PAKI TEA NE EFESO 4
4
1Nalakena tea wanogoe kinau, tea soliana doko Nawota, a pasa parati ki mu naga kuga surata ega tapala waina e pataka ni nasosoana waina ku pei tea sosoana asa, 2ega vilake sara naveip̃op̃ovakitanoana go namatemateana, pilake naveimaritasokiparauana, doko do dum̃amu soki mu doko nadodomiana; 3doko do m̃arekareka naga kuga vavaigoro naveitea‐sikai‐maau‐ana ni Naatana doko natali ni natam̃ateana. 4Nap̃atoko sikai maau e doko, go Naatana sikai maau, dapala waina ku pei tea sosoana doko naleogoroana sikai maau ni nasoso‐mu‐ana; 5Nawota sikai maau, nasaralomauana sikai maau, nabapetisoana sikai maau, 6Sup̃e sikai maau go Tama ni tea maga mamau puti, waina e dap̃au tea maga mamau puti, po pakapule tea maga mamau puti, po doko tea maga mamau puti. 7Ma nasaup̃iana e pei tea vituakiana paki sara naata kakagida sikasikai pae totowo ni navituam̃olikiana ki Kristo. 8Nalakena tea wanogoe e naga,
Ragi waina e sake paki tokora ni elagi, e piragiluapavakoto tea vuapavakotoana maga,
Po dua naatam̃oli maga navituaana maga.
9(Ma tea wanogoe, E sake, e pei nasava ma naga e pea siwo paki tokora maga ni etano ni maramana? 10Tea waina e siwo nae e pei tea waina e sake pakilagi liu nakoroatelagi maga mamau puti, naga ega vakavuro naleo maga mamau puti). 11Go nae e pitua ki te seara eu pei apostolo maga, go te seara eu pei profeta maga, go te seara eu pei tea rogorogo maga ni narogorogoana wia, go te seara eu pei tea leo paratiki maga go tea vasapiseiki maga; 12raki namarip̃ialuaana ni tea tautau maga, paki nawosiana ni nasuasuaana, paki natavagiana ni nap̃atoko ni Kristo: 13pa pa tuga mamau puti pa paratiki navei‐tea‐sikai‐maau‐ana ni nasaralomauana, go ni naataem̃atakiana ni Sup̃e Natuna, paki naveinaatam̃oli‐matua‐ana, paki totowo ni navarauana ni navakavuroana ki Kristo: 14naga tuga ta moro pei pipia maga mau, tea duletuleakiana dapala napeao maga go tea tapetapeana pasara ki sara nalagi ni navasapiseikiana, doko namarisoreana ki naatam̃oli maga, doko namarimanumatuaana, pae namidoakip̃aiana ni namidoakipeleana; 15ma tuga vei tea mari lomau doko nadodomiana, po do disu atum̃aki lavulavu paki nia nalo ni naleo maga mamau puti, waina e pei nap̃augida, Kristo; 16waina m̃elu asa nap̃atokona mamau tea tasokatakim̃atakiana go tea marisaisaikiana pae tea waina sara kolopu eu pitua ki nia, pae nawosiwosiana doko totowo ni sara tokora sikasikai kakana, e do mari narisu‐atum̃aki‐lavulavu‐ana ni nap̃atokona paki natum̃ana‐tavagi‐a‐ana doko nadodomiana.
17Nalakena tea wanogoe a noa tea waia, po noa sokisoki kasua ki nia doko Nawota, naga nimu kuga ta moro surata dapala waina tea ni nalauna p̃ota maga eu do surata, nap̃aloana ni namidodoana adeada, 18eu maligo nalo ni namidoakiataeana adeada, tea vanop̃ota maga paki namauriana ki Sup̃e nalakena nasalup̃eana waina e doko ara, nalakena nakasuaana ni nap̃op̃oda; 19waina eu pei mataku dika po dum̃ada pitua ki da paki namasausauana, naga euga wosiwosi ki sara naloaana pilake namatam̃aguraana. 20Ma nimu ku da ataedogo Kristo dapala nogoe mau; 21ku pe rogo e lomau, po pei tea vasapiseikiana doko asa, dapala tea waina e pei nalomauana doko Yesu: 22naga nimu nalo ni natomariana vea animu, kuga toropusi naatam̃oli tuai, waina e do meso pae namasauana sa maga ni nasurueana; 23go naga kuga vei tea maripaukiana ki Naatana ni namidodoana animu, 24po suni naatam̃oli vau, waina e pei tea tawonakiana pae Sup̃e doko namarinaleoleanaana go natautauana ni nalomauana.
25Nalakena tea wanogoe, kuga toropusi nasorosoroana, go kuga vasa nalomauana, sara naata sikasikai paki tea ni m̃aladigi ki da: nalakena tu dum̃agida pei naleo kakagida maga. 26Kuga maeto, po da mari naleo sa mau: elo ega ta musu goro namaritausuana animu mau: 27go kuga ta pitua ki tokora paki diabolo mau. 28Tea waina e panako ega ta moro panako mau: ma e p̃ia naga ega wosiwosi‐mawosa, doko do p̃osiwosi ki nam̃elearuna maga tea waina e p̃ia, naga ega veani naga ega vitua dua tea waina e dika. 29Te navasaana sa sikai ega ta m̃elu nawokamu mau, ma tea waina e p̃ia raki natavagiana ni tea waina e dika, naga ega vitua ki nasaup̃iaana paki tea maga waina eu dogo. 30Go kuga ta mari Naatana Tapu ni Sup̃e ega susue mau, waina ku pei tea vulusokiana asa raki naaleatia ni natauluaana. 31Sara nakokonaana, go sara namaritausuana, go sara namaetoana, go sara navasap̃araiana, go sara navasasakiana, euga vei tea toropusiana m̃elu dua ki mu pano, go sara navilosiana: 32ma kuga vei tea vakale dum̃amu paki mu, tea vei maritadodomi, doko do dum̃amu manimu midoakikorokoro, ega takiusi waina Sup̃e doko Kristo e manimu midoakikorokoro.
Currently Selected:
PAKI TEA NE EFESO 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
PAKI TEA NE EFESO 4
4
1Nalakena tea wanogoe kinau, tea soliana doko Nawota, a pasa parati ki mu naga kuga surata ega tapala waina e pataka ni nasosoana waina ku pei tea sosoana asa, 2ega vilake sara naveip̃op̃ovakitanoana go namatemateana, pilake naveimaritasokiparauana, doko do dum̃amu soki mu doko nadodomiana; 3doko do m̃arekareka naga kuga vavaigoro naveitea‐sikai‐maau‐ana ni Naatana doko natali ni natam̃ateana. 4Nap̃atoko sikai maau e doko, go Naatana sikai maau, dapala waina ku pei tea sosoana doko naleogoroana sikai maau ni nasoso‐mu‐ana; 5Nawota sikai maau, nasaralomauana sikai maau, nabapetisoana sikai maau, 6Sup̃e sikai maau go Tama ni tea maga mamau puti, waina e dap̃au tea maga mamau puti, po pakapule tea maga mamau puti, po doko tea maga mamau puti. 7Ma nasaup̃iana e pei tea vituakiana paki sara naata kakagida sikasikai pae totowo ni navituam̃olikiana ki Kristo. 8Nalakena tea wanogoe e naga,
Ragi waina e sake paki tokora ni elagi, e piragiluapavakoto tea vuapavakotoana maga,
Po dua naatam̃oli maga navituaana maga.
9(Ma tea wanogoe, E sake, e pei nasava ma naga e pea siwo paki tokora maga ni etano ni maramana? 10Tea waina e siwo nae e pei tea waina e sake pakilagi liu nakoroatelagi maga mamau puti, naga ega vakavuro naleo maga mamau puti). 11Go nae e pitua ki te seara eu pei apostolo maga, go te seara eu pei profeta maga, go te seara eu pei tea rogorogo maga ni narogorogoana wia, go te seara eu pei tea leo paratiki maga go tea vasapiseiki maga; 12raki namarip̃ialuaana ni tea tautau maga, paki nawosiana ni nasuasuaana, paki natavagiana ni nap̃atoko ni Kristo: 13pa pa tuga mamau puti pa paratiki navei‐tea‐sikai‐maau‐ana ni nasaralomauana, go ni naataem̃atakiana ni Sup̃e Natuna, paki naveinaatam̃oli‐matua‐ana, paki totowo ni navarauana ni navakavuroana ki Kristo: 14naga tuga ta moro pei pipia maga mau, tea duletuleakiana dapala napeao maga go tea tapetapeana pasara ki sara nalagi ni navasapiseikiana, doko namarisoreana ki naatam̃oli maga, doko namarimanumatuaana, pae namidoakip̃aiana ni namidoakipeleana; 15ma tuga vei tea mari lomau doko nadodomiana, po do disu atum̃aki lavulavu paki nia nalo ni naleo maga mamau puti, waina e pei nap̃augida, Kristo; 16waina m̃elu asa nap̃atokona mamau tea tasokatakim̃atakiana go tea marisaisaikiana pae tea waina sara kolopu eu pitua ki nia, pae nawosiwosiana doko totowo ni sara tokora sikasikai kakana, e do mari narisu‐atum̃aki‐lavulavu‐ana ni nap̃atokona paki natum̃ana‐tavagi‐a‐ana doko nadodomiana.
17Nalakena tea wanogoe a noa tea waia, po noa sokisoki kasua ki nia doko Nawota, naga nimu kuga ta moro surata dapala waina tea ni nalauna p̃ota maga eu do surata, nap̃aloana ni namidodoana adeada, 18eu maligo nalo ni namidoakiataeana adeada, tea vanop̃ota maga paki namauriana ki Sup̃e nalakena nasalup̃eana waina e doko ara, nalakena nakasuaana ni nap̃op̃oda; 19waina eu pei mataku dika po dum̃ada pitua ki da paki namasausauana, naga euga wosiwosi ki sara naloaana pilake namatam̃aguraana. 20Ma nimu ku da ataedogo Kristo dapala nogoe mau; 21ku pe rogo e lomau, po pei tea vasapiseikiana doko asa, dapala tea waina e pei nalomauana doko Yesu: 22naga nimu nalo ni natomariana vea animu, kuga toropusi naatam̃oli tuai, waina e do meso pae namasauana sa maga ni nasurueana; 23go naga kuga vei tea maripaukiana ki Naatana ni namidodoana animu, 24po suni naatam̃oli vau, waina e pei tea tawonakiana pae Sup̃e doko namarinaleoleanaana go natautauana ni nalomauana.
25Nalakena tea wanogoe, kuga toropusi nasorosoroana, go kuga vasa nalomauana, sara naata sikasikai paki tea ni m̃aladigi ki da: nalakena tu dum̃agida pei naleo kakagida maga. 26Kuga maeto, po da mari naleo sa mau: elo ega ta musu goro namaritausuana animu mau: 27go kuga ta pitua ki tokora paki diabolo mau. 28Tea waina e panako ega ta moro panako mau: ma e p̃ia naga ega wosiwosi‐mawosa, doko do p̃osiwosi ki nam̃elearuna maga tea waina e p̃ia, naga ega veani naga ega vitua dua tea waina e dika. 29Te navasaana sa sikai ega ta m̃elu nawokamu mau, ma tea waina e p̃ia raki natavagiana ni tea waina e dika, naga ega vitua ki nasaup̃iaana paki tea maga waina eu dogo. 30Go kuga ta mari Naatana Tapu ni Sup̃e ega susue mau, waina ku pei tea vulusokiana asa raki naaleatia ni natauluaana. 31Sara nakokonaana, go sara namaritausuana, go sara namaetoana, go sara navasap̃araiana, go sara navasasakiana, euga vei tea toropusiana m̃elu dua ki mu pano, go sara navilosiana: 32ma kuga vei tea vakale dum̃amu paki mu, tea vei maritadodomi, doko do dum̃amu manimu midoakikorokoro, ega takiusi waina Sup̃e doko Kristo e manimu midoakikorokoro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific