LEVITIKO 13
13
1Go Yehovah e pasa paki Moses go paki Aaron, po naga, 2Waina naata sikai e pe veani te natopuana, kite te navakarago, kite wotu maranirani sikai e pe toko nawili ni nap̃atokona, go e po pei nasasanaana ni navei‐lepero‐ana doko nawili ni nap̃atokona, naata wanogoe ega vei tea viragiana umai punusi Aaron tea viri, kite punusi sikai ni tea viri natuna maga: 3Go tea viri ega wo leousiusi nasasanaana ni nawili ni nap̃atokona: go waina nalolu waina e doko wotu e pe vanop̃ota po dare, go naleo‐punusi‐ana ni wotu e pe vakipua liu nawili ni nap̃atokona, go e pei nasasanaana ni navei‐leperoana: go tea viri ega wo leousiusi a, po noasai naga e loa. 4Go waina wotu maranirani e pe tare doko nawili ni nap̃atokona, go naleopunusi‐ana kakana e pe ta pakipua liu nawilina, go nalolu kakana e pe ta dare panop̃ota mau, ragi wanogoe tea viri ega wo kokoro p̃onoti tea waina e peani nasasanaana wanogoe ega wo doko naaleatia larua: 5Go naaleatia kelarua tea viri ega wo moro leousiusi a: go p̃a leo, waina e pe vunusi naga wotu e pe ta moro panop̃ota mau, go namanuka e da moro sokapule nawilina mau, ragi wanogoe tea viri ega wo moro kokoro p̃onoti a doko naaleatia larua p̃ota: 6Go tea viri ega wo moro leousiusi a naaleatia kelarua: go p̃a leo, waina wotu e pe melumelu, po da moro sokapule nawilina mau, ragi wanogoe tea viri ega wo noasai naga e dautau: e pei navakarago sikai: go ega wo sarue sugoro aneana maga, go ega wo dautau. 7Ma waina e pe tum̃ana pisei ki nia paki tea viri raki namari‐dautau‐ki‐nia‐ana, go edaku ki nia navakarago wanogoe e pe moro sokapule nawilina, ragi wanogoe ega wo moro dum̃ana pisei ki nia paki tea viri: 8Go tea viri ega wo leousiusi a, go p̃a leo, waina navakarago e pe moro sokapule nawilina, ragi wanogoe tea viri ega wo noasai naga e loa: e pei nasasanaana ni navei‐lepero‐ana.
9Waina nasasanaana ni navei‐leperoana e pe toko te naatam̃oli sikai, ragi wanogoe ega vei tea viragiana umai punusi tea viri; 10Go tea viri ega wo leousiusi a, go p̃a leo, waina e pe vei topu tare doko nawilina, go nalolu kakana e po panop̃ota po dare, go e pe vei nap̃okasi mauri, 11E pei nasasanaana ni navei‐lepero‐ana tuai doko nawili ni nap̃atokona, go tea viri ega wo noasai naga e loa: ega wo da kokoro p̃onoti a mau; nalakena e loa. 12Go waina nasasanaana ni navei‐lepero‐ana e pe sokapule nawilina, po kovagoro e pae nam̃asua ni nap̃auna pa pa paki nam̃ele natuana, ki tokora mamau puti ni nawilina waina e dokolina ki tea viri; 13Ragi wanogoe tea viri ega wo leousiusi a: go p̃a leo, waina nasasanaana ni navei‐lepero‐ana e pe kovagoro nap̃atokona mamau, go tea viri ega wo noasai naata waina e peani nasasanaana naga e dautau: e panop̃ota po dare usuraki: e dautau. 14Ma waina nap̃okasi mauri e pe vakilina asa, nae e pe loa. 15Go tea viri ega wo leousiusi nap̃okasi mauri wanogoe po noasai naga e loa: nap̃okasi mauri wanogoe e loa: e pei nasasanaana ni navei‐lepero‐ana. 16Kite waina nap̃okasi mauri e pe moro panop̃ota po dare, go ega wo moro umai punusi tea viri, 17Go tea viri ega wo leousiusi a: go p̃a leo, waina nasasanaana e pe vanop̃ota po dare, ragi wanogoe tea viri ega wo noasai tea waina e peani nasasanaana, naga e dautau: nae e dautau.
18Go waina topu sikai e pe toko nawili ni nap̃atokona, go e pe apu, 19Go topu tare sikai e pe vakilina naliana, kite wotu maranirani miala go dare, ragi wanogoe ega vei tea viseikiana paki tea viri; 20Go tea viri ega wo leousiusi a, go p̃a leo, waina naleo‐punusi‐ana kakana e pe vakipua liu nawilina, go nalolu kakana e pe vanop̃ota po dare, ragi wanogoe tea viri ega wo noasai naga e loa: e pei nasasanaana ni navei‐lepero‐ana, e po pakilina m̃elu topu wanogoe. 21Ma waina tea viri e pe leousiusi a, go p̃a leo, nalolu tare e pe tika asa, go e pe ta pakipua liu nawilina mau, ma e po do m̃osi, ragi wanogoe tea viri ega wo kokoro p̃onoti a naaleatia larua: 22Go waina e pe sokapule nawilina, ragi wanogoe tea viri ega wo noasai naga e loa: e pei nasasanaana sa sikai. 23Ma waina wotu maranirani wanogoe e pe toko dorogo naliana doko, po da moro pavaga disu mau, e pei navakarago ni topu; go tea viri ega wo noasai naga e dautau.
24Kite waina te naata, nawili ni nap̃atokona e pe aso, go nap̃okasi mauri e pe aso e po pei wotu maranirani sikai, tea miala dare, kite dare; 25Ragi wanogoe tea viri ega wo leousiusi a: go p̃a leo, nalolu waina e doko wotu maranirani e pe vanop̃ota po dare, go naleopunusi‐ana kakana e pe vakipua liu nawilina, e pei nasasanaana ni naveilepero‐ana, e po pakilina wotu ni naasoana: go tea viri ega wo noasai naga e loa: e pei nasasanaana ni navei‐lepero‐ana. 26Ma waina tea viri e pe leousiusi a, go p̃a leo, nalolu tare e pe tika wotu maranirani wanogoe, go e pe ta pakipua liu nawilina mau, ma e po do m̃osi; ragi wanogoe tea viri ega wo kokoro p̃onoti a naaleatia larua: 27Go tea viri ega wo moro leousiusi a naaleatia kelarua: waina e pe sokapule nawilina, ragi wanogoe tea viri ega wo noasai naga e loa: e pei nasasanaana ni navei‐lepero‐ana. 28Go waina wotu maranirani wanogoe e pe toko dorogo doko, po da daperavera nawilina mau, ma e po do m̃osi; e pei topu ni naasoana, go tea viri ega wo noasai naga e dautau: nalakena e pei wotu ni naasoana.
29Go waina naata sikai, te naanoai kite te nagoroi, e pe veani nasasanaana sa sikai e pe toko nap̃auna, kite e pe toko nalolu ni nasina, 30Ragi wanogoe tea viri ega wo leousiusi nasasanaana sa wanogoe: go p̃a leo, waina naleo‐punusi‐ana kakana e pe vakipua liu nawilina, go nalolu m̃onom̃ono manivenive e pe toko asa, ragi wanogoe tea viri ega wo noasai naga e loa: e pei napukupukuraana, e pei nasasanaana ni navei‐lepero‐ana doko nap̃auna kite doko nalolu ni nasina. 31Go waina tea viri e pe leousiusi nasasanaana ni napukupukuraana go p̃a leo, naleo‐punusi‐ana kakana e pe ta pakipua liu nawilina, go nalolu loa e pe tika asa, ragi wanogoe tea viri ega wo kokoro p̃onoti tea waina e peani nasasanaana ni napukupukuraana naaleatia larua: 32Go naaleatia kelarua tea viri ega wo moro leousiusi nasasanaana sa wanogoe: go p̃a leo, waina nasasanaana ni napukupukuraana e pe ta moro disu peravera mau, go nalolu m̃onom̃ono e pe tika asa, go naleo‐punusi‐ana ni napukupukuraana e pe ta pakipua liu nawilina mau, 33Ragi wanogoe ega wo pei tea karoana, ma ega wo da karo napukupukuraana mau; go tea viri ega wo moro kokoro p̃onoti tea waina e peani napukupukuraana naaleatia euga moro larua p̃ota: 34Go naaleatia kelarua tea viri ega wo moro leousiusi napukupukuraana: go p̃a leo, waina napukupukuraana e pe ta moro disu peravera nawilina mau, go naleopunusi‐ana kakana e pe ta pakipua liu nawilina mau; ragi wanogoe tea viri ega wo noasai naga e dautau: go ega wo sarue sugoro aneana maga, go ega wo dautau. 35Ma waina napukupukuraana e pe sokapule nawilina edaku ki namari‐dautaukinia‐ana; 36Ragi wanogoe tea viri ega wo moro leousiusi a: go p̃a leo, waina napukupukuraana e pe moro sokapule nawilina, tea viri ega wo da moro masau laaga nalolu m̃onom̃ono mau; nae e loa. 37Ma waina e pe vunusi naga napukupukuraana e pe toko dorogo doko, go nalolu loa e pe vakilina asa; napukupukuraana e po apu, go nae e dautau: go tea viri ega wo noasai naga e dautau. 38Go waina naata sikai, te naanoai kite te nagoroi, e pe veani wotu maranirani maga nawili ni nap̃atokona, wotu maranirani tare; 39Ragi wanogoe tea viri ega wo leousiusi a: go p̃a leo, waina wotu maranirani maga ni nawili ni nap̃atokoda eu pe ta dare p̃ia; e pei nam̃asaru, e po pakilina nawilina; nae e dautau.
40Go waina nalolu ni naatam̃oli e pe mavutivuti m̃elu dua ki nap̃auna, go e pe m̃asua; nae ma e dautau. 41Go waina naloluna e pe mavutivuti m̃elu dua ki narae ni nap̃auna, e m̃asua ki rae; nae ma e dautau. 42Ma waina nasasanaana sa miala‐dare e pe toko p̃au m̃asua kite rae m̃asua; e pei nasasanaana ni navei‐lepero‐ana waina e do pakilina p̃au m̃asua kite rae m̃asua. 43Ragi wanogoe tea viri ega wo leousiusi a: go p̃a leo, waina topu ni nasasanaana wanogoe e pe miala‐dare doko p̃au m̃asua kite rae m̃asua, go naleo‐punusi‐ana kakana e pe takiusi nasasanaana ni naveilepero‐ana doko nawili ni nap̃atokona; 44Nae e pei lepero sikai, e loa: go tea viri ega wo noasai lomau naga e loa; nasasanaana sa aneana e doko nap̃auna. 45Go lepero wanogoe waina e sasana ki nasasanaana sa wanogoe, sugoro aneana maga euga vei tea vuap̃oraeana, go nalolu ni nap̃auna ega vei tea veresiana, go ega wo kovagoro nagolena ni elagi, po pioso po naga, A loa, a loa. 46Naaleatia maga mamau puti waina nasasanaana wanogoe e doko asa doko, ega wo loa; nae e loa: ega wo sikina doko; tokora tokoana aneana ega wo doko etaku ni tokora ni nam̃enakiana.
47Go sugoro ma waina nasasanaana ni navei‐lepero‐ana e doko asa, e pe vei sugoro ni wul, kite ni linen; 48E pe vei tasoki leana kite tasoki vausiana ni linen kite ni wul; kite nawili, kite te navatuna waina e pei tea mariana ki nawili; 49Waina wotu e pe visei ki namamalakesaana kite namimialaana e pe toko sugoro, kite e pe toko nawili, kite tasoki leana kite tasoki vausiana, kite te navatuna ni nawili; e pei nasasanaana ni navei‐lepero‐ana, go ega vei tea viseikiana paki tea viri: 50Go tea viri ega leousiusi nasasanaana wanogoe, po kokoro p̃onoti tea waina nasasanaana e doko asa naaleatia larua: 51Go ega moro leousiusi nasasanaana wanogoe nakup̃a kelarua: waina nasasanaana e pe risu peravera sugoro, kite tasoki leana kite tasoki vausiana, kite nawili, te nawosiana waina eu mari nawili asa; nasasanaana wanogoe e pei nasasanaana ni naveilepero‐ana waina e sa liu; e loa. 52Go ega tap̃ara ki sugoro, kite tasoki leana kite tasoki vausiana ni wul kite ni linen, kite te navatuna ni nawili waina nasasanaana e doko asa: nalakena e pei nasasanaana ni navei‐lepero‐ana waina e sa liu; ega vei tea tap̃arakiana ki nakapu. 53Go waina tea viri e pe leousiusi a, go p̃a leo, nasasanaana e pe ta disu peravera sugoro mau, kite tasoki leana kite tasoki vausiana, kite te naleo ni nawili; 54Ragi wanogoe tea viri ega vitip̃aki naga euga sarue naleo waina nasasanaana e doko asa, go ega kokoro p̃onoti a doko naaleatia euga moro larua p̃ota: 55Go tea viri ega moro leousiusi nasasanaana edaku ki tea waina e po pei tea sarueana: go p̃a leo, waina navunusiana ni wotu e pe ta panop̃ota mau, go nasasanaana e pe ta disu peravera mau, e pe loa; p̃a tap̃ara ki nia ki nakapu: e pei tea sa liu, e pe toko ekopu kite etaku. 56Go waina tea viri e pe leousiusi a, go p̃a leo, wotu e pe to m̃elu edaku ki nasarueana, ragi wanogoe ega p̃orae lua nalia ni wotu m̃elu dua ki sugoro, kite m̃elu dua ki nawili, kite m̃elu dua ki tasoki leana, kite m̃elu dua ki tasoki vausiana: 57Go waina e pe vunusi naga e ko doko sugoro doko, e pe toko tasoki leana, kite doko tasoki vausiana, kite doko te navatuna ni nawili, e pei nasasanaana sa sikai waina e do disu peravera: p̃a tap̃ara ki tea wanogoe waina e pei namanuka ki nakapu. 58Go sugoro, kite tasoki leana, kite tasoki vausiana, kite te navatuna ni nawili, sugoro wanogoe waina p̃a sarue asa, waina nasasanaana sa e pe m̃elu asa, go ega vei tea sarueana sala kerua, go ega wo dautau. 59Tea waia e pei nawotaeana nalo ni nasasanaana ni navei‐lepero‐ana waina e doko sugoro sikai, ni wul kite ni linen, kite doko tasoki leana, kite doko tasoki vausiana, kite doko te navatuna ni nawili, naga ega noap̃otae tea waina e dautau, kite ega noap̃otae tea waina e loa.
Currently Selected:
LEVITIKO 13: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 13
13
1Go Yehovah e pasa paki Moses go paki Aaron, po naga, 2Waina naata sikai e pe veani te natopuana, kite te navakarago, kite wotu maranirani sikai e pe toko nawili ni nap̃atokona, go e po pei nasasanaana ni navei‐lepero‐ana doko nawili ni nap̃atokona, naata wanogoe ega vei tea viragiana umai punusi Aaron tea viri, kite punusi sikai ni tea viri natuna maga: 3Go tea viri ega wo leousiusi nasasanaana ni nawili ni nap̃atokona: go waina nalolu waina e doko wotu e pe vanop̃ota po dare, go naleo‐punusi‐ana ni wotu e pe vakipua liu nawili ni nap̃atokona, go e pei nasasanaana ni navei‐leperoana: go tea viri ega wo leousiusi a, po noasai naga e loa. 4Go waina wotu maranirani e pe tare doko nawili ni nap̃atokona, go naleopunusi‐ana kakana e pe ta pakipua liu nawilina, go nalolu kakana e pe ta dare panop̃ota mau, ragi wanogoe tea viri ega wo kokoro p̃onoti tea waina e peani nasasanaana wanogoe ega wo doko naaleatia larua: 5Go naaleatia kelarua tea viri ega wo moro leousiusi a: go p̃a leo, waina e pe vunusi naga wotu e pe ta moro panop̃ota mau, go namanuka e da moro sokapule nawilina mau, ragi wanogoe tea viri ega wo moro kokoro p̃onoti a doko naaleatia larua p̃ota: 6Go tea viri ega wo moro leousiusi a naaleatia kelarua: go p̃a leo, waina wotu e pe melumelu, po da moro sokapule nawilina mau, ragi wanogoe tea viri ega wo noasai naga e dautau: e pei navakarago sikai: go ega wo sarue sugoro aneana maga, go ega wo dautau. 7Ma waina e pe tum̃ana pisei ki nia paki tea viri raki namari‐dautau‐ki‐nia‐ana, go edaku ki nia navakarago wanogoe e pe moro sokapule nawilina, ragi wanogoe ega wo moro dum̃ana pisei ki nia paki tea viri: 8Go tea viri ega wo leousiusi a, go p̃a leo, waina navakarago e pe moro sokapule nawilina, ragi wanogoe tea viri ega wo noasai naga e loa: e pei nasasanaana ni navei‐lepero‐ana.
9Waina nasasanaana ni navei‐leperoana e pe toko te naatam̃oli sikai, ragi wanogoe ega vei tea viragiana umai punusi tea viri; 10Go tea viri ega wo leousiusi a, go p̃a leo, waina e pe vei topu tare doko nawilina, go nalolu kakana e po panop̃ota po dare, go e pe vei nap̃okasi mauri, 11E pei nasasanaana ni navei‐lepero‐ana tuai doko nawili ni nap̃atokona, go tea viri ega wo noasai naga e loa: ega wo da kokoro p̃onoti a mau; nalakena e loa. 12Go waina nasasanaana ni navei‐lepero‐ana e pe sokapule nawilina, po kovagoro e pae nam̃asua ni nap̃auna pa pa paki nam̃ele natuana, ki tokora mamau puti ni nawilina waina e dokolina ki tea viri; 13Ragi wanogoe tea viri ega wo leousiusi a: go p̃a leo, waina nasasanaana ni navei‐lepero‐ana e pe kovagoro nap̃atokona mamau, go tea viri ega wo noasai naata waina e peani nasasanaana naga e dautau: e panop̃ota po dare usuraki: e dautau. 14Ma waina nap̃okasi mauri e pe vakilina asa, nae e pe loa. 15Go tea viri ega wo leousiusi nap̃okasi mauri wanogoe po noasai naga e loa: nap̃okasi mauri wanogoe e loa: e pei nasasanaana ni navei‐lepero‐ana. 16Kite waina nap̃okasi mauri e pe moro panop̃ota po dare, go ega wo moro umai punusi tea viri, 17Go tea viri ega wo leousiusi a: go p̃a leo, waina nasasanaana e pe vanop̃ota po dare, ragi wanogoe tea viri ega wo noasai tea waina e peani nasasanaana, naga e dautau: nae e dautau.
18Go waina topu sikai e pe toko nawili ni nap̃atokona, go e pe apu, 19Go topu tare sikai e pe vakilina naliana, kite wotu maranirani miala go dare, ragi wanogoe ega vei tea viseikiana paki tea viri; 20Go tea viri ega wo leousiusi a, go p̃a leo, waina naleo‐punusi‐ana kakana e pe vakipua liu nawilina, go nalolu kakana e pe vanop̃ota po dare, ragi wanogoe tea viri ega wo noasai naga e loa: e pei nasasanaana ni navei‐lepero‐ana, e po pakilina m̃elu topu wanogoe. 21Ma waina tea viri e pe leousiusi a, go p̃a leo, nalolu tare e pe tika asa, go e pe ta pakipua liu nawilina mau, ma e po do m̃osi, ragi wanogoe tea viri ega wo kokoro p̃onoti a naaleatia larua: 22Go waina e pe sokapule nawilina, ragi wanogoe tea viri ega wo noasai naga e loa: e pei nasasanaana sa sikai. 23Ma waina wotu maranirani wanogoe e pe toko dorogo naliana doko, po da moro pavaga disu mau, e pei navakarago ni topu; go tea viri ega wo noasai naga e dautau.
24Kite waina te naata, nawili ni nap̃atokona e pe aso, go nap̃okasi mauri e pe aso e po pei wotu maranirani sikai, tea miala dare, kite dare; 25Ragi wanogoe tea viri ega wo leousiusi a: go p̃a leo, nalolu waina e doko wotu maranirani e pe vanop̃ota po dare, go naleopunusi‐ana kakana e pe vakipua liu nawilina, e pei nasasanaana ni naveilepero‐ana, e po pakilina wotu ni naasoana: go tea viri ega wo noasai naga e loa: e pei nasasanaana ni navei‐lepero‐ana. 26Ma waina tea viri e pe leousiusi a, go p̃a leo, nalolu tare e pe tika wotu maranirani wanogoe, go e pe ta pakipua liu nawilina mau, ma e po do m̃osi; ragi wanogoe tea viri ega wo kokoro p̃onoti a naaleatia larua: 27Go tea viri ega wo moro leousiusi a naaleatia kelarua: waina e pe sokapule nawilina, ragi wanogoe tea viri ega wo noasai naga e loa: e pei nasasanaana ni navei‐lepero‐ana. 28Go waina wotu maranirani wanogoe e pe toko dorogo doko, po da daperavera nawilina mau, ma e po do m̃osi; e pei topu ni naasoana, go tea viri ega wo noasai naga e dautau: nalakena e pei wotu ni naasoana.
29Go waina naata sikai, te naanoai kite te nagoroi, e pe veani nasasanaana sa sikai e pe toko nap̃auna, kite e pe toko nalolu ni nasina, 30Ragi wanogoe tea viri ega wo leousiusi nasasanaana sa wanogoe: go p̃a leo, waina naleo‐punusi‐ana kakana e pe vakipua liu nawilina, go nalolu m̃onom̃ono manivenive e pe toko asa, ragi wanogoe tea viri ega wo noasai naga e loa: e pei napukupukuraana, e pei nasasanaana ni navei‐lepero‐ana doko nap̃auna kite doko nalolu ni nasina. 31Go waina tea viri e pe leousiusi nasasanaana ni napukupukuraana go p̃a leo, naleo‐punusi‐ana kakana e pe ta pakipua liu nawilina, go nalolu loa e pe tika asa, ragi wanogoe tea viri ega wo kokoro p̃onoti tea waina e peani nasasanaana ni napukupukuraana naaleatia larua: 32Go naaleatia kelarua tea viri ega wo moro leousiusi nasasanaana sa wanogoe: go p̃a leo, waina nasasanaana ni napukupukuraana e pe ta moro disu peravera mau, go nalolu m̃onom̃ono e pe tika asa, go naleo‐punusi‐ana ni napukupukuraana e pe ta pakipua liu nawilina mau, 33Ragi wanogoe ega wo pei tea karoana, ma ega wo da karo napukupukuraana mau; go tea viri ega wo moro kokoro p̃onoti tea waina e peani napukupukuraana naaleatia euga moro larua p̃ota: 34Go naaleatia kelarua tea viri ega wo moro leousiusi napukupukuraana: go p̃a leo, waina napukupukuraana e pe ta moro disu peravera nawilina mau, go naleopunusi‐ana kakana e pe ta pakipua liu nawilina mau; ragi wanogoe tea viri ega wo noasai naga e dautau: go ega wo sarue sugoro aneana maga, go ega wo dautau. 35Ma waina napukupukuraana e pe sokapule nawilina edaku ki namari‐dautaukinia‐ana; 36Ragi wanogoe tea viri ega wo moro leousiusi a: go p̃a leo, waina napukupukuraana e pe moro sokapule nawilina, tea viri ega wo da moro masau laaga nalolu m̃onom̃ono mau; nae e loa. 37Ma waina e pe vunusi naga napukupukuraana e pe toko dorogo doko, go nalolu loa e pe vakilina asa; napukupukuraana e po apu, go nae e dautau: go tea viri ega wo noasai naga e dautau. 38Go waina naata sikai, te naanoai kite te nagoroi, e pe veani wotu maranirani maga nawili ni nap̃atokona, wotu maranirani tare; 39Ragi wanogoe tea viri ega wo leousiusi a: go p̃a leo, waina wotu maranirani maga ni nawili ni nap̃atokoda eu pe ta dare p̃ia; e pei nam̃asaru, e po pakilina nawilina; nae e dautau.
40Go waina nalolu ni naatam̃oli e pe mavutivuti m̃elu dua ki nap̃auna, go e pe m̃asua; nae ma e dautau. 41Go waina naloluna e pe mavutivuti m̃elu dua ki narae ni nap̃auna, e m̃asua ki rae; nae ma e dautau. 42Ma waina nasasanaana sa miala‐dare e pe toko p̃au m̃asua kite rae m̃asua; e pei nasasanaana ni navei‐lepero‐ana waina e do pakilina p̃au m̃asua kite rae m̃asua. 43Ragi wanogoe tea viri ega wo leousiusi a: go p̃a leo, waina topu ni nasasanaana wanogoe e pe miala‐dare doko p̃au m̃asua kite rae m̃asua, go naleo‐punusi‐ana kakana e pe takiusi nasasanaana ni naveilepero‐ana doko nawili ni nap̃atokona; 44Nae e pei lepero sikai, e loa: go tea viri ega wo noasai lomau naga e loa; nasasanaana sa aneana e doko nap̃auna. 45Go lepero wanogoe waina e sasana ki nasasanaana sa wanogoe, sugoro aneana maga euga vei tea vuap̃oraeana, go nalolu ni nap̃auna ega vei tea veresiana, go ega wo kovagoro nagolena ni elagi, po pioso po naga, A loa, a loa. 46Naaleatia maga mamau puti waina nasasanaana wanogoe e doko asa doko, ega wo loa; nae e loa: ega wo sikina doko; tokora tokoana aneana ega wo doko etaku ni tokora ni nam̃enakiana.
47Go sugoro ma waina nasasanaana ni navei‐lepero‐ana e doko asa, e pe vei sugoro ni wul, kite ni linen; 48E pe vei tasoki leana kite tasoki vausiana ni linen kite ni wul; kite nawili, kite te navatuna waina e pei tea mariana ki nawili; 49Waina wotu e pe visei ki namamalakesaana kite namimialaana e pe toko sugoro, kite e pe toko nawili, kite tasoki leana kite tasoki vausiana, kite te navatuna ni nawili; e pei nasasanaana ni navei‐lepero‐ana, go ega vei tea viseikiana paki tea viri: 50Go tea viri ega leousiusi nasasanaana wanogoe, po kokoro p̃onoti tea waina nasasanaana e doko asa naaleatia larua: 51Go ega moro leousiusi nasasanaana wanogoe nakup̃a kelarua: waina nasasanaana e pe risu peravera sugoro, kite tasoki leana kite tasoki vausiana, kite nawili, te nawosiana waina eu mari nawili asa; nasasanaana wanogoe e pei nasasanaana ni naveilepero‐ana waina e sa liu; e loa. 52Go ega tap̃ara ki sugoro, kite tasoki leana kite tasoki vausiana ni wul kite ni linen, kite te navatuna ni nawili waina nasasanaana e doko asa: nalakena e pei nasasanaana ni navei‐lepero‐ana waina e sa liu; ega vei tea tap̃arakiana ki nakapu. 53Go waina tea viri e pe leousiusi a, go p̃a leo, nasasanaana e pe ta disu peravera sugoro mau, kite tasoki leana kite tasoki vausiana, kite te naleo ni nawili; 54Ragi wanogoe tea viri ega vitip̃aki naga euga sarue naleo waina nasasanaana e doko asa, go ega kokoro p̃onoti a doko naaleatia euga moro larua p̃ota: 55Go tea viri ega moro leousiusi nasasanaana edaku ki tea waina e po pei tea sarueana: go p̃a leo, waina navunusiana ni wotu e pe ta panop̃ota mau, go nasasanaana e pe ta disu peravera mau, e pe loa; p̃a tap̃ara ki nia ki nakapu: e pei tea sa liu, e pe toko ekopu kite etaku. 56Go waina tea viri e pe leousiusi a, go p̃a leo, wotu e pe to m̃elu edaku ki nasarueana, ragi wanogoe ega p̃orae lua nalia ni wotu m̃elu dua ki sugoro, kite m̃elu dua ki nawili, kite m̃elu dua ki tasoki leana, kite m̃elu dua ki tasoki vausiana: 57Go waina e pe vunusi naga e ko doko sugoro doko, e pe toko tasoki leana, kite doko tasoki vausiana, kite doko te navatuna ni nawili, e pei nasasanaana sa sikai waina e do disu peravera: p̃a tap̃ara ki tea wanogoe waina e pei namanuka ki nakapu. 58Go sugoro, kite tasoki leana, kite tasoki vausiana, kite te navatuna ni nawili, sugoro wanogoe waina p̃a sarue asa, waina nasasanaana sa e pe m̃elu asa, go ega vei tea sarueana sala kerua, go ega wo dautau. 59Tea waia e pei nawotaeana nalo ni nasasanaana ni navei‐lepero‐ana waina e doko sugoro sikai, ni wul kite ni linen, kite doko tasoki leana, kite doko tasoki vausiana, kite doko te navatuna ni nawili, naga ega noap̃otae tea waina e dautau, kite ega noap̃otae tea waina e loa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific