HOSIA 4
4
La TƖƖNA kɛŋ wɩɩ nɛ arɩ Iziral tɩŋŋaa
1Iziral tɩmma, má nɩɩ wɩɩ-la La TƖƖNA sɩ bʋla,
La TƖƖNA kɛŋ wɩɩ nɛ a kʋkɔ
dɩ ʋ hɛ ma nɩalɩŋ sɩ hɛ tintee-la lɛ.
Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho.
Tintee-la lɛ, ma bɩ jɩŋ arɩ mɩ nɛ Wɩa.
2Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa,
a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma.
Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ,
a kpʋ nɩaa tɩtɩgɛ dɔŋɔ lɛ.
3Ŋɩɩ wɩaa nɛ tɩɩ tintee-la nɩaa yel,
a kala jɩjagɛ.
Baga kɩaa arɩ diibiisiŋ sɩɩ zaarɛ wɩa-nyuŋ
arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.
4Ama má sɩ́ leŋe dɩ nʋʋkala joŋ cheeriŋ pɩ ʋ dɔŋɔ,
a sɩ́ leŋe dɩ nʋʋkala nyaŋ ʋ dɔŋɔ tɩɩna,
bɛɛ wɩaa mɩ dɩ Wɩɩsʋllɩ sɩpaalaaraa nɛ kɛŋ wɩɩ.
5Ma-na Wɩɩsʋllɩ sɩpaalaaraa yie ŋmoo naaŋ nɛ wɩɩhɛyɛ arɩ tɩtaŋɩŋ kala,
mɩ wʋlaabʋllaa maa ŋaa ŋɩɩ tɩtɩa.
Ŋɩɩ wɩaa mɩ jaŋ chei ma naaŋ Iziral.
6Wɩaa jaŋ chei mɩ nɩaa a tɩŋ ba sɩ bɩ mɩ jɩŋ.
Ma sɩ vɩa dɩ ma jɩmmɛ ŋɩɩ,
mɩ ma vɩama nɛ arɩ ma ŋaa Wɩɩsʋllɩ sɩpaalaaraa.
Ma sɩ vɩa mɩ wombii-la mɩ sɩ bile dɩ ma tuto ŋɩɩ,
mɩ ma jaŋ vɩa ma biiriŋ.
7Ŋɩɩ Wɩɩsʋllɩ sɩpaalaaraa sɩ pʋŋa pɛ,
ŋɩɩ tɩtɩa nɛ ba ŋɩŋaa wʋbɔŋŋɔɔ ma mɩ lɛ.
Ba joŋ ba yɩrɩŋ a lenni kʋŋ sɩ kɛŋ hɩɩsɩŋ nɛ.
8Mɩ nɩaa wʋbɔŋŋɔɔ ŋaanɩŋ lɛ nɛ
Wɩɩsʋllɩ sɩpaalaaraa to didii kɩaa.
Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.
9Nɩalɩŋ sɩ nagɛ ŋɩɩ, ŋɩɩ tɩtɩa nɛ Wɩɩsʋllɩ sɩpaalaaraa ma nagɛ.
Mɩ jaŋ dɔgɩsɛ ba kala a tɩŋ wombie-la ba sɩɩ to wɩaa,
a joŋ ba wʋŋaalaa chɩmɩŋ tiŋ ba lɛ.
10Ba jaŋ dii kɩaa aŋ bɩ vɔgɛ.
Ba jaŋ joŋ ba tɩtɩa hɛ wʋlɩɩlɩŋ ŋaanɩŋ lɛ, ama ba bɩ jaŋ pʋŋ,
bɛɛ wɩaa ba vɩa dɩ ba joŋ ba tɩtɩa pɩ mɩ-na ba TƖƖNA nɛ
aŋ joŋ ba tɩtɩa pɩ 11vesiŋ a nyʋnyʋa sɩ-yele arɩ sɩ-huoŋ
sɩ yie leŋ mɩ nɩaa 12bɩ wɩaa sɩaa jɩŋ.
Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa.
Ba wʋlɩɩlɩŋ ŋaanɩŋ kɛmba yeŋŋi nɛ.
Ba bɩ wʋtɩtɩɩ kɛnɛ mɩ-na ba Wɩa teeŋ.
13Ba yie kpaarɛ vʋɩyaa peelee nyuŋ,
a nyɩgɛ kʋsʋɔrʋsʋŋ dundolluŋ nyuŋ,
arɩ tɩɩsɩŋ sɩ kɛŋ fɩɛlɩŋ bʋbʋɔŋ.
Ŋɩɩ wɩaa ma toloo ŋɩŋaa hachɔrʋŋ wɩaa,
ma bii-haalaa ma chɩchɛ nɩaa balaba.
14Mɩ bɩ jaŋ dɔgɩsɛ ma toloo
dɩ ba nɩɩ ŋaa wʋlɩɩlɩŋ,
koo ma bii-haalaa
dɩ ba nɩɩ ŋaa hachɔrʋŋ wɩaa,
bɛɛ wɩaa baala-la ma tɩtɩa mʋ hachɔrʋmɔ-la leriŋ nɛ
a kpaarɛ vene a ŋɩŋaa wʋlɩɩlɩŋ.
Nɩalɩŋ sɩ bɩ wɩaa sɩaa jɩŋ jaŋ chei ba tɩtɩa.
15Iziral tɩmma, ma sɩ ŋaa hachɔrʋŋ wɩalɩŋ,
Juda nɩaa bɩ maga dɩ ba ŋaa ŋɩɩ, a laa cheeriŋ.
Má sɩ́ Gɩlɩgal mʋ,
má sɩ́ Bɛf Avɛŋ ma jɩl,
a sɩ́ bʋl, ‘La ŋmɩɛsɛ La TƖƖNA.’
16Iziral tɩŋŋaa nyuŋ dolie
a nagɛ nɛ-pa-werigiŋ nɛ.
Ɛɛ nɛ saa La TƖƖNA jaŋ wuo dɩɛsɛba
a nagɛ pie-biisiŋ sɩ hɛ pʋsʋŋ dɩ-diiliŋ?
17Efirem joŋ ʋ tɩtɩa hɛ vʋɩyaa lɛ nɛ,
má leŋu nɩmɛ.
18Dɩ ba nɛ nyʋa sɩnɩŋ bugi woruŋ,
ba yie bɩra ŋaa wʋlɩɩlɩŋ.
Ba sɩpaalaaraa chaasa cho hɩɩsɛ wɩaa ŋaanɩŋ nɛ.
19Pel-vinvilimiŋ jaŋ paaba kaa viiri
dɩ ba vʋɩ-kpaarɩŋ ma leŋ dɩ hɩɩsɩŋ diiba.”
Currently Selected:
HOSIA 4: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
HOSIA 4
4
La TƖƖNA kɛŋ wɩɩ nɛ arɩ Iziral tɩŋŋaa
1Iziral tɩmma, má nɩɩ wɩɩ-la La TƖƖNA sɩ bʋla,
La TƖƖNA kɛŋ wɩɩ nɛ a kʋkɔ
dɩ ʋ hɛ ma nɩalɩŋ sɩ hɛ tintee-la lɛ.
Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho.
Tintee-la lɛ, ma bɩ jɩŋ arɩ mɩ nɛ Wɩa.
2Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa,
a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma.
Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ,
a kpʋ nɩaa tɩtɩgɛ dɔŋɔ lɛ.
3Ŋɩɩ wɩaa nɛ tɩɩ tintee-la nɩaa yel,
a kala jɩjagɛ.
Baga kɩaa arɩ diibiisiŋ sɩɩ zaarɛ wɩa-nyuŋ
arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.
4Ama má sɩ́ leŋe dɩ nʋʋkala joŋ cheeriŋ pɩ ʋ dɔŋɔ,
a sɩ́ leŋe dɩ nʋʋkala nyaŋ ʋ dɔŋɔ tɩɩna,
bɛɛ wɩaa mɩ dɩ Wɩɩsʋllɩ sɩpaalaaraa nɛ kɛŋ wɩɩ.
5Ma-na Wɩɩsʋllɩ sɩpaalaaraa yie ŋmoo naaŋ nɛ wɩɩhɛyɛ arɩ tɩtaŋɩŋ kala,
mɩ wʋlaabʋllaa maa ŋaa ŋɩɩ tɩtɩa.
Ŋɩɩ wɩaa mɩ jaŋ chei ma naaŋ Iziral.
6Wɩaa jaŋ chei mɩ nɩaa a tɩŋ ba sɩ bɩ mɩ jɩŋ.
Ma sɩ vɩa dɩ ma jɩmmɛ ŋɩɩ,
mɩ ma vɩama nɛ arɩ ma ŋaa Wɩɩsʋllɩ sɩpaalaaraa.
Ma sɩ vɩa mɩ wombii-la mɩ sɩ bile dɩ ma tuto ŋɩɩ,
mɩ ma jaŋ vɩa ma biiriŋ.
7Ŋɩɩ Wɩɩsʋllɩ sɩpaalaaraa sɩ pʋŋa pɛ,
ŋɩɩ tɩtɩa nɛ ba ŋɩŋaa wʋbɔŋŋɔɔ ma mɩ lɛ.
Ba joŋ ba yɩrɩŋ a lenni kʋŋ sɩ kɛŋ hɩɩsɩŋ nɛ.
8Mɩ nɩaa wʋbɔŋŋɔɔ ŋaanɩŋ lɛ nɛ
Wɩɩsʋllɩ sɩpaalaaraa to didii kɩaa.
Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.
9Nɩalɩŋ sɩ nagɛ ŋɩɩ, ŋɩɩ tɩtɩa nɛ Wɩɩsʋllɩ sɩpaalaaraa ma nagɛ.
Mɩ jaŋ dɔgɩsɛ ba kala a tɩŋ wombie-la ba sɩɩ to wɩaa,
a joŋ ba wʋŋaalaa chɩmɩŋ tiŋ ba lɛ.
10Ba jaŋ dii kɩaa aŋ bɩ vɔgɛ.
Ba jaŋ joŋ ba tɩtɩa hɛ wʋlɩɩlɩŋ ŋaanɩŋ lɛ, ama ba bɩ jaŋ pʋŋ,
bɛɛ wɩaa ba vɩa dɩ ba joŋ ba tɩtɩa pɩ mɩ-na ba TƖƖNA nɛ
aŋ joŋ ba tɩtɩa pɩ 11vesiŋ a nyʋnyʋa sɩ-yele arɩ sɩ-huoŋ
sɩ yie leŋ mɩ nɩaa 12bɩ wɩaa sɩaa jɩŋ.
Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa.
Ba wʋlɩɩlɩŋ ŋaanɩŋ kɛmba yeŋŋi nɛ.
Ba bɩ wʋtɩtɩɩ kɛnɛ mɩ-na ba Wɩa teeŋ.
13Ba yie kpaarɛ vʋɩyaa peelee nyuŋ,
a nyɩgɛ kʋsʋɔrʋsʋŋ dundolluŋ nyuŋ,
arɩ tɩɩsɩŋ sɩ kɛŋ fɩɛlɩŋ bʋbʋɔŋ.
Ŋɩɩ wɩaa ma toloo ŋɩŋaa hachɔrʋŋ wɩaa,
ma bii-haalaa ma chɩchɛ nɩaa balaba.
14Mɩ bɩ jaŋ dɔgɩsɛ ma toloo
dɩ ba nɩɩ ŋaa wʋlɩɩlɩŋ,
koo ma bii-haalaa
dɩ ba nɩɩ ŋaa hachɔrʋŋ wɩaa,
bɛɛ wɩaa baala-la ma tɩtɩa mʋ hachɔrʋmɔ-la leriŋ nɛ
a kpaarɛ vene a ŋɩŋaa wʋlɩɩlɩŋ.
Nɩalɩŋ sɩ bɩ wɩaa sɩaa jɩŋ jaŋ chei ba tɩtɩa.
15Iziral tɩmma, ma sɩ ŋaa hachɔrʋŋ wɩalɩŋ,
Juda nɩaa bɩ maga dɩ ba ŋaa ŋɩɩ, a laa cheeriŋ.
Má sɩ́ Gɩlɩgal mʋ,
má sɩ́ Bɛf Avɛŋ ma jɩl,
a sɩ́ bʋl, ‘La ŋmɩɛsɛ La TƖƖNA.’
16Iziral tɩŋŋaa nyuŋ dolie
a nagɛ nɛ-pa-werigiŋ nɛ.
Ɛɛ nɛ saa La TƖƖNA jaŋ wuo dɩɛsɛba
a nagɛ pie-biisiŋ sɩ hɛ pʋsʋŋ dɩ-diiliŋ?
17Efirem joŋ ʋ tɩtɩa hɛ vʋɩyaa lɛ nɛ,
má leŋu nɩmɛ.
18Dɩ ba nɛ nyʋa sɩnɩŋ bugi woruŋ,
ba yie bɩra ŋaa wʋlɩɩlɩŋ.
Ba sɩpaalaaraa chaasa cho hɩɩsɛ wɩaa ŋaanɩŋ nɛ.
19Pel-vinvilimiŋ jaŋ paaba kaa viiri
dɩ ba vʋɩ-kpaarɩŋ ma leŋ dɩ hɩɩsɩŋ diiba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014