Matiu 13
13
Yesu magɛ namaga a tɩgɛ baala sɩ duu kɩaa lɛ
Maak 4.1-9; Luuk 8.4-8
1Tapʋlɩɩ-la tɩtɩa Yesu lɩɩ dɩa-la lɛ ʋ dɩ ʋ harɩ-tooroo fa sɩ hɔnɔ, a sii mʋ mʋgʋ-balɩŋ niiŋ a hɔŋ nɩmɛ dɩ ʋ dagɛ nɩaa. 2Nɩaa yʋgɛ a kʋ gollu chu. Ŋɩɩ nɛ ʋ sii mʋ jʋʋ lɩɩŋ daboro tʋɔŋ a hɔŋ lɩɩŋ tʋɔŋ, ka nɩ-daŋ-la chɩŋ mʋga niiŋ. 3Ŋɩɩ nɛ ʋ magɛ namagaba a dagɛba wɩaa yʋgɛ. Ʋ namagaba-la dɔŋɔ nɛ ŋ-la: Yesu sɩ: “Baal kʋbala nɛ sie a kɛŋ ʋ kʋdoho kaa lɩɩ dɩ ʋ mɩsɛ. 4Ʋ sɩɩ mɩsɛ ŋɩɩ, kʋdoho-la dɔnsʋŋ tel wombiiŋ tʋɔŋ. Diibiisiŋ kʋ tʋɔsa dii. 5Dɔnsʋŋ ma tel kpagɩnyɩlɩŋ nyuŋ. Hagɩla sɩ bɩ yʋgɛ ŋɩɩ, ka ba guu nyʋ, 6ba naapoloo bɩ tinteeŋ jʋa. Ŋɩɩ nɛ wɩa pɔsɛ a ŋmooba, ba sʋʋ, bɛɛ wɩaa ba naapoloo bɩ tinteeŋ jʋa. 7Kʋdoho-la dɔnsʋŋ ma tel sɔsʋŋ tʋɔŋ a nyʋ, sɔsʋ-la waa a nyaga kpʋ, ba bɩ wasa. 8Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.” 9Yesu sɩ magɛ namaga-la dɛrɛ, ŋɩɩ nɛ ʋ bʋl, “Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”
Yesu dagɛ ʋ harɩ-tooroo wɩɩ-la sɩ tɩɩ ʋ yie mɩmagɛ namagaba
Maak 4.10-12; Luuk 8.9-10
10Ŋɩɩ nɛ Yesu harɩ-tooroo kɔ ʋ teeŋ a pɩɛsʋ, “Bɛɛ nɛ tɩɩ ŋ yie kɛŋ namagaba a dɩdagɛ nɩaa?” 11Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee. 12Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa. 13Wɩɩ-la sɩ tɩɩ mɩ yie mɩmagɛ namagaba nɛ ŋ-la:
Ba yie nyilimi nyilimi nɛ aŋ bɩ kʋŋkala wuo na,
a jijegili wɩaa aŋ bɩ wɩɩkala ka nɩɩ, a bɩ wɩalɩŋ bʋbʋɔŋ ma wuo jɩŋ.
14Wɩa sɩ to ʋ wʋlaabʋlla Azaaya lɛ a bʋl wɩalɩŋ, ba wɩaa nɛ ʋ bʋl ŋɩɩ, ba kʋ ŋaa wʋtɩtɩɩ nɛ. Ʋ fa sɩ,
‘Nɩaa deemba jaŋ jegili jegili wɩaa aŋ bɩ wɩɩkala bʋbʋɔŋ wuo jɩŋ,
ba jaŋ nyilimi nyilimi aŋ bɩ kʋŋkala wuo na,
15bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ.
Ba tɔ ba dɩgɩlaa ma nɛ dɩ ba sɩ́ wɩɩkala nɩɩ,
a kɛŋ ba sɩaa ma tɔ dɩ ba sɩ́ kʋŋkala na.
Dɩ ŋɩɩ dee, ba fa jaŋ nɩna,
ba dɩgɩlaa ma fa jaŋ nɩnɩɩ.
Ba fa jaŋ jɩŋ wɩaa bʋbʋɔŋ
a bɩrɩma kɔ mɩ teeŋ dɩ mɩ vaarɛba.’
16Ma-na nyuŋ sɩma nɛ ma sɩaa sɩɩ na, ma dɩgɩlaa ma nɩnɩɩ. 17Mɩ bʋlaa pɩma arɩ Wɩa wʋlaabʋllaa, arɩ nɩalɩŋ dɔnsʋŋ fa sɩɩ to Wɩa, ba yʋga a cho dɩ ba na wɩalɩŋ ma sɩɩ na aŋ bɩ wuo na, a fa cho dɩ ba nɩɩ wɩalɩŋ ma sɩɩ nɩɩ, aŋ bɩ wuo nɩɩ.
Yesu dagɛ kʋduuro namaga-la bʋbʋɔŋ
Maak 4.13-20; Luuk 8.11-15
18Má jegili a nɩɩ kʋduuro namaga-la bʋbʋɔŋ. 19Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ. 20Kɩalɩŋ ma sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie guu laa Wɩa niiŋ wɩalɩŋ dii arɩ tʋɔtɔrʋŋ. 21Ama ba bɩ bɔyɛ kɛnɛ a nagɛ naapolo-la sɩ bɩ tinteeŋ jʋa ŋɩɩ, ba bɩ diene. Dɩ hɛɛŋ nɛ jʋʋba, koo dɩ ba to naasɩŋ dʋdɔgɩsɛba a tɩŋ wɩɩ-la wɩaa, ba tʋɔŋ guu lɩɩ wɩɩ-la lɛ, ba joŋo ta. 22Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ. 23Kɩalɩŋ sɩ tel tintee-zɔmʋŋ lɛ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a jɩŋ ba bʋbʋɔŋ. Wɩalɩŋ kɛŋ doho kɩŋkɛŋ kɩŋkɛŋ ba teeŋ, dɔnsʋŋ nɛŋ zɔlɔ zɔlɔ, dɔnsʋŋ mahɩŋ batori batori, dɔnsʋŋ ma mara arɩ fii fii.”
Yesu magɛ namaga a tɩgɛ baga sɩ kɛŋ yaŋ lɛ
24Ŋɩɩ nɛ Yesu bɩra magɛ namaga dɔŋɔ a pɩba, “Wɩa kuorii-la nagɛ baala sɩ sie nɛ a duu miiriŋ ʋ baga lɛ. 25Tɩtaŋ kʋbala nɩaa kala sɩ pɩŋ doŋ, ʋ dʋndɔmɔ kɛŋ yaŋ kaa mʋ duu hɛ baga-la lɛ aŋ viiri. 26Miiri-la sɩ suomo nyʋ a nɩnɛŋ, yaŋ-la ma nyʋ. 27Ŋɩɩ nɛ baal-la tɩntɩnnaa mʋ a na baga-la a mɩɩra kʋ bʋla pɩ baal-la, ‘La kʋhɩaŋ, ŋ duu kʋzɔŋŋɔɔ nɛ ŋ baga-la lɛ, ka nɩɩ nɛ yaŋ ma lɩɩ?’ 28Ŋɩɩ nɛ ba kʋhɩaŋ-la bʋla pɩba, ‘Ʋ naga mɩ dʋndɔŋ nɛ ŋaa ŋɩɩ.’ Ŋɩɩ nɛ ʋ tɩntɩnna-la pɩɛsʋ, ‘Ŋŋ chɛ dɩ la mʋ a churi yaŋ-la ta nɛɛ?’
29Ŋɩɩ nɛ baal-la bʋl, ‘Aɩ, má leŋ dɩ miiri-la bɩɩ. Dɩ ma nɛ mʋa dɩ ma churi yaŋ-la lɛɛlɛ, ma jaŋ pɛ churi miiri-la dɔnsʋŋ ma ta. 30Dɩ miiri-la nɛ bɩa, mɩ jaŋ leŋ dɩ nɩalɩŋ sɩ jaŋ mʋ kʋŋ miiri-la laa sɩpaaŋ churi yaŋ-la a vɔɔ nyɩgɛ, aŋ-na kʋŋ miiri-la kaa kʋ hɛ mɩ vire lɛ.’ ”
Yesu magɛ namaga a mʋ tɩgɛ kʋdoho kʋbala baa yɩrɛ masɩtad lɛ
Maak 4.30-32; Luuk 13.18-19
31Ŋɩɩ nɛ Yesu bɩra magɛ namaga dɔŋɔ a bʋl, “Wɩa kuorii-la nagɛ baal kʋbala sɩ joŋ kʋdoho kʋbala baa yɩrɛ masɩtad a duu ʋ baga lɛ nɛ. 32Kʋdoho-la nɛ muuro kɩɩ kʋdoho kala sɩ hɛ nɩmɛ. Ama dɩ ʋ nɛ nyʋa, ʋ yie waa a bɩrɩmɛ tɩa nɛ a yʋga kɩɩ baga kʋduuloo kala. Ŋɩɩ nɛ diibiisiŋ yie sagɛ ʋ lɛ a sʋa ba dɛllɩŋ ʋ naakelee lɛ.”
Yesu magɛ namaga a mʋ tɩgɛ sɩbʋrʋŋ lɛ
Luuk 13.20-21
33Yesu bɩra magɛ namaga dɔŋɔ a pɩba a bʋl, “Wɩa kuorii-la nagɛ sɩbʋrʋŋ nɛ haala joŋo hɛ munuŋ sɩ yʋga lɛ, a kaa kuosi, ʋ sii pʋɔra laa muŋ-la kala.”
Yesu dagɛ nɩaa namagaba
Maak 4.33-34
34Dɩ Yesu nɛ fa bʋl wɩɩkala pɩpɩ nɩ-daŋ-la, namaga nɛ ʋ yie magɛ. Ʋ bɩ jaŋ bʋl wɩɩ dɩ ʋ bɩ namaga maga. 35Ʋ ŋaa ŋɩɩ dɩ wɩalɩŋ Wɩa wʋlaabʋlla sɩ bʋla kʋ ŋaa wʋtɩtɩɩ nɛ. Ʋ fa sɩ, “Dɩ mɩ nɛ bʋl wɩaa pɩpɩ nɩaa, mɩ jaŋ magɛ namagaba, mɩ jaŋ bʋl wɩaa sɩ faa a chɩŋ dʋnɩa dɩ-suomuŋ a pɩba.”
Yesu dagɛ namaga-la ʋ sɩ maga a tɩgɛ yaŋ lɛ bʋbʋɔŋ
36Ŋɩɩ nɛ Yesu leŋ nɩ-daŋ-la, aŋ sii jʋʋ dɩa. Ʋ harɩ-tooroo kɔ ʋ teeŋ a bʋl, “Dagɛla namaga-la ŋ sɩ maga a tɩgɛ baga yaŋ lɛ bʋbʋɔŋ.” 37Ŋɩɩ nɛ Yesu bʋl, “Nɩɩ-la sɩ duu miiri-la nɛ ŋaa mɩ-na Nuhuobiine Bie. 38Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa. 39Dʋndɔŋ-la sɩ duu yaŋ-la nɛ ŋaa Sɩtaanɩ. Miiri-la ma kʋmʋŋ nɛ ŋaa dʋnɩa dɩdɛrɩŋ. Nɩalɩŋ ma sɩ kʋŋ miiri-la nɛ ŋaa Wɩa tɩndaaraa. 40Ŋɩɩ ba sɩ hiesi yaŋ-la a nyɩgɛ, ŋɩɩ tɩtɩa nɛ jaŋ ŋaa dʋnɩa dɩdɛrɩŋ. 41Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ 42a joŋo yuo hɛ Wɩa nyiniŋ tʋɔŋ. Lee-la nɛ ba jaŋ yel aŋ pɛ dɩdɩŋ ba nyɩlaa. 43Tʋɔpʋl tɩŋŋaa-na jaŋ tʋtʋl a nagɛ wɩɩpɔsʋŋ sɩɩ tʋl ŋɩɩ ba Nyɩmma Wɩa kuorii-la tʋɔŋ. Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”
Baal-la sɩ pɛrɛ baga a mɔl kɩaa
44Yesu bɩra bʋl, “Wɩa kuorii-la nagɛ ŋ-la nɛ: Baal kʋbala nɛ mʋ pɩpɛrɛ baga a na dɩ sɛlɩmɛ hɛ baga-la lɛ. Ʋ sɩ na sɛlɩmɛ-la, ʋ gbaa tɔ, ʋ tʋɔŋ kala faasa tɔrɛ kɩŋkɛŋ. Ŋɩɩ nɛ ʋ mʋ yallɛ ʋ kɩaa kala a kɛŋ moribie-la a kaa mʋ yɔɔ baga-la.”
Yesu bɩra magɛ namaga a mʋ tɩgɛ bʋ-sɩɩŋ lɛ
45Yesu bɩra sɩ dɩ Wɩa kuorii-la nagɛ bayala sɩ mʋa dɩ ʋ yɔɔ bʋ-sɩaa nɛ. 46Ʋ sɩ na dɔŋɔ dɩ ʋ faasa zɔŋ kɩŋkɛŋ, ʋ mɩɩra mʋ joŋ ʋ kɩaa kala ʋ sɩ kɛnɛ a yallɛ a yɔɔ bʋ-sɩɩ-la.
Yesu magɛ namaga a tɩgɛ jóŋ lɛ
47Yesu bɩra sɩ dɩ Wɩa kuorii-la nagɛ jóŋ nɛ, ba sɩ joŋo yuo hɛ mʋgʋ-balɩŋ tʋɔŋ. Ʋ kɛsɛ chenfil-dosunuŋ. 48Dɩ chenfilee nɛ suo, chenfil-kpʋʋra-la yie kaa lɛrɛ lɩɩ mʋgʋ-balɩŋ niiŋ nɛ a tʋɔsɛ chenfile-la. Ba yie tʋɔsɛ kʋzɔŋŋɔɔ hɛ ba kɩaa lɛ aŋ joŋ kɩalɩŋ sɩ bɩ zɔŋ a yuo ta. 49Ŋ-la nɛ saa ʋ jaŋ nagɛ dʋnɩa dɩdɛrɩŋ. Wɩa tɩndaaraa jaŋ lɩɩ a tʋɔsɛ nɩbɔŋŋɔɔ nɩzɔŋŋɔɔ tʋɔŋ 50a jomba yuo hɛ Wɩa nyiniŋ lɛ. Nɩmɛ nɛ ba jaŋ yel aŋ dɩdɩŋ ba nyɩlaa.
Yesu magɛ namaga a tɩgɛ baal-la sɩ kɛŋ kɩaa ʋ vire lɛ
51Ŋɩɩ nɛ Yesu pɩɛsɛ ʋ harɩ-tooroo a bʋl, “Ma jɩŋ wɩaa deemba kala bʋbʋɔŋ nɛɛ?” Ba sɩ, “Oo.” 52Ŋɩɩ nɛ Yesu bʋla pɩba, “Wɩɩŋ deeŋ daga arɩ nɩɩ-la kala sɩ gʋnnɛ Wɩa teniŋ woruŋ a kʋ ŋaa mɩ harɩ-tooru a ŋaa siri dɩ ʋ jʋʋ Wɩa kuorii-la tʋɔŋ, ʋ tɩɩna nagɛ dɩa tɩɩna sɩ yie chaarɛ mɩɩ-bɩnaa arɩ mɩɩ-falaa nɛ ʋ vire lɛ.”
Ba vɩa Yesu Nazarɛt lɛ
Maak 6.1-6; Luuk 4.16-30
53Yesu sɩ magɛ namaga deemba dɛrɛ, ʋ sii Kapɛnam lɛ 54a mɩɩra mʋ Nazarɛt. Ŋɩɩ nɛ ʋ mʋ dagɛ nɩaa Wɩɩchʋɔlɛ dɩa lɛ. Nɩalɩŋ kala sɩ nɩɩ wɩalɩŋ ʋ sɩ bʋla, ba hirigi. Ŋɩɩ nɛ ba pɩpɩɛsɛ dɔŋɔ, “Nɩɩ nɛ baala deeŋ na wʋjɩmɩŋ deeŋ arɩ wʋduoruŋ deemba kala ŋaanɩŋ? 55Josɛf, kapɩnta-la bie dee ŋɩɩ? Mɛɛrɩ dee bɩ ʋ naaŋ ŋaa? Jeems arɩ Josɛf arɩ Saamɔŋ arɩ Judas, ʋ naambiiriŋ dee ŋɩɩ? 56La dɩ ʋ dɩhaalaa kala dee daha? Nɩɩ lɛ nɛ saa ʋ na wɩaa deemba kala?” 57Ŋɩɩ nɛ ba na baanɩŋ ʋ nyuŋ. Yesu bʋla pɩba, “Dɩ Wɩa wʋlaabʋllʋ nɛ mʋ lee-kala, ba yie zizilu nɛ, ama ʋ jaŋ nɩaa-na sɩɩŋ bɩ ʋ ka su.” 58A tɩŋ ba sɩ bɩ laa dii wɩaa, ʋ bɩ wʋduoruŋ wuo ŋaa yʋgɛ lee-la.
Currently Selected:
Matiu 13: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 13
13
Yesu magɛ namaga a tɩgɛ baala sɩ duu kɩaa lɛ
Maak 4.1-9; Luuk 8.4-8
1Tapʋlɩɩ-la tɩtɩa Yesu lɩɩ dɩa-la lɛ ʋ dɩ ʋ harɩ-tooroo fa sɩ hɔnɔ, a sii mʋ mʋgʋ-balɩŋ niiŋ a hɔŋ nɩmɛ dɩ ʋ dagɛ nɩaa. 2Nɩaa yʋgɛ a kʋ gollu chu. Ŋɩɩ nɛ ʋ sii mʋ jʋʋ lɩɩŋ daboro tʋɔŋ a hɔŋ lɩɩŋ tʋɔŋ, ka nɩ-daŋ-la chɩŋ mʋga niiŋ. 3Ŋɩɩ nɛ ʋ magɛ namagaba a dagɛba wɩaa yʋgɛ. Ʋ namagaba-la dɔŋɔ nɛ ŋ-la: Yesu sɩ: “Baal kʋbala nɛ sie a kɛŋ ʋ kʋdoho kaa lɩɩ dɩ ʋ mɩsɛ. 4Ʋ sɩɩ mɩsɛ ŋɩɩ, kʋdoho-la dɔnsʋŋ tel wombiiŋ tʋɔŋ. Diibiisiŋ kʋ tʋɔsa dii. 5Dɔnsʋŋ ma tel kpagɩnyɩlɩŋ nyuŋ. Hagɩla sɩ bɩ yʋgɛ ŋɩɩ, ka ba guu nyʋ, 6ba naapoloo bɩ tinteeŋ jʋa. Ŋɩɩ nɛ wɩa pɔsɛ a ŋmooba, ba sʋʋ, bɛɛ wɩaa ba naapoloo bɩ tinteeŋ jʋa. 7Kʋdoho-la dɔnsʋŋ ma tel sɔsʋŋ tʋɔŋ a nyʋ, sɔsʋ-la waa a nyaga kpʋ, ba bɩ wasa. 8Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.” 9Yesu sɩ magɛ namaga-la dɛrɛ, ŋɩɩ nɛ ʋ bʋl, “Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”
Yesu dagɛ ʋ harɩ-tooroo wɩɩ-la sɩ tɩɩ ʋ yie mɩmagɛ namagaba
Maak 4.10-12; Luuk 8.9-10
10Ŋɩɩ nɛ Yesu harɩ-tooroo kɔ ʋ teeŋ a pɩɛsʋ, “Bɛɛ nɛ tɩɩ ŋ yie kɛŋ namagaba a dɩdagɛ nɩaa?” 11Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee. 12Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa. 13Wɩɩ-la sɩ tɩɩ mɩ yie mɩmagɛ namagaba nɛ ŋ-la:
Ba yie nyilimi nyilimi nɛ aŋ bɩ kʋŋkala wuo na,
a jijegili wɩaa aŋ bɩ wɩɩkala ka nɩɩ, a bɩ wɩalɩŋ bʋbʋɔŋ ma wuo jɩŋ.
14Wɩa sɩ to ʋ wʋlaabʋlla Azaaya lɛ a bʋl wɩalɩŋ, ba wɩaa nɛ ʋ bʋl ŋɩɩ, ba kʋ ŋaa wʋtɩtɩɩ nɛ. Ʋ fa sɩ,
‘Nɩaa deemba jaŋ jegili jegili wɩaa aŋ bɩ wɩɩkala bʋbʋɔŋ wuo jɩŋ,
ba jaŋ nyilimi nyilimi aŋ bɩ kʋŋkala wuo na,
15bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ.
Ba tɔ ba dɩgɩlaa ma nɛ dɩ ba sɩ́ wɩɩkala nɩɩ,
a kɛŋ ba sɩaa ma tɔ dɩ ba sɩ́ kʋŋkala na.
Dɩ ŋɩɩ dee, ba fa jaŋ nɩna,
ba dɩgɩlaa ma fa jaŋ nɩnɩɩ.
Ba fa jaŋ jɩŋ wɩaa bʋbʋɔŋ
a bɩrɩma kɔ mɩ teeŋ dɩ mɩ vaarɛba.’
16Ma-na nyuŋ sɩma nɛ ma sɩaa sɩɩ na, ma dɩgɩlaa ma nɩnɩɩ. 17Mɩ bʋlaa pɩma arɩ Wɩa wʋlaabʋllaa, arɩ nɩalɩŋ dɔnsʋŋ fa sɩɩ to Wɩa, ba yʋga a cho dɩ ba na wɩalɩŋ ma sɩɩ na aŋ bɩ wuo na, a fa cho dɩ ba nɩɩ wɩalɩŋ ma sɩɩ nɩɩ, aŋ bɩ wuo nɩɩ.
Yesu dagɛ kʋduuro namaga-la bʋbʋɔŋ
Maak 4.13-20; Luuk 8.11-15
18Má jegili a nɩɩ kʋduuro namaga-la bʋbʋɔŋ. 19Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ. 20Kɩalɩŋ ma sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie guu laa Wɩa niiŋ wɩalɩŋ dii arɩ tʋɔtɔrʋŋ. 21Ama ba bɩ bɔyɛ kɛnɛ a nagɛ naapolo-la sɩ bɩ tinteeŋ jʋa ŋɩɩ, ba bɩ diene. Dɩ hɛɛŋ nɛ jʋʋba, koo dɩ ba to naasɩŋ dʋdɔgɩsɛba a tɩŋ wɩɩ-la wɩaa, ba tʋɔŋ guu lɩɩ wɩɩ-la lɛ, ba joŋo ta. 22Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ. 23Kɩalɩŋ sɩ tel tintee-zɔmʋŋ lɛ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a jɩŋ ba bʋbʋɔŋ. Wɩalɩŋ kɛŋ doho kɩŋkɛŋ kɩŋkɛŋ ba teeŋ, dɔnsʋŋ nɛŋ zɔlɔ zɔlɔ, dɔnsʋŋ mahɩŋ batori batori, dɔnsʋŋ ma mara arɩ fii fii.”
Yesu magɛ namaga a tɩgɛ baga sɩ kɛŋ yaŋ lɛ
24Ŋɩɩ nɛ Yesu bɩra magɛ namaga dɔŋɔ a pɩba, “Wɩa kuorii-la nagɛ baala sɩ sie nɛ a duu miiriŋ ʋ baga lɛ. 25Tɩtaŋ kʋbala nɩaa kala sɩ pɩŋ doŋ, ʋ dʋndɔmɔ kɛŋ yaŋ kaa mʋ duu hɛ baga-la lɛ aŋ viiri. 26Miiri-la sɩ suomo nyʋ a nɩnɛŋ, yaŋ-la ma nyʋ. 27Ŋɩɩ nɛ baal-la tɩntɩnnaa mʋ a na baga-la a mɩɩra kʋ bʋla pɩ baal-la, ‘La kʋhɩaŋ, ŋ duu kʋzɔŋŋɔɔ nɛ ŋ baga-la lɛ, ka nɩɩ nɛ yaŋ ma lɩɩ?’ 28Ŋɩɩ nɛ ba kʋhɩaŋ-la bʋla pɩba, ‘Ʋ naga mɩ dʋndɔŋ nɛ ŋaa ŋɩɩ.’ Ŋɩɩ nɛ ʋ tɩntɩnna-la pɩɛsʋ, ‘Ŋŋ chɛ dɩ la mʋ a churi yaŋ-la ta nɛɛ?’
29Ŋɩɩ nɛ baal-la bʋl, ‘Aɩ, má leŋ dɩ miiri-la bɩɩ. Dɩ ma nɛ mʋa dɩ ma churi yaŋ-la lɛɛlɛ, ma jaŋ pɛ churi miiri-la dɔnsʋŋ ma ta. 30Dɩ miiri-la nɛ bɩa, mɩ jaŋ leŋ dɩ nɩalɩŋ sɩ jaŋ mʋ kʋŋ miiri-la laa sɩpaaŋ churi yaŋ-la a vɔɔ nyɩgɛ, aŋ-na kʋŋ miiri-la kaa kʋ hɛ mɩ vire lɛ.’ ”
Yesu magɛ namaga a mʋ tɩgɛ kʋdoho kʋbala baa yɩrɛ masɩtad lɛ
Maak 4.30-32; Luuk 13.18-19
31Ŋɩɩ nɛ Yesu bɩra magɛ namaga dɔŋɔ a bʋl, “Wɩa kuorii-la nagɛ baal kʋbala sɩ joŋ kʋdoho kʋbala baa yɩrɛ masɩtad a duu ʋ baga lɛ nɛ. 32Kʋdoho-la nɛ muuro kɩɩ kʋdoho kala sɩ hɛ nɩmɛ. Ama dɩ ʋ nɛ nyʋa, ʋ yie waa a bɩrɩmɛ tɩa nɛ a yʋga kɩɩ baga kʋduuloo kala. Ŋɩɩ nɛ diibiisiŋ yie sagɛ ʋ lɛ a sʋa ba dɛllɩŋ ʋ naakelee lɛ.”
Yesu magɛ namaga a mʋ tɩgɛ sɩbʋrʋŋ lɛ
Luuk 13.20-21
33Yesu bɩra magɛ namaga dɔŋɔ a pɩba a bʋl, “Wɩa kuorii-la nagɛ sɩbʋrʋŋ nɛ haala joŋo hɛ munuŋ sɩ yʋga lɛ, a kaa kuosi, ʋ sii pʋɔra laa muŋ-la kala.”
Yesu dagɛ nɩaa namagaba
Maak 4.33-34
34Dɩ Yesu nɛ fa bʋl wɩɩkala pɩpɩ nɩ-daŋ-la, namaga nɛ ʋ yie magɛ. Ʋ bɩ jaŋ bʋl wɩɩ dɩ ʋ bɩ namaga maga. 35Ʋ ŋaa ŋɩɩ dɩ wɩalɩŋ Wɩa wʋlaabʋlla sɩ bʋla kʋ ŋaa wʋtɩtɩɩ nɛ. Ʋ fa sɩ, “Dɩ mɩ nɛ bʋl wɩaa pɩpɩ nɩaa, mɩ jaŋ magɛ namagaba, mɩ jaŋ bʋl wɩaa sɩ faa a chɩŋ dʋnɩa dɩ-suomuŋ a pɩba.”
Yesu dagɛ namaga-la ʋ sɩ maga a tɩgɛ yaŋ lɛ bʋbʋɔŋ
36Ŋɩɩ nɛ Yesu leŋ nɩ-daŋ-la, aŋ sii jʋʋ dɩa. Ʋ harɩ-tooroo kɔ ʋ teeŋ a bʋl, “Dagɛla namaga-la ŋ sɩ maga a tɩgɛ baga yaŋ lɛ bʋbʋɔŋ.” 37Ŋɩɩ nɛ Yesu bʋl, “Nɩɩ-la sɩ duu miiri-la nɛ ŋaa mɩ-na Nuhuobiine Bie. 38Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa. 39Dʋndɔŋ-la sɩ duu yaŋ-la nɛ ŋaa Sɩtaanɩ. Miiri-la ma kʋmʋŋ nɛ ŋaa dʋnɩa dɩdɛrɩŋ. Nɩalɩŋ ma sɩ kʋŋ miiri-la nɛ ŋaa Wɩa tɩndaaraa. 40Ŋɩɩ ba sɩ hiesi yaŋ-la a nyɩgɛ, ŋɩɩ tɩtɩa nɛ jaŋ ŋaa dʋnɩa dɩdɛrɩŋ. 41Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ 42a joŋo yuo hɛ Wɩa nyiniŋ tʋɔŋ. Lee-la nɛ ba jaŋ yel aŋ pɛ dɩdɩŋ ba nyɩlaa. 43Tʋɔpʋl tɩŋŋaa-na jaŋ tʋtʋl a nagɛ wɩɩpɔsʋŋ sɩɩ tʋl ŋɩɩ ba Nyɩmma Wɩa kuorii-la tʋɔŋ. Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”
Baal-la sɩ pɛrɛ baga a mɔl kɩaa
44Yesu bɩra bʋl, “Wɩa kuorii-la nagɛ ŋ-la nɛ: Baal kʋbala nɛ mʋ pɩpɛrɛ baga a na dɩ sɛlɩmɛ hɛ baga-la lɛ. Ʋ sɩ na sɛlɩmɛ-la, ʋ gbaa tɔ, ʋ tʋɔŋ kala faasa tɔrɛ kɩŋkɛŋ. Ŋɩɩ nɛ ʋ mʋ yallɛ ʋ kɩaa kala a kɛŋ moribie-la a kaa mʋ yɔɔ baga-la.”
Yesu bɩra magɛ namaga a mʋ tɩgɛ bʋ-sɩɩŋ lɛ
45Yesu bɩra sɩ dɩ Wɩa kuorii-la nagɛ bayala sɩ mʋa dɩ ʋ yɔɔ bʋ-sɩaa nɛ. 46Ʋ sɩ na dɔŋɔ dɩ ʋ faasa zɔŋ kɩŋkɛŋ, ʋ mɩɩra mʋ joŋ ʋ kɩaa kala ʋ sɩ kɛnɛ a yallɛ a yɔɔ bʋ-sɩɩ-la.
Yesu magɛ namaga a tɩgɛ jóŋ lɛ
47Yesu bɩra sɩ dɩ Wɩa kuorii-la nagɛ jóŋ nɛ, ba sɩ joŋo yuo hɛ mʋgʋ-balɩŋ tʋɔŋ. Ʋ kɛsɛ chenfil-dosunuŋ. 48Dɩ chenfilee nɛ suo, chenfil-kpʋʋra-la yie kaa lɛrɛ lɩɩ mʋgʋ-balɩŋ niiŋ nɛ a tʋɔsɛ chenfile-la. Ba yie tʋɔsɛ kʋzɔŋŋɔɔ hɛ ba kɩaa lɛ aŋ joŋ kɩalɩŋ sɩ bɩ zɔŋ a yuo ta. 49Ŋ-la nɛ saa ʋ jaŋ nagɛ dʋnɩa dɩdɛrɩŋ. Wɩa tɩndaaraa jaŋ lɩɩ a tʋɔsɛ nɩbɔŋŋɔɔ nɩzɔŋŋɔɔ tʋɔŋ 50a jomba yuo hɛ Wɩa nyiniŋ lɛ. Nɩmɛ nɛ ba jaŋ yel aŋ dɩdɩŋ ba nyɩlaa.
Yesu magɛ namaga a tɩgɛ baal-la sɩ kɛŋ kɩaa ʋ vire lɛ
51Ŋɩɩ nɛ Yesu pɩɛsɛ ʋ harɩ-tooroo a bʋl, “Ma jɩŋ wɩaa deemba kala bʋbʋɔŋ nɛɛ?” Ba sɩ, “Oo.” 52Ŋɩɩ nɛ Yesu bʋla pɩba, “Wɩɩŋ deeŋ daga arɩ nɩɩ-la kala sɩ gʋnnɛ Wɩa teniŋ woruŋ a kʋ ŋaa mɩ harɩ-tooru a ŋaa siri dɩ ʋ jʋʋ Wɩa kuorii-la tʋɔŋ, ʋ tɩɩna nagɛ dɩa tɩɩna sɩ yie chaarɛ mɩɩ-bɩnaa arɩ mɩɩ-falaa nɛ ʋ vire lɛ.”
Ba vɩa Yesu Nazarɛt lɛ
Maak 6.1-6; Luuk 4.16-30
53Yesu sɩ magɛ namaga deemba dɛrɛ, ʋ sii Kapɛnam lɛ 54a mɩɩra mʋ Nazarɛt. Ŋɩɩ nɛ ʋ mʋ dagɛ nɩaa Wɩɩchʋɔlɛ dɩa lɛ. Nɩalɩŋ kala sɩ nɩɩ wɩalɩŋ ʋ sɩ bʋla, ba hirigi. Ŋɩɩ nɛ ba pɩpɩɛsɛ dɔŋɔ, “Nɩɩ nɛ baala deeŋ na wʋjɩmɩŋ deeŋ arɩ wʋduoruŋ deemba kala ŋaanɩŋ? 55Josɛf, kapɩnta-la bie dee ŋɩɩ? Mɛɛrɩ dee bɩ ʋ naaŋ ŋaa? Jeems arɩ Josɛf arɩ Saamɔŋ arɩ Judas, ʋ naambiiriŋ dee ŋɩɩ? 56La dɩ ʋ dɩhaalaa kala dee daha? Nɩɩ lɛ nɛ saa ʋ na wɩaa deemba kala?” 57Ŋɩɩ nɛ ba na baanɩŋ ʋ nyuŋ. Yesu bʋla pɩba, “Dɩ Wɩa wʋlaabʋllʋ nɛ mʋ lee-kala, ba yie zizilu nɛ, ama ʋ jaŋ nɩaa-na sɩɩŋ bɩ ʋ ka su.” 58A tɩŋ ba sɩ bɩ laa dii wɩaa, ʋ bɩ wʋduoruŋ wuo ŋaa yʋgɛ lee-la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014