketoko maga, eu naga, Kuga rowo paki gami, po dasuru ki gami pa dua ki narae ni tea waina e dasake doko malo tasake, go pa dua ki namaetoana ki Arnio: 17nalakena naaleatia warua ni namaetoana adeada e po umai, go sei e mari atae lawodu?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific