1 PAKI TEA NI THESSALONIKA 2
2
1Nalakena ku dum̃amu atae, tai maga, nasiliana aginami paloti punusi mu, naga e da pei tea p̃alo mau: 2ma ragi waina au pea sua narogokitesaana, po pei tea marisakiana Filippi, dakiusi waina ku atae a, au piviari doko Sup̃e anigida naga auga vasa paki mu narogorogoana wia ki Sup̃e doko namaripileleana warua. 3Nalakena navasaparatikiana aginami e da pei tea ni namidoakipeleana mau, go e da pei tea ni naloaana mau, go e da doko nasorosoroana mau: 4ma dakiusi waina au pei tea midoakip̃otaeana pae Sup̃e naga au p̃ia naga auga vei tea vavatuana ki narogorogoana wia, au do pasa dapala nogoe; e da dapala au do mari tea midoakim̃atakiana ki naatam̃oli maga mau, ma au do mari tea midoakim̃atakiana ki Sup̃e waina e maridogo nap̃op̃ogami. 5Nalakena au da noa navasaana ni nasorosorokiana te ragi mau, dakiusi waina ku atae a, go au da noa nakokorokiana ni namatam̃aguraana mau, Sup̃e e pei tea noa sokisoki; 6go au da laaga nasamasamaana waina e m̃elu naatam̃oli maga mau, au da laaga tea waina e pae mu mau, go au da laaga tea waina e pae tea p̃ota maga mau ragi waina au mari atae pei tea madaga dapala apostolo maga ki Kristo. 7Ma au pei tea matemate doko m̃aleoputo kakamu, dapala waina nagoroi vakale sikai e pakale natuna maga: 8dapala nogoe, nalakena au masau p̃arua ki mu, au midoaki m̃ata ki nia naga auga tua mu narogorogoana wia ki Sup̃e ega ta sikina mau, ma naatagami ma euga vilake a, nalakena ku pei tea dodomiana warua aginami. 9Nalakena tai maga, ku midoaki nawosimawosaana aginami go nawosipitinuana aginami: au do p̃osiwosi p̃ogi go aleati, naga auga ta pei tea madaga one te naata kakamu mau, po dogorogo paki mu ki narogorogoana wia ki Sup̃e. 10Nimu ku pei tea noa sokisoki, go Sup̃e, naga namariana aginami paki mu waina ku saralomau e dautau go e leana go e da pei tea vasadip̃aana mau: 11dakiusi waina ku atae dapala waina au mari paki sara naata kakamu sikasikai, dapala waina tamana sikai e mari paki natuna maga, au do pasa paratiki mu, po do pasapakavakale mu, po do pasasokisoki paratiki, 12naga kuga surata ega tapala waina e pataka ni Sup̃e, waina e do soso mu paki namarakiana aneana go nasamasamaana aneana.
13Go nalakena tea wanogoe kinami ma au do pasadodom̃ata ki Sup̃e, au da makoto ki nia mau, nalakena, ragi waina ku dape navasaana ni narogoana m̃elu gami, navasaana ki Sup̃e, ku dape soki a waina e da pei navasaana ki naatam̃oli maga mau, ma, dakiusi waina e doko lomau, navasaana ki Sup̃e, go waina e do p̃osiwosi doko mu waina ku saralomau. 14Nalakena nimu, tai maga, ku pei tea mari oli ekalesia maga ki Sup̃e waina eu doko Yudea doko Kristo Yesu; nalakena nimu ma ku sua tea sikai maau maga pae tea ni navanua animu maga, dakiusi waina nara ma eu sua ra pae tea ni Yudea maga; 15waina eu mari punue Nawota Yesu go profeta maga, po kopalele gami au m̃elu pano, go eu da pei tea midoakim̃atakiana ki Sup̃e mau, go eu mari dip̃a naatam̃oli maga mamau puti; 16eu do dugoro gami naga auga ta pasa ki tea ni nalauna p̃ota maga mau naga euga vei tea mautipauriana; naga euga to pakavuro namarinaleosaana adeada maga sara ragi; ma namaetoana e po umai paki da pa pa paki namatap̃agona edaku.
17Ma kinami, tai maga, waina au pei tea mariana au puoli ki mu ragi kiki, nalo ni naraegami, e da pei nap̃op̃ogami mau, au mari m̃arekareka p̃arua liu pilake namasauana warua naga auga vunusi naraemu: 18nalakena tea wanogoe au masauna naga auga valoti punusi mu, kinau Paulo paka sikai go paka kerua; go Satan e dugoro gami. 19Nalakena naleogoroana aginami, kite nalaelaeaana aginami, kite vauvau ni navakavakaeana aginami e pei nasava? E da pei nimu ma kite, narae ni Nawota anigida Yesu ragi ni naumaiana aneana? 20Nalakena nimu ku pei nasamasamaana aginami go nalealaeaana aginami.
Currently Selected:
1 PAKI TEA NI THESSALONIKA 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
1 PAKI TEA NI THESSALONIKA 2
2
1Nalakena ku dum̃amu atae, tai maga, nasiliana aginami paloti punusi mu, naga e da pei tea p̃alo mau: 2ma ragi waina au pea sua narogokitesaana, po pei tea marisakiana Filippi, dakiusi waina ku atae a, au piviari doko Sup̃e anigida naga auga vasa paki mu narogorogoana wia ki Sup̃e doko namaripileleana warua. 3Nalakena navasaparatikiana aginami e da pei tea ni namidoakipeleana mau, go e da pei tea ni naloaana mau, go e da doko nasorosoroana mau: 4ma dakiusi waina au pei tea midoakip̃otaeana pae Sup̃e naga au p̃ia naga auga vei tea vavatuana ki narogorogoana wia, au do pasa dapala nogoe; e da dapala au do mari tea midoakim̃atakiana ki naatam̃oli maga mau, ma au do mari tea midoakim̃atakiana ki Sup̃e waina e maridogo nap̃op̃ogami. 5Nalakena au da noa navasaana ni nasorosorokiana te ragi mau, dakiusi waina ku atae a, go au da noa nakokorokiana ni namatam̃aguraana mau, Sup̃e e pei tea noa sokisoki; 6go au da laaga nasamasamaana waina e m̃elu naatam̃oli maga mau, au da laaga tea waina e pae mu mau, go au da laaga tea waina e pae tea p̃ota maga mau ragi waina au mari atae pei tea madaga dapala apostolo maga ki Kristo. 7Ma au pei tea matemate doko m̃aleoputo kakamu, dapala waina nagoroi vakale sikai e pakale natuna maga: 8dapala nogoe, nalakena au masau p̃arua ki mu, au midoaki m̃ata ki nia naga auga tua mu narogorogoana wia ki Sup̃e ega ta sikina mau, ma naatagami ma euga vilake a, nalakena ku pei tea dodomiana warua aginami. 9Nalakena tai maga, ku midoaki nawosimawosaana aginami go nawosipitinuana aginami: au do p̃osiwosi p̃ogi go aleati, naga auga ta pei tea madaga one te naata kakamu mau, po dogorogo paki mu ki narogorogoana wia ki Sup̃e. 10Nimu ku pei tea noa sokisoki, go Sup̃e, naga namariana aginami paki mu waina ku saralomau e dautau go e leana go e da pei tea vasadip̃aana mau: 11dakiusi waina ku atae dapala waina au mari paki sara naata kakamu sikasikai, dapala waina tamana sikai e mari paki natuna maga, au do pasa paratiki mu, po do pasapakavakale mu, po do pasasokisoki paratiki, 12naga kuga surata ega tapala waina e pataka ni Sup̃e, waina e do soso mu paki namarakiana aneana go nasamasamaana aneana.
13Go nalakena tea wanogoe kinami ma au do pasadodom̃ata ki Sup̃e, au da makoto ki nia mau, nalakena, ragi waina ku dape navasaana ni narogoana m̃elu gami, navasaana ki Sup̃e, ku dape soki a waina e da pei navasaana ki naatam̃oli maga mau, ma, dakiusi waina e doko lomau, navasaana ki Sup̃e, go waina e do p̃osiwosi doko mu waina ku saralomau. 14Nalakena nimu, tai maga, ku pei tea mari oli ekalesia maga ki Sup̃e waina eu doko Yudea doko Kristo Yesu; nalakena nimu ma ku sua tea sikai maau maga pae tea ni navanua animu maga, dakiusi waina nara ma eu sua ra pae tea ni Yudea maga; 15waina eu mari punue Nawota Yesu go profeta maga, po kopalele gami au m̃elu pano, go eu da pei tea midoakim̃atakiana ki Sup̃e mau, go eu mari dip̃a naatam̃oli maga mamau puti; 16eu do dugoro gami naga auga ta pasa ki tea ni nalauna p̃ota maga mau naga euga vei tea mautipauriana; naga euga to pakavuro namarinaleosaana adeada maga sara ragi; ma namaetoana e po umai paki da pa pa paki namatap̃agona edaku.
17Ma kinami, tai maga, waina au pei tea mariana au puoli ki mu ragi kiki, nalo ni naraegami, e da pei nap̃op̃ogami mau, au mari m̃arekareka p̃arua liu pilake namasauana warua naga auga vunusi naraemu: 18nalakena tea wanogoe au masauna naga auga valoti punusi mu, kinau Paulo paka sikai go paka kerua; go Satan e dugoro gami. 19Nalakena naleogoroana aginami, kite nalaelaeaana aginami, kite vauvau ni navakavakaeana aginami e pei nasava? E da pei nimu ma kite, narae ni Nawota anigida Yesu ragi ni naumaiana aneana? 20Nalakena nimu ku pei nasamasamaana aginami go nalealaeaana aginami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific