1 PAKI TEA NI THESSALONIKA 5
5
1Ma nalo ni ragi maga go sala maga, tai maga, ku da pei sap̃o mau naga te navatuna ega vei tea midiriana paki mu. 2Nalakena ku dum̃amu atae m̃ata ki nia naga naaleatia ki Nawota ega wo umai dapala waina tea vanako sikai e umai p̃ogi. 3Ragi waina euga wo do naga, Natam̃ateana go natokop̃iaana, ragi wanogoe namarisakiana m̃araverave ega wo pakilina ki da, dakiusi waina navitinuana ni navisolaana e pakilina ki nagoroi waina e diena; go euga wo da sava pano mau. 4Ma nimu, tai maga, ku da doko namaligo mau, naga naaleatia wanogoe ega va paratiki mu dapala tea vanako sikai. 5Nalakena nimu mamau puti ku pei namarama natuna maga, go aleati natuna maga: tu da pei tea ni p̃ogi mau, go tu da pei tea ni namaligo mau; 6nalakena tea wanogoe tuga ta maturu mau, dapala tea p̃ota maga, ma tuga to leleogoro po midodoa p̃ia. 7Nalakena tea maga waina eu maturu eu maturu p̃ogi; go tea maga waina eu matamaloku eu matamaloku p̃ogi. 8Ma nigida, waina tu pei tea ni aleati, tuga to midodoa p̃ia, doko suni sua kororum̃a ni nasaralomauana go ni nadodomiana; go kalup̃au ni vatu, naleogoroana ni namautipauriana. 9Nalakena Sup̃e e da dawona ki gida paki namaetoana mau, ma e dawona ki gida paki nataluaana ni namautipauriana pae Nawota anigida Yesu Kristo, 10waina e mate oli gida, naga, tu pe leleogoro kite tu pe maturu, tu pe mamau mauri sikoti a. 11Nalakena tea wanogoe kuga tum̃amu pasapakavakale mu, go kuga tum̃amu davagi mu sikai ega tavagi sikai, ega takiusi waina ku do mari a.
12Ma au pavarani mu, tai maga, naga kuga atae tea maga waina eu do p̃osiwosi‐mawosa m̃aleoputo kakamu, po do lawodu naraemu doko Nawota, po do dapavanau mu; 13go naga kuga midoa ki da naga eu p̃ia p̃arua ki nadodomiana nalakena nawosiana adeada. Kuga tam̃ate dum̃amu paki mu. 14Ma au pasa paratiki mu, tai maga, kuga tapavanau tea noginogi maga, kuga vasapakavakale tea p̃op̃otoro maga, kuga silae tea manainai maga, kuga vei maritasoki‐parau paki tea maga mamau puti. 15Kuga vunusi naga te naata ega ta lagati dua te naata tea sa dip̃a tea sa mau; ma sara ragi kuga sava dausi tea waina e p̃ia, dum̃amu paki mu, go paki tea maga mamau puti. 16Kuga laelaea sara ragi; 17kuga tapasavasa ega ta makoto mau; 18kuga vasadodom̃ata ki nalo ni sara naleo: nalakena tea wanogoe e pei namasauana ki Sup̃e doko Kristo Yesu paki mu. 19Kuga ta pue punue Naatana mau; 20kuga ta midoa ki p̃alo ki naveanoasaiana maga mau; 21kuga mari dogo naleo maga mamau puti; kuga tape soki tea waina e p̃ia; 22kuga tum̃amu mauti mu ki sara namarinaleosaana visarasara.
23Go Sup̃e ni natam̃ateana nae ega maridautau ki mu usuraki; go naatamu go namauriana animu go nap̃atokomu euga vei tea vavaigoroana euga vei tea mamau, euga ta pei tea vasadip̃aana mau ragi ni naumaiana ki Nawota anigida Yesu Kristo. 24Tea waina e soso mu e pei lomau, go nae ega wo mari a.
25Tai maga, kuga maginami dapasavasa.
26Kuga vasadodomi taigida maga mamau puti ki natum̃iliana tautau sikai. 27A maripivisa ki mu pae Nawota naga epistole waia ega vei tea veveana paki taigida maga mamau puti.
28Nasaup̃iaana ki Nawota anigida Yesu Kristo ega sikoti mu.
Currently Selected:
1 PAKI TEA NI THESSALONIKA 5: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
1 PAKI TEA NI THESSALONIKA 5
5
1Ma nalo ni ragi maga go sala maga, tai maga, ku da pei sap̃o mau naga te navatuna ega vei tea midiriana paki mu. 2Nalakena ku dum̃amu atae m̃ata ki nia naga naaleatia ki Nawota ega wo umai dapala waina tea vanako sikai e umai p̃ogi. 3Ragi waina euga wo do naga, Natam̃ateana go natokop̃iaana, ragi wanogoe namarisakiana m̃araverave ega wo pakilina ki da, dakiusi waina navitinuana ni navisolaana e pakilina ki nagoroi waina e diena; go euga wo da sava pano mau. 4Ma nimu, tai maga, ku da doko namaligo mau, naga naaleatia wanogoe ega va paratiki mu dapala tea vanako sikai. 5Nalakena nimu mamau puti ku pei namarama natuna maga, go aleati natuna maga: tu da pei tea ni p̃ogi mau, go tu da pei tea ni namaligo mau; 6nalakena tea wanogoe tuga ta maturu mau, dapala tea p̃ota maga, ma tuga to leleogoro po midodoa p̃ia. 7Nalakena tea maga waina eu maturu eu maturu p̃ogi; go tea maga waina eu matamaloku eu matamaloku p̃ogi. 8Ma nigida, waina tu pei tea ni aleati, tuga to midodoa p̃ia, doko suni sua kororum̃a ni nasaralomauana go ni nadodomiana; go kalup̃au ni vatu, naleogoroana ni namautipauriana. 9Nalakena Sup̃e e da dawona ki gida paki namaetoana mau, ma e dawona ki gida paki nataluaana ni namautipauriana pae Nawota anigida Yesu Kristo, 10waina e mate oli gida, naga, tu pe leleogoro kite tu pe maturu, tu pe mamau mauri sikoti a. 11Nalakena tea wanogoe kuga tum̃amu pasapakavakale mu, go kuga tum̃amu davagi mu sikai ega tavagi sikai, ega takiusi waina ku do mari a.
12Ma au pavarani mu, tai maga, naga kuga atae tea maga waina eu do p̃osiwosi‐mawosa m̃aleoputo kakamu, po do lawodu naraemu doko Nawota, po do dapavanau mu; 13go naga kuga midoa ki da naga eu p̃ia p̃arua ki nadodomiana nalakena nawosiana adeada. Kuga tam̃ate dum̃amu paki mu. 14Ma au pasa paratiki mu, tai maga, kuga tapavanau tea noginogi maga, kuga vasapakavakale tea p̃op̃otoro maga, kuga silae tea manainai maga, kuga vei maritasoki‐parau paki tea maga mamau puti. 15Kuga vunusi naga te naata ega ta lagati dua te naata tea sa dip̃a tea sa mau; ma sara ragi kuga sava dausi tea waina e p̃ia, dum̃amu paki mu, go paki tea maga mamau puti. 16Kuga laelaea sara ragi; 17kuga tapasavasa ega ta makoto mau; 18kuga vasadodom̃ata ki nalo ni sara naleo: nalakena tea wanogoe e pei namasauana ki Sup̃e doko Kristo Yesu paki mu. 19Kuga ta pue punue Naatana mau; 20kuga ta midoa ki p̃alo ki naveanoasaiana maga mau; 21kuga mari dogo naleo maga mamau puti; kuga tape soki tea waina e p̃ia; 22kuga tum̃amu mauti mu ki sara namarinaleosaana visarasara.
23Go Sup̃e ni natam̃ateana nae ega maridautau ki mu usuraki; go naatamu go namauriana animu go nap̃atokomu euga vei tea vavaigoroana euga vei tea mamau, euga ta pei tea vasadip̃aana mau ragi ni naumaiana ki Nawota anigida Yesu Kristo. 24Tea waina e soso mu e pei lomau, go nae ega wo mari a.
25Tai maga, kuga maginami dapasavasa.
26Kuga vasadodomi taigida maga mamau puti ki natum̃iliana tautau sikai. 27A maripivisa ki mu pae Nawota naga epistole waia ega vei tea veveana paki taigida maga mamau puti.
28Nasaup̃iaana ki Nawota anigida Yesu Kristo ega sikoti mu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific