EKSODAS 32
32
1Go ragi waina narei eu punusi naga Moses e mari daliali siwo pae tava umai, narei eu saisai pa punusi Aaron, po noa ki nia, eu naga, P̃a tuleana, p̃a maginami mari sup̃e maga waina euga vea ki gami pano; nalakena Moses waia, naatam̃oli waina e piragi lua gami m̃elu dua ki navanua ni Ityipt sake umai, au da atae tea waina e mari a mau. 2Go Aaron e noa ki da, e naga, Kuga kakaro lua vakadaliga maga ni kold, waina eu doko nadaliga maga ni amugoroi maga, go ni natumu naanoai maga, go ni natumu nagoroi maga, go kuga tape ra umai paki nau. 3Go narei mamau eu kakaro lua vakadaliga maga ni kold waina eu doko nadaligada, po dape ra umai paki Aaron. 4Go e dape a ki nam̃elearuda, po mari dawona ki nia ki p̃eseu sikai, po mari a e pei kau natuna anoai takiana sikai: go eu naga, Tea waia e pei sup̃e anigo, Israel O, waina e piragi lua ko m̃elu dua ki navanua ni Ityipt sake umai. 5Go ragi waina Aaron e punusi tea wanogoe, e davagi wede ni naviriana sikai naraena; go Aaron e pioso dogorogo, po naga, Nasaisaiana sikai agi Yehovah matamai. 6Go eu duleana malip̃ogi sa matamai ki nia, po pitua ki naviriana tap̃arakiana maga po piragi naviriana maga ni natam̃ateana umai paki m̃aladigi; go narei eu do natano naga euga kanikani po munu, go eu duleana naga euga p̃arowaro.
7Go Yehovah e pasa paki Moses, e naga, P̃a vano, p̃a siwo pano, nalakena narei anigo, waina ku piragi lua ra m̃elu dua ki navanua ni Ityipt sake umai, eu p̃o dum̃ada mari sa ki da: 8Eu po dawasi m̃araverave m̃elu dua ki napua waina a dip̃aki da asa: eu po dum̃ada madeada mari kau natuna anoai takiana sikai, po suai natano paki nia, po mari naviriana paki nia, po naga, Tea waia e pei sup̃e anigo Israel O, waina e piragi lua ko m̃elu dua ki navanua ni Ityipt sake umai. 9Go Yehovah e noa ki Moses, e naga, A po punusi narei waia, go p̃a leo, eu pei narei ni noa kasua: 10Go ragi waia p̃a toro au, naga namaetoana aginau ega vavaga dip̃a ra, go naga aga mari ra euga mavunuvunu: go aga wo mari ko p̃a wo pei nalauna warua sikai. 11Go Moses e pavara ni Yehovah Sup̃e aneana, po naga, Yehovah, ekasana namaetoana anigo e pavaga dip̃a narei anigo, waina ku piragi lua ra m̃elu dua ki navanua ni Ityipt umai ki nakasuaana warua go ki nam̃elearu kasua sikai? 12Ekasana naka ni Ityipt euga noa, po naga, E piragi lua ra paki nasaana, naga ega mari punue ra tava maga, go naga ega mari ra euga mavunuvunu m̃elu dua ki narae ni maramana? P̃a maradoa m̃elu dua ki navivitinuana ni namaetoana anigo, po midoaki piri nasaana waia dip̃a narei anigo. 13P̃a midoaki Abraham, Isaak, go Israel, tea suasua anigo maga, waina ku pivisa pae ako paki da, po noa ki da, naga, Aga wo mari naworaworamu euga wo laapa dapala m̃asoe maga ni nakoroatelagi, go navanua mamau waia waina a noa e aga wo dua naworaworamu asa, go euga wo peanipioli ki nia pa pa ega tu du po du mau du. 14Go Yehovah e midoaki piri nasaana waina e noa naga ega mari a paki narei aneana.
15Go Moses e dum̃ana doa e po siwo pae tava pano, go tea welewelea dua ni nanoasokisokiana ero doko nam̃elearuna; tea welewelea waina ero pei tea midiriana taleva dua kakada; ero pei tea midiriana taleva sikai go taleva kerua. 16Go tea welewelea wanogoe ero pei nawosiana ki Sup̃e, go namidiriana wanogoe e pei namidiriana ki Sup̃e, tea tae‐midiriana doko tea welewelea dua wanogoe. 17Go Yoshua e dogo nadaleo ni narei doko namarip̃araiana adeada, go e noa ki Moses, e naga, Nadaleo ni navakalo e doko tokora ni nam̃enakiana. 18Go e naga, E da pei nadaleo ni tea maga waina eu pioso nalakena eu marimatua mau, go e da pei nadaleo ni tea maga waina eu pioso nalakena eu pei tea marimatuakiana mau; ma e pei nadaleo ni tea maga waina eu lega waina kinau a dogo e. 19Go e pakilina, ragi waina e umai paki m̃aladigi ki tokora ni nam̃enakiana, naga e punusi kau natuna anoai wanogoe go nasaleana: go namaetoana ki Moses e pavaga, go e nadi ki tea welewelea dua ero m̃elu dua ki nam̃elearuna dua, po mari p̃oraworae ra etano ni tava. 20Go e dape kau natuna anoai waina eu mari a, po dap̃ara ki nia ki nakapu, po mari p̃oroworosi a pa pa e pei nam̃otam̃ota, po sapura ki nia paki noai, po mari Israel natuna maga eu munugi a. 21Go Moses e noa ki Aaron, e naga, Narei waia eu mari nasava paki‐go, e pei nalakena ku piragi namarinaleosaana warua sikai umai paki da? 22Go Aaron e naga, Namaetoana ki nawota aginau ega ta pavaga mau: nigo ku atae narei naga eu doko nasaana. 23Go eu noa ki nau, eu naga, P̃a maginami mari sup̃e maga waina euga vea ki gami pano: nalakena Moses waia, naatam̃oli waina e piragi lua gami m̃elu dua ki navanua ni Ityipt sake umai, au da atae tea waina e mari a mau. 24Go a noa ki da, a naga, Naata maga waina eu peani kold seara euga kakaro lua e; go eu dua au asa: go a nadi ki nia paki nakapu, go kau natuna anoai waia e dave umai. 25Go Moses e punusi naga narei eu pakaro; nalakena Aaron e kakaro ra naga euga vei tea midoakidaoana m̃aleoputo ni tea kokona ki da maga. 26Go Moses e lawodu namata‐pua ni tokora ni nam̃enakiana, po naga, Naata waina e pei agi Yehovah, ega umai punusi au. Go Levi natuna naanoai maga mamau puti eu saisai umai punusi a. 27Go e noa ki da, e naga, Yehovah, Sup̃e ki Israel, e noa dapala waia, e naga, Kuga mamau puti doropusi lova animu ega tau namaomu, go kuga surata papiliu pae namata‐pua paki namata‐pua usuraki tokora ni nam̃enakiana, go kuga mari punue ra, naata ega mari taina, go naata ega mari tana ri, go naata ega mari tea ni m̃aladigi ki nia. 28Go Levi natuna naanoai maga eu mari dapala navasaana ki Moses: go naaleatia wanogoe narei eu alagoro pei manu dolu kakada eu dowo. 29Go Moses e naga, Kuga magi Yehovah dapetape ega vura masoso; nam̃elearu ni naata go ni naata ega vura ki natuna go ki taina, naga ega tua mu navasam̃atakiana sikai masoso. 30Go e pakilina matamai ki nia, naga Moses e noa ki narei, e naga, Nimu ku po mari namarinaleosaana warua sikai; go ragi waia aga sake pa punusi Yehovah; mase a pe wo mari natap̃augoroana dip̃a namarinaleosaana animu. 31Go Moses e liliu pa punusi Yehovah, po naga, Ai, narei waia eu po mari namarinaleosaana warua sikai, po dum̃ada madeada mari sup̃e ni kold sikai. 32Go ragi waia ku pe tape lua namarinaleosaana adeada; go ku pe ta dape lua e mau, p̃a kasi lua au, a pavara ni ko asa, m̃elu dua ki tusi anigo waina ku midiri a. 33Go Yehovah e noa ki Moses, e naga, Naata waina e mari naleo sa paki nau, aga wo kasi lua naata wanogoe m̃elu dua ki tusi aginau. 34Go ragi waia p̃a vano, p̃a maraki narei paki tokora waina a pasa ki sua ko asa: p̃a leo, agelo aginau ega wo pea ki‐go pano: ma naaleatia ni navaratiana aginau aga wo parati ra namarinaleosaana adeada. 35Go Yehovah e atugi narei nalakena eu mari kau natuna anoai waina Aaron e mari a.
Currently Selected:
EKSODAS 32: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
EKSODAS 32
32
1Go ragi waina narei eu punusi naga Moses e mari daliali siwo pae tava umai, narei eu saisai pa punusi Aaron, po noa ki nia, eu naga, P̃a tuleana, p̃a maginami mari sup̃e maga waina euga vea ki gami pano; nalakena Moses waia, naatam̃oli waina e piragi lua gami m̃elu dua ki navanua ni Ityipt sake umai, au da atae tea waina e mari a mau. 2Go Aaron e noa ki da, e naga, Kuga kakaro lua vakadaliga maga ni kold, waina eu doko nadaliga maga ni amugoroi maga, go ni natumu naanoai maga, go ni natumu nagoroi maga, go kuga tape ra umai paki nau. 3Go narei mamau eu kakaro lua vakadaliga maga ni kold waina eu doko nadaligada, po dape ra umai paki Aaron. 4Go e dape a ki nam̃elearuda, po mari dawona ki nia ki p̃eseu sikai, po mari a e pei kau natuna anoai takiana sikai: go eu naga, Tea waia e pei sup̃e anigo, Israel O, waina e piragi lua ko m̃elu dua ki navanua ni Ityipt sake umai. 5Go ragi waina Aaron e punusi tea wanogoe, e davagi wede ni naviriana sikai naraena; go Aaron e pioso dogorogo, po naga, Nasaisaiana sikai agi Yehovah matamai. 6Go eu duleana malip̃ogi sa matamai ki nia, po pitua ki naviriana tap̃arakiana maga po piragi naviriana maga ni natam̃ateana umai paki m̃aladigi; go narei eu do natano naga euga kanikani po munu, go eu duleana naga euga p̃arowaro.
7Go Yehovah e pasa paki Moses, e naga, P̃a vano, p̃a siwo pano, nalakena narei anigo, waina ku piragi lua ra m̃elu dua ki navanua ni Ityipt sake umai, eu p̃o dum̃ada mari sa ki da: 8Eu po dawasi m̃araverave m̃elu dua ki napua waina a dip̃aki da asa: eu po dum̃ada madeada mari kau natuna anoai takiana sikai, po suai natano paki nia, po mari naviriana paki nia, po naga, Tea waia e pei sup̃e anigo Israel O, waina e piragi lua ko m̃elu dua ki navanua ni Ityipt sake umai. 9Go Yehovah e noa ki Moses, e naga, A po punusi narei waia, go p̃a leo, eu pei narei ni noa kasua: 10Go ragi waia p̃a toro au, naga namaetoana aginau ega vavaga dip̃a ra, go naga aga mari ra euga mavunuvunu: go aga wo mari ko p̃a wo pei nalauna warua sikai. 11Go Moses e pavara ni Yehovah Sup̃e aneana, po naga, Yehovah, ekasana namaetoana anigo e pavaga dip̃a narei anigo, waina ku piragi lua ra m̃elu dua ki navanua ni Ityipt umai ki nakasuaana warua go ki nam̃elearu kasua sikai? 12Ekasana naka ni Ityipt euga noa, po naga, E piragi lua ra paki nasaana, naga ega mari punue ra tava maga, go naga ega mari ra euga mavunuvunu m̃elu dua ki narae ni maramana? P̃a maradoa m̃elu dua ki navivitinuana ni namaetoana anigo, po midoaki piri nasaana waia dip̃a narei anigo. 13P̃a midoaki Abraham, Isaak, go Israel, tea suasua anigo maga, waina ku pivisa pae ako paki da, po noa ki da, naga, Aga wo mari naworaworamu euga wo laapa dapala m̃asoe maga ni nakoroatelagi, go navanua mamau waia waina a noa e aga wo dua naworaworamu asa, go euga wo peanipioli ki nia pa pa ega tu du po du mau du. 14Go Yehovah e midoaki piri nasaana waina e noa naga ega mari a paki narei aneana.
15Go Moses e dum̃ana doa e po siwo pae tava pano, go tea welewelea dua ni nanoasokisokiana ero doko nam̃elearuna; tea welewelea waina ero pei tea midiriana taleva dua kakada; ero pei tea midiriana taleva sikai go taleva kerua. 16Go tea welewelea wanogoe ero pei nawosiana ki Sup̃e, go namidiriana wanogoe e pei namidiriana ki Sup̃e, tea tae‐midiriana doko tea welewelea dua wanogoe. 17Go Yoshua e dogo nadaleo ni narei doko namarip̃araiana adeada, go e noa ki Moses, e naga, Nadaleo ni navakalo e doko tokora ni nam̃enakiana. 18Go e naga, E da pei nadaleo ni tea maga waina eu pioso nalakena eu marimatua mau, go e da pei nadaleo ni tea maga waina eu pioso nalakena eu pei tea marimatuakiana mau; ma e pei nadaleo ni tea maga waina eu lega waina kinau a dogo e. 19Go e pakilina, ragi waina e umai paki m̃aladigi ki tokora ni nam̃enakiana, naga e punusi kau natuna anoai wanogoe go nasaleana: go namaetoana ki Moses e pavaga, go e nadi ki tea welewelea dua ero m̃elu dua ki nam̃elearuna dua, po mari p̃oraworae ra etano ni tava. 20Go e dape kau natuna anoai waina eu mari a, po dap̃ara ki nia ki nakapu, po mari p̃oroworosi a pa pa e pei nam̃otam̃ota, po sapura ki nia paki noai, po mari Israel natuna maga eu munugi a. 21Go Moses e noa ki Aaron, e naga, Narei waia eu mari nasava paki‐go, e pei nalakena ku piragi namarinaleosaana warua sikai umai paki da? 22Go Aaron e naga, Namaetoana ki nawota aginau ega ta pavaga mau: nigo ku atae narei naga eu doko nasaana. 23Go eu noa ki nau, eu naga, P̃a maginami mari sup̃e maga waina euga vea ki gami pano: nalakena Moses waia, naatam̃oli waina e piragi lua gami m̃elu dua ki navanua ni Ityipt sake umai, au da atae tea waina e mari a mau. 24Go a noa ki da, a naga, Naata maga waina eu peani kold seara euga kakaro lua e; go eu dua au asa: go a nadi ki nia paki nakapu, go kau natuna anoai waia e dave umai. 25Go Moses e punusi naga narei eu pakaro; nalakena Aaron e kakaro ra naga euga vei tea midoakidaoana m̃aleoputo ni tea kokona ki da maga. 26Go Moses e lawodu namata‐pua ni tokora ni nam̃enakiana, po naga, Naata waina e pei agi Yehovah, ega umai punusi au. Go Levi natuna naanoai maga mamau puti eu saisai umai punusi a. 27Go e noa ki da, e naga, Yehovah, Sup̃e ki Israel, e noa dapala waia, e naga, Kuga mamau puti doropusi lova animu ega tau namaomu, go kuga surata papiliu pae namata‐pua paki namata‐pua usuraki tokora ni nam̃enakiana, go kuga mari punue ra, naata ega mari taina, go naata ega mari tana ri, go naata ega mari tea ni m̃aladigi ki nia. 28Go Levi natuna naanoai maga eu mari dapala navasaana ki Moses: go naaleatia wanogoe narei eu alagoro pei manu dolu kakada eu dowo. 29Go Moses e naga, Kuga magi Yehovah dapetape ega vura masoso; nam̃elearu ni naata go ni naata ega vura ki natuna go ki taina, naga ega tua mu navasam̃atakiana sikai masoso. 30Go e pakilina matamai ki nia, naga Moses e noa ki narei, e naga, Nimu ku po mari namarinaleosaana warua sikai; go ragi waia aga sake pa punusi Yehovah; mase a pe wo mari natap̃augoroana dip̃a namarinaleosaana animu. 31Go Moses e liliu pa punusi Yehovah, po naga, Ai, narei waia eu po mari namarinaleosaana warua sikai, po dum̃ada madeada mari sup̃e ni kold sikai. 32Go ragi waia ku pe tape lua namarinaleosaana adeada; go ku pe ta dape lua e mau, p̃a kasi lua au, a pavara ni ko asa, m̃elu dua ki tusi anigo waina ku midiri a. 33Go Yehovah e noa ki Moses, e naga, Naata waina e mari naleo sa paki nau, aga wo kasi lua naata wanogoe m̃elu dua ki tusi aginau. 34Go ragi waia p̃a vano, p̃a maraki narei paki tokora waina a pasa ki sua ko asa: p̃a leo, agelo aginau ega wo pea ki‐go pano: ma naaleatia ni navaratiana aginau aga wo parati ra namarinaleosaana adeada. 35Go Yehovah e atugi narei nalakena eu mari kau natuna anoai waina Aaron e mari a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific