NAMBABA 28
28
Tapʋlɩɩ kala Wɩɩsʋlʋŋ kɩaa
1La TƖƖNA bʋla pɩ Mosis, 2“Bʋla pɩ Iziral tɩŋŋaa dɩ ba kɛŋ Wɩɩsʋlʋŋ kʋdiilee kʋ nyɩga pɩmɛ bʋa-la lɛ sɩ maga. Ba sʋɔra sɩma nɛ a pɩmɛ. 3Wɩɩsʋlʋŋ kɩalɩŋ ba sɩ jaŋ kaa kʋ ŋaa kʋnyɩgaa Wɩɩsʋlʋŋ pɩmɛ tapʋlɩɩ na-kala nɛ ŋ-la: Pie-pɔrɔɔ balɩa sɩ yi jɩna jɩna a bɩ nyɔɔ kala kɛnɛ. 4Má kpʋ pie-pɔrɔ-la dɔŋɔ chʋchʋɔŋ, aŋ kpʋ dɔŋɔ ma wɩɩ-mul-jʋʋlʋŋ, 5a pɛ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ Olif nʋʋŋ loŋ arɩ kpaa magɛ dɔŋɔ a ŋaa mɩaa Wɩɩsʋlʋŋ. 6Kʋnyɩgaa Wɩɩsʋlʋŋ kɩalɩŋ mɩ sɩ daga Sɩnaɩ peel-la nyuŋ dɩ ma nyɩnyɩgɛ tapʋlɩɩ-kala nɛ ŋɩɩ. Ba sʋɔra sɩma nɛ a pɩ mɩ-na ma TƖƖNA. 7Kʋnyʋalaa Wɩɩsʋlʋŋ sɩ-yele loŋ arɩ kpaa magɛ dɔŋɔ nɛ ma jaŋ joŋo pɛ pie-pɔrɔ-la kʋŋkala lɛ. Kʋnyʋalaa Wɩɩsʋlʋŋ maga dɩ ma joŋo bɩsa ta nɛ a pɩ mɩ-na ma TƖƖNA, Wɩa dɩa lɛ. 8Má kpʋ pie-pɔrʋ-lɩa-la ma wɩɩ-mul-jʋʋlʋŋ, a ŋaa mɩaa Wɩɩsʋlʋŋ arɩ kʋnyʋalaa Wɩɩsʋlɩɩ-la doho tɩtɩa ma sɩ ŋaa chʋchʋɔŋ pie-pɔrʋ-la lɛ. Ma jaŋ nyɩgɛ Wɩɩsʋlʋŋ kɩaa deemba a pɩ mɩ-na ma TƖƖNA, ba sʋɔra sɩma nɛ a pɩmɛ.
Chɛ-wiesiŋ Wɩɩsʋlʋŋ kɩaa
9Chɛ-wiesii-la chɛɛŋ, má kɛŋ pie-pɔrɔɔ balɩa sɩ yi jɩna jɩna a bɩ nyɔɔ kala kɛnɛ, a ŋaa kʋnyɩgaa Wɩɩsʋlʋŋ, a pɛ ba mɩaa Wɩɩsʋlʋŋ kɩaa lɛ, munuŋ sɩ bɩɩ nʋgʋgʋ kuokuo gbaŋa a hɛ nʋʋŋ arɩ ba kʋnyʋalaa Wɩɩsʋlʋŋ kɩaa. 10Kʋnyɩgaa Wɩɩsʋlʋŋ deeŋ nɛ ma jaŋ nyɩnyɩgɛ chɛ-wiesii na-kala a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ kɩaa lɛ.
Chɛnɛ na-kala Wɩɩsʋlʋŋ kɩaa
11Chɛnɛ na-kala tapʋl bumbuŋ, má kɛŋ nɛ-bel pɔrɔɔ balɩa, pie-bele arɩ pie-bel pɔrɔɔ balɩpɛ sɩ yi jɩna jɩna, a ŋaa kʋnyɩgaa Wɩɩsʋlʋŋ pɩ mɩ-na ma TƖƖNA. Ba kʋŋkala bɩ maga dɩ ʋ kɛŋ nyɔɔ. 12Nɛ-bele na-kala lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Pie-bele-la ma lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa a hɛ nʋʋŋ. 13Pie-bel-pɔrɔ-la ma kʋŋkala lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Kɩaa deemba kala nɛ ma jaŋ joŋo hɛ dɔŋɔ a ŋaa kʋnyɩgaa Wɩɩsʋlʋŋ a nyɩga pɩ mɩ-na ma TƖƖNA. Ba sʋɔra sɩma nɛ a pɩmɛ. 14Nɛ-bele na-kala lɛ, ma jaŋ ŋaa girep nɛnɛɛ sɩnɩŋ lonnuŋ batori, a ŋaa kʋnyʋalaa Wɩɩsʋlʋŋ. Pie-bele-la ma lɛ ma jaŋ ŋaa kʋnyʋalaa Wɩɩsʋlʋŋ girep nɛnɛɛ sɩnɩŋ mʋa tuo lonnuŋ balɩa. Pie-bel pɔrɔ-la lɛ, ma jaŋ ŋaa kʋnyʋalaa Wɩɩsʋlʋŋ girep nɛnɛɛ sɩnɩŋ loŋ arɩ kpaa magɛ dɔŋɔ. Kʋnyɩgaa Wɩɩsʋlʋŋ ma sɩ jaŋ vɛnɛɛ ŋaa chɛŋ-falɩɩ na-kala tapʋl bumbuŋ nɛ ŋɩɩ. 15Ma jaŋ kɛŋ gbuŋgbogo a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ lɛ.
Dɩɩsɩŋ kiele bal gbiele
16Chɛŋ-bumbuŋ tʋɔŋ tapʋlaa fii arɩ banɛsɛ chɛɛŋ nɛ maga ma gbieli mɩ-na ma TƖƖNA dɩɩsɩŋ kiele bal gbiele-la. 17Chɛŋ-bumbuŋ-la tʋɔŋ tapʋlaa fii arɩ banɔŋ chɛɛŋ, má suomi gbiele-la, a gbieli tapʋlaa balɩpɛ, aŋ didii boroboro sɩ bɩ sɩbʋrʋŋ kɛnɛ. 18Gbiele-la tapʋl-bumbuŋ, ma hilimi mɩ-na ma TƖƖNA yɩrɩŋ lɛ a sɩ́ tɩntɩmɩɩ kala tɩŋ. 19Má kɛŋ nɛ-bel-pɔrɔɔ balɩa arɩ pie-bel-pɔrɔɔ balɩpɛ sɩ yi jɩna jɩna, a kaa kʋ ŋaa kʋnyɩgaa Wɩɩsʋlʋŋ a nyɩga pɩ La TƖƖNA. Ba kʋŋkala bɩ maga dɩ ʋ kɛŋ nyɔɔ. 20Nɛ-bel-pɔrɔ-la kʋŋkala lɛ, má kɛŋ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Pie-bele-la ma lɛ, má pɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa a hɛ nʋʋŋ. 21Pie-bel-pɔrɔ-la ma kʋŋkala lɛ, má hɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ. 22Má kɛŋ gbuŋgbogo a pɛ a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɩɩsɛ ma disiniŋ ta. 23Má ŋaa Wɩɩ-sʋlaa deemba kala a pɛ chʋchʋa na-kala kʋnyɩgaa Wɩɩsʋlʋŋ-la lɛ. 24Má jaŋ ŋaa Wɩɩ-sʋlʋ kɩaa deemba a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ kɩaa lɛ. Má nyɩga pɩ mɩ-na ma TƖƖNA tapʋlɩɩ na-kala, ŋɩɩ tapʋlaa balɩpɛ. Ba sʋɔra sɩma nɛ a pɩ mɩ-na ma TƖƖNA. 25Tapʋl-pɛɩ chɛɛŋ, má kʋ hilimi La TƖƖNA yɩrɩŋ lɛ a sɩ tɩntɩmɩɩ kala tɩŋ.
Kʋdii-falaa gbiele
26Ma kʋdii falaa gbiele tapʋlʋŋ, tapʋlɩɩ-la nɛ má yie kɛŋ ma kʋdii falaa kaa kʋ pɩ mɩ-na ma TƖƖNA ŋɩɩ. Tapʋlɩɩ-la má hilimi mɩ yɩrɩŋ lɛ aŋ sɩ́ tɩntɩmɩɩ kala tɩŋ. 27Má kɛŋ nɛ-bel-pɔrɔɔ balɩa, pie-bele arɩ pie-bel-pɔrɔɔ balɩpɛ sɩ yi jɩna jɩna a kʋ ŋaa kʋnyɩgaa Wɩɩsʋlʋŋ a nyɩga pɩ mɩ-na ma TƖƖNA. Ba sʋɔra sɩma nɛ a pɩmɛ. 28Nɛ-bele na-kala lɛ, má ŋaa mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ. Pie-bele-la ma lɛ, má hɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa. 29Pie-bel pɔrɔ-la balɩpɛ ma kʋŋkala lɛ, má pɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ. 30Má kɛŋ gbuŋgbogo a pɛ a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɩɩsɛ ma disiniŋ ta. 31Dɩ ma nɩɩ ŋaa Wɩɩsʋlʋŋ deemba, má ŋaa ba kʋnyʋalaa Wɩɩsʋlʋŋ ma pɛ arɩ tapʋlɩɩ kala kʋnyɩgaa Wɩɩsʋlʋŋ arɩ ʋ mɩaa Wɩɩsʋlʋŋ. Pʋsʋ-la kala ma sɩ kaa ŋɩŋaa Wɩɩ-sʋlaa deemba kʋŋkala bɩ maga dɩ ʋ kɛŋ nyɔɔ.
Currently Selected:
NAMBABA 28: SIS
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
NAMBABA 28
28
Tapʋlɩɩ kala Wɩɩsʋlʋŋ kɩaa
1La TƖƖNA bʋla pɩ Mosis, 2“Bʋla pɩ Iziral tɩŋŋaa dɩ ba kɛŋ Wɩɩsʋlʋŋ kʋdiilee kʋ nyɩga pɩmɛ bʋa-la lɛ sɩ maga. Ba sʋɔra sɩma nɛ a pɩmɛ. 3Wɩɩsʋlʋŋ kɩalɩŋ ba sɩ jaŋ kaa kʋ ŋaa kʋnyɩgaa Wɩɩsʋlʋŋ pɩmɛ tapʋlɩɩ na-kala nɛ ŋ-la: Pie-pɔrɔɔ balɩa sɩ yi jɩna jɩna a bɩ nyɔɔ kala kɛnɛ. 4Má kpʋ pie-pɔrɔ-la dɔŋɔ chʋchʋɔŋ, aŋ kpʋ dɔŋɔ ma wɩɩ-mul-jʋʋlʋŋ, 5a pɛ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ Olif nʋʋŋ loŋ arɩ kpaa magɛ dɔŋɔ a ŋaa mɩaa Wɩɩsʋlʋŋ. 6Kʋnyɩgaa Wɩɩsʋlʋŋ kɩalɩŋ mɩ sɩ daga Sɩnaɩ peel-la nyuŋ dɩ ma nyɩnyɩgɛ tapʋlɩɩ-kala nɛ ŋɩɩ. Ba sʋɔra sɩma nɛ a pɩ mɩ-na ma TƖƖNA. 7Kʋnyʋalaa Wɩɩsʋlʋŋ sɩ-yele loŋ arɩ kpaa magɛ dɔŋɔ nɛ ma jaŋ joŋo pɛ pie-pɔrɔ-la kʋŋkala lɛ. Kʋnyʋalaa Wɩɩsʋlʋŋ maga dɩ ma joŋo bɩsa ta nɛ a pɩ mɩ-na ma TƖƖNA, Wɩa dɩa lɛ. 8Má kpʋ pie-pɔrʋ-lɩa-la ma wɩɩ-mul-jʋʋlʋŋ, a ŋaa mɩaa Wɩɩsʋlʋŋ arɩ kʋnyʋalaa Wɩɩsʋlɩɩ-la doho tɩtɩa ma sɩ ŋaa chʋchʋɔŋ pie-pɔrʋ-la lɛ. Ma jaŋ nyɩgɛ Wɩɩsʋlʋŋ kɩaa deemba a pɩ mɩ-na ma TƖƖNA, ba sʋɔra sɩma nɛ a pɩmɛ.
Chɛ-wiesiŋ Wɩɩsʋlʋŋ kɩaa
9Chɛ-wiesii-la chɛɛŋ, má kɛŋ pie-pɔrɔɔ balɩa sɩ yi jɩna jɩna a bɩ nyɔɔ kala kɛnɛ, a ŋaa kʋnyɩgaa Wɩɩsʋlʋŋ, a pɛ ba mɩaa Wɩɩsʋlʋŋ kɩaa lɛ, munuŋ sɩ bɩɩ nʋgʋgʋ kuokuo gbaŋa a hɛ nʋʋŋ arɩ ba kʋnyʋalaa Wɩɩsʋlʋŋ kɩaa. 10Kʋnyɩgaa Wɩɩsʋlʋŋ deeŋ nɛ ma jaŋ nyɩnyɩgɛ chɛ-wiesii na-kala a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ kɩaa lɛ.
Chɛnɛ na-kala Wɩɩsʋlʋŋ kɩaa
11Chɛnɛ na-kala tapʋl bumbuŋ, má kɛŋ nɛ-bel pɔrɔɔ balɩa, pie-bele arɩ pie-bel pɔrɔɔ balɩpɛ sɩ yi jɩna jɩna, a ŋaa kʋnyɩgaa Wɩɩsʋlʋŋ pɩ mɩ-na ma TƖƖNA. Ba kʋŋkala bɩ maga dɩ ʋ kɛŋ nyɔɔ. 12Nɛ-bele na-kala lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Pie-bele-la ma lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa a hɛ nʋʋŋ. 13Pie-bel-pɔrɔ-la ma kʋŋkala lɛ, ma jaŋ pɛ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Kɩaa deemba kala nɛ ma jaŋ joŋo hɛ dɔŋɔ a ŋaa kʋnyɩgaa Wɩɩsʋlʋŋ a nyɩga pɩ mɩ-na ma TƖƖNA. Ba sʋɔra sɩma nɛ a pɩmɛ. 14Nɛ-bele na-kala lɛ, ma jaŋ ŋaa girep nɛnɛɛ sɩnɩŋ lonnuŋ batori, a ŋaa kʋnyʋalaa Wɩɩsʋlʋŋ. Pie-bele-la ma lɛ ma jaŋ ŋaa kʋnyʋalaa Wɩɩsʋlʋŋ girep nɛnɛɛ sɩnɩŋ mʋa tuo lonnuŋ balɩa. Pie-bel pɔrɔ-la lɛ, ma jaŋ ŋaa kʋnyʋalaa Wɩɩsʋlʋŋ girep nɛnɛɛ sɩnɩŋ loŋ arɩ kpaa magɛ dɔŋɔ. Kʋnyɩgaa Wɩɩsʋlʋŋ ma sɩ jaŋ vɛnɛɛ ŋaa chɛŋ-falɩɩ na-kala tapʋl bumbuŋ nɛ ŋɩɩ. 15Ma jaŋ kɛŋ gbuŋgbogo a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ lɛ.
Dɩɩsɩŋ kiele bal gbiele
16Chɛŋ-bumbuŋ tʋɔŋ tapʋlaa fii arɩ banɛsɛ chɛɛŋ nɛ maga ma gbieli mɩ-na ma TƖƖNA dɩɩsɩŋ kiele bal gbiele-la. 17Chɛŋ-bumbuŋ-la tʋɔŋ tapʋlaa fii arɩ banɔŋ chɛɛŋ, má suomi gbiele-la, a gbieli tapʋlaa balɩpɛ, aŋ didii boroboro sɩ bɩ sɩbʋrʋŋ kɛnɛ. 18Gbiele-la tapʋl-bumbuŋ, ma hilimi mɩ-na ma TƖƖNA yɩrɩŋ lɛ a sɩ́ tɩntɩmɩɩ kala tɩŋ. 19Má kɛŋ nɛ-bel-pɔrɔɔ balɩa arɩ pie-bel-pɔrɔɔ balɩpɛ sɩ yi jɩna jɩna, a kaa kʋ ŋaa kʋnyɩgaa Wɩɩsʋlʋŋ a nyɩga pɩ La TƖƖNA. Ba kʋŋkala bɩ maga dɩ ʋ kɛŋ nyɔɔ. 20Nɛ-bel-pɔrɔ-la kʋŋkala lɛ, má kɛŋ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ a ŋaa mɩaa Wɩɩsʋlʋŋ. Pie-bele-la ma lɛ, má pɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa a hɛ nʋʋŋ. 21Pie-bel-pɔrɔ-la ma kʋŋkala lɛ, má hɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ. 22Má kɛŋ gbuŋgbogo a pɛ a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɩɩsɛ ma disiniŋ ta. 23Má ŋaa Wɩɩ-sʋlaa deemba kala a pɛ chʋchʋa na-kala kʋnyɩgaa Wɩɩsʋlʋŋ-la lɛ. 24Má jaŋ ŋaa Wɩɩ-sʋlʋ kɩaa deemba a pɛ tapʋlɩɩ kala kʋnyɩgaa Wɩɩsʋlʋŋ arɩ ʋ kʋnyʋalaa Wɩɩsʋlʋŋ kɩaa lɛ. Má nyɩga pɩ mɩ-na ma TƖƖNA tapʋlɩɩ na-kala, ŋɩɩ tapʋlaa balɩpɛ. Ba sʋɔra sɩma nɛ a pɩ mɩ-na ma TƖƖNA. 25Tapʋl-pɛɩ chɛɛŋ, má kʋ hilimi La TƖƖNA yɩrɩŋ lɛ a sɩ tɩntɩmɩɩ kala tɩŋ.
Kʋdii-falaa gbiele
26Ma kʋdii falaa gbiele tapʋlʋŋ, tapʋlɩɩ-la nɛ má yie kɛŋ ma kʋdii falaa kaa kʋ pɩ mɩ-na ma TƖƖNA ŋɩɩ. Tapʋlɩɩ-la má hilimi mɩ yɩrɩŋ lɛ aŋ sɩ́ tɩntɩmɩɩ kala tɩŋ. 27Má kɛŋ nɛ-bel-pɔrɔɔ balɩa, pie-bele arɩ pie-bel-pɔrɔɔ balɩpɛ sɩ yi jɩna jɩna a kʋ ŋaa kʋnyɩgaa Wɩɩsʋlʋŋ a nyɩga pɩ mɩ-na ma TƖƖNA. Ba sʋɔra sɩma nɛ a pɩmɛ. 28Nɛ-bele na-kala lɛ, má ŋaa mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa arɩ kpaa magɛ dɔŋɔ a hɛ nʋʋŋ. Pie-bele-la ma lɛ, má hɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa. 29Pie-bel pɔrɔ-la balɩpɛ ma kʋŋkala lɛ, má pɛ mɩaa Wɩɩsʋlʋŋ munuŋ sɩ bɩɩ nʋgʋgʋ kuokuo gbaŋa kpaa magɛ dɔŋɔ. 30Má kɛŋ gbuŋgbogo a pɛ a ŋaa wʋbɔŋŋɔɔ joŋo chɛnɩŋ Wɩɩsʋlʋŋ a pɩɩsɛ ma disiniŋ ta. 31Dɩ ma nɩɩ ŋaa Wɩɩsʋlʋŋ deemba, má ŋaa ba kʋnyʋalaa Wɩɩsʋlʋŋ ma pɛ arɩ tapʋlɩɩ kala kʋnyɩgaa Wɩɩsʋlʋŋ arɩ ʋ mɩaa Wɩɩsʋlʋŋ. Pʋsʋ-la kala ma sɩ kaa ŋɩŋaa Wɩɩ-sʋlaa deemba kʋŋkala bɩ maga dɩ ʋ kɛŋ nyɔɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014