PAKI TEA NE CALATIA 4
4
1Ma a noa naga ragi varau waina tea veani pioli e pei piakiki, e da panop̃ota te navatuna ki naviti sikai mau, go e pei talakea ni tea maga mamau puti; 2ma e doko etano ki tea leo paratiki maga go tasiga leo paratiki maga pa pa paki naaleatia tatutakiana ki tamana. 3Dapala nogoe nigida ma, ragi waina tu pei piakiki maga, tu pei naviti maga etano ki tea vea maga ni maramana: 4ma ragi waina navakavuroana ni ragi e umai, Sup̃e e dip̃aki lua Natuna umai, e pakilina m̃elu nagoroi sikai, e pakilina etano ki nawotaeana, 5naga ega taulua tea maga waina eu doko etano ki nawotaeana, naga tuga tape navakasereana ni navei‐natuna‐ana. 6Go nalakena ku pei natuna maga, Sup̃e e dip̃aki lua Naata ni Natuna umai paki nap̃op̃ogida, e do pioso, Abba, Mama. 7Nalakena tea wanogoe ku da moro pei naviti sikai mau, ma ku pei natuna sikai; ma ku pe vei natuna sikai, ku moro pei tea veani pioli sikai pae Sup̃e.
8Ma ragi wanogoe, waina ku da atae Sup̃e asa mau, ku pei naviti maga ki tea maga waina eu da pei sup̃e maga pae navakilinaana mau: 9ma ragi waia waina ku atae Sup̃e asa, go parua ki nia, waina ku pei tea ataeana asa pae Sup̃e, ekasana ku moro liliu paki tea vea maga waina eu pei tea manainai go tea tika, waina ku masauna naga kuga moro pei naviti kakada? 10Ku do midoa ki paratiki naaleatia maga, go atelagi maga, go ragi maga, go natau maga. 11A mataku nalo kakamu, mase a pe wosiwosi‐mawosa m̃oli paki mu.
12A pavarani mu, tai maga, kuga vei tea tapala au, nalakena kinau ma a pei tea tapala mu. 13Ku da mari dagele paki nau te navatuna mau: ma ku atae naga nalakena namanainaiana sikai ni nap̃okasi a dogorogo ki narogorogoana wia paki mu ragi vea; 14go namaridogo‐muana doko nap̃okasigu ku da midoaki p̃alo ki nia mau, go ku da mamarago ki nia mau; ma ku piragi au dapala a pe vei agelo sikai ki Sup̃e, dapala a pe vei Kristo Yesu. 15Go namaropaana animu waina ku noa e wai? Nalakena a manimu noasokisoki, naga, e pe vei tea mariataeana, ku pe tape lua namatamu maga po dua au ara. 16Nalakena tea wanogoe a po pei tea kokona ki mu, nalakena a do noa ki mu nalomauana kite? 17Eu da mari suisui p̃ia paki mu mau; ma eu masauna naga euga kokoro mu pano naga kuga mari suisui paki da. 18Ma e p̃ia naga kuga vei tea marisuisuipakiana nalo ni tea wia sara ragi, go ega ta pei ragi waina a doko sikoti mu sikina mau. 19Piakirikiri aginau maga, waina a moro pitinu ki mu pa pa Kristo ega vei tea maridawonakiana doko mu, 20ma a mari atae masauna naga aga toko sikoti mu ragi waia, po noa nadaleogu ega vanop̃ota; nalakena a midoaki putuaki nalo kakamu.
21Kuga noa ki nau, nimu waina ku masauna naga kuga toko etano ki nawotaeana, ku da dogo nawotaeana kite? 22Nalakena e pei tea midiriana, naga Abraham e peani natuna dua, sikai e m̃elu nagoroi suasua, go sikai e m̃elu nagoroi waina e dum̃ana doko. 23Ma tea waina e m̃elu nagoroi suasua e pakilina pae nap̃okasi; ma tea waina e m̃elu nagoroi waina e dum̃ana doko e pakilina pae nasaiana. 24Naleo maga wanogoe tea p̃ota sikai e pei tea noaana ara: nalakena nagoroi dua wanogoe ero pei navasasokiana dua; sikai e m̃elu tava Sinai, e do pisola ki natuna maga paki naveinavitiana, nae e pei Hacar. 25Ma Hacar wanogoe e pei tava Sinai ni Arabia, go e lawodu pitata ma Yerusalem waina e doko ragi waia: nalakena e pei naviti nara ma natuna maga. 26Ma Yerusalem ni elagi e dum̃ana doko, go nae e pei p̃ilagida. 27Nalakena e pei tea midiriana, e naga,
P̃a laelaea, tea dim̃o waina ku da pisola mau;
P̃a mapua po pioso, waina ku da dogo navitinuana ni navisolaana mau:
Nalakena natuna maga ni tea masikina doko eu laapa liu tea ni tea veani anawota.
28Ma nigida, tai maga, dapala Isaak, tu pei natuna maga ni nasaiana. 29Ma dapala waina e doko ragi wanogoe tea waina e pakilina pae nap̃okasi e kopalele tea waina e pakilina pae Naatana, e moro dapala nogoe ragi waia. 30Ma navasaana midiriana e noa nasava? P̃a tip̃aki lua nagoroi suasua go natuna: nalakena natu ni nagoroi suasua ega ta peani pioli sikoti natu ni nagoroi waina e dum̃ana doko mau. 31Nalakena tea wanogoe, tai maga, tu da pei natu ni nagoroi suasua mau, ma tu pei natu ni nagoroi waina e dum̃ana doko.
Currently Selected:
PAKI TEA NE CALATIA 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
PAKI TEA NE CALATIA 4
4
1Ma a noa naga ragi varau waina tea veani pioli e pei piakiki, e da panop̃ota te navatuna ki naviti sikai mau, go e pei talakea ni tea maga mamau puti; 2ma e doko etano ki tea leo paratiki maga go tasiga leo paratiki maga pa pa paki naaleatia tatutakiana ki tamana. 3Dapala nogoe nigida ma, ragi waina tu pei piakiki maga, tu pei naviti maga etano ki tea vea maga ni maramana: 4ma ragi waina navakavuroana ni ragi e umai, Sup̃e e dip̃aki lua Natuna umai, e pakilina m̃elu nagoroi sikai, e pakilina etano ki nawotaeana, 5naga ega taulua tea maga waina eu doko etano ki nawotaeana, naga tuga tape navakasereana ni navei‐natuna‐ana. 6Go nalakena ku pei natuna maga, Sup̃e e dip̃aki lua Naata ni Natuna umai paki nap̃op̃ogida, e do pioso, Abba, Mama. 7Nalakena tea wanogoe ku da moro pei naviti sikai mau, ma ku pei natuna sikai; ma ku pe vei natuna sikai, ku moro pei tea veani pioli sikai pae Sup̃e.
8Ma ragi wanogoe, waina ku da atae Sup̃e asa mau, ku pei naviti maga ki tea maga waina eu da pei sup̃e maga pae navakilinaana mau: 9ma ragi waia waina ku atae Sup̃e asa, go parua ki nia, waina ku pei tea ataeana asa pae Sup̃e, ekasana ku moro liliu paki tea vea maga waina eu pei tea manainai go tea tika, waina ku masauna naga kuga moro pei naviti kakada? 10Ku do midoa ki paratiki naaleatia maga, go atelagi maga, go ragi maga, go natau maga. 11A mataku nalo kakamu, mase a pe wosiwosi‐mawosa m̃oli paki mu.
12A pavarani mu, tai maga, kuga vei tea tapala au, nalakena kinau ma a pei tea tapala mu. 13Ku da mari dagele paki nau te navatuna mau: ma ku atae naga nalakena namanainaiana sikai ni nap̃okasi a dogorogo ki narogorogoana wia paki mu ragi vea; 14go namaridogo‐muana doko nap̃okasigu ku da midoaki p̃alo ki nia mau, go ku da mamarago ki nia mau; ma ku piragi au dapala a pe vei agelo sikai ki Sup̃e, dapala a pe vei Kristo Yesu. 15Go namaropaana animu waina ku noa e wai? Nalakena a manimu noasokisoki, naga, e pe vei tea mariataeana, ku pe tape lua namatamu maga po dua au ara. 16Nalakena tea wanogoe a po pei tea kokona ki mu, nalakena a do noa ki mu nalomauana kite? 17Eu da mari suisui p̃ia paki mu mau; ma eu masauna naga euga kokoro mu pano naga kuga mari suisui paki da. 18Ma e p̃ia naga kuga vei tea marisuisuipakiana nalo ni tea wia sara ragi, go ega ta pei ragi waina a doko sikoti mu sikina mau. 19Piakirikiri aginau maga, waina a moro pitinu ki mu pa pa Kristo ega vei tea maridawonakiana doko mu, 20ma a mari atae masauna naga aga toko sikoti mu ragi waia, po noa nadaleogu ega vanop̃ota; nalakena a midoaki putuaki nalo kakamu.
21Kuga noa ki nau, nimu waina ku masauna naga kuga toko etano ki nawotaeana, ku da dogo nawotaeana kite? 22Nalakena e pei tea midiriana, naga Abraham e peani natuna dua, sikai e m̃elu nagoroi suasua, go sikai e m̃elu nagoroi waina e dum̃ana doko. 23Ma tea waina e m̃elu nagoroi suasua e pakilina pae nap̃okasi; ma tea waina e m̃elu nagoroi waina e dum̃ana doko e pakilina pae nasaiana. 24Naleo maga wanogoe tea p̃ota sikai e pei tea noaana ara: nalakena nagoroi dua wanogoe ero pei navasasokiana dua; sikai e m̃elu tava Sinai, e do pisola ki natuna maga paki naveinavitiana, nae e pei Hacar. 25Ma Hacar wanogoe e pei tava Sinai ni Arabia, go e lawodu pitata ma Yerusalem waina e doko ragi waia: nalakena e pei naviti nara ma natuna maga. 26Ma Yerusalem ni elagi e dum̃ana doko, go nae e pei p̃ilagida. 27Nalakena e pei tea midiriana, e naga,
P̃a laelaea, tea dim̃o waina ku da pisola mau;
P̃a mapua po pioso, waina ku da dogo navitinuana ni navisolaana mau:
Nalakena natuna maga ni tea masikina doko eu laapa liu tea ni tea veani anawota.
28Ma nigida, tai maga, dapala Isaak, tu pei natuna maga ni nasaiana. 29Ma dapala waina e doko ragi wanogoe tea waina e pakilina pae nap̃okasi e kopalele tea waina e pakilina pae Naatana, e moro dapala nogoe ragi waia. 30Ma navasaana midiriana e noa nasava? P̃a tip̃aki lua nagoroi suasua go natuna: nalakena natu ni nagoroi suasua ega ta peani pioli sikoti natu ni nagoroi waina e dum̃ana doko mau. 31Nalakena tea wanogoe, tai maga, tu da pei natu ni nagoroi suasua mau, ma tu pei natu ni nagoroi waina e dum̃ana doko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific