PAKI TEA E FILIPPI 4
4
1Nalakena tea wanogoe, taigu dodomiana maga go tea p̃op̃omasauana maga, nalaelaeaana aginau go vauvau aginau, kuga lawodu doko Nawota ega tapala nogoe, tea dodomiana maga.
2A pasa paratiki Euodia, go a pasa paratiki Suntuke, naga eroga midoaki tea sikai maau doko Nawota. 3Ioro, go a pavarani ko, tea vei lomau waina toro saisai ova nakau ni nanoa, p̃a silae nagoroi dua wanogoe, nalakena ero p̃osiwosi sikoti au doko narogorogoana wia, nara ma Klemens, go tea wosiwosi sikoti au p̃ota maga, waina nagisada eu doko tusi ni namauriana.
4Kuga laelaea doko Nawota sara ragi: aga moro noa e, Kuga laelaea. 5Namarimatemateana animu ega vei tea ataeana paki naatam̃oli maga mamau puti. Nawota e pei m̃aladigi. 6Kuga ta pei p̃op̃o madaga nalo ni te navatuna, ma nalo ni sara naleo kuga noa sai paki Sup̃e natatagoana animu maga pae natapasavasaana go navavaraniana pilake navasadodom̃atakiana. 7Go natam̃ateana ki Sup̃e, waina e pakilagi liu sara namidoakiataeana, ega wo pavaigoro nap̃op̃omu maga go namidodoana animu maga doko Kristo Yesu.
8Tea edaku, tai maga, naleo maga waina eu pei lomau, naleo maga waina eu pei tea dodomadaganiana, naleo maga waina eu leana, naleo maga waina eu dautau, naleo maga waina eu pei tea masauniana, naleo maga waina eu pei tea vasap̃iakiana; te namariana wia e pe toko, go te nasamasamaniana e pe toko, kuga midoaki naleo maga wanogoe. 9Naleo maga waina ku ataedogo ra po dape ra po dogo ra po punusi ra doko au, naleo maga wanogoe kuga to mari ra: go Sup̃e ni natam̃ateana ega wo doko sikoti mu.
10Ma a laelaea p̃arua doko Nawota, nalakena ragi waia edaku ki ragi varau ku moro siria naga kuga maginau midodoa; go ku midodoa sala vea nalo ni tea wanogoe, ma ku dika ki ragi kakana. 11A da noa e nalakena natikaana mau: nalakena kinau a ataedogo sua, naga naleo maga waina a doko ara aga maro ara. 12A atae naga aga vei tea mariana aga vakitano, go a atae naga aga vei sogolapa: nalo ni sara naleo go nalo ni naleo maga mamau puti a pei tea vasapiseikim̃atakiana naga aga vuka go naga aga vitolo, naga aga vei sogolapa go naga aga vei tea tika. 13A mari atae mari naleo maga mamau puti doko Kristo waina e mari au a kasua. 14Ma ku mari p̃ia naga ku mamau saisaipeani nariesokiana aginau. 15Ma nimu ma ku atae, tea ni Filippi maga, naga ragi vea ni narogorogoana wia, ragi waina a m̃elu dua ki Masedonia pano, te ekalesia sikai e da saisaipeani sikoti au nalo ni napuku ni navituaana go ni natapeana mau, ma nimu ku sikimu; 16nalakena ragi waina a ko doko Thessalonika ku paka sikai go ku paka kerua dip̃aki lua umai paki natikaana aginau. 17A da laaga navituam̃olikiana mau: ma a laaga nawa waina e do disu po laapa paki napuku animu. 18Ma a peani naleo maga mamau puti, go a pei sogolapa: a pei tea vakavuroana, a dape ki Epafrodito naleo maga waina eu m̃elu mu umai, nap̃o ni naloloana sikai, naviriana tapeana sikai, tea midoakim̃atakiana ki Sup̃e. 19Go Sup̃e aginau ega wo pakavuro sara natikaana animu, ega vae nasogolapaana aneana doko nasamasamaana doko Kristo Yesu. 20Ma nasamasamaana ega vei agi Sup̃e anigida go Tamagida ega tu du po du mau du. Amen.
21Kuga vasa dodomi sara tea tautau doko Kristo Yesu. Taigida maga waina eu sikoti au eu pasa dodomi mu. 22Tea tautau maga mamau puti eu pasa dodomi mu, ma p̃arua liu ki nia tea maga waina eu pei tea ni nasum̃a ki Kaisar.
23Nasaup̃iaana ki Nawota Yesu Kristo ega sikoti naatamu. Amen.
Currently Selected:
PAKI TEA E FILIPPI 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
PAKI TEA E FILIPPI 4
4
1Nalakena tea wanogoe, taigu dodomiana maga go tea p̃op̃omasauana maga, nalaelaeaana aginau go vauvau aginau, kuga lawodu doko Nawota ega tapala nogoe, tea dodomiana maga.
2A pasa paratiki Euodia, go a pasa paratiki Suntuke, naga eroga midoaki tea sikai maau doko Nawota. 3Ioro, go a pavarani ko, tea vei lomau waina toro saisai ova nakau ni nanoa, p̃a silae nagoroi dua wanogoe, nalakena ero p̃osiwosi sikoti au doko narogorogoana wia, nara ma Klemens, go tea wosiwosi sikoti au p̃ota maga, waina nagisada eu doko tusi ni namauriana.
4Kuga laelaea doko Nawota sara ragi: aga moro noa e, Kuga laelaea. 5Namarimatemateana animu ega vei tea ataeana paki naatam̃oli maga mamau puti. Nawota e pei m̃aladigi. 6Kuga ta pei p̃op̃o madaga nalo ni te navatuna, ma nalo ni sara naleo kuga noa sai paki Sup̃e natatagoana animu maga pae natapasavasaana go navavaraniana pilake navasadodom̃atakiana. 7Go natam̃ateana ki Sup̃e, waina e pakilagi liu sara namidoakiataeana, ega wo pavaigoro nap̃op̃omu maga go namidodoana animu maga doko Kristo Yesu.
8Tea edaku, tai maga, naleo maga waina eu pei lomau, naleo maga waina eu pei tea dodomadaganiana, naleo maga waina eu leana, naleo maga waina eu dautau, naleo maga waina eu pei tea masauniana, naleo maga waina eu pei tea vasap̃iakiana; te namariana wia e pe toko, go te nasamasamaniana e pe toko, kuga midoaki naleo maga wanogoe. 9Naleo maga waina ku ataedogo ra po dape ra po dogo ra po punusi ra doko au, naleo maga wanogoe kuga to mari ra: go Sup̃e ni natam̃ateana ega wo doko sikoti mu.
10Ma a laelaea p̃arua doko Nawota, nalakena ragi waia edaku ki ragi varau ku moro siria naga kuga maginau midodoa; go ku midodoa sala vea nalo ni tea wanogoe, ma ku dika ki ragi kakana. 11A da noa e nalakena natikaana mau: nalakena kinau a ataedogo sua, naga naleo maga waina a doko ara aga maro ara. 12A atae naga aga vei tea mariana aga vakitano, go a atae naga aga vei sogolapa: nalo ni sara naleo go nalo ni naleo maga mamau puti a pei tea vasapiseikim̃atakiana naga aga vuka go naga aga vitolo, naga aga vei sogolapa go naga aga vei tea tika. 13A mari atae mari naleo maga mamau puti doko Kristo waina e mari au a kasua. 14Ma ku mari p̃ia naga ku mamau saisaipeani nariesokiana aginau. 15Ma nimu ma ku atae, tea ni Filippi maga, naga ragi vea ni narogorogoana wia, ragi waina a m̃elu dua ki Masedonia pano, te ekalesia sikai e da saisaipeani sikoti au nalo ni napuku ni navituaana go ni natapeana mau, ma nimu ku sikimu; 16nalakena ragi waina a ko doko Thessalonika ku paka sikai go ku paka kerua dip̃aki lua umai paki natikaana aginau. 17A da laaga navituam̃olikiana mau: ma a laaga nawa waina e do disu po laapa paki napuku animu. 18Ma a peani naleo maga mamau puti, go a pei sogolapa: a pei tea vakavuroana, a dape ki Epafrodito naleo maga waina eu m̃elu mu umai, nap̃o ni naloloana sikai, naviriana tapeana sikai, tea midoakim̃atakiana ki Sup̃e. 19Go Sup̃e aginau ega wo pakavuro sara natikaana animu, ega vae nasogolapaana aneana doko nasamasamaana doko Kristo Yesu. 20Ma nasamasamaana ega vei agi Sup̃e anigida go Tamagida ega tu du po du mau du. Amen.
21Kuga vasa dodomi sara tea tautau doko Kristo Yesu. Taigida maga waina eu sikoti au eu pasa dodomi mu. 22Tea tautau maga mamau puti eu pasa dodomi mu, ma p̃arua liu ki nia tea maga waina eu pei tea ni nasum̃a ki Kaisar.
23Nasaup̃iaana ki Nawota Yesu Kristo ega sikoti naatamu. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific