KI YAKOBO 1
1
1Yakobo, tea suasua sikai ki Sup̃e go ki Nawota Yesu Kristo, paki naworawora rualima sikai tamate dua waina eu pei tea ni Tea taperaverakiana maga, kuga laelaea.
2Kuga midoaki nia naga e pei sara nalaelaeaana, taigu maga, ragi waina ku dowo paki namaridogoana visarasara maga; 3ku atae naga namaridogoana ni nasaralomauana animu e do p̃osiwosi ki nasokiana. 4Ma nasokiana ega veani nawosiana wia lua aneana, naga kuga wia lua po pei tea mamau, doko da pei tea tika nalo ni te navatuna mau.
5Ma te naata kakamu e pe tika ki namanumatuaana, ega tatagovi Sup̃e, waina e do dua tea maga mamau puti pae naveilomauana po da pasapinoa mau; go ega wo pei tea vituakiana paki nia. 6Ma ega tatago doko nasaralomauana, po da midoakisara mau: nalakena tea waina e midoakisara e dakiusi napeao ni natasi waina e pei tea sui duletuleakiana ki nalagi. 7Nalakena naatam̃oli wanogoe ega ta midoaki nia mau naga ega tape te navatuna m̃elu Yehovah; 8naatam̃oli p̃op̃o rua, e da pei laketoko te napua aneana mau.
9Ma taigida waina e pakitano ega vakavakae nalo ni navakilagiana aneana: 10go tea vei sogolapa ega vakavakae nalo ni navakitanoana aneana; nalakena ega wo pano puoli dapala napum̃a ni nam̃enau. 11Nalakena elo e sake pilake nalagi tap̃araki, po mari nam̃enau e kokolo; go napum̃ana e pevera, go naleom̃atakiana kakana e puoli: dapala nogoe naatam̃oli sogolapa ma ega wo kokolo doko nasurataana aneana maga.
12Ae namaropaana ki naatam̃oli waina e soki namaridogoana! Nalakena ragi waina e pei tea maridogoana sua, ega wo dape vauvau ni namauriana, waina Yehovah e sai a paki tea maga waina eu dodomi a. 13Te naata ega ta noa ragi waina e pei tea maridogoana, A pei tea maridogoana m̃elu Sup̃e; nalakena Sup̃e e da pei tea maridogoana ki tea sa maga mau, go nae e da maridogo te naata mau: 14ma sara naatam̃oli eu sikasikai pei tea maridogoana, ragi waina eu pei tea vuatiluaana pae namasauana sa adeada, po pei tea surueana. 15Go namasauana sa, ragi waina e diena sua, e piragi namarinaleosaana: go namarinaleosaana, ragi waina e matua sua, e piragi namateana. 16Kuga ta midoaki pele, taigu dodomiana maga. 17Sara navituaana wia go sara navituaana wia lua eu pae elagi umai, eu do m̃elu Tama ni nasulu maga siwo umai, waina navanop̃otaana, kite melu ni namaradoaana e da doko sikoti a mau. 18E piragi gida tu pakilina nalakena e masauna ki navasaana ni nalomauana, naga tuga vei tea takavea seara ni tea tawonakiana aneana maga.
19Ku atae tea wanogoe, taigu dodomiana aginau maga. Ma sara naatam̃oli euga vei tea mari m̃araverave naga euga rogo, tea maridaliali naga euga vasa, tea maridaliali naga euga maeto: 20nalakena namaetoana ki naatam̃oli e da mari namarinaleoleanaana ki Sup̃e mau. 21Nalakena tea wanogoe kuga toropusi sara naloaana go nasarasaraapeana ni nasigisigileoana, go kuga tape ega vilake namatemateana navasaana lawoana, waina e mari atae mautipauri naatamu. 22Ma kuga vei tea mari navasaana, go kuga ta pei tea rogo e sikai maau mau, doko dum̃amu soro mu. 23Nalakena te naata sikai e pe vei tea rogo navasaana, go e pe ta pei tea mari a mau, nae e dakiusi naatam̃oli sikai waina e do leo usiusi naraena ni nap̃atokona doko titiro sikai: 24nalakena e dum̃ana leo usiusi a, po pano, po m̃araverave malio ki nia naga e dapale sava. 25Ma tea waina e leo paki nawotaeana wialua, nawotaeana ni naveresiana, po doko mau doko dapala nogoe, po da pei tea rogo waina e malioki mau, ma e pei tea mari nawosiana, naatam̃oli wanogoe ega wo maropa doko namariana aneana. 26Te naata sikai e pe tum̃ana midoaki nia naga e pei tea lotu, ragi waina e da do likomaraki namenana mau, ma e do surue nap̃op̃ona, nalotuana ki naata wanogoe e pei tea p̃alo. 27Nalotuana tautau go waina e da pei tea mariana e loa mau narae ni Sup̃e anigida go Tamagida e pei tea waia, naga ega va punusi namalepu maga go nagoroi malepu maga doko nariesoki‐ra‐ana, go naga ega tum̃ana mauti a ega ta loa mau m̃elu dua ki maramana.
Currently Selected:
KI YAKOBO 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
KI YAKOBO 1
1
1Yakobo, tea suasua sikai ki Sup̃e go ki Nawota Yesu Kristo, paki naworawora rualima sikai tamate dua waina eu pei tea ni Tea taperaverakiana maga, kuga laelaea.
2Kuga midoaki nia naga e pei sara nalaelaeaana, taigu maga, ragi waina ku dowo paki namaridogoana visarasara maga; 3ku atae naga namaridogoana ni nasaralomauana animu e do p̃osiwosi ki nasokiana. 4Ma nasokiana ega veani nawosiana wia lua aneana, naga kuga wia lua po pei tea mamau, doko da pei tea tika nalo ni te navatuna mau.
5Ma te naata kakamu e pe tika ki namanumatuaana, ega tatagovi Sup̃e, waina e do dua tea maga mamau puti pae naveilomauana po da pasapinoa mau; go ega wo pei tea vituakiana paki nia. 6Ma ega tatago doko nasaralomauana, po da midoakisara mau: nalakena tea waina e midoakisara e dakiusi napeao ni natasi waina e pei tea sui duletuleakiana ki nalagi. 7Nalakena naatam̃oli wanogoe ega ta midoaki nia mau naga ega tape te navatuna m̃elu Yehovah; 8naatam̃oli p̃op̃o rua, e da pei laketoko te napua aneana mau.
9Ma taigida waina e pakitano ega vakavakae nalo ni navakilagiana aneana: 10go tea vei sogolapa ega vakavakae nalo ni navakitanoana aneana; nalakena ega wo pano puoli dapala napum̃a ni nam̃enau. 11Nalakena elo e sake pilake nalagi tap̃araki, po mari nam̃enau e kokolo; go napum̃ana e pevera, go naleom̃atakiana kakana e puoli: dapala nogoe naatam̃oli sogolapa ma ega wo kokolo doko nasurataana aneana maga.
12Ae namaropaana ki naatam̃oli waina e soki namaridogoana! Nalakena ragi waina e pei tea maridogoana sua, ega wo dape vauvau ni namauriana, waina Yehovah e sai a paki tea maga waina eu dodomi a. 13Te naata ega ta noa ragi waina e pei tea maridogoana, A pei tea maridogoana m̃elu Sup̃e; nalakena Sup̃e e da pei tea maridogoana ki tea sa maga mau, go nae e da maridogo te naata mau: 14ma sara naatam̃oli eu sikasikai pei tea maridogoana, ragi waina eu pei tea vuatiluaana pae namasauana sa adeada, po pei tea surueana. 15Go namasauana sa, ragi waina e diena sua, e piragi namarinaleosaana: go namarinaleosaana, ragi waina e matua sua, e piragi namateana. 16Kuga ta midoaki pele, taigu dodomiana maga. 17Sara navituaana wia go sara navituaana wia lua eu pae elagi umai, eu do m̃elu Tama ni nasulu maga siwo umai, waina navanop̃otaana, kite melu ni namaradoaana e da doko sikoti a mau. 18E piragi gida tu pakilina nalakena e masauna ki navasaana ni nalomauana, naga tuga vei tea takavea seara ni tea tawonakiana aneana maga.
19Ku atae tea wanogoe, taigu dodomiana aginau maga. Ma sara naatam̃oli euga vei tea mari m̃araverave naga euga rogo, tea maridaliali naga euga vasa, tea maridaliali naga euga maeto: 20nalakena namaetoana ki naatam̃oli e da mari namarinaleoleanaana ki Sup̃e mau. 21Nalakena tea wanogoe kuga toropusi sara naloaana go nasarasaraapeana ni nasigisigileoana, go kuga tape ega vilake namatemateana navasaana lawoana, waina e mari atae mautipauri naatamu. 22Ma kuga vei tea mari navasaana, go kuga ta pei tea rogo e sikai maau mau, doko dum̃amu soro mu. 23Nalakena te naata sikai e pe vei tea rogo navasaana, go e pe ta pei tea mari a mau, nae e dakiusi naatam̃oli sikai waina e do leo usiusi naraena ni nap̃atokona doko titiro sikai: 24nalakena e dum̃ana leo usiusi a, po pano, po m̃araverave malio ki nia naga e dapale sava. 25Ma tea waina e leo paki nawotaeana wialua, nawotaeana ni naveresiana, po doko mau doko dapala nogoe, po da pei tea rogo waina e malioki mau, ma e pei tea mari nawosiana, naatam̃oli wanogoe ega wo maropa doko namariana aneana. 26Te naata sikai e pe tum̃ana midoaki nia naga e pei tea lotu, ragi waina e da do likomaraki namenana mau, ma e do surue nap̃op̃ona, nalotuana ki naata wanogoe e pei tea p̃alo. 27Nalotuana tautau go waina e da pei tea mariana e loa mau narae ni Sup̃e anigida go Tamagida e pei tea waia, naga ega va punusi namalepu maga go nagoroi malepu maga doko nariesoki‐ra‐ana, go naga ega tum̃ana mauti a ega ta loa mau m̃elu dua ki maramana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific