Matiu 21
21
Yesu jʋʋ Jerusalɛm
Maak 11.1-11; Luuk 19.28-40; Jɔɔŋ 12.12-19
1Ŋɩɩ nɛ Yesu arɩ ʋ harɩ-tooroo sii mʋ Jerusalɛm. Ba kʋ yi Bɛtɩfagɩ sɩ hɛ peel kʋbala ba sɩɩ yɩrɛ Olif leriŋ. Ŋɩɩ nɛ Yesu lɩɩsɛ ʋ harɩ-tooroo balɩa a timba 2a bʋla pɩba, “Má mʋ taŋ-la sɩ hɛ ma sɩpaaŋ. Dɩ ma nɛ mʋa, ma jaŋ na kakumo arɩ ʋ bie dɩ ba vɔbɔ a kɩɩ. Má puri a kaa kʋ pɩmɛ. 3Dɩ nʋʋkala nɛ pɩɛsɛma, má bʋla pʋ arɩ ma Tɩɩna nɩɩ chɛ. Ʋ jaŋ leŋ dɩ ma kaa kɔ lɩma.” 4Wɩɩŋ deeŋ ŋaa dɩ wɩɩ-la Wɩa wʋlaabʋlla sɩ bʋla kʋ ŋaa wʋtɩtɩɩ nɛ. 5Ʋ fa sɩ,
“Má bʋla pɩ Zaayɔŋ nɩaa
dɩ ba bee na, dɩ ba kuoro nɩɩ kɔ ba teeŋ.
Ʋ kɛŋ ʋ tɩtɩa muuri nɛ a jɩl kakumo
a sagɛ kaku-pɔrʋŋ nyuŋ.”
6Ŋɩɩ nɛ Yesu harɩ-tooro-la mʋ a ŋaa wɩɩ-la Yesu sɩ bʋla pɩba dɩ ba ŋaa. 7Ba kɛŋ kakumo-la arɩ ʋ bie kaa kɔ a joŋ ba gɛnnɩŋ daŋ kakumo-la arɩ ʋ bie nyuŋ, Yesu jɩl. 8Nɩ-daŋ-la jesiŋ joŋ ba gɛnnɩŋ a jɛrɛ wombiiŋ lɛ, ka dɔnsʋŋ ma keri pɩpaarɩŋ a ma kaa jɛrɛ wombiiŋ lɛ. 9Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl,
“Tabarɩkala Devit nihii!
Wɩa jaŋ pɛ nɩɩ-la sɩɩ kɔ La Tɩɩna doluŋ lɛ.
Má leŋ dɩ la dɛnnɛ Wɩa.”
10Yesu sɩ mʋʋ jʋʋ Jerusalɛm, taŋ-la kala zigili. Ŋɩɩ nɛ nɩaa pɩɛsɛ, “Kʋbɛɛ nɛ ŋ-la?” 11Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”
Yesu jʋʋ Wɩa dɩa
Maak 11.15-19; Luuk 19.45-48; Jɔɔŋ 2.13-22
12Ŋɩɩ nɛ Yesu jʋʋ Wɩa dɩɩ-balɩŋ. Nɩaa dɔnsʋŋ fa hɛ nɩmɛ a yɩyallɛ kɩaa, dɔnsʋŋ ma yʋyɔɔ kɩaa. Yesu kiri ba kala ta ba lɩɩ. Nɩaa dɔnsʋŋ ma fa hɛ nɩmɛ a yɩyɛrɛ moribiee, dɔnsʋŋ ma yɩyallɛ kokosuŋ, ʋ ŋmoo ba teebʋlba lo. 13Ŋɩɩ nɛ Yesu bʋla pɩba, “Ba ŋmʋnsa Wɩa teniŋ tʋɔŋ arɩ Wɩa sɩ ʋ dɩa jaŋ ŋaa lee-la nɩaa sɩ jaŋ chʋchʋɔlʋ, aŋ ka ma-na mɩɩra kaa bɩrɩmɛ gaarɩ-dɩa.”
14Ŋɩɩ nɛ nyʋlɩmaa arɩ gbɛrɩgɛɛ kɔ Yesu teeŋ Wɩa dɩɩ-balɩŋ lɛ. Ʋ vaarɛba. 15Ama Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba sɩ na wʋmagɩla-la ʋ sɩɩ ŋaa a bɩra na hambiisiŋ sɩɩ ŋaa goŋ ŋɩɩ Wɩa dɩɩ-balɩŋ lɛ, ba na baanɩŋ. Hambiisi-la faa bʋl, “Tabarɩkala Devit nihii.”
16Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba pɩɛsɛ Yesu, “Ŋ nɩɩ wɩalɩŋ ba sɩɩ bʋl nɛɛ?” Yesu bʋl, “Mɩ nɩa nɛ.” Ŋɩɩ nɛ Yesu ma pɩɛsɛba, “Ma bɩ Wɩa teniŋ karɩmaa? Ba ŋmʋnsa Wɩa teniŋ tʋɔŋ a bʋl,
‘Wɩa jaŋ leŋ dɩ bii-mulluŋ dɩdɛnnɛ Wɩa.’ ”
17Ŋɩɩ nɛ Yesu lemba aŋ lɩɩ tabal-la lɛ a mʋ Bɛtanɩ a chʋa nɩmɛ.
Yesu kalɩba hɛ tutogo lɛ
Maak 11.12-14, 20-24
18Taŋ sɩ pʋla, Yesu mɩɩra mʋ Jerusalɛm. Ʋ sɩɩ mʋ, losuŋ kɛnʋ wombiiŋ lɛ. 19Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ. 20Ʋ harɩ-tooroo sɩ na wɩɩŋ deeŋ, ʋ ŋaaba wʋkpuŋkpere. Ba pɩpɩɛsɛ dɔŋɔ, “Ɛɛ nɛ tɩa-la guu sʋʋ lɩma ŋɩɩ?” 21Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa. 22Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”
Nɩaa pɩɛsɛ Yesu ʋ doluŋ wɩaa
Maak 11.27-33; Luuk 20.1-8
23Ba sɩ mʋ Jerusalɛm, Yesu mʋ jʋʋ Wɩa dɩɩ-balɩŋ. Ʋ sɩ jʋʋ Wɩa dɩa-la ŋɩɩ a dɩdagɛ nɩaa, Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ, ba kala sii kɔ ʋ teeŋ a pɩɛsʋ, “Dol bɛɛ nɛ ŋ kɛŋ a ŋɩŋaa wɩaa deemba? Kʋbɛɛ nɛ pɩŋ doluŋ ŋ kaa ŋɩŋaa ŋɩɩ?” 24Ŋɩɩ nɛ Yesu bʋla pɩba, “Mɩ ma jaŋ pɩɛsɛma wʋbala. Dɩ ma nɛ dagɛmɛ ʋ bʋbʋɔŋ, mɩ ma jaŋ dagɛma dol-la mɩ sɩ kɛnɛ bʋbʋɔŋ.” 25Ŋɩɩ nɛ ʋ pɩɛsɛba, “Kʋbɛɛ nɛ pɩ Jɔɔŋ doluŋ ʋ fufo nɩaa Wɩɩchʋɔlɛ lɩɩŋ, Wɩa nɛ pʋ koo nuhuobiine nɛ pʋ? Má dagɛmɛ.” Ba suomo kɛŋ wɩɩ-la lɩlɛrɛ dɔŋɔ lɛ aa bʋl, “Wʋbɛɛ nɛ laa chɛ dɩ la bʋl? Dɩ la nɛ bʋla pʋ arɩ Wɩa teeŋ nɛ ʋ lɩɩ, ʋ jaŋ pɩɛsɛla, ‘Bɛɛ nɛ saa tɩɩ ma bɩ wɩalɩŋ ʋ sɩ bʋla laa dii?’ 26Dɩ la nɛ saa sɩ ʋ lɩɩ nuhuobiine teeŋ nɛ, fawʋllʋŋ jaŋ kɛnla a tɩŋ nɩ-daŋ-la sɩ chɩŋ nɩmɛ wɩaa. Nɩaa bʋla arɩ Jɔɔŋ fa sɛnɛ ŋaa Wɩa wʋlaabʋllʋ nɛ.” 27Ŋɩɩ nɛ ba bʋla pɩ Yesu, “La bɩ jɩŋ.” Yesu ma bʋla pɩba, “Tɔɔ, mɩ ma bɩ jaŋ dagɛma dol-la mɩ sɩ kɛnɛ bʋbʋɔŋ.”
28Ŋɩɩ nɛ Yesu magɛ namaga a pɩ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa, “Baal kʋbala nɛ hɛ nɩmɛ a kɛŋ hambolibiisiŋ balɩa. Ʋ sii mʋ ʋ bii-hɩaŋ teeŋ a bʋla pʋ, ‘Mɩ bii, mʋ baga jɩnɩŋ a tɩŋ.’ 29Ŋɩɩ nɛ bile bʋl, ‘Mɩ bɩ jaŋ mʋ baga jɩnɩŋ.’ Ʋ ŋɩɩ harɩŋ lɛ, ʋ bɩrɩmɛ ʋ tʋɔbɩɩnaa aŋ sii mʋ baga-la. Ŋɩɩ nɛ ba nyɩmma bɩra mʋ a bʋl ʋ bii-bie-la ma lɛ arɩ ʋ mʋ baga. Ŋɩɩ nɛ bile bʋl dɩ ʋ jaŋ mʋ aŋ vɩa. 30-31Hambiisiŋ deemba balɩa tʋɔŋ, kʋbɛɛ nɛ to ba nyɩmma niiŋ lɛ? Bɛɛ nɛ ma bɩɩnɛ?” Ba bʋla pʋ dɩ ʋ bii-hɩaŋ-la nɛ. Ŋɩɩ nɛ Yesu bʋla pɩba, “Wʋtɩtɩɩ, mɩ bʋlaa pɩma arɩ lampoo laaraa arɩ jagumuloba jaŋ laa sɩpaaŋ ma lɛ a jʋʋ Wɩa kuorii-la. 32Bɛɛ wɩaa Jɔɔŋ Wɩa lɩɩ-fooru-la kɔ a dagɛma wombii-tɩtɩɩ-la nɛ ma sɩ jaŋ to, aŋ ka ma bɩ ʋ wɩaa laa dii, ama lampoo laaraa arɩ jagumuloba laa ʋ wɩaa dii nɛ. Ma paala na ba sɩ laa ʋ wɩaa dii ŋɩɩ nɛ, aŋ ka ma ha bɩ bɩrɩma dɩ ma laa ʋ wɩaa dii.”
Yesu magɛ namaga a tɩgɛ nɩalɩŋ sɩɩ tɩŋ tɩntɩŋŋaa baga lɛ
Maak 12.1-12; Luuk 20.9-19
33Ŋɩɩ nɛ Yesu bɩra magɛ namaga dɔŋɔ a bʋl, “Baal kʋbala nɛ bil baga a chɔnsɛ girep tɩɩsɩŋ. Ʋ saa kɛrɛ golli baga-la, a lu bʋa baga-la lɛ dɩ ba chagɛ girep nɛnɛ-la lɩɩŋ hɩhɛ, aŋ saa dɩɩ-leŋiŋ a hɔnɔ pɔ. Ŋɩɩ nɛ ʋ paa nɩaa a hɛ ʋ baga-la tʋɔŋ dɩ ba tɩtɩŋ, aŋ mʋ taŋ dɔŋ. 34Girep nɛnɛ-la bɩɩnɩŋ sɩ yie, ʋ tɩŋ ʋ dɩa tɩntɩnnaa dɩ ba mʋ tɩntɩnna-la teeŋ a laa tɩɩnɛnɛ-la kaa kɔ. Ba mʋ. 35Ba kɛŋ dɔŋɔ a ŋmobu, a kpʋ dɔŋɔ, a yagɛ dɔŋɔ arɩ tabɩaa a kpʋʋ. 36Ŋɩɩ nɛ ʋ tɩŋ nɩaa dɔnsʋŋ a wasa kɩɩ bumbuŋ-la. Ba ŋaa ŋɩɩ tɩtɩa nɩalɩŋ ma lɛ. 37Ŋɩɩ harɩŋ lɛ nɛ ʋ tɩŋ ʋ bie. Ʋ bɩɩna dɩ ʋ bie nɛ mʋa, ba jaŋ zilu. Ʋ ma bɩra mʋ. 38Tɩntɩnna-la sɩ na bile, ba bʋla pɩ dɔŋɔ, ‘Dɩ baga-la tɩɩna nɛ sʋba, bie deeŋ nɛ jaŋ dii ʋ kɩaa. Má kɔ dɩ la kpʋʋ. Dɩ la nɛ kpʋʋ, la nɛ jaŋ mɩɩra tɩɩ ʋ kɩalɩŋ.’ 39Ba kɛŋ bile a joŋu yuo ta baga-la harɩŋ a kpʋʋ.” 40Ŋɩɩ nɛ Yesu pɩɛsɛba, “Dɩ baga-la tɩɩna nɛ kɔ, ɛɛ nɛ ʋ jaŋ ŋaa baga tɩntɩnna-la lɛ?” 41Ŋɩɩ nɛ ba bʋla pʋ, “Ʋ jaŋ kɔ a kpʋ nɩbɔmɔ-la aŋ joŋ baga-la a pɩ nɩtanɩa. Dɩ girep nɛnɛ-la bɩɩnɩŋ nɛ yie, ba jaŋ kɛŋ ʋ nɛnɛ-la kaa mʋ pʋ.”
42Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la:
‘Tie-bii-la dɩɩ-saaraa sɩ vɩa,
ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.
La Tɩɩna Wɩa tɩntɩŋŋaa nɛ ŋɩɩ.
Ʋ ŋaala wʋkpuŋkpere nɛ.’ ”
43Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ. 44Nɩɩ-la sɩ tel tie-bii-la nyuŋ, ʋ tɩɩna jaŋ yɛrɛ muno muno. Dɩ tie-bii-la ma nɛ tel nʋʋkala nyuŋ, ʋ jaŋ bʋrɩgɛ tɩɩna.”
45Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa nɩɩ Yesu sɩ magɛ namaga-la a jɩŋ arɩ ba wɩaa nɛ ʋ bʋbʋl ŋɩɩ. 46Ŋɩɩ nɛ ba wʋwalɩmɛ dɩ ba kɛnʋ kaa mʋ tɔ dɩa. Ama ba faa fá nɩ-daŋ-la sɩ hɛ nɩmɛ, bɛɛ wɩaa nɩ-daŋ-la joŋ Yesu arɩ ʋ ŋaa Wɩa wʋlaabʋllʋ nɛ.
Currently Selected:
Matiu 21: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 21
21
Yesu jʋʋ Jerusalɛm
Maak 11.1-11; Luuk 19.28-40; Jɔɔŋ 12.12-19
1Ŋɩɩ nɛ Yesu arɩ ʋ harɩ-tooroo sii mʋ Jerusalɛm. Ba kʋ yi Bɛtɩfagɩ sɩ hɛ peel kʋbala ba sɩɩ yɩrɛ Olif leriŋ. Ŋɩɩ nɛ Yesu lɩɩsɛ ʋ harɩ-tooroo balɩa a timba 2a bʋla pɩba, “Má mʋ taŋ-la sɩ hɛ ma sɩpaaŋ. Dɩ ma nɛ mʋa, ma jaŋ na kakumo arɩ ʋ bie dɩ ba vɔbɔ a kɩɩ. Má puri a kaa kʋ pɩmɛ. 3Dɩ nʋʋkala nɛ pɩɛsɛma, má bʋla pʋ arɩ ma Tɩɩna nɩɩ chɛ. Ʋ jaŋ leŋ dɩ ma kaa kɔ lɩma.” 4Wɩɩŋ deeŋ ŋaa dɩ wɩɩ-la Wɩa wʋlaabʋlla sɩ bʋla kʋ ŋaa wʋtɩtɩɩ nɛ. 5Ʋ fa sɩ,
“Má bʋla pɩ Zaayɔŋ nɩaa
dɩ ba bee na, dɩ ba kuoro nɩɩ kɔ ba teeŋ.
Ʋ kɛŋ ʋ tɩtɩa muuri nɛ a jɩl kakumo
a sagɛ kaku-pɔrʋŋ nyuŋ.”
6Ŋɩɩ nɛ Yesu harɩ-tooro-la mʋ a ŋaa wɩɩ-la Yesu sɩ bʋla pɩba dɩ ba ŋaa. 7Ba kɛŋ kakumo-la arɩ ʋ bie kaa kɔ a joŋ ba gɛnnɩŋ daŋ kakumo-la arɩ ʋ bie nyuŋ, Yesu jɩl. 8Nɩ-daŋ-la jesiŋ joŋ ba gɛnnɩŋ a jɛrɛ wombiiŋ lɛ, ka dɔnsʋŋ ma keri pɩpaarɩŋ a ma kaa jɛrɛ wombiiŋ lɛ. 9Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl,
“Tabarɩkala Devit nihii!
Wɩa jaŋ pɛ nɩɩ-la sɩɩ kɔ La Tɩɩna doluŋ lɛ.
Má leŋ dɩ la dɛnnɛ Wɩa.”
10Yesu sɩ mʋʋ jʋʋ Jerusalɛm, taŋ-la kala zigili. Ŋɩɩ nɛ nɩaa pɩɛsɛ, “Kʋbɛɛ nɛ ŋ-la?” 11Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”
Yesu jʋʋ Wɩa dɩa
Maak 11.15-19; Luuk 19.45-48; Jɔɔŋ 2.13-22
12Ŋɩɩ nɛ Yesu jʋʋ Wɩa dɩɩ-balɩŋ. Nɩaa dɔnsʋŋ fa hɛ nɩmɛ a yɩyallɛ kɩaa, dɔnsʋŋ ma yʋyɔɔ kɩaa. Yesu kiri ba kala ta ba lɩɩ. Nɩaa dɔnsʋŋ ma fa hɛ nɩmɛ a yɩyɛrɛ moribiee, dɔnsʋŋ ma yɩyallɛ kokosuŋ, ʋ ŋmoo ba teebʋlba lo. 13Ŋɩɩ nɛ Yesu bʋla pɩba, “Ba ŋmʋnsa Wɩa teniŋ tʋɔŋ arɩ Wɩa sɩ ʋ dɩa jaŋ ŋaa lee-la nɩaa sɩ jaŋ chʋchʋɔlʋ, aŋ ka ma-na mɩɩra kaa bɩrɩmɛ gaarɩ-dɩa.”
14Ŋɩɩ nɛ nyʋlɩmaa arɩ gbɛrɩgɛɛ kɔ Yesu teeŋ Wɩa dɩɩ-balɩŋ lɛ. Ʋ vaarɛba. 15Ama Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba sɩ na wʋmagɩla-la ʋ sɩɩ ŋaa a bɩra na hambiisiŋ sɩɩ ŋaa goŋ ŋɩɩ Wɩa dɩɩ-balɩŋ lɛ, ba na baanɩŋ. Hambiisi-la faa bʋl, “Tabarɩkala Devit nihii.”
16Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba pɩɛsɛ Yesu, “Ŋ nɩɩ wɩalɩŋ ba sɩɩ bʋl nɛɛ?” Yesu bʋl, “Mɩ nɩa nɛ.” Ŋɩɩ nɛ Yesu ma pɩɛsɛba, “Ma bɩ Wɩa teniŋ karɩmaa? Ba ŋmʋnsa Wɩa teniŋ tʋɔŋ a bʋl,
‘Wɩa jaŋ leŋ dɩ bii-mulluŋ dɩdɛnnɛ Wɩa.’ ”
17Ŋɩɩ nɛ Yesu lemba aŋ lɩɩ tabal-la lɛ a mʋ Bɛtanɩ a chʋa nɩmɛ.
Yesu kalɩba hɛ tutogo lɛ
Maak 11.12-14, 20-24
18Taŋ sɩ pʋla, Yesu mɩɩra mʋ Jerusalɛm. Ʋ sɩɩ mʋ, losuŋ kɛnʋ wombiiŋ lɛ. 19Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ. 20Ʋ harɩ-tooroo sɩ na wɩɩŋ deeŋ, ʋ ŋaaba wʋkpuŋkpere. Ba pɩpɩɛsɛ dɔŋɔ, “Ɛɛ nɛ tɩa-la guu sʋʋ lɩma ŋɩɩ?” 21Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa. 22Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”
Nɩaa pɩɛsɛ Yesu ʋ doluŋ wɩaa
Maak 11.27-33; Luuk 20.1-8
23Ba sɩ mʋ Jerusalɛm, Yesu mʋ jʋʋ Wɩa dɩɩ-balɩŋ. Ʋ sɩ jʋʋ Wɩa dɩa-la ŋɩɩ a dɩdagɛ nɩaa, Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ, ba kala sii kɔ ʋ teeŋ a pɩɛsʋ, “Dol bɛɛ nɛ ŋ kɛŋ a ŋɩŋaa wɩaa deemba? Kʋbɛɛ nɛ pɩŋ doluŋ ŋ kaa ŋɩŋaa ŋɩɩ?” 24Ŋɩɩ nɛ Yesu bʋla pɩba, “Mɩ ma jaŋ pɩɛsɛma wʋbala. Dɩ ma nɛ dagɛmɛ ʋ bʋbʋɔŋ, mɩ ma jaŋ dagɛma dol-la mɩ sɩ kɛnɛ bʋbʋɔŋ.” 25Ŋɩɩ nɛ ʋ pɩɛsɛba, “Kʋbɛɛ nɛ pɩ Jɔɔŋ doluŋ ʋ fufo nɩaa Wɩɩchʋɔlɛ lɩɩŋ, Wɩa nɛ pʋ koo nuhuobiine nɛ pʋ? Má dagɛmɛ.” Ba suomo kɛŋ wɩɩ-la lɩlɛrɛ dɔŋɔ lɛ aa bʋl, “Wʋbɛɛ nɛ laa chɛ dɩ la bʋl? Dɩ la nɛ bʋla pʋ arɩ Wɩa teeŋ nɛ ʋ lɩɩ, ʋ jaŋ pɩɛsɛla, ‘Bɛɛ nɛ saa tɩɩ ma bɩ wɩalɩŋ ʋ sɩ bʋla laa dii?’ 26Dɩ la nɛ saa sɩ ʋ lɩɩ nuhuobiine teeŋ nɛ, fawʋllʋŋ jaŋ kɛnla a tɩŋ nɩ-daŋ-la sɩ chɩŋ nɩmɛ wɩaa. Nɩaa bʋla arɩ Jɔɔŋ fa sɛnɛ ŋaa Wɩa wʋlaabʋllʋ nɛ.” 27Ŋɩɩ nɛ ba bʋla pɩ Yesu, “La bɩ jɩŋ.” Yesu ma bʋla pɩba, “Tɔɔ, mɩ ma bɩ jaŋ dagɛma dol-la mɩ sɩ kɛnɛ bʋbʋɔŋ.”
28Ŋɩɩ nɛ Yesu magɛ namaga a pɩ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa, “Baal kʋbala nɛ hɛ nɩmɛ a kɛŋ hambolibiisiŋ balɩa. Ʋ sii mʋ ʋ bii-hɩaŋ teeŋ a bʋla pʋ, ‘Mɩ bii, mʋ baga jɩnɩŋ a tɩŋ.’ 29Ŋɩɩ nɛ bile bʋl, ‘Mɩ bɩ jaŋ mʋ baga jɩnɩŋ.’ Ʋ ŋɩɩ harɩŋ lɛ, ʋ bɩrɩmɛ ʋ tʋɔbɩɩnaa aŋ sii mʋ baga-la. Ŋɩɩ nɛ ba nyɩmma bɩra mʋ a bʋl ʋ bii-bie-la ma lɛ arɩ ʋ mʋ baga. Ŋɩɩ nɛ bile bʋl dɩ ʋ jaŋ mʋ aŋ vɩa. 30-31Hambiisiŋ deemba balɩa tʋɔŋ, kʋbɛɛ nɛ to ba nyɩmma niiŋ lɛ? Bɛɛ nɛ ma bɩɩnɛ?” Ba bʋla pʋ dɩ ʋ bii-hɩaŋ-la nɛ. Ŋɩɩ nɛ Yesu bʋla pɩba, “Wʋtɩtɩɩ, mɩ bʋlaa pɩma arɩ lampoo laaraa arɩ jagumuloba jaŋ laa sɩpaaŋ ma lɛ a jʋʋ Wɩa kuorii-la. 32Bɛɛ wɩaa Jɔɔŋ Wɩa lɩɩ-fooru-la kɔ a dagɛma wombii-tɩtɩɩ-la nɛ ma sɩ jaŋ to, aŋ ka ma bɩ ʋ wɩaa laa dii, ama lampoo laaraa arɩ jagumuloba laa ʋ wɩaa dii nɛ. Ma paala na ba sɩ laa ʋ wɩaa dii ŋɩɩ nɛ, aŋ ka ma ha bɩ bɩrɩma dɩ ma laa ʋ wɩaa dii.”
Yesu magɛ namaga a tɩgɛ nɩalɩŋ sɩɩ tɩŋ tɩntɩŋŋaa baga lɛ
Maak 12.1-12; Luuk 20.9-19
33Ŋɩɩ nɛ Yesu bɩra magɛ namaga dɔŋɔ a bʋl, “Baal kʋbala nɛ bil baga a chɔnsɛ girep tɩɩsɩŋ. Ʋ saa kɛrɛ golli baga-la, a lu bʋa baga-la lɛ dɩ ba chagɛ girep nɛnɛ-la lɩɩŋ hɩhɛ, aŋ saa dɩɩ-leŋiŋ a hɔnɔ pɔ. Ŋɩɩ nɛ ʋ paa nɩaa a hɛ ʋ baga-la tʋɔŋ dɩ ba tɩtɩŋ, aŋ mʋ taŋ dɔŋ. 34Girep nɛnɛ-la bɩɩnɩŋ sɩ yie, ʋ tɩŋ ʋ dɩa tɩntɩnnaa dɩ ba mʋ tɩntɩnna-la teeŋ a laa tɩɩnɛnɛ-la kaa kɔ. Ba mʋ. 35Ba kɛŋ dɔŋɔ a ŋmobu, a kpʋ dɔŋɔ, a yagɛ dɔŋɔ arɩ tabɩaa a kpʋʋ. 36Ŋɩɩ nɛ ʋ tɩŋ nɩaa dɔnsʋŋ a wasa kɩɩ bumbuŋ-la. Ba ŋaa ŋɩɩ tɩtɩa nɩalɩŋ ma lɛ. 37Ŋɩɩ harɩŋ lɛ nɛ ʋ tɩŋ ʋ bie. Ʋ bɩɩna dɩ ʋ bie nɛ mʋa, ba jaŋ zilu. Ʋ ma bɩra mʋ. 38Tɩntɩnna-la sɩ na bile, ba bʋla pɩ dɔŋɔ, ‘Dɩ baga-la tɩɩna nɛ sʋba, bie deeŋ nɛ jaŋ dii ʋ kɩaa. Má kɔ dɩ la kpʋʋ. Dɩ la nɛ kpʋʋ, la nɛ jaŋ mɩɩra tɩɩ ʋ kɩalɩŋ.’ 39Ba kɛŋ bile a joŋu yuo ta baga-la harɩŋ a kpʋʋ.” 40Ŋɩɩ nɛ Yesu pɩɛsɛba, “Dɩ baga-la tɩɩna nɛ kɔ, ɛɛ nɛ ʋ jaŋ ŋaa baga tɩntɩnna-la lɛ?” 41Ŋɩɩ nɛ ba bʋla pʋ, “Ʋ jaŋ kɔ a kpʋ nɩbɔmɔ-la aŋ joŋ baga-la a pɩ nɩtanɩa. Dɩ girep nɛnɛ-la bɩɩnɩŋ nɛ yie, ba jaŋ kɛŋ ʋ nɛnɛ-la kaa mʋ pʋ.”
42Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la:
‘Tie-bii-la dɩɩ-saaraa sɩ vɩa,
ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.
La Tɩɩna Wɩa tɩntɩŋŋaa nɛ ŋɩɩ.
Ʋ ŋaala wʋkpuŋkpere nɛ.’ ”
43Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ. 44Nɩɩ-la sɩ tel tie-bii-la nyuŋ, ʋ tɩɩna jaŋ yɛrɛ muno muno. Dɩ tie-bii-la ma nɛ tel nʋʋkala nyuŋ, ʋ jaŋ bʋrɩgɛ tɩɩna.”
45Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa nɩɩ Yesu sɩ magɛ namaga-la a jɩŋ arɩ ba wɩaa nɛ ʋ bʋbʋl ŋɩɩ. 46Ŋɩɩ nɛ ba wʋwalɩmɛ dɩ ba kɛnʋ kaa mʋ tɔ dɩa. Ama ba faa fá nɩ-daŋ-la sɩ hɛ nɩmɛ, bɛɛ wɩaa nɩ-daŋ-la joŋ Yesu arɩ ʋ ŋaa Wɩa wʋlaabʋllʋ nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014