LEVITIKO 17
17
1Go Yehovah e pasa paki Moses, po naga, 2P̃a vasa paki Aaron, go paki natuna maga, go paki Israel natuna maga mamau puti, po noa ki da, p̃a naga; Naleo waia Yehovah e pitip̃aki asa, 3po naga, Te naata sikai ni nasum̃a ni Israel waina e pe mari punue oks sikai, kite shiip natuna, kite naninani, doko ekopu ni tokora ni nam̃enakiana, kite waina e pe mari punue a etaku ni tokora ni nam̃enakiana, 4Go e pe ta pea piragi a umai paki namata ni tap̃aup̃au ni nasaisaiana, naga ega vitua ki nia ega vei naviriana ni navinaga paki Yehovah narae ni nasum̃atokoana ki Yehovah: sogi ni nada e pe wo liko naata wanogoe; e po daki nada; go nae ega vei tea taeluaana m̃elu dua ki narei aneana: 5Tea wanogoe ega vei tea mariana naga Israel natuna maga euga viragi naviriana adeada waina eu do piri ara doko etaku ni natokoana, euga viragi ra umai punusi Yehovah, paki namata ni tap̃aup̃au ni nasaisaiana, punusi tea viri, po piri ara euga vei naviriana maga ni navituaana maga ni natam̃ateana paki Yehovah. 6Go tea viri ega meseura ki nada wede ni naviriana ki Yehovah doko namata ni tap̃aup̃au ni nasaisaiana, po dap̃ara ki nap̃eletia ega vei tea ni nap̃o wia paki Yehovah. 7Go euga ta moro piri naviriana adeada maga paki naninani anoai maga mau, waina eu maripele dausi ra. Tea waia ega vei natawonakiana sikai paki da pa pa ega tu mau du usuraki tagona adeada maga.
8Go p̃a noa ki da, p̃a naga, Te naata sikai ni nasum̃a ni Israel, kite ni nalauna p̃ota waina e do m̃enakiatatoko sikoti mu, e pe vitua ki navituaana tap̃arakiana, kite naviriana sikai, 9Go e pe ta pea piragi a umai paki namata ni tap̃aup̃au ni nasaisaiana, naga ega viri asa paki Yehovah; naata wanogoe ega vei tea taeluaana m̃elu dua ki narei aneana.
10Go te naata sikai ni nasum̃a ni Israel, kite ni nalauna p̃ota waina e m̃enaki‐atatoko sikoti ra, e pe kani te nada, naraegu e pe wo kasua dip̃a naata wanogoe waina e pe kani nada, go aga wo daelua e m̃elu dua ki narei aneana. 11Nalakena namauriana ni nap̃atoko e pei nada: go a po manimu pitua ki nia doko wede ni naviriana naga ega magi naatamu mari natap̃augoroana: nalakena e pei nada waina e do magi naatamu mari natap̃augoroana. 12Nalakena tea wanogoe a noa ki Israel natuna maga naga, Te naata sikai kakamu ega ta gani nada mau, go te nam̃enaki‐atatoko waina e doko m̃aleoputo kakamu ega ta gani nada mau.
13Go e pe vei te naata sikai ni Israel natuna maga, kite te nam̃enaki‐atatoko waina e m̃enaki doko m̃aleoputo kakada, waina e pe valako po dape te nalo tuavati, kite te manu, waina ega vei tea kaniana; ega taki lua nadana, po doni a ki natano. 14Nalakena nalo ni namauriana, nada e pataka sikai ma namauriana: nalakena tea wanogoe a noa ki Israel natuna maga naga, Kuga ta gani nada ni te nap̃okasi mau: nalakena nada e pei namauriana ni nap̃okasi: naata waina e pe kani a, naata wanogoe ega vei tea taeluaana. 15Go te naata waina e pe kani tea waina e dum̃ana mate, kite tea waina e pei tea katip̃oraeana ki nalo mila maga ni namalasi, e pe vei naatatoko sikai, kite nam̃enaki‐atatoko sikai, ma ega sarue sugoro aneana maga, go e po loa pa pa paki ragi melu mau: go ragi wanogoe ega wo dautau. 16Ma e pe ta sarue ra mau, po loloso, ragi wanogoe ega wo dapetape namarinaleotageleana aneana.
Currently Selected:
LEVITIKO 17: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 17
17
1Go Yehovah e pasa paki Moses, po naga, 2P̃a vasa paki Aaron, go paki natuna maga, go paki Israel natuna maga mamau puti, po noa ki da, p̃a naga; Naleo waia Yehovah e pitip̃aki asa, 3po naga, Te naata sikai ni nasum̃a ni Israel waina e pe mari punue oks sikai, kite shiip natuna, kite naninani, doko ekopu ni tokora ni nam̃enakiana, kite waina e pe mari punue a etaku ni tokora ni nam̃enakiana, 4Go e pe ta pea piragi a umai paki namata ni tap̃aup̃au ni nasaisaiana, naga ega vitua ki nia ega vei naviriana ni navinaga paki Yehovah narae ni nasum̃atokoana ki Yehovah: sogi ni nada e pe wo liko naata wanogoe; e po daki nada; go nae ega vei tea taeluaana m̃elu dua ki narei aneana: 5Tea wanogoe ega vei tea mariana naga Israel natuna maga euga viragi naviriana adeada waina eu do piri ara doko etaku ni natokoana, euga viragi ra umai punusi Yehovah, paki namata ni tap̃aup̃au ni nasaisaiana, punusi tea viri, po piri ara euga vei naviriana maga ni navituaana maga ni natam̃ateana paki Yehovah. 6Go tea viri ega meseura ki nada wede ni naviriana ki Yehovah doko namata ni tap̃aup̃au ni nasaisaiana, po dap̃ara ki nap̃eletia ega vei tea ni nap̃o wia paki Yehovah. 7Go euga ta moro piri naviriana adeada maga paki naninani anoai maga mau, waina eu maripele dausi ra. Tea waia ega vei natawonakiana sikai paki da pa pa ega tu mau du usuraki tagona adeada maga.
8Go p̃a noa ki da, p̃a naga, Te naata sikai ni nasum̃a ni Israel, kite ni nalauna p̃ota waina e do m̃enakiatatoko sikoti mu, e pe vitua ki navituaana tap̃arakiana, kite naviriana sikai, 9Go e pe ta pea piragi a umai paki namata ni tap̃aup̃au ni nasaisaiana, naga ega viri asa paki Yehovah; naata wanogoe ega vei tea taeluaana m̃elu dua ki narei aneana.
10Go te naata sikai ni nasum̃a ni Israel, kite ni nalauna p̃ota waina e m̃enaki‐atatoko sikoti ra, e pe kani te nada, naraegu e pe wo kasua dip̃a naata wanogoe waina e pe kani nada, go aga wo daelua e m̃elu dua ki narei aneana. 11Nalakena namauriana ni nap̃atoko e pei nada: go a po manimu pitua ki nia doko wede ni naviriana naga ega magi naatamu mari natap̃augoroana: nalakena e pei nada waina e do magi naatamu mari natap̃augoroana. 12Nalakena tea wanogoe a noa ki Israel natuna maga naga, Te naata sikai kakamu ega ta gani nada mau, go te nam̃enaki‐atatoko waina e doko m̃aleoputo kakamu ega ta gani nada mau.
13Go e pe vei te naata sikai ni Israel natuna maga, kite te nam̃enaki‐atatoko waina e m̃enaki doko m̃aleoputo kakada, waina e pe valako po dape te nalo tuavati, kite te manu, waina ega vei tea kaniana; ega taki lua nadana, po doni a ki natano. 14Nalakena nalo ni namauriana, nada e pataka sikai ma namauriana: nalakena tea wanogoe a noa ki Israel natuna maga naga, Kuga ta gani nada ni te nap̃okasi mau: nalakena nada e pei namauriana ni nap̃okasi: naata waina e pe kani a, naata wanogoe ega vei tea taeluaana. 15Go te naata waina e pe kani tea waina e dum̃ana mate, kite tea waina e pei tea katip̃oraeana ki nalo mila maga ni namalasi, e pe vei naatatoko sikai, kite nam̃enaki‐atatoko sikai, ma ega sarue sugoro aneana maga, go e po loa pa pa paki ragi melu mau: go ragi wanogoe ega wo dautau. 16Ma e pe ta sarue ra mau, po loloso, ragi wanogoe ega wo dapetape namarinaleotageleana aneana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific