HOSEA 4
4
1Kuga rogo navasaana ki Yehovah, nimu Israel natuna maga O; nalakena Yehovah e peani navululuana sikai dip̃a naatatoko maga ni navanua, nalakena naveilomauana e da doko navanua mau, kite nadodomiana, kite naatae‐Sup̃e‐ana. 2Te navatuna e dika, ma navivisaana sorosoro, namaripunuvunueana, go navanakoana, go namaripeleana; eu duap̃ora puti kokoi maga, go eu daki nada po moro daki nada. 3Nalakena tea wanogoe navanua ega wo susue, go sara naatam̃oli waina eu doko asa doko euga wo mavunuvunu, nara ma nalo mila maga ni namalasi, go manu maga ni namalopa; go naika maga ni natasi euga wo pei tea mari‐puoli‐kiana. 4Ma te naata sikai ega ta mari navululuana mau, kite pasa dip̃a tea p̃ota sikai mau: nalakena navululuana aginau e dip̃a ko, tea viri O. 5P̃a wo dapilagona aleati pitip̃atipã, go profeta nae ma ega wo dapilagona sikoti ko p̃ogi; go aga wo mari puoli ki p̃ilam̃a. 6Narei aginau eu pei tea mari‐puolikiana nalakena natikaana ni naataeana; nalakena nigo ku dip̃adoa naataeana, kinau ma aga wo dip̃adoa ko, naga p̃a wo da maginau pei tea viri mau: nalakena ku malio ki nawotaeana ki Sup̃e anigo, kinau ma aga wo malio ki natum̃a maga. 7Dapala waina eu pavakawora po laapa, dapala nogoe eu mari naleo sa po moro mari naleo sa dip̃a au: nalakena tea wanogoe aga wo mari nasamasamaana adeada ega vei namaliereana. 8Eu gani namarinaleosaana ki narei aginau e pei navinaga adeada, po lawo ki nap̃op̃oda paki namarinaleotageleana adeada. 9Go ega wo doko naga dakiusi narei, dakiusi tea viri: go aga wo parati ra nalakena napua adeada maga, po lagati dua ra pataka ni natomariana adeada maga. 10Go euga wo ganikani, ma euga wo da puka mau; euga wo maripele, ma euga wo da pavakawora mau; nalakena eu doropusi Yehovah, naga euga vavaigoro namaripeleana. 11Waine go waine vau eu dape lua namidoakiatae‐ana. 12Narei aginau eu pusuusu paki nalakelake ni nakau adeada, go tiko adeada e madeada peanoasai: nalakena naata ni namasausaraana e piragi sasap̃o ki da, go eu maripele pano m̃elu dua ki etano ki Sup̃e adeada. 13Eu mari naviriana maga nap̃au ni tava warua maga, po dap̃ara ki tea ni nap̃o wia tava sula maga, etano ni oak maga go poplar maga go terebinth maga, nalakena melu kakada e p̃ia: nalakena tea wanogoe natumu nagoroi maga eu mari namasausaraana, go nagoroi laki animu maga eu maripele. 14Aga wo da parati natumu nagoroi maga ragi waina eu mari namasausaraana, kite nagoroi laki animu maga ragi waina eu maripele; nalakena naanoai maga nara ma eu dum̃ada dawasi pano sikoti nagoroi masausara maga, po mari naviriana maga sikoti nagoroi maripele maga: go narei waina eu dika ki namidoaki‐atae‐ana euga wo pei tea tap̃olosiwokiana. 15Ku pe maripele, Israel O, ma Yudah ega ta dapilagona mau; go kuga ta umai paki Cilcal mau, kite sake paki Beth‐aven pano mau, go kuga ta pivisa mau, doko do naga, Yehovah e mauri. 16Nalakena Israel e mari p̃auluulu, dakiusi kau natuna goroi sikai: go Yehovah e mariatae pagani ra dakiusi shiip natuna sikai tokora welewelea sikai, kite? 17Efraim e puluti idolo maga; kuga toropusi a ega toko. 18Eu pei taua matamaloku maga, eu dum̃ada pitua ki da paki namaripeleana; eu surupioli ki nasamasamaana adeada raki namaliereana. 19Nalagi sikai ega wo kulutigoro ra po dape ra pano doko nalivaruna maga, go euga wo maliere nalakena wede ni naviriana adeada maga.
Currently Selected:
HOSEA 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
HOSEA 4
4
1Kuga rogo navasaana ki Yehovah, nimu Israel natuna maga O; nalakena Yehovah e peani navululuana sikai dip̃a naatatoko maga ni navanua, nalakena naveilomauana e da doko navanua mau, kite nadodomiana, kite naatae‐Sup̃e‐ana. 2Te navatuna e dika, ma navivisaana sorosoro, namaripunuvunueana, go navanakoana, go namaripeleana; eu duap̃ora puti kokoi maga, go eu daki nada po moro daki nada. 3Nalakena tea wanogoe navanua ega wo susue, go sara naatam̃oli waina eu doko asa doko euga wo mavunuvunu, nara ma nalo mila maga ni namalasi, go manu maga ni namalopa; go naika maga ni natasi euga wo pei tea mari‐puoli‐kiana. 4Ma te naata sikai ega ta mari navululuana mau, kite pasa dip̃a tea p̃ota sikai mau: nalakena navululuana aginau e dip̃a ko, tea viri O. 5P̃a wo dapilagona aleati pitip̃atipã, go profeta nae ma ega wo dapilagona sikoti ko p̃ogi; go aga wo mari puoli ki p̃ilam̃a. 6Narei aginau eu pei tea mari‐puolikiana nalakena natikaana ni naataeana; nalakena nigo ku dip̃adoa naataeana, kinau ma aga wo dip̃adoa ko, naga p̃a wo da maginau pei tea viri mau: nalakena ku malio ki nawotaeana ki Sup̃e anigo, kinau ma aga wo malio ki natum̃a maga. 7Dapala waina eu pavakawora po laapa, dapala nogoe eu mari naleo sa po moro mari naleo sa dip̃a au: nalakena tea wanogoe aga wo mari nasamasamaana adeada ega vei namaliereana. 8Eu gani namarinaleosaana ki narei aginau e pei navinaga adeada, po lawo ki nap̃op̃oda paki namarinaleotageleana adeada. 9Go ega wo doko naga dakiusi narei, dakiusi tea viri: go aga wo parati ra nalakena napua adeada maga, po lagati dua ra pataka ni natomariana adeada maga. 10Go euga wo ganikani, ma euga wo da puka mau; euga wo maripele, ma euga wo da pavakawora mau; nalakena eu doropusi Yehovah, naga euga vavaigoro namaripeleana. 11Waine go waine vau eu dape lua namidoakiatae‐ana. 12Narei aginau eu pusuusu paki nalakelake ni nakau adeada, go tiko adeada e madeada peanoasai: nalakena naata ni namasausaraana e piragi sasap̃o ki da, go eu maripele pano m̃elu dua ki etano ki Sup̃e adeada. 13Eu mari naviriana maga nap̃au ni tava warua maga, po dap̃ara ki tea ni nap̃o wia tava sula maga, etano ni oak maga go poplar maga go terebinth maga, nalakena melu kakada e p̃ia: nalakena tea wanogoe natumu nagoroi maga eu mari namasausaraana, go nagoroi laki animu maga eu maripele. 14Aga wo da parati natumu nagoroi maga ragi waina eu mari namasausaraana, kite nagoroi laki animu maga ragi waina eu maripele; nalakena naanoai maga nara ma eu dum̃ada dawasi pano sikoti nagoroi masausara maga, po mari naviriana maga sikoti nagoroi maripele maga: go narei waina eu dika ki namidoaki‐atae‐ana euga wo pei tea tap̃olosiwokiana. 15Ku pe maripele, Israel O, ma Yudah ega ta dapilagona mau; go kuga ta umai paki Cilcal mau, kite sake paki Beth‐aven pano mau, go kuga ta pivisa mau, doko do naga, Yehovah e mauri. 16Nalakena Israel e mari p̃auluulu, dakiusi kau natuna goroi sikai: go Yehovah e mariatae pagani ra dakiusi shiip natuna sikai tokora welewelea sikai, kite? 17Efraim e puluti idolo maga; kuga toropusi a ega toko. 18Eu pei taua matamaloku maga, eu dum̃ada pitua ki da paki namaripeleana; eu surupioli ki nasamasamaana adeada raki namaliereana. 19Nalagi sikai ega wo kulutigoro ra po dape ra pano doko nalivaruna maga, go euga wo maliere nalakena wede ni naviriana adeada maga.
Bible Society of the South Pacific