EKSODAS 40
40
1Go Yehovah e pasa paki Moses, po naga, 2Naaleatia vea ni atelagi vea p̃a sike nasum̃atokoana ni tap̃aup̃au ni nasaisaiana asa. 3Go p̃a lawo ki areka ni nanoasokisokiana ega toko asa, go p̃a kovagoro areka ki tea taugoro‐p̃otae. 4Go p̃a tape wede paki ekopu, po doropusi‐ovara ki naleo kakana maga; go p̃a tape nakau ni nasulu paki ekopu, po sawa ki dokoni nasulu kakana maga. 5Go p̃a toropusi wede ni naviriana ni kold agi tea ni nap̃o wia narae ni areka ni nanoasokisokiana, po sara ki tea tausiliki ni namata paki nasum̃atokoana. 6Go p̃a toropusi wede ni naviriana tap̃arakiana narae ni namata ni nasum̃atokoana ni tap̃aup̃au ni nasaisaiana. 7Go p̃a toropusi tea vavano namawota ni tap̃aup̃au ni nasaisaiana go ni wede ni naviriana, go p̃a toropusi noai asa. 8Go p̃a lawo ki roara daliviri, po sara ki tea tausiliki ni namata‐pua ni roara. 9Go p̃a tape naroro ni navuvuraiana, po puvurai ki nasum̃atokoana, go naleo mamau puti waina eu doko asa, po dapugoro e, go naleo kakana mamau puti, go ega wo dapu. 10Go p̃a vuvurai ki wede ni naviriana tap̃arakiana, go naloriki kakana mamau puti, po dapugoro wede ni naviriana: go wede ni naviriana ega wo dapu p̃arua liu. 11Go p̃a vuvurai ki tea vavano go laketano kakana, po dapugoro e. 12Go p̃a viragi Aaron go natuna maga paki m̃aladigi ki namata ni tap̃aup̃au ni nasaisaiana, go p̃a sarue ra ki noai. 13Go p̃a sugoro Aaron ki sugoro tapu maga; go p̃a vuvurai ki nia, po dapugoro e, naga ega maginau suasua nawosiana ki tea viri. 14Go p̃a viragi natuna maga paki m̃aladigi, po sugoro ra ki sugoro tokop̃ai nawilida maga: 15Go p̃a vuvurai ki da, dapala waina ku puvurai ki tamada, naga euga maginau suasua nawosiana ki tea viri: go navuvurai‐ki‐da‐ana ega madeada pei navei‐tea‐viri‐ana pa pa ega tu du po du mau du usuraki tagona adeada maga. 16Moses e mari dapala nogoe: dapala tea mamau puti waina Yehovah e dip̃aki nia asa, e mari dapala nogoe.
17Go e pakilina atelagi vea ni natau kerua, naaleatia vea ni atelagi, naga nasum̃atokoana e pei tea sikeana asa. 18Go Moses e sike nasum̃atokoana, po doropusi laketano kakana maga, po lawo ki napapa kakana maga, po sai ki tea walagoto kakana maga, po sike tea lawodu kakana maga. 19Go e p̃elesa ki tap̃aup̃au dap̃augoro nasum̃atokoana, po doropusi tea tap̃au‐kovagoro e doko elagi asa; dapala waina Yehovah e dip̃aki Moses asa. 20Go e dape nanoasokisokiana po doropusi a nawoka ni areka, po sai ki tea vavau dua ero doko areka, po doropusi tea tap̃augoro elagi ni areka: 21Go e dape areka paki ekopu ni nasum̃atokoana, po sara ki tea taugoro‐p̃otae ni tea tausiliki, po kovagoro areka ni nanoasokisokiana; dapala waina Yehovah e dip̃aki Moses asa. 22Go e doropusi wede ekopu ni tap̃aup̃au ni nasaisaiana, taleva ni nasum̃atokoana waina e paki north, etaku ni tea taugoro‐p̃otae. 23Go e doropusi‐ovara ki bred asa narae ni Yehovah; dapala waina Yehovah e dip̃aki Moses asa. 24Go e lawo ki nakau ni nasulu ekopu ni tap̃aup̃au ni nasaisaiana, kivea ki wede, taleva ni nasum̃atokoana waina e paki sauth. 25Go e sawa ki dokoni nasulu maga narae ni Yehovah; dapala waina Yehovah e dip̃aki Moses asa. 26Go e doropusi wede ni naviriana ni kold ekopu ni tap̃aup̃au ni nasaisaiana narae ni tea taugoro‐p̃otae: 27Go e dap̃ara ki tea ni nap̃o wia ni nasei lolo maga asa; dapala waina Yehovah e dip̃aki Moses asa. 28Go e sara ki tea tausiliki ni namata paki nasum̃atokoana. 29Go e lawo ki wede ni naviriana tap̃arakiana pisari namata ni nasum̃atokoana ni tap̃aup̃au ni nasaisaiana, po pitua ki naviriana tap̃arakiana asa go navituaana ni navinaga asa; dapala waina Yehovah e dip̃aki Moses asa. 30Go e lawo ki tea vavano namawota ni tap̃aup̃au ni nasaisaiana go ni wede ni naviriana, po doropusi noai asa, naga euga vavavano asa. 31Go Moses go Aaron go natuna maga eu pavano ki nam̃elearuda go ki natuada asa; 32Ragi waina eu paki ekopu ni tap̃aup̃au ni nasaisaiana, go ragi waina eu paki m̃aladigi ki wede ni naviriana, eu pavano: dapala waina Yehovah e dip̃aki Moses asa. 33Go e sike roara dalivirigoro nasum̃atokoana go wede ni naviriana, po sara ki tea tausiliki ni namata‐pua ni roara. Go Moses e mari sua nawosiana.
34Go napopouru e kovagoro tap̃aup̃au ni nasaisaiana, go nasamasamaana ni Yehovah e pakavuro nasum̃atokoana. 35Go Moses e mari sa paki ekopu ni tap̃aup̃au ni nasaisaiana, nalakena napopouru e doko asa doko, go nasamasamaana ni Yehovah e pakavuro nasum̃atokoana. 36Go ragi waina napopouru e pei tea tapeana sake m̃elu dua ki elagi ni nasum̃atokoana, Israel natuna maga eu surata pano, pae nasurataana adeada mamau puti: 37Ma napopouru e pe ta pei tea tapeana sake mau, eu pe ta surata mau pa pa paki naaleatia waina e pei tea tapeana sake asa. 38Nalakena napopouru ki Yehovah e doko elagi ni nasum̃atokoana aleati, go nakapu e doko asa p̃ogi, namata ni nasum̃a mamau ni Israel, pae nasurataana adeada mamau puti.
Currently Selected:
EKSODAS 40: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
EKSODAS 40
40
1Go Yehovah e pasa paki Moses, po naga, 2Naaleatia vea ni atelagi vea p̃a sike nasum̃atokoana ni tap̃aup̃au ni nasaisaiana asa. 3Go p̃a lawo ki areka ni nanoasokisokiana ega toko asa, go p̃a kovagoro areka ki tea taugoro‐p̃otae. 4Go p̃a tape wede paki ekopu, po doropusi‐ovara ki naleo kakana maga; go p̃a tape nakau ni nasulu paki ekopu, po sawa ki dokoni nasulu kakana maga. 5Go p̃a toropusi wede ni naviriana ni kold agi tea ni nap̃o wia narae ni areka ni nanoasokisokiana, po sara ki tea tausiliki ni namata paki nasum̃atokoana. 6Go p̃a toropusi wede ni naviriana tap̃arakiana narae ni namata ni nasum̃atokoana ni tap̃aup̃au ni nasaisaiana. 7Go p̃a toropusi tea vavano namawota ni tap̃aup̃au ni nasaisaiana go ni wede ni naviriana, go p̃a toropusi noai asa. 8Go p̃a lawo ki roara daliviri, po sara ki tea tausiliki ni namata‐pua ni roara. 9Go p̃a tape naroro ni navuvuraiana, po puvurai ki nasum̃atokoana, go naleo mamau puti waina eu doko asa, po dapugoro e, go naleo kakana mamau puti, go ega wo dapu. 10Go p̃a vuvurai ki wede ni naviriana tap̃arakiana, go naloriki kakana mamau puti, po dapugoro wede ni naviriana: go wede ni naviriana ega wo dapu p̃arua liu. 11Go p̃a vuvurai ki tea vavano go laketano kakana, po dapugoro e. 12Go p̃a viragi Aaron go natuna maga paki m̃aladigi ki namata ni tap̃aup̃au ni nasaisaiana, go p̃a sarue ra ki noai. 13Go p̃a sugoro Aaron ki sugoro tapu maga; go p̃a vuvurai ki nia, po dapugoro e, naga ega maginau suasua nawosiana ki tea viri. 14Go p̃a viragi natuna maga paki m̃aladigi, po sugoro ra ki sugoro tokop̃ai nawilida maga: 15Go p̃a vuvurai ki da, dapala waina ku puvurai ki tamada, naga euga maginau suasua nawosiana ki tea viri: go navuvurai‐ki‐da‐ana ega madeada pei navei‐tea‐viri‐ana pa pa ega tu du po du mau du usuraki tagona adeada maga. 16Moses e mari dapala nogoe: dapala tea mamau puti waina Yehovah e dip̃aki nia asa, e mari dapala nogoe.
17Go e pakilina atelagi vea ni natau kerua, naaleatia vea ni atelagi, naga nasum̃atokoana e pei tea sikeana asa. 18Go Moses e sike nasum̃atokoana, po doropusi laketano kakana maga, po lawo ki napapa kakana maga, po sai ki tea walagoto kakana maga, po sike tea lawodu kakana maga. 19Go e p̃elesa ki tap̃aup̃au dap̃augoro nasum̃atokoana, po doropusi tea tap̃au‐kovagoro e doko elagi asa; dapala waina Yehovah e dip̃aki Moses asa. 20Go e dape nanoasokisokiana po doropusi a nawoka ni areka, po sai ki tea vavau dua ero doko areka, po doropusi tea tap̃augoro elagi ni areka: 21Go e dape areka paki ekopu ni nasum̃atokoana, po sara ki tea taugoro‐p̃otae ni tea tausiliki, po kovagoro areka ni nanoasokisokiana; dapala waina Yehovah e dip̃aki Moses asa. 22Go e doropusi wede ekopu ni tap̃aup̃au ni nasaisaiana, taleva ni nasum̃atokoana waina e paki north, etaku ni tea taugoro‐p̃otae. 23Go e doropusi‐ovara ki bred asa narae ni Yehovah; dapala waina Yehovah e dip̃aki Moses asa. 24Go e lawo ki nakau ni nasulu ekopu ni tap̃aup̃au ni nasaisaiana, kivea ki wede, taleva ni nasum̃atokoana waina e paki sauth. 25Go e sawa ki dokoni nasulu maga narae ni Yehovah; dapala waina Yehovah e dip̃aki Moses asa. 26Go e doropusi wede ni naviriana ni kold ekopu ni tap̃aup̃au ni nasaisaiana narae ni tea taugoro‐p̃otae: 27Go e dap̃ara ki tea ni nap̃o wia ni nasei lolo maga asa; dapala waina Yehovah e dip̃aki Moses asa. 28Go e sara ki tea tausiliki ni namata paki nasum̃atokoana. 29Go e lawo ki wede ni naviriana tap̃arakiana pisari namata ni nasum̃atokoana ni tap̃aup̃au ni nasaisaiana, po pitua ki naviriana tap̃arakiana asa go navituaana ni navinaga asa; dapala waina Yehovah e dip̃aki Moses asa. 30Go e lawo ki tea vavano namawota ni tap̃aup̃au ni nasaisaiana go ni wede ni naviriana, po doropusi noai asa, naga euga vavavano asa. 31Go Moses go Aaron go natuna maga eu pavano ki nam̃elearuda go ki natuada asa; 32Ragi waina eu paki ekopu ni tap̃aup̃au ni nasaisaiana, go ragi waina eu paki m̃aladigi ki wede ni naviriana, eu pavano: dapala waina Yehovah e dip̃aki Moses asa. 33Go e sike roara dalivirigoro nasum̃atokoana go wede ni naviriana, po sara ki tea tausiliki ni namata‐pua ni roara. Go Moses e mari sua nawosiana.
34Go napopouru e kovagoro tap̃aup̃au ni nasaisaiana, go nasamasamaana ni Yehovah e pakavuro nasum̃atokoana. 35Go Moses e mari sa paki ekopu ni tap̃aup̃au ni nasaisaiana, nalakena napopouru e doko asa doko, go nasamasamaana ni Yehovah e pakavuro nasum̃atokoana. 36Go ragi waina napopouru e pei tea tapeana sake m̃elu dua ki elagi ni nasum̃atokoana, Israel natuna maga eu surata pano, pae nasurataana adeada mamau puti: 37Ma napopouru e pe ta pei tea tapeana sake mau, eu pe ta surata mau pa pa paki naaleatia waina e pei tea tapeana sake asa. 38Nalakena napopouru ki Yehovah e doko elagi ni nasum̃atokoana aleati, go nakapu e doko asa p̃ogi, namata ni nasum̃a mamau ni Israel, pae nasurataana adeada mamau puti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific