Rom Tɩŋŋaa 16
16
Pɔɔl chʋɔlɛ nɩaa
1Mɩɩ chɛ mɩ kɛŋ la dɩhaala Foobi dagɛma nɛ. Ʋ nɛ ŋaa nɩalɩŋ sɩ laa Yesu wɩaa dii aa hilimi sɩpaalaara, a hɛ Keŋkiriya lɛ. 2Má kɛnʋ woruŋ La Tɩɩna Yesu yɩrɩŋ lɛ, arɩ ʋ sɩ maga dɩ Wɩa nɩaa kɛŋ dɔŋɔ ŋɩɩ. Má pɛ ʋ lɛ arɩ kʋŋkala ʋ sɩɩ chɛ ma teeŋ, bɛɛ wɩaa ʋ pɛ nɩaa lɛ yʋgɛ nɛ woruŋ, a pɛ mɩ ma lɛ.
3Má chʋɔlɛ Pɩrɩsɩla arɩ Akuila. Mɩ dɩ ba kala nɩɩ tɩŋ tɩntɩŋŋaa aa pɩ Yesu Kirisito. 4Ba joŋ ba mɩɩsɩŋ a yɔɔ sʋʋŋ nɛ mɩ wɩaa. Ŋɩɩ wɩaa mɩɩ lɔllɛba. Mɩ dʋndʋŋa saa dee, mɩ dɩ nɩalɩŋ kala sɩ bɩ Juu tɩŋŋaa ŋaa aŋ laa Yesu wɩaa dii aa hilimi, la kala nɩɩ lɔllɛba. 5Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ. 6Má chʋɔlɛ Mɛɛrɩ ma. Ʋ faasa tɩŋ tɩntɩŋŋaa nɛ woruŋ a pɩma. 7Má chʋɔlɛ Andɩrɔnɩkas arɩ Junias ma. Ba ma ŋaa Juu tɩmma nɛ. Mɩ dɩ ba kala nɛ fa hɛ sarɩka lɛ. Yesu nanzɔɔba-la tʋɔŋ nɩaa fa jɩmba nɛ woruŋ. Ba nɛ laa sɩpaaŋ laa Kirisito wɩaa dii mɩ lɛ. 8Má chʋɔlɛ Aŋpɩlaatɩs ma. Ʋ ŋaa mɩ nandɔŋ-choolii nɛ La Tɩɩna Yesu wɩaa lɛ. 9Má chʋɔlɛ Abaanɩs ma, ʋ ŋaa la tɩntɩnnɩ dɔŋ nɛ Kirisito tɩntɩŋŋaa lɛ. Má chʋɔlɛ mɩ nandɔŋ-chooluŋ Sɩtakɩs ma. 10Má chʋɔlɛ Apɛlɛs ma, ʋ faasa chɩŋ Kirisito wɩaa lɛ nɛ woruŋ. Má chʋɔlɛ Arisitobulus dɩa nɩaa ma. 11Má chʋɔlɛ Herodioŋ ma. Ʋ ma ŋaa Juu tɩɩna nɛ. Má chʋɔlɛ Nasɩsas dɩa nɩalɩŋ ma sɩ laa La Tɩɩna Yesu wɩaa dii. 12Má chʋɔlɛ Tɩrafɩɩna arɩ Tɩrafosa. Ba ŋaa haala sɩ faasa tɩŋ La Tɩɩna Yesu tɩntɩŋŋaa nɛ. Má chʋɔlɛ mɩ tanlɔŋ-chooluŋ Pɛsɩs. Ʋ ma ŋaa haal sɩ faasa tɩŋ tɩntɩŋŋaa a pɩ La Tɩɩna Yesu nɛ. 13Má chʋɔlɛ Rufas ma. Ʋ faasa chɩŋ La Tɩɩna Yesu wɩaa lɛ nɛ woruŋ. Má chʋɔlɛ ʋ naaŋ ma, ʋ fa jommi a nagɛ ʋ bii-lʋlɩɩ nɛ. 14Má chʋɔlɛ Asɩŋkɩrɩtas, Fɩlɛgɔŋ, Hɛɛmɩs, Patɩrɔbas, arɩ Hɛɛmas arɩ la naambiiri-la kala sɩ hɛ ba teeŋ. 15Má chʋɔlɛ Fɩlɔɔlɔgɩs, Julia, Niirias arɩ ʋ dɩhaala. Má chʋɔlɛ Ɔlɩmpas ma arɩ Wɩa nɩalɩŋ kala sɩ hɛ ba teeŋ. 16Má guori dɔŋɔ arɩ chonuŋ La Tɩɩna Yesu Kirisito yɩrɩŋ lɛ. Nɩalɩŋ kala sɩ laa Kirisito wɩaa dii aa hilimi lee-na kala, ba maa chʋɔlɛma.
17Mɩɩ sʋlma nɛ mɩ naambiiriŋ dɩ ma kɛŋ ma tɩtɩa arɩ nɩalɩŋ sɩ yie kɛŋ nɩaa pʋpɔrɛ lɛ a leŋ ma yiyeŋŋi wombii-la la sɩ dagɛma ma tuto lɛ. Má lɩɩsɛ ma tɩtɩa ba lɛ. 18Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ. 19Nʋʋkala nɛ nɩɩ ŋɩɩ ma sɩɩ to Wɩa niiŋ wɩaa ŋɩɩ. Ʋ ŋɩɩ ŋaa mɩ tʋɔtɔrʋ nɛ, mɩɩ jʋɔsɛ ma wɩaa. Ama mɩɩ chɛ dɩ ma kɛŋ wʋjɩmɩŋ nɛ wɩalɩŋ sɩ zɔmɔ lɛ, aŋ ŋaa nɩyaara wʋbɔŋŋɔɔ ŋaanɩŋ lɛ. 20Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.
21Timoti mɩ tɩntɩnnɩ-dɔŋɔ, ʋʋ chʋɔlɛma. Lusias arɩ Jaasɩŋ arɩ Sɔsɩpata ma chʋɔlɛma. Ba ma ŋaa Juu tɩmma nɛ.
22Mɩ-na Tɛtɩas Pɔɔl sɩ leŋe mɩ ŋmʋnsɛ teniŋ deeŋ, mɩ maa chʋɔlɛma La Tɩɩna Yesu yɩrɩŋ lɛ.
23Gayas ŋaa mɩ dɩa tɩɩna nɛ, ʋ dɩa lɛ nɛ nɩalɩŋ kala sɩ laa Yesu wɩaa dii maa hilimi. Ʋ maa chʋɔlɛma. Ɩrasɩtas, nɩɩ-la sɩɩ beŋ moribiee taŋ-la lɛ arɩ la naambie Kɔɔtɔs, ba maa chʋɔlɛma.
[ 24La Tɩɩna Yesu Kirisito jaŋ fá ma nenige a pɛ ma kala lɛ. Amɩɩ.]
Má leŋ dɩ la dɛnnɛ Wɩa
25Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala, 26ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ.
27Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.
Currently Selected:
Rom Tɩŋŋaa 16: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Rom Tɩŋŋaa 16
16
Pɔɔl chʋɔlɛ nɩaa
1Mɩɩ chɛ mɩ kɛŋ la dɩhaala Foobi dagɛma nɛ. Ʋ nɛ ŋaa nɩalɩŋ sɩ laa Yesu wɩaa dii aa hilimi sɩpaalaara, a hɛ Keŋkiriya lɛ. 2Má kɛnʋ woruŋ La Tɩɩna Yesu yɩrɩŋ lɛ, arɩ ʋ sɩ maga dɩ Wɩa nɩaa kɛŋ dɔŋɔ ŋɩɩ. Má pɛ ʋ lɛ arɩ kʋŋkala ʋ sɩɩ chɛ ma teeŋ, bɛɛ wɩaa ʋ pɛ nɩaa lɛ yʋgɛ nɛ woruŋ, a pɛ mɩ ma lɛ.
3Má chʋɔlɛ Pɩrɩsɩla arɩ Akuila. Mɩ dɩ ba kala nɩɩ tɩŋ tɩntɩŋŋaa aa pɩ Yesu Kirisito. 4Ba joŋ ba mɩɩsɩŋ a yɔɔ sʋʋŋ nɛ mɩ wɩaa. Ŋɩɩ wɩaa mɩɩ lɔllɛba. Mɩ dʋndʋŋa saa dee, mɩ dɩ nɩalɩŋ kala sɩ bɩ Juu tɩŋŋaa ŋaa aŋ laa Yesu wɩaa dii aa hilimi, la kala nɩɩ lɔllɛba. 5Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ. 6Má chʋɔlɛ Mɛɛrɩ ma. Ʋ faasa tɩŋ tɩntɩŋŋaa nɛ woruŋ a pɩma. 7Má chʋɔlɛ Andɩrɔnɩkas arɩ Junias ma. Ba ma ŋaa Juu tɩmma nɛ. Mɩ dɩ ba kala nɛ fa hɛ sarɩka lɛ. Yesu nanzɔɔba-la tʋɔŋ nɩaa fa jɩmba nɛ woruŋ. Ba nɛ laa sɩpaaŋ laa Kirisito wɩaa dii mɩ lɛ. 8Má chʋɔlɛ Aŋpɩlaatɩs ma. Ʋ ŋaa mɩ nandɔŋ-choolii nɛ La Tɩɩna Yesu wɩaa lɛ. 9Má chʋɔlɛ Abaanɩs ma, ʋ ŋaa la tɩntɩnnɩ dɔŋ nɛ Kirisito tɩntɩŋŋaa lɛ. Má chʋɔlɛ mɩ nandɔŋ-chooluŋ Sɩtakɩs ma. 10Má chʋɔlɛ Apɛlɛs ma, ʋ faasa chɩŋ Kirisito wɩaa lɛ nɛ woruŋ. Má chʋɔlɛ Arisitobulus dɩa nɩaa ma. 11Má chʋɔlɛ Herodioŋ ma. Ʋ ma ŋaa Juu tɩɩna nɛ. Má chʋɔlɛ Nasɩsas dɩa nɩalɩŋ ma sɩ laa La Tɩɩna Yesu wɩaa dii. 12Má chʋɔlɛ Tɩrafɩɩna arɩ Tɩrafosa. Ba ŋaa haala sɩ faasa tɩŋ La Tɩɩna Yesu tɩntɩŋŋaa nɛ. Má chʋɔlɛ mɩ tanlɔŋ-chooluŋ Pɛsɩs. Ʋ ma ŋaa haal sɩ faasa tɩŋ tɩntɩŋŋaa a pɩ La Tɩɩna Yesu nɛ. 13Má chʋɔlɛ Rufas ma. Ʋ faasa chɩŋ La Tɩɩna Yesu wɩaa lɛ nɛ woruŋ. Má chʋɔlɛ ʋ naaŋ ma, ʋ fa jommi a nagɛ ʋ bii-lʋlɩɩ nɛ. 14Má chʋɔlɛ Asɩŋkɩrɩtas, Fɩlɛgɔŋ, Hɛɛmɩs, Patɩrɔbas, arɩ Hɛɛmas arɩ la naambiiri-la kala sɩ hɛ ba teeŋ. 15Má chʋɔlɛ Fɩlɔɔlɔgɩs, Julia, Niirias arɩ ʋ dɩhaala. Má chʋɔlɛ Ɔlɩmpas ma arɩ Wɩa nɩalɩŋ kala sɩ hɛ ba teeŋ. 16Má guori dɔŋɔ arɩ chonuŋ La Tɩɩna Yesu Kirisito yɩrɩŋ lɛ. Nɩalɩŋ kala sɩ laa Kirisito wɩaa dii aa hilimi lee-na kala, ba maa chʋɔlɛma.
17Mɩɩ sʋlma nɛ mɩ naambiiriŋ dɩ ma kɛŋ ma tɩtɩa arɩ nɩalɩŋ sɩ yie kɛŋ nɩaa pʋpɔrɛ lɛ a leŋ ma yiyeŋŋi wombii-la la sɩ dagɛma ma tuto lɛ. Má lɩɩsɛ ma tɩtɩa ba lɛ. 18Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ. 19Nʋʋkala nɛ nɩɩ ŋɩɩ ma sɩɩ to Wɩa niiŋ wɩaa ŋɩɩ. Ʋ ŋɩɩ ŋaa mɩ tʋɔtɔrʋ nɛ, mɩɩ jʋɔsɛ ma wɩaa. Ama mɩɩ chɛ dɩ ma kɛŋ wʋjɩmɩŋ nɛ wɩalɩŋ sɩ zɔmɔ lɛ, aŋ ŋaa nɩyaara wʋbɔŋŋɔɔ ŋaanɩŋ lɛ. 20Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.
21Timoti mɩ tɩntɩnnɩ-dɔŋɔ, ʋʋ chʋɔlɛma. Lusias arɩ Jaasɩŋ arɩ Sɔsɩpata ma chʋɔlɛma. Ba ma ŋaa Juu tɩmma nɛ.
22Mɩ-na Tɛtɩas Pɔɔl sɩ leŋe mɩ ŋmʋnsɛ teniŋ deeŋ, mɩ maa chʋɔlɛma La Tɩɩna Yesu yɩrɩŋ lɛ.
23Gayas ŋaa mɩ dɩa tɩɩna nɛ, ʋ dɩa lɛ nɛ nɩalɩŋ kala sɩ laa Yesu wɩaa dii maa hilimi. Ʋ maa chʋɔlɛma. Ɩrasɩtas, nɩɩ-la sɩɩ beŋ moribiee taŋ-la lɛ arɩ la naambie Kɔɔtɔs, ba maa chʋɔlɛma.
[ 24La Tɩɩna Yesu Kirisito jaŋ fá ma nenige a pɛ ma kala lɛ. Amɩɩ.]
Má leŋ dɩ la dɛnnɛ Wɩa
25Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala, 26ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ.
27Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014