PAKI TEA NE CALATIA 1
1
1Paulo, apostolo sikai (e da m̃elu naatam̃oli maga mau, go e da pae naatam̃oli sikai mau, ma e pae Yesu Kristo, go Sup̃e Tamana, waina e sike a e duleana m̃elu dua ki tea mate maga), 2go taigida maga mamau puti waina eu sikoti au doko, au midiri paki ekalesia maga ni Calatia: 3Nasaup̃iaana ega vei animu go natam̃ateana m̃elu Sup̃e Tamana, go Nawota anigida Yesu Kristo, 4waina e dum̃ana pitua ki nia nalakena namarinaleosaana anigida maga, naga ega vua lua gida m̃elu dua ki maramana waina e doko ragi waia waina e sa, pae namasauana ki Sup̃e go Tamagida: 5waina nasamasamaana ega vei aneana pa pa ega tu mau du. Amen.
6A maga nalakena ku m̃araverave dapalana do m̃elu dua ki tea waina e soso mu doko nasaup̃iaana ki Kristo paki narogorogoana wia vanop̃ota sikai; 7waina e da pei narogorogoana wia p̃ota mau; ma te seara eu doko waina eu do durua ki mu, go waina eu masauna naga euga roa sa ki narogorogoana wia ki Kristo. 8Ma kinami, kite agelo sikai m̃elu nakoroatelagi, e pe rogorogo paki mu ki te narogorogoana wia sikai waina e panop̃ota ki tea waina eu dogorogo ki sua e paki mu, ega vei tea vasasakiana. 9Dapala waina au pea noa sua e, go ragi waia a moro noa e, Te naata sikai e pe rogorogo paki mu ki te narogorogoana wia sikai waina e panop̃ota ki tea waina ku dape sua e, ega vei tea vasasakiana. 10Nalakena ragi waia a do pasadie naatam̃oli maga, kite Sup̃e? Kite a do laaga naga aga vei tea midoakim̃atakiana ki naatam̃oli maga? A pe to pei tea midoakim̃atakiana ki naatam̃oli maga, a pe ta pei tea suasua ki Kristo mau.
11Nalakena a mari mu kuga atae, tai maga, nalo ni narogorogoana wia waina e pei tea rogorogokiana pae au, naga e da pae naatam̃oli maga mau. 12Nalakena kinau a da dape a ki naatam̃oli mau, go a da pei tea vasapiseikiana asa mau, ma e umai paki nau pae nanoapakasakiana ki Yesu Kristo. 13Nalakena ku dogo natomariana aginau sala vea doko nalotuana ki tea ni Yudea maga, naga a kopalele p̃arua liu ki ekalesia ki Sup̃e, po mari sa sa ki nia: 14go a disu pano doko nalotuana ki tea ni Yudea maga liu tea laapa ni natau aginau maga m̃aleoputo ni tea ni nalauna aginau maga, a magi navasaana vituakiana maga ki tea matua vea aginau maga suisui p̃aruwarua liu ra. 15Ma ragi waina Sup̃e, waina e marimasale ki nau, pae nap̃ele ni p̃ilagu pa pa, po soso au pae nasaup̃iaana aneana, e midoaki m̃ata ki nia, 16naga ega maripakasa ki Natuna nap̃alaugu, naga aga rogorogo ki nia m̃aleoputo ni tea ni nalauna p̃ota maga, a mari m̃araverave a da pusum̃aki paki nap̃okasi go nada mau: 17go a da sake paki Yerusalem pano mau punusi tea maga waina eu pea kinau pei apostolo maga: ma a paki Arabia pano; go a moro liliu paki Damaseko.
18Go edaku ki natau dolu a sake paki Yerusalem pano naga aga vunusi po atae Kefa, go a doko sikoti a doko naaleatia rualima sikai tamate lima. 19Ma a da punusi tea p̃ota sikai ni apostolo maga mau, ma a punusi Yakobo sikina Nawota taina. 20Ma nalo ni tea maga waina a midiri ra paki mu, kuga leo, narae ni Sup̃e, a da sorosoro mau. 21Edaku ki nia a umai paki tokora maga ni Siria go ni Kilikia. 22Go a ko da pei tea ataeana ki naraegu mau paki ekalesia maga ni Yudea waina eu doko Kristo: 23ma tea sikai maau eu do dogo e, naga Tea waina e do kopalele gida sala vea, ragi waia e do dogorogo ki nasaralomauana waina e mari sa sa ki nia sala vea; 24go eu samasamani Sup̃e nalo kakagu.
Currently Selected:
PAKI TEA NE CALATIA 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
PAKI TEA NE CALATIA 1
1
1Paulo, apostolo sikai (e da m̃elu naatam̃oli maga mau, go e da pae naatam̃oli sikai mau, ma e pae Yesu Kristo, go Sup̃e Tamana, waina e sike a e duleana m̃elu dua ki tea mate maga), 2go taigida maga mamau puti waina eu sikoti au doko, au midiri paki ekalesia maga ni Calatia: 3Nasaup̃iaana ega vei animu go natam̃ateana m̃elu Sup̃e Tamana, go Nawota anigida Yesu Kristo, 4waina e dum̃ana pitua ki nia nalakena namarinaleosaana anigida maga, naga ega vua lua gida m̃elu dua ki maramana waina e doko ragi waia waina e sa, pae namasauana ki Sup̃e go Tamagida: 5waina nasamasamaana ega vei aneana pa pa ega tu mau du. Amen.
6A maga nalakena ku m̃araverave dapalana do m̃elu dua ki tea waina e soso mu doko nasaup̃iaana ki Kristo paki narogorogoana wia vanop̃ota sikai; 7waina e da pei narogorogoana wia p̃ota mau; ma te seara eu doko waina eu do durua ki mu, go waina eu masauna naga euga roa sa ki narogorogoana wia ki Kristo. 8Ma kinami, kite agelo sikai m̃elu nakoroatelagi, e pe rogorogo paki mu ki te narogorogoana wia sikai waina e panop̃ota ki tea waina eu dogorogo ki sua e paki mu, ega vei tea vasasakiana. 9Dapala waina au pea noa sua e, go ragi waia a moro noa e, Te naata sikai e pe rogorogo paki mu ki te narogorogoana wia sikai waina e panop̃ota ki tea waina ku dape sua e, ega vei tea vasasakiana. 10Nalakena ragi waia a do pasadie naatam̃oli maga, kite Sup̃e? Kite a do laaga naga aga vei tea midoakim̃atakiana ki naatam̃oli maga? A pe to pei tea midoakim̃atakiana ki naatam̃oli maga, a pe ta pei tea suasua ki Kristo mau.
11Nalakena a mari mu kuga atae, tai maga, nalo ni narogorogoana wia waina e pei tea rogorogokiana pae au, naga e da pae naatam̃oli maga mau. 12Nalakena kinau a da dape a ki naatam̃oli mau, go a da pei tea vasapiseikiana asa mau, ma e umai paki nau pae nanoapakasakiana ki Yesu Kristo. 13Nalakena ku dogo natomariana aginau sala vea doko nalotuana ki tea ni Yudea maga, naga a kopalele p̃arua liu ki ekalesia ki Sup̃e, po mari sa sa ki nia: 14go a disu pano doko nalotuana ki tea ni Yudea maga liu tea laapa ni natau aginau maga m̃aleoputo ni tea ni nalauna aginau maga, a magi navasaana vituakiana maga ki tea matua vea aginau maga suisui p̃aruwarua liu ra. 15Ma ragi waina Sup̃e, waina e marimasale ki nau, pae nap̃ele ni p̃ilagu pa pa, po soso au pae nasaup̃iaana aneana, e midoaki m̃ata ki nia, 16naga ega maripakasa ki Natuna nap̃alaugu, naga aga rogorogo ki nia m̃aleoputo ni tea ni nalauna p̃ota maga, a mari m̃araverave a da pusum̃aki paki nap̃okasi go nada mau: 17go a da sake paki Yerusalem pano mau punusi tea maga waina eu pea kinau pei apostolo maga: ma a paki Arabia pano; go a moro liliu paki Damaseko.
18Go edaku ki natau dolu a sake paki Yerusalem pano naga aga vunusi po atae Kefa, go a doko sikoti a doko naaleatia rualima sikai tamate lima. 19Ma a da punusi tea p̃ota sikai ni apostolo maga mau, ma a punusi Yakobo sikina Nawota taina. 20Ma nalo ni tea maga waina a midiri ra paki mu, kuga leo, narae ni Sup̃e, a da sorosoro mau. 21Edaku ki nia a umai paki tokora maga ni Siria go ni Kilikia. 22Go a ko da pei tea ataeana ki naraegu mau paki ekalesia maga ni Yudea waina eu doko Kristo: 23ma tea sikai maau eu do dogo e, naga Tea waina e do kopalele gida sala vea, ragi waia e do dogorogo ki nasaralomauana waina e mari sa sa ki nia sala vea; 24go eu samasamani Sup̃e nalo kakagu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific