APOKALUPESI 4
4
1Edaku ki tea maga wanogoe a punusi, go kuga leo, namata sikai e pei tea wolagatiana nakoroatelagi, go nadaleo vea waina a dogo e, dapala nadaleo ni paiga e do pasa ki nau, e naga, P̃a sake umai, go aga wo pisei ki‐go tea maga waina e one ara one naga euga vakilina edaku ki tea maga waia. E pakilina ki nau m̃araverave naga a doko Naatana: 2go kuga leo, malo tasake sikai e doko nakoroatelagi, go tea sikai e dasake malo tasake wanogoe. 3Go tea waina e dasake e pei tea vunusiana e dakiusi vatu yasper sikai go sardius sikai: go asoara sikai e doko dalivirigoro malo tasake, e pei tea vunusiana e dakiusi emerald sikai. 4Go malo tasake rualima dua tamate pati eu doko dalivirigoro malo tasake wanogoe: go a punusi tea matua rualima dua tamate pati eu dasake malo tasake maga wanogoe, eu pei tea sugoroana ki sugoro tare maga; go vauvau maga ni kold eu doko nap̃auda. 5Go navila maga go tovae maga eu do m̃elu malo tasake pano. Go nasulu larua ni nakapu eu doko waina eu do soro narae ni malo tasake, waina eu pei Naatana larua ni Sup̃e. 6Go narae ni malo tasake, tea waina e dapala natasi ni class sikai dakiusi krustalo; go m̃aleoputo ni malo tasake, go dalivirigoro malo tasake, nalo mauri pati waina eu peani namatada maga naraeda go natakuda. 7Go nalo mauri vea e dakiusi laion sikai, go nalo mauri kerua e dakiusi kau natuna anoai sikai, go nalo mauri ketolu naraena e dapala narae ni naatam̃oli sikai, go nalo mauri kevati e dakiusi ikila sikai waina e do diri. 8Go nalo mauri pati wanogoe, waina eu pilake nalivaru latelatesa sarasara ra, eu peani namatada maga dalivirigoro go etano ni nalivaruda: go eu da maromaro aleati go p̃ogi mau, eu do naga, E dapu, dapu, dapu, Yehovah Sup̃e, Tea Kasua mau, waina e doko tuai go waina e doko ragi waia go waina ega wo umai. 9Go ragi waina nalo mauri maga wanogoe euga wo pitua ki nasamasamaana go nadodomadaganiana go navasadodom̃atakiana dua tea waina e dasake malo tasake, waina e mauri doko pa pa pa e du du po du mau da, 10tea matua rualima dua tamate pati wanogoe euga wo dowo pakitano narae ni tea waina e dasake malo tasake, go euga wo lotu ki tea waina e mauri doko pa pa pa e du du po du mau du, go euga wo nadi ki vauvau adeada maga narae ni malo tasake, 11po naga, Ku p̃ia, Nawota aginami go Sup̃e aginami, naga p̃a tape nasamasamaana go nadodomadaganiana go namarakiana: nalakena nigo ku dawonaki naleo maga mamau puti, go nalakena namasauana anigo eu doko tuai, po pei tea tawonakiana.
Currently Selected:
APOKALUPESI 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
APOKALUPESI 4
4
1Edaku ki tea maga wanogoe a punusi, go kuga leo, namata sikai e pei tea wolagatiana nakoroatelagi, go nadaleo vea waina a dogo e, dapala nadaleo ni paiga e do pasa ki nau, e naga, P̃a sake umai, go aga wo pisei ki‐go tea maga waina e one ara one naga euga vakilina edaku ki tea maga waia. E pakilina ki nau m̃araverave naga a doko Naatana: 2go kuga leo, malo tasake sikai e doko nakoroatelagi, go tea sikai e dasake malo tasake wanogoe. 3Go tea waina e dasake e pei tea vunusiana e dakiusi vatu yasper sikai go sardius sikai: go asoara sikai e doko dalivirigoro malo tasake, e pei tea vunusiana e dakiusi emerald sikai. 4Go malo tasake rualima dua tamate pati eu doko dalivirigoro malo tasake wanogoe: go a punusi tea matua rualima dua tamate pati eu dasake malo tasake maga wanogoe, eu pei tea sugoroana ki sugoro tare maga; go vauvau maga ni kold eu doko nap̃auda. 5Go navila maga go tovae maga eu do m̃elu malo tasake pano. Go nasulu larua ni nakapu eu doko waina eu do soro narae ni malo tasake, waina eu pei Naatana larua ni Sup̃e. 6Go narae ni malo tasake, tea waina e dapala natasi ni class sikai dakiusi krustalo; go m̃aleoputo ni malo tasake, go dalivirigoro malo tasake, nalo mauri pati waina eu peani namatada maga naraeda go natakuda. 7Go nalo mauri vea e dakiusi laion sikai, go nalo mauri kerua e dakiusi kau natuna anoai sikai, go nalo mauri ketolu naraena e dapala narae ni naatam̃oli sikai, go nalo mauri kevati e dakiusi ikila sikai waina e do diri. 8Go nalo mauri pati wanogoe, waina eu pilake nalivaru latelatesa sarasara ra, eu peani namatada maga dalivirigoro go etano ni nalivaruda: go eu da maromaro aleati go p̃ogi mau, eu do naga, E dapu, dapu, dapu, Yehovah Sup̃e, Tea Kasua mau, waina e doko tuai go waina e doko ragi waia go waina ega wo umai. 9Go ragi waina nalo mauri maga wanogoe euga wo pitua ki nasamasamaana go nadodomadaganiana go navasadodom̃atakiana dua tea waina e dasake malo tasake, waina e mauri doko pa pa pa e du du po du mau da, 10tea matua rualima dua tamate pati wanogoe euga wo dowo pakitano narae ni tea waina e dasake malo tasake, go euga wo lotu ki tea waina e mauri doko pa pa pa e du du po du mau du, go euga wo nadi ki vauvau adeada maga narae ni malo tasake, 11po naga, Ku p̃ia, Nawota aginami go Sup̃e aginami, naga p̃a tape nasamasamaana go nadodomadaganiana go namarakiana: nalakena nigo ku dawonaki naleo maga mamau puti, go nalakena namasauana anigo eu doko tuai, po pei tea tawonakiana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific