NUMBERS 16
16
1Go Korah, natu ni Ishar, natu ni Kohath, natu ni Levi, nara ma Dathan go Abiram, Eliab natuna maga, go On, natu ni Peleth, Reuben natuna maga, eu piragi naatam̃oli maga: 2Go eu duleana narae ni Moses, nara ma Israel natuna maga seara kakada, tea maraki p̃onotia dua rualima takuna lima ni nasaisaiana, tea matadoaana maga m̃elu nasaisaiana, naatam̃oli rogoana maga: 3Go eu dum̃ada saisai ki da dip̃a Moses go dip̃a Aaron, po noa ki da, eu naga, Nimu koro do dum̃amu dape mu sake, go nasaisaiana mamau eu dapu, sara naata sikasikai kakada, go Yehovah e doko sikoti ra doko: go ekasana koro do dum̃amu sike mu pakilagi dap̃au nasaisaiana ki Yehovah? 4Go ragi waina Moses e dogo e, e dowo dap̃olosiwo: 5Go e pasa paki Korah go paki taua aneana maga, po naga, Matamai malip̃ogi Yehovah ega wo pisei ki gida sei waina eu pei tea aneana, go sei waina e dapu, go ega wo mari a ega vaki m̃aladigi ki nia: tea waina Yehovah ega wo matadoa e, ega wo mari a ega vaki m̃aladigi ki nia. 6Kuga mari ega tapala nea, Korah, nimu ma taua anigo: kuga tape lasa maga ni tea ni nap̃o wia; 7Po doropusi nakapu vavaga ega toko ara, po doropusi tea ni nap̃o wia ara narae ni Yehovah matamai: go ega wo doko naga naatam̃oli waina Yehovah ega matadoa e, ega wo dapu: ku do dum̃amu dape mu sake, nimu Levi natuna maga. 8Go Moses e noa ki Korah, e naga, Kuga taki dorogo, nimu Levi natuna maga: 9Ku midoa ki nia naga e da pei te navatuna mau, waina Sup̃e ki Israel e mari masale ki mu m̃elu nasaisaiana ni Israel, naga ega mari mu kuga vaki m̃aladigi ki nia; naga kuga mari nawosiana ni nasuasuaana ni nasum̃atokoana ki Yehovah, go naga kuga tu narae ni nasaisaiana po madeada suasua; 10Go naga e mari mu ku paki m̃aladigi ki nia, nimu ma taimu Levi natuna maga mamau puti, kite? Go ku moro masauna naga kuga vei tea viri maga, kite? 11Nalakena tea wanogoe nimu ma taua anigo ku mamau puti saisai dip̃a Yehovah: go Aaron, nae e pei sei naga ku daururu dip̃a e? 12Go Moses e dip̃aki lua po soso Dathan go Abiram, Eliab natuna maga, naga eroga umai punusi a: go ero naga, Aroga wo da paloti punusi ko mau: 13E pei naleo kiki sikai naga ku piragi gami sake umai m̃elu dua ki navanua sikai waina e do sara ki milk go ki honi, naga p̃a mari punue gami masop̃alo, ma ku moro masauna naga p̃a tum̃am̃a mari ko p̃a vei tea maraki sikai dap̃au gami, kite? 14Go ku da piragi gami umai paki navanua sikai waina e do sara ki milk go ki honi mau, go ku da dua gami naveaniana ni vanua maga go roara maga ni vaine mau: ku masauna naga p̃a asiri lua namata ni naatam̃oli maga wanogoe, kite? Aroga wo da paloti punusi ko mau. 15Go Moses e maeto p̃arua, go e noa ki Yehovah, e naga, P̃a ta midoaki navituaana adeada mau: a da dape ass sikai kiada mau, go a da mari sa ki tea sikai kakada mau. 16Go Moses e noa ki Korah, e naga, Nimu ma nasaisaiana mamau anigo, kuga mamau puti du narae ni Yehovah matamai, nigo, go nara, go Aaron, kuga mamau: 17Go kuga tape lasa ni tea ni nap̃o wia animu sikasikai sarasara mu, po doropusi tea ni nap̃o wia ega toko ara, go kuga tape lasa ni tea ni nap̃o wia animu sikasikai sarasara mu umai paki narae ni Yehovah, lasa ni tea ni nap̃o wia p̃onotia dua rualima takuna lima; go nigo, go Aaron, koroga tape lasa ni tea ni nap̃o wia animu sikasikai umai. 18Go eu dape lasa ni tea ni nap̃o wia adeada sikasikai sarasara ra, po doropusi nakapu vavaga ara, po doropusi tea ni nap̃o wia e doko ara, po lawodu namata ni tap̃aup̃au ni nasaisaiana sikoti Moses go Aaron. 19Go Korah e piragi saisai ki nasaisaiana mamau dip̃a ra doko namata ni tap̃aup̃au ni nasaisaiana: go nasamasamaana ni Yehovah e pakilina ki nasaisaiana mamau.
20Go Yehovah e pasa paki Moses go paki Aaron, po naga, 21Koroga tum̃amu mari mu koroga tu uvea pa dua ki nasaisaiana waia, naga aga vaka sikai mari puoli ki da. 22Go ero dowo dap̃olosiwo, po naga, Sup̃e O, Sup̃e ni naata ni sara nap̃okasi, naatam̃oli ega sikai maau e pe mari naleo sa, go ku pe wo maeto ki nasaisaiana mamau, kite? 23Go Yehovah e pasa paki Moses, po naga, 24P̃a vasa paki nasaisaiana, po naga, Kuga vaki uvea ki nasum̃atokoana ki Korah, Dathan go Abiram. 25Go Moses e duleana po pano punusi Dathan go Abiram; go tea matua maga ni Israel eu dausi a pano. 26Go e pasa paki nasaisaiana, po naga, Kuga m̃elu dua ki tap̃aup̃au maga ki naatam̃oli sigisigileo maga waia, a pavara ni mu asa, po da kisidogo te navatuna adeada sikai mau, mase ku pe vei tea maripuolikiana namarinaleosaana adeada maga mamau puti. 27Go eu m̃elu dua ki nasum̃atokoana ki Korah, Dathan go Abiram: go Dathan go Abiram ero dave umai po lawodu namata ni tap̃aup̃au adeada maga, nara ma nagoroi adeada maga, go natuda naanoai maga, go piakirikiri adeada maga. 28Go Moses e naga, Pae tea waia kuga wo atae naga Yehovah e dip̃aki lua au umai naga aga mari nawosiana mamau puti waia; nalakena a da mari a pae namidodoaana aginau mau. 29Naatam̃oli maga waia eu pe mate namateana waina naatam̃oli maga mamau puti eu do mate asa, kite eu pe vei tea varatiana dakiusi waina naatam̃oli maga mamau puti eu do pei tea varatiana asa; Yehovah e pe ta dip̃aki lua au umai mau. 30Ma Yehovah e pe mari naleo vau sikai, po mari natano e pe maga po dinomi puti ra, go sara naleo adeada maga, go eu pe siwo pulemauri paki Sheol pano; ku pe wo atae naga naatam̃oli maga waia eu midoaki p̃alo ki Yehovah. 31Go e pakilina, ragi waina e pasa sua ki navasaana maga wanogoe, naga natano waina eu lawodu asa, e pamawota: 32Go natano e maga, po dinomi puti ra, nara ma tea ni nasum̃a adeada maga, go naatam̃oli maga mamau puti waina eu pei agi Korah, go sara naleo adeada maga. 33Go nara ma tea mamau puti adeada, eu siwo pulemauri paki Sheol pano: go natano e p̃osaegoro ra, go eu pano puoli m̃elu dua ki nasaisaiana. 34Go Israel mamau puti waina eu doko dalivirigoro ra eu sava pano ragi waina eu dogo nakuapiosoana adeada: nalakena eu naga, Mase natano e pe moro dinomi gida. 35Go nakapu vavaga e pae Yehovah umai, po gani dinomi naatam̃oli p̃onotia dua rualima takuna lima waina eu pitua ki tea ni nap̃o wia.
36Go Yehovah e pasa paki Moses, po naga, 37P̃a noa ki Eleasar natu ni Aaron tea viri, naga ega tape dakati lasa maga ni tea ni nap̃o wia m̃elu dua ki natap̃arakiana, go p̃a taperavera ki nakapu wanogoe; nalakena e dapu; 38Lasa maga wanogoe ni tea ni nap̃o wia ki tea sigisigileo maga wanogoe waina eu mate dip̃a namarinaleosaana adeada, euga vei tea tuki‐p̃eleweleakiana naga euga vei tea welewelea manivenive maga naga euga tap̃augoro wede ni naviriana: nalakena eu pitua ki da narae ni Yehovah, nalakena tea wanogoe eu dapu: go euga wo magi Israel natuna maga pei navaivaiana sikai. 39Go Eleasar tea viri e dape lasa maga ni brass ni tea ni nap̃o wia, waina tea maga waina nakapu e gani ra eu pitua ki da; go eu duki p̃elewelea ki da naga euga vei tea tap̃augoro sikai ni wede ni naviriana: 40Naga ega magi Israel natuna maga pei namidoaki‐p̃arati‐kiana sikai naga tea ni nalauna p̃ota waina e da pei tea ni nawora ni Aaron mau, ega ta paki m̃aladigi naga ega tap̃ara ki tea ni nap̃o wia narae ni Yehovah mau; naga ega ta dakiusi Korah, go dakiusi taua aneana mau: dakiusi waina Yehovah e noa ki Eleasar ase pae nam̃elearu ni Moses.
41Ma matamai ki nia nasaisaiana mamau ni Israel natuna maga eu daururu dip̃a Moses, go dip̃a Aaron, doko do naga, Nimu koro mari punue narei ki Yehovah. 42Go e pakilina, ragi waina nasaisaiana eu saisai dip̃a Moses go dip̃a Aaron, naga eu leo paki tap̃aup̃au ni nasaisaiana: go p̃a leo, napopouru e kovagoro e, go nasamasamaana ni Yehovah e pakilina. 43Go Moses go Aaron ero paki kivea ki narae ni tap̃aup̃au ni nasaisaiana. 44Go Yehovah e pasa paki Moses, po naga, 45P̃a m̃elu dua ki nasaisaiana waia pano, naga aga mari puoli ki da m̃araverave. Go ero dowo dap̃olosiwo. 46Go Moses e noa ki Aaron, e naga, P̃a tape lasa ni tea ni nap̃o wia anigo, po doropusi nakapu vavaga asa m̃elu wede ni naviriana, po doro tea ni nap̃o wia ega toko asa, po dape a pano m̃araverave punusi nasaisaiana, po madeada mari natap̃augoroana: nalakena namaritausuana e dave m̃elu Yehovah; nasasanaana sa e po atulake. 47Go Aaron e mari dakiusi waina Moses e noa ki nia asa, po sava paki m̃aleoputo ni nasaisaiana; go p̃a leo, nasasanaana sa e po atulake sua usuraki narei: go e doropusi tea ni nap̃o wia doko lasa, po magi narei mari natap̃augoroana. 48Go e lawodu namawota ni tea mate go ni tea mauri; go nasasanaana sa e makoto. 49Go tea maga waina eu mate ki nasasanaana sa wanogoe eu pei naatam̃oli tivilia sikai manu pati p̃onotia larua, masale ki tea maga waina eu mate nalo ni Korah. 50Go Aaron e moro liliu punusi Moses doko namata ni tap̃aup̃au ni nasaisaiana: go nasasanaana sa e makoto.
Currently Selected:
NUMBERS 16: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
NUMBERS 16
16
1Go Korah, natu ni Ishar, natu ni Kohath, natu ni Levi, nara ma Dathan go Abiram, Eliab natuna maga, go On, natu ni Peleth, Reuben natuna maga, eu piragi naatam̃oli maga: 2Go eu duleana narae ni Moses, nara ma Israel natuna maga seara kakada, tea maraki p̃onotia dua rualima takuna lima ni nasaisaiana, tea matadoaana maga m̃elu nasaisaiana, naatam̃oli rogoana maga: 3Go eu dum̃ada saisai ki da dip̃a Moses go dip̃a Aaron, po noa ki da, eu naga, Nimu koro do dum̃amu dape mu sake, go nasaisaiana mamau eu dapu, sara naata sikasikai kakada, go Yehovah e doko sikoti ra doko: go ekasana koro do dum̃amu sike mu pakilagi dap̃au nasaisaiana ki Yehovah? 4Go ragi waina Moses e dogo e, e dowo dap̃olosiwo: 5Go e pasa paki Korah go paki taua aneana maga, po naga, Matamai malip̃ogi Yehovah ega wo pisei ki gida sei waina eu pei tea aneana, go sei waina e dapu, go ega wo mari a ega vaki m̃aladigi ki nia: tea waina Yehovah ega wo matadoa e, ega wo mari a ega vaki m̃aladigi ki nia. 6Kuga mari ega tapala nea, Korah, nimu ma taua anigo: kuga tape lasa maga ni tea ni nap̃o wia; 7Po doropusi nakapu vavaga ega toko ara, po doropusi tea ni nap̃o wia ara narae ni Yehovah matamai: go ega wo doko naga naatam̃oli waina Yehovah ega matadoa e, ega wo dapu: ku do dum̃amu dape mu sake, nimu Levi natuna maga. 8Go Moses e noa ki Korah, e naga, Kuga taki dorogo, nimu Levi natuna maga: 9Ku midoa ki nia naga e da pei te navatuna mau, waina Sup̃e ki Israel e mari masale ki mu m̃elu nasaisaiana ni Israel, naga ega mari mu kuga vaki m̃aladigi ki nia; naga kuga mari nawosiana ni nasuasuaana ni nasum̃atokoana ki Yehovah, go naga kuga tu narae ni nasaisaiana po madeada suasua; 10Go naga e mari mu ku paki m̃aladigi ki nia, nimu ma taimu Levi natuna maga mamau puti, kite? Go ku moro masauna naga kuga vei tea viri maga, kite? 11Nalakena tea wanogoe nimu ma taua anigo ku mamau puti saisai dip̃a Yehovah: go Aaron, nae e pei sei naga ku daururu dip̃a e? 12Go Moses e dip̃aki lua po soso Dathan go Abiram, Eliab natuna maga, naga eroga umai punusi a: go ero naga, Aroga wo da paloti punusi ko mau: 13E pei naleo kiki sikai naga ku piragi gami sake umai m̃elu dua ki navanua sikai waina e do sara ki milk go ki honi, naga p̃a mari punue gami masop̃alo, ma ku moro masauna naga p̃a tum̃am̃a mari ko p̃a vei tea maraki sikai dap̃au gami, kite? 14Go ku da piragi gami umai paki navanua sikai waina e do sara ki milk go ki honi mau, go ku da dua gami naveaniana ni vanua maga go roara maga ni vaine mau: ku masauna naga p̃a asiri lua namata ni naatam̃oli maga wanogoe, kite? Aroga wo da paloti punusi ko mau. 15Go Moses e maeto p̃arua, go e noa ki Yehovah, e naga, P̃a ta midoaki navituaana adeada mau: a da dape ass sikai kiada mau, go a da mari sa ki tea sikai kakada mau. 16Go Moses e noa ki Korah, e naga, Nimu ma nasaisaiana mamau anigo, kuga mamau puti du narae ni Yehovah matamai, nigo, go nara, go Aaron, kuga mamau: 17Go kuga tape lasa ni tea ni nap̃o wia animu sikasikai sarasara mu, po doropusi tea ni nap̃o wia ega toko ara, go kuga tape lasa ni tea ni nap̃o wia animu sikasikai sarasara mu umai paki narae ni Yehovah, lasa ni tea ni nap̃o wia p̃onotia dua rualima takuna lima; go nigo, go Aaron, koroga tape lasa ni tea ni nap̃o wia animu sikasikai umai. 18Go eu dape lasa ni tea ni nap̃o wia adeada sikasikai sarasara ra, po doropusi nakapu vavaga ara, po doropusi tea ni nap̃o wia e doko ara, po lawodu namata ni tap̃aup̃au ni nasaisaiana sikoti Moses go Aaron. 19Go Korah e piragi saisai ki nasaisaiana mamau dip̃a ra doko namata ni tap̃aup̃au ni nasaisaiana: go nasamasamaana ni Yehovah e pakilina ki nasaisaiana mamau.
20Go Yehovah e pasa paki Moses go paki Aaron, po naga, 21Koroga tum̃amu mari mu koroga tu uvea pa dua ki nasaisaiana waia, naga aga vaka sikai mari puoli ki da. 22Go ero dowo dap̃olosiwo, po naga, Sup̃e O, Sup̃e ni naata ni sara nap̃okasi, naatam̃oli ega sikai maau e pe mari naleo sa, go ku pe wo maeto ki nasaisaiana mamau, kite? 23Go Yehovah e pasa paki Moses, po naga, 24P̃a vasa paki nasaisaiana, po naga, Kuga vaki uvea ki nasum̃atokoana ki Korah, Dathan go Abiram. 25Go Moses e duleana po pano punusi Dathan go Abiram; go tea matua maga ni Israel eu dausi a pano. 26Go e pasa paki nasaisaiana, po naga, Kuga m̃elu dua ki tap̃aup̃au maga ki naatam̃oli sigisigileo maga waia, a pavara ni mu asa, po da kisidogo te navatuna adeada sikai mau, mase ku pe vei tea maripuolikiana namarinaleosaana adeada maga mamau puti. 27Go eu m̃elu dua ki nasum̃atokoana ki Korah, Dathan go Abiram: go Dathan go Abiram ero dave umai po lawodu namata ni tap̃aup̃au adeada maga, nara ma nagoroi adeada maga, go natuda naanoai maga, go piakirikiri adeada maga. 28Go Moses e naga, Pae tea waia kuga wo atae naga Yehovah e dip̃aki lua au umai naga aga mari nawosiana mamau puti waia; nalakena a da mari a pae namidodoaana aginau mau. 29Naatam̃oli maga waia eu pe mate namateana waina naatam̃oli maga mamau puti eu do mate asa, kite eu pe vei tea varatiana dakiusi waina naatam̃oli maga mamau puti eu do pei tea varatiana asa; Yehovah e pe ta dip̃aki lua au umai mau. 30Ma Yehovah e pe mari naleo vau sikai, po mari natano e pe maga po dinomi puti ra, go sara naleo adeada maga, go eu pe siwo pulemauri paki Sheol pano; ku pe wo atae naga naatam̃oli maga waia eu midoaki p̃alo ki Yehovah. 31Go e pakilina, ragi waina e pasa sua ki navasaana maga wanogoe, naga natano waina eu lawodu asa, e pamawota: 32Go natano e maga, po dinomi puti ra, nara ma tea ni nasum̃a adeada maga, go naatam̃oli maga mamau puti waina eu pei agi Korah, go sara naleo adeada maga. 33Go nara ma tea mamau puti adeada, eu siwo pulemauri paki Sheol pano: go natano e p̃osaegoro ra, go eu pano puoli m̃elu dua ki nasaisaiana. 34Go Israel mamau puti waina eu doko dalivirigoro ra eu sava pano ragi waina eu dogo nakuapiosoana adeada: nalakena eu naga, Mase natano e pe moro dinomi gida. 35Go nakapu vavaga e pae Yehovah umai, po gani dinomi naatam̃oli p̃onotia dua rualima takuna lima waina eu pitua ki tea ni nap̃o wia.
36Go Yehovah e pasa paki Moses, po naga, 37P̃a noa ki Eleasar natu ni Aaron tea viri, naga ega tape dakati lasa maga ni tea ni nap̃o wia m̃elu dua ki natap̃arakiana, go p̃a taperavera ki nakapu wanogoe; nalakena e dapu; 38Lasa maga wanogoe ni tea ni nap̃o wia ki tea sigisigileo maga wanogoe waina eu mate dip̃a namarinaleosaana adeada, euga vei tea tuki‐p̃eleweleakiana naga euga vei tea welewelea manivenive maga naga euga tap̃augoro wede ni naviriana: nalakena eu pitua ki da narae ni Yehovah, nalakena tea wanogoe eu dapu: go euga wo magi Israel natuna maga pei navaivaiana sikai. 39Go Eleasar tea viri e dape lasa maga ni brass ni tea ni nap̃o wia, waina tea maga waina nakapu e gani ra eu pitua ki da; go eu duki p̃elewelea ki da naga euga vei tea tap̃augoro sikai ni wede ni naviriana: 40Naga ega magi Israel natuna maga pei namidoaki‐p̃arati‐kiana sikai naga tea ni nalauna p̃ota waina e da pei tea ni nawora ni Aaron mau, ega ta paki m̃aladigi naga ega tap̃ara ki tea ni nap̃o wia narae ni Yehovah mau; naga ega ta dakiusi Korah, go dakiusi taua aneana mau: dakiusi waina Yehovah e noa ki Eleasar ase pae nam̃elearu ni Moses.
41Ma matamai ki nia nasaisaiana mamau ni Israel natuna maga eu daururu dip̃a Moses, go dip̃a Aaron, doko do naga, Nimu koro mari punue narei ki Yehovah. 42Go e pakilina, ragi waina nasaisaiana eu saisai dip̃a Moses go dip̃a Aaron, naga eu leo paki tap̃aup̃au ni nasaisaiana: go p̃a leo, napopouru e kovagoro e, go nasamasamaana ni Yehovah e pakilina. 43Go Moses go Aaron ero paki kivea ki narae ni tap̃aup̃au ni nasaisaiana. 44Go Yehovah e pasa paki Moses, po naga, 45P̃a m̃elu dua ki nasaisaiana waia pano, naga aga mari puoli ki da m̃araverave. Go ero dowo dap̃olosiwo. 46Go Moses e noa ki Aaron, e naga, P̃a tape lasa ni tea ni nap̃o wia anigo, po doropusi nakapu vavaga asa m̃elu wede ni naviriana, po doro tea ni nap̃o wia ega toko asa, po dape a pano m̃araverave punusi nasaisaiana, po madeada mari natap̃augoroana: nalakena namaritausuana e dave m̃elu Yehovah; nasasanaana sa e po atulake. 47Go Aaron e mari dakiusi waina Moses e noa ki nia asa, po sava paki m̃aleoputo ni nasaisaiana; go p̃a leo, nasasanaana sa e po atulake sua usuraki narei: go e doropusi tea ni nap̃o wia doko lasa, po magi narei mari natap̃augoroana. 48Go e lawodu namawota ni tea mate go ni tea mauri; go nasasanaana sa e makoto. 49Go tea maga waina eu mate ki nasasanaana sa wanogoe eu pei naatam̃oli tivilia sikai manu pati p̃onotia larua, masale ki tea maga waina eu mate nalo ni Korah. 50Go Aaron e moro liliu punusi Moses doko namata ni tap̃aup̃au ni nasaisaiana: go nasasanaana sa e makoto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific