LEVITIKO 7
7
1Go tea waia e pei nawotaeana ni navituaana ni natapiriana: e pei tea tapu warua liu. 2Tokora waina eu mari punue navituaana tap̃arakiana asa, tokora wanogoe euga mari punue navituaana ni natapiriana asa: go ega meseura ki nadana wede ni naviriana daliviri. 3Go ega vitua ki nap̃eletiana mamau puti; napuena m̃anopunopu, go nap̃eletia waina e kovagoro namaritana maga, 4Go nap̃elekevatuna dua, go nap̃eletia waina e doko ara, waina e doko pisari nawarena maga, go nalaolao ni nadanikapuna, pilake nap̃elekevatuna dua, ega tape lua ra: 5Go tea viri ega tap̃ara ki da wede ni naviriana, ega vei navituaana pae nakapu paki Yehovah: e pei navituaana sikai ni natapiriana. 6Sara tea viri naanoai maga euga kani a: ega vei tea kaniana tokora tapu: e pei tea tapu warua liu. 7Navituaana ni namarinaleosaana e dapala navituaana ni natapiriana: ero peani nawotaeana sikai maau: tea viri waina e mari natap̃augoroana asa, ega veani a. 8Go tea viri waina e pitua ki navituaana tap̃arakiana ki naatam̃oli sikai, tea viri wanogoe ega veani nawili ni navituaana tap̃arakiana waina e po pitua ki nia. 9Go sara navituaana ni flaur waina eu pei tea taoniana upu, go tea mamau puti waina e pei tea veniana lasa sikai, go tea waina e pei tea taoniana ki vatu, euga vei agi tea viri waina e pitua ki nia. 10Go sara navituaana ni flaur, tea mari‐sarisari‐kiana pilake naroro, go tea garagara, euga vei agi Aaron natuna maga mamau puti, euga sikasikai peani totowo sikai maau.
11Go tea waia e pei nawotaeana ni naviriana ni navituaana ni natam̃ateana, waina ega vitua ki nia paki Yehovah. 12Waina e pe vitua ki nia e pe vei navituaana sikai ni navasadodom̃atakiana, ega vitua ki naviriana ni navituaana ni navasadodom̃atakiana ega vilake keke maga waina leven e dika ara, tea mari‐sarisarikiana pilake naroro, go keke manivenive maga waina leven e dika ara, tea vuvuraikiana ki naroro, go keke maga waina eu pei tea mari‐sarisarikiana pilake naroro, tea marim̃atakiana ki flaur wia. 13Ega vitua ki naviriana ni navinaga aneana ki keke maga ni bred waina leven e doko asa, pilake naviriana ni navituaana ni natam̃ateana aneana maga ni navasadodom̃atakiana. 14Go ega vitua ki sikasikai m̃elu naviriana ni navinaga maga mamau puti ega vei navituaana sikosikoviana paki Yehovah; ega vei agi tea viri waina e meseura ki nada ni navituaana maga ni natam̃ateana. 15Go nap̃okasi ni naviriana ni navituaana ni natam̃ateana aneana maga, ni navituaana ni navasadodom̃atakiana, ega vei tea kaniana naaleatia sikai maau wanogoe waina e pitua ki naviriana ni navinaga aneana asa; ega ta doropusi te seara kakana mau ega toko pa pa paki malip̃ogi. 16Ma waina naviriana ni navinaga aneana waina e piri asa, e pe vei navituaana ni nasaiana sikai, kite e pe vei navituaana suasuakiana sikai, ega vei tea kaniana naaleatia waina e pitua ki naviriana aneana asa: go matamai ki nia namagovai waina e doko ega vei tea kaniana: 17Ma namagovai ni nap̃okasi ni naviriana waina e doko pa pa paki naaleatia ketolu ega vei tea tap̃arakiana ki nakapu. 18Go waina te nap̃okasi seara ni naviriana ni navituaana ni natam̃ateana aneana maga e pe vei tea kaniana naaleatia ketolu, ega ta pei tea tapeana mau, go ega ta magi naata waina e pitua ki nia pei tea midoaki‐m̃ata‐kiana mau: ega vei tea mamaragokiana sikai, go naata waina e pe kani a, ega tapetape namarinaleotageleana aneana. 19Go nap̃okasi waina e kisidogo te navatuna waina e loa, ega ta pei tea kaniana mau; ega vei tea tap̃arakiana ki nakapu; go nap̃okasi ni naviriana, sara naata waina eu dautau euga kani a: 20Ma naata waina e pe kani nap̃okasi ni naviriana ni navituaana maga ni natam̃ateana waina e pei tea ki Yehovah, ragi waina naloaana aneana e doko asa, naata wanogoe ega vei tea taeluaana m̃elu dua ki narei aneana. 21Go waina te naata sikai e pe kisidogo te navatuna sikai waina e loa, e pe vei naloaana ni naatam̃oli, kite te nalo mauri sikai waina e loa, kite te naleo mamaragokiana sikai waina e loa, go e pe kani nap̃okasi ni naviriana ni navituaana maga ni natam̃ateana, waina e pei tea ki Yehovah, naata wanogoe ega vei tea taeluaana m̃elu dua ki narei aneana. 22Go Yehovah e pasa paki Moses, 23po naga, P̃a vasa paki Israel natuna maga, po naga, Kuga ta gani nap̃eletia mau, ni oks, kite ni shiip, kite ni naninani. 24Go nap̃eletia ni te navatuna waina e dum̃ana mate, go nap̃eletia ni tea waina e pei tea kati‐p̃oraeana ki nalo mauri, ega vei tea toropusiana paki te navatuna p̃ota: ma kuga ta gani a mau. 25Nalakena naata waina e pe kani nap̃eletia ni nalo tuavati waina naatam̃oli maga eu pitua ki nia e pei navituaana tap̃arakiana paki Yehovah, naata wanogoe waina e pe kani a ega vei tea taeluaana m̃elu dua ki narei aneana. 26Go kuga ta gani nada mau, ni manu, kite ni nalo tuavati, doko te natokoana animu maga. 27Naata waina e pe kani te nada, naata wanogoe ega vei tea taeluaana m̃elu dua ki narei aneana.
28Go Yehovah e pasa paki Moses, po naga, 29P̃a vasa paki Israel natuna maga, po naga, Naata waina e pitua ki naviriana ni navituaana maga ni natam̃ateana aneana paki Yehovah, ega viragi naviriana ni navinaga aneana umai paki Yehovah m̃elu naviriana ni navituaana maga ni natam̃ateana aneana: 30Aneana nam̃elearuna maga eroga tape navituaana maga pae nakapu umai paki Yehovah; ega viragi nap̃eletia pilake nagorogoro umai, naga nagorogoro ega vei tea salesaleakiana ega vei navituaana salesaleakiana sikai narae ni Yehovah. 31Go tea viri ega tap̃ara ki nap̃eletiana wede ni naviriana: ma nagorogoro ega vei agi Aaron go natuna maga, 32Go namaona ni matua kuga vitua ki nia paki tea viri, ega vei navituaana sikosikoviana m̃elu naviriana maga ni navituaana maga ni natam̃ateana animu. 33Aaron natuna maga, tea kakana waina e pitua ki nada ni navituaana maga ni natam̃ateana, go nap̃eletiana, nae ega veani namaona ni matua ega vei matele aneana. 34Nalakena nagorogoro salesaleakiana, go namaona sikosikoviana, a po dape lua ra ki Israel natuna maga, m̃elu naviriana maga ni navituaana maga ni natam̃ateana adeada, go a po pitua ki da paki Aaron tea viri, go paki natuna maga, ega vei natawonakiana sikai waina ega tu du po du mau du, waina Israel natuna maga euga to mari a.
35Tea waia e pei matele ki Aaron, go matele ki natuna maga, m̃elu navituaana maga pae nakapu paki Yehovah, naaleatia waina e pitua ki da naga euga magi Yehovah suasua nawosiana ki tea viri; 36Waina Yehovah e pitip̃aki asa naga Israel natuna maga euga tua ra asa, naaleatia waina e puvurai ki da. E pei natawonakiana sikai waina ega tu du po du mau du usuraki tagona adeada maga. 37Tea waia e pei nawotaeana ni navituaana tap̃arakiana ni navituaana ni flaur, go ni navituaana ni namarinaleosaana, go ni navituaana ni natapiriana, go ni navakavuroana, go ni naviriana ni navituaana maga ni natam̃ateana; 38Waina Yehovah e dip̃aki Moses asa tava Sinai, naaleatia waina e dip̃aki Israel natuna maga naga euga vitua ki naviriana ni navinaga adeada maga paki Yehovah, doko masop̃alo ni Sinai.
Currently Selected:
LEVITIKO 7: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 7
7
1Go tea waia e pei nawotaeana ni navituaana ni natapiriana: e pei tea tapu warua liu. 2Tokora waina eu mari punue navituaana tap̃arakiana asa, tokora wanogoe euga mari punue navituaana ni natapiriana asa: go ega meseura ki nadana wede ni naviriana daliviri. 3Go ega vitua ki nap̃eletiana mamau puti; napuena m̃anopunopu, go nap̃eletia waina e kovagoro namaritana maga, 4Go nap̃elekevatuna dua, go nap̃eletia waina e doko ara, waina e doko pisari nawarena maga, go nalaolao ni nadanikapuna, pilake nap̃elekevatuna dua, ega tape lua ra: 5Go tea viri ega tap̃ara ki da wede ni naviriana, ega vei navituaana pae nakapu paki Yehovah: e pei navituaana sikai ni natapiriana. 6Sara tea viri naanoai maga euga kani a: ega vei tea kaniana tokora tapu: e pei tea tapu warua liu. 7Navituaana ni namarinaleosaana e dapala navituaana ni natapiriana: ero peani nawotaeana sikai maau: tea viri waina e mari natap̃augoroana asa, ega veani a. 8Go tea viri waina e pitua ki navituaana tap̃arakiana ki naatam̃oli sikai, tea viri wanogoe ega veani nawili ni navituaana tap̃arakiana waina e po pitua ki nia. 9Go sara navituaana ni flaur waina eu pei tea taoniana upu, go tea mamau puti waina e pei tea veniana lasa sikai, go tea waina e pei tea taoniana ki vatu, euga vei agi tea viri waina e pitua ki nia. 10Go sara navituaana ni flaur, tea mari‐sarisari‐kiana pilake naroro, go tea garagara, euga vei agi Aaron natuna maga mamau puti, euga sikasikai peani totowo sikai maau.
11Go tea waia e pei nawotaeana ni naviriana ni navituaana ni natam̃ateana, waina ega vitua ki nia paki Yehovah. 12Waina e pe vitua ki nia e pe vei navituaana sikai ni navasadodom̃atakiana, ega vitua ki naviriana ni navituaana ni navasadodom̃atakiana ega vilake keke maga waina leven e dika ara, tea mari‐sarisarikiana pilake naroro, go keke manivenive maga waina leven e dika ara, tea vuvuraikiana ki naroro, go keke maga waina eu pei tea mari‐sarisarikiana pilake naroro, tea marim̃atakiana ki flaur wia. 13Ega vitua ki naviriana ni navinaga aneana ki keke maga ni bred waina leven e doko asa, pilake naviriana ni navituaana ni natam̃ateana aneana maga ni navasadodom̃atakiana. 14Go ega vitua ki sikasikai m̃elu naviriana ni navinaga maga mamau puti ega vei navituaana sikosikoviana paki Yehovah; ega vei agi tea viri waina e meseura ki nada ni navituaana maga ni natam̃ateana. 15Go nap̃okasi ni naviriana ni navituaana ni natam̃ateana aneana maga, ni navituaana ni navasadodom̃atakiana, ega vei tea kaniana naaleatia sikai maau wanogoe waina e pitua ki naviriana ni navinaga aneana asa; ega ta doropusi te seara kakana mau ega toko pa pa paki malip̃ogi. 16Ma waina naviriana ni navinaga aneana waina e piri asa, e pe vei navituaana ni nasaiana sikai, kite e pe vei navituaana suasuakiana sikai, ega vei tea kaniana naaleatia waina e pitua ki naviriana aneana asa: go matamai ki nia namagovai waina e doko ega vei tea kaniana: 17Ma namagovai ni nap̃okasi ni naviriana waina e doko pa pa paki naaleatia ketolu ega vei tea tap̃arakiana ki nakapu. 18Go waina te nap̃okasi seara ni naviriana ni navituaana ni natam̃ateana aneana maga e pe vei tea kaniana naaleatia ketolu, ega ta pei tea tapeana mau, go ega ta magi naata waina e pitua ki nia pei tea midoaki‐m̃ata‐kiana mau: ega vei tea mamaragokiana sikai, go naata waina e pe kani a, ega tapetape namarinaleotageleana aneana. 19Go nap̃okasi waina e kisidogo te navatuna waina e loa, ega ta pei tea kaniana mau; ega vei tea tap̃arakiana ki nakapu; go nap̃okasi ni naviriana, sara naata waina eu dautau euga kani a: 20Ma naata waina e pe kani nap̃okasi ni naviriana ni navituaana maga ni natam̃ateana waina e pei tea ki Yehovah, ragi waina naloaana aneana e doko asa, naata wanogoe ega vei tea taeluaana m̃elu dua ki narei aneana. 21Go waina te naata sikai e pe kisidogo te navatuna sikai waina e loa, e pe vei naloaana ni naatam̃oli, kite te nalo mauri sikai waina e loa, kite te naleo mamaragokiana sikai waina e loa, go e pe kani nap̃okasi ni naviriana ni navituaana maga ni natam̃ateana, waina e pei tea ki Yehovah, naata wanogoe ega vei tea taeluaana m̃elu dua ki narei aneana. 22Go Yehovah e pasa paki Moses, 23po naga, P̃a vasa paki Israel natuna maga, po naga, Kuga ta gani nap̃eletia mau, ni oks, kite ni shiip, kite ni naninani. 24Go nap̃eletia ni te navatuna waina e dum̃ana mate, go nap̃eletia ni tea waina e pei tea kati‐p̃oraeana ki nalo mauri, ega vei tea toropusiana paki te navatuna p̃ota: ma kuga ta gani a mau. 25Nalakena naata waina e pe kani nap̃eletia ni nalo tuavati waina naatam̃oli maga eu pitua ki nia e pei navituaana tap̃arakiana paki Yehovah, naata wanogoe waina e pe kani a ega vei tea taeluaana m̃elu dua ki narei aneana. 26Go kuga ta gani nada mau, ni manu, kite ni nalo tuavati, doko te natokoana animu maga. 27Naata waina e pe kani te nada, naata wanogoe ega vei tea taeluaana m̃elu dua ki narei aneana.
28Go Yehovah e pasa paki Moses, po naga, 29P̃a vasa paki Israel natuna maga, po naga, Naata waina e pitua ki naviriana ni navituaana maga ni natam̃ateana aneana paki Yehovah, ega viragi naviriana ni navinaga aneana umai paki Yehovah m̃elu naviriana ni navituaana maga ni natam̃ateana aneana: 30Aneana nam̃elearuna maga eroga tape navituaana maga pae nakapu umai paki Yehovah; ega viragi nap̃eletia pilake nagorogoro umai, naga nagorogoro ega vei tea salesaleakiana ega vei navituaana salesaleakiana sikai narae ni Yehovah. 31Go tea viri ega tap̃ara ki nap̃eletiana wede ni naviriana: ma nagorogoro ega vei agi Aaron go natuna maga, 32Go namaona ni matua kuga vitua ki nia paki tea viri, ega vei navituaana sikosikoviana m̃elu naviriana maga ni navituaana maga ni natam̃ateana animu. 33Aaron natuna maga, tea kakana waina e pitua ki nada ni navituaana maga ni natam̃ateana, go nap̃eletiana, nae ega veani namaona ni matua ega vei matele aneana. 34Nalakena nagorogoro salesaleakiana, go namaona sikosikoviana, a po dape lua ra ki Israel natuna maga, m̃elu naviriana maga ni navituaana maga ni natam̃ateana adeada, go a po pitua ki da paki Aaron tea viri, go paki natuna maga, ega vei natawonakiana sikai waina ega tu du po du mau du, waina Israel natuna maga euga to mari a.
35Tea waia e pei matele ki Aaron, go matele ki natuna maga, m̃elu navituaana maga pae nakapu paki Yehovah, naaleatia waina e pitua ki da naga euga magi Yehovah suasua nawosiana ki tea viri; 36Waina Yehovah e pitip̃aki asa naga Israel natuna maga euga tua ra asa, naaleatia waina e puvurai ki da. E pei natawonakiana sikai waina ega tu du po du mau du usuraki tagona adeada maga. 37Tea waia e pei nawotaeana ni navituaana tap̃arakiana ni navituaana ni flaur, go ni navituaana ni namarinaleosaana, go ni navituaana ni natapiriana, go ni navakavuroana, go ni naviriana ni navituaana maga ni natam̃ateana; 38Waina Yehovah e dip̃aki Moses asa tava Sinai, naaleatia waina e dip̃aki Israel natuna maga naga euga vitua ki naviriana ni navinaga adeada maga paki Yehovah, doko masop̃alo ni Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific