LEVITIKO 11
11
1Go Yehovah e pasa paki Moses go paki Aaron, po noa ki da, e naga, 2Koroga vasa paki Israel natuna maga, po naga, Tea maga waia eu pei nalo mauri maga waina kuga kani ra ni nalo mauri maga waina eu doko maramana. 3Tea waina nam̃eleda e sawara po pamawota, go waina eu do daruru po do sam̃adoa, tea maga wanogoe kuga kani ra. 4Ma tea maga waia waina eu do daruru po do sam̃adoa, go ni tea waina nam̃eleda e sawara po pamawota, kuga ta gani ra mau: kuga ta gani kamel, nalakena nae e do daruru po do sam̃adoa, ma nam̃elena e da pamawota mau, go nae e loa paki mu. 5Go koni nalakena e do daruru po do sam̃adoa ma nam̃elena e da pamawota mau, nae e loa paki mu. 6Go hea nalakena e do daruru po do sam̃adoa ma nam̃elena e da pamawota mau, nae e loa paki mu. 7Go wago nalakena nam̃elena e pamawota go e sawara, ma e da sam̃adoa mau, nae e loa paki mu. 8Kuga ta gani nap̃okasida mau go kuga ta kisidogo nap̃atoko mate kakada mau; nara eu loa paki mu.
9Tea maga waia kuga kani ra ni sara naleo waina eu doko noai maga: tea maga waina eu peani nasisida go namunada, doko noai maga, go doko natasi maga, go doko noaisara maga, tea maga wanogoe kuga kani ra. 10Go tea maga waina eu dika ki nasisida go ki namunada, doko natasi maga, go doko noaisara maga, go ni sara nalo mauri waina eu doko noai maga, nara eu pei tea mamaragokiana paki mu. 11Go euga vei tea mamaragokiana paki mu; kuga ta gani nap̃okasida mau, go nap̃atoko mate kakada maga kuga mamarago ki da. 12Tea maga waina eu doko noai maga waina eu dika ki nasisida go ki namunada, nara eu pei tea mamaragokiana paki mu.
13Go tea maga waia ni manu maga euga vei tea mamaragokiana paki mu; euga ta pei tea kaniana mau, eu pei tea mamaragokiana: eu pei ikila, go kia ikila, go ospre; 14Go kaite, go falkon visarasara; 15Go reven visarasara; 16Go ostris, go maala ni p̃ogi, go manu ni natasi, go maala visarasara; 17Go tipaga kiki, go kormorant, go tipaga warua; 18Go tipaga waina e peani nam̃au varau doko nap̃auna, go pelekan, go voltur; 19Go ova, go heron visarasara, go hupu, go m̃orupua.
20Go nalo kakaravi maga waina eu peani nalivaruda go waina eu surata ki natuada pati, nara eu pei tea mamaragokiana paki mu. 21Ma tea maga waia ku mariatae gani ra ni nalo kakaravi maga waina eu peani nalivaruda go waina eu surata ki natuada pati, waina eu peani natuada elagi ki nam̃eleda, waina eu do midimidi natano; 22Tea maga waia seara kakada kuga kani ra; midiri visarasara, go midiri m̃om̃oa visarasara, go pum̃a visarasara, go tuau visarasara. 23Ma nalo kakaravi maga waina eu peani nalivaruda, waina eu peani natuada pati, nara eu pei tea mamaragokiana paki mu.
24Go kuga wo loa pae tea maga waia: tea maga waina eu kisidogo nap̃atoko mate kakada, nara euga wo loa pa pa paki ragi melu mau: 25Go naata waina e pe tapetape nap̃atoko mate kakada, naata wanogoe ega wo sarue sugoro aneana, go ega wo loa pa pa paki ragi melu mau. 26Sara nalo tuavati waina nam̃eleda eu sawara, ma eu da pamawota mau, go waina eu da daruru po da do sam̃adoa mau, nara eu loa paki mu: te naata e pe kisidogo ra, e pe wo loa. 27Go tea maga waia ni nalo tuavati maga waina eu do surata ki nakinida, waina eu peani natuada pati, nara eu loa paki mu: te naata e pe kisidogo nap̃atoko mate kakada, e pe wo loa pa pa paki ragi melu mau. 28Go tea waina ega tapetape nap̃atoko mate kakada, ega wo sarue sugoro aneana, go ega wo loa pa pa paki ragi melu mau: nara eu loa paki mu.
29Go tea maga waia ni nalo kakaravi maga waina eu do kakaravi natano, eu pei tea maga waina eu loa paki mu; wisel, go kusue kiki, go sukai visarasara, 30Go makovu, go p̃olomata loa, go p̃ilikaroa, go makovu ni naworaone, go kamileon. 31Tea maga waia ni tea maga waina eu do kakaravi, eu loa paki mu: naata waina e pe kisidogo ra, waina eu mate, ega wo loa pa pa paki ragi melu mau. 32Go te sikai kakada e pe mate, po dowo paki te navatuna sikai, navatuna wanogoe ega wo loa; e pe vei lasa ni nakau, kite sugoro, kite nawili, kite sak, kite te lasa p̃ota sikai waina eu do mari te nawosiana asa, e one asa one naga ega vei tea toropusiana paki noai, go ega wo loa pa pa paki ragi melu mau; go edaku ki nia ega wo dautau. 33Go waina te sikai kakada e pe rowo paki lasa ni naruku sikai, tea waina e doko asa ega wo loa, go kuga mari p̃orae a. 34Go navinaga kaniana waina e pe toko asa, waina noai e do paki asa, ega wo loa: go noai munuana waina euga munugi a, waina e pe toko lasa wanogoe sikai, ega wo loa. 35Go sara naleo waina te matele ni nap̃atoko mate kakada e pe rowo paki asa, euga wo loa; e pe vei upu, kite e pe vei tokora ni naveniana, ma ega vei tea marip̃oraworaeana: nara eu loa, go euga wo loa paki mu. 36Namata noai sikai kite luku noai sikai waina e pura ki noai, ega wo dautau: ma tea waina e pe kisidogo nap̃atoko mate kakada, tea wanogoe ega wo loa. 37Go waina te matele ni nap̃atoko mate kakada e pe rowo paki napati lawoana maga waina euga vei tea sapurakiana, ma napati maga euga wo dautau. 38Ma waina eu pe taki noai napati maga wanogoe, go te matele ni nap̃atoko mate kakada e pe rowo asa, go ega wo loa paki mu.
39Go waina te nalo tuavati, tea kaniana, e pe mate; naata waina e pe kisidogo nap̃atoko mate kakana, naata wanogoe ega wo loa pa pa paki ragi melu mau. 40Go naata waina e pe kani matele ni nap̃atoko mate kakana, naata wanogoe ega wo sarue sugoro aneana maga, go ega wo loa pa pa paki ragi melu mau: go naata waina e pe tapetape nap̃atoko mate kakana, naata wanogoe nae ma ega wo sarue sugoro aneana maga, go ega wo loa pa pa paki ragi melu mau.
41Go sara nalo kakaravi waina eu do kakaravi natano, eu pei tea mamaragokiana; euga ta pei tea kaniana mau. 42Tea waina e do soka ki nap̃elena, go tea waina e do surata natuana pati, go tea waina e peani nakinina laapa, go sara nalo kakaravi waina eu do kakaravi natano, tea maga wanogoe kuga ta gani ra mau; nalakena eu pei tea mamaragokiana. 43Kuga ta dum̃amu mari mu kuga vei tea mamaragokiana ki te nalo kakaravi mau waina e do kakaravi, go kuga ta dum̃amu mari mu kuga loa pae ara mau, naga kuga loa. 44Nalakena kinau a pei Yehovah Sup̃e animu: nalakena tea wanogoe kuga tum̃amu mari dautau ki mu, naga kuga tapu; nalakena kinau a dapu: go kuga ta dum̃amu mari mu kuga loa ki te nalo kakaravi mau waina e do parivari natano. 45Nalakena kinau a pei Yehovah waina a piragi lua mu sake m̃elu dua ki Ityipt umai, naga aga vei Sup̃e animu: nalakena tea wanogoe kuga tapu, nalakena kinau a dapu.
46Tea waia e pei nawotaeana nalo ni nalo tuavati, go nalo ni manu, go nalo ni nalo mauri maga mamau puti waina eu peani namauriana, waina eu do parivari noai maga, go nalo ni nalo mauri maga mamau puti waina eu do kakaravi natano: 47Naga kuga atae p̃otae tea waina e loa go tea waina e dautau, po atae p̃otae nalo mauri waina ega vei tea kaniana go nalo mauri waina ega ta pei tea kaniana mau.
Currently Selected:
LEVITIKO 11: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 11
11
1Go Yehovah e pasa paki Moses go paki Aaron, po noa ki da, e naga, 2Koroga vasa paki Israel natuna maga, po naga, Tea maga waia eu pei nalo mauri maga waina kuga kani ra ni nalo mauri maga waina eu doko maramana. 3Tea waina nam̃eleda e sawara po pamawota, go waina eu do daruru po do sam̃adoa, tea maga wanogoe kuga kani ra. 4Ma tea maga waia waina eu do daruru po do sam̃adoa, go ni tea waina nam̃eleda e sawara po pamawota, kuga ta gani ra mau: kuga ta gani kamel, nalakena nae e do daruru po do sam̃adoa, ma nam̃elena e da pamawota mau, go nae e loa paki mu. 5Go koni nalakena e do daruru po do sam̃adoa ma nam̃elena e da pamawota mau, nae e loa paki mu. 6Go hea nalakena e do daruru po do sam̃adoa ma nam̃elena e da pamawota mau, nae e loa paki mu. 7Go wago nalakena nam̃elena e pamawota go e sawara, ma e da sam̃adoa mau, nae e loa paki mu. 8Kuga ta gani nap̃okasida mau go kuga ta kisidogo nap̃atoko mate kakada mau; nara eu loa paki mu.
9Tea maga waia kuga kani ra ni sara naleo waina eu doko noai maga: tea maga waina eu peani nasisida go namunada, doko noai maga, go doko natasi maga, go doko noaisara maga, tea maga wanogoe kuga kani ra. 10Go tea maga waina eu dika ki nasisida go ki namunada, doko natasi maga, go doko noaisara maga, go ni sara nalo mauri waina eu doko noai maga, nara eu pei tea mamaragokiana paki mu. 11Go euga vei tea mamaragokiana paki mu; kuga ta gani nap̃okasida mau, go nap̃atoko mate kakada maga kuga mamarago ki da. 12Tea maga waina eu doko noai maga waina eu dika ki nasisida go ki namunada, nara eu pei tea mamaragokiana paki mu.
13Go tea maga waia ni manu maga euga vei tea mamaragokiana paki mu; euga ta pei tea kaniana mau, eu pei tea mamaragokiana: eu pei ikila, go kia ikila, go ospre; 14Go kaite, go falkon visarasara; 15Go reven visarasara; 16Go ostris, go maala ni p̃ogi, go manu ni natasi, go maala visarasara; 17Go tipaga kiki, go kormorant, go tipaga warua; 18Go tipaga waina e peani nam̃au varau doko nap̃auna, go pelekan, go voltur; 19Go ova, go heron visarasara, go hupu, go m̃orupua.
20Go nalo kakaravi maga waina eu peani nalivaruda go waina eu surata ki natuada pati, nara eu pei tea mamaragokiana paki mu. 21Ma tea maga waia ku mariatae gani ra ni nalo kakaravi maga waina eu peani nalivaruda go waina eu surata ki natuada pati, waina eu peani natuada elagi ki nam̃eleda, waina eu do midimidi natano; 22Tea maga waia seara kakada kuga kani ra; midiri visarasara, go midiri m̃om̃oa visarasara, go pum̃a visarasara, go tuau visarasara. 23Ma nalo kakaravi maga waina eu peani nalivaruda, waina eu peani natuada pati, nara eu pei tea mamaragokiana paki mu.
24Go kuga wo loa pae tea maga waia: tea maga waina eu kisidogo nap̃atoko mate kakada, nara euga wo loa pa pa paki ragi melu mau: 25Go naata waina e pe tapetape nap̃atoko mate kakada, naata wanogoe ega wo sarue sugoro aneana, go ega wo loa pa pa paki ragi melu mau. 26Sara nalo tuavati waina nam̃eleda eu sawara, ma eu da pamawota mau, go waina eu da daruru po da do sam̃adoa mau, nara eu loa paki mu: te naata e pe kisidogo ra, e pe wo loa. 27Go tea maga waia ni nalo tuavati maga waina eu do surata ki nakinida, waina eu peani natuada pati, nara eu loa paki mu: te naata e pe kisidogo nap̃atoko mate kakada, e pe wo loa pa pa paki ragi melu mau. 28Go tea waina ega tapetape nap̃atoko mate kakada, ega wo sarue sugoro aneana, go ega wo loa pa pa paki ragi melu mau: nara eu loa paki mu.
29Go tea maga waia ni nalo kakaravi maga waina eu do kakaravi natano, eu pei tea maga waina eu loa paki mu; wisel, go kusue kiki, go sukai visarasara, 30Go makovu, go p̃olomata loa, go p̃ilikaroa, go makovu ni naworaone, go kamileon. 31Tea maga waia ni tea maga waina eu do kakaravi, eu loa paki mu: naata waina e pe kisidogo ra, waina eu mate, ega wo loa pa pa paki ragi melu mau. 32Go te sikai kakada e pe mate, po dowo paki te navatuna sikai, navatuna wanogoe ega wo loa; e pe vei lasa ni nakau, kite sugoro, kite nawili, kite sak, kite te lasa p̃ota sikai waina eu do mari te nawosiana asa, e one asa one naga ega vei tea toropusiana paki noai, go ega wo loa pa pa paki ragi melu mau; go edaku ki nia ega wo dautau. 33Go waina te sikai kakada e pe rowo paki lasa ni naruku sikai, tea waina e doko asa ega wo loa, go kuga mari p̃orae a. 34Go navinaga kaniana waina e pe toko asa, waina noai e do paki asa, ega wo loa: go noai munuana waina euga munugi a, waina e pe toko lasa wanogoe sikai, ega wo loa. 35Go sara naleo waina te matele ni nap̃atoko mate kakada e pe rowo paki asa, euga wo loa; e pe vei upu, kite e pe vei tokora ni naveniana, ma ega vei tea marip̃oraworaeana: nara eu loa, go euga wo loa paki mu. 36Namata noai sikai kite luku noai sikai waina e pura ki noai, ega wo dautau: ma tea waina e pe kisidogo nap̃atoko mate kakada, tea wanogoe ega wo loa. 37Go waina te matele ni nap̃atoko mate kakada e pe rowo paki napati lawoana maga waina euga vei tea sapurakiana, ma napati maga euga wo dautau. 38Ma waina eu pe taki noai napati maga wanogoe, go te matele ni nap̃atoko mate kakada e pe rowo asa, go ega wo loa paki mu.
39Go waina te nalo tuavati, tea kaniana, e pe mate; naata waina e pe kisidogo nap̃atoko mate kakana, naata wanogoe ega wo loa pa pa paki ragi melu mau. 40Go naata waina e pe kani matele ni nap̃atoko mate kakana, naata wanogoe ega wo sarue sugoro aneana maga, go ega wo loa pa pa paki ragi melu mau: go naata waina e pe tapetape nap̃atoko mate kakana, naata wanogoe nae ma ega wo sarue sugoro aneana maga, go ega wo loa pa pa paki ragi melu mau.
41Go sara nalo kakaravi waina eu do kakaravi natano, eu pei tea mamaragokiana; euga ta pei tea kaniana mau. 42Tea waina e do soka ki nap̃elena, go tea waina e do surata natuana pati, go tea waina e peani nakinina laapa, go sara nalo kakaravi waina eu do kakaravi natano, tea maga wanogoe kuga ta gani ra mau; nalakena eu pei tea mamaragokiana. 43Kuga ta dum̃amu mari mu kuga vei tea mamaragokiana ki te nalo kakaravi mau waina e do kakaravi, go kuga ta dum̃amu mari mu kuga loa pae ara mau, naga kuga loa. 44Nalakena kinau a pei Yehovah Sup̃e animu: nalakena tea wanogoe kuga tum̃amu mari dautau ki mu, naga kuga tapu; nalakena kinau a dapu: go kuga ta dum̃amu mari mu kuga loa ki te nalo kakaravi mau waina e do parivari natano. 45Nalakena kinau a pei Yehovah waina a piragi lua mu sake m̃elu dua ki Ityipt umai, naga aga vei Sup̃e animu: nalakena tea wanogoe kuga tapu, nalakena kinau a dapu.
46Tea waia e pei nawotaeana nalo ni nalo tuavati, go nalo ni manu, go nalo ni nalo mauri maga mamau puti waina eu peani namauriana, waina eu do parivari noai maga, go nalo ni nalo mauri maga mamau puti waina eu do kakaravi natano: 47Naga kuga atae p̃otae tea waina e loa go tea waina e dautau, po atae p̃otae nalo mauri waina ega vei tea kaniana go nalo mauri waina ega ta pei tea kaniana mau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific